Applegreen (已結業)

這日和友人在新世紀買東西，午餐便順便在這裡吃。我們想吃的清淡健康點，最後選了這間Applegreen。這裡環境裝修很清新，令人坐得很舒服。我們都點了lunch set，包湯或沙律，主菜和咖啡或茶。我們對要了湯，這日的湯是茄子湯。味道不錯，湯中有茄子蓉，但不會太杰。 (3/5)主菜要了香煎龍俐柳配青芥辣薯蓉。魚肉肉質吃起到不錯，夠實又多汁；薄薄的脆煎皮下有少量日式芥辣，好吃。薯蓉香滑，芥辣味剛好，不會太辣或把薯味蓋過。(4/5)熱咖啡，很淡，聞起來只有淡淡的咖啡香，但喝下卻連咖啡味也幾乎沒有。(1/5)

慶祝好久沒見的姊妹生日 選了這間特別的餐廳從門面看起來 白白的 好像很寧願的樣子進去之後 裝潢看起來很舒服 很自在從菜單上點了兩樣主菜煎三文魚 + 芝士通心粉三文魚很香, 不會太熟, 肉質蠻不錯通心粉熱熱的時候, 很好吃, 芝士味很香但放涼之後 芝士醬汁都乾了 不好吃了我覺得芝士醬還是再稀一點會比較好吃呢之後點了一個迷你的甜品拼盆裡面有 焦糖燉蛋 蘋果批 冰淇淋系列焦糖燉蛋 :: 香香的焦糖味 糖和蛋都不會太甜 好好吃!!蘋果批 :: 淡淡的蘋果果肉 加了一點肉桂粉 不錯!冰淇淋系列 :: 先是香香的香草雪糕再來兩個雪糕波, 只可惜巧克力脆片好硬一點都不脆, 要超大力咬才咬開呢!!! 整體上, 是不錯的朋友聚會地點舒服安靜的環境, 讓朋友們可以聊天情侶們也可以有情調的談心喔

話說食過 Applegreen 幾次, 成日諗住寫佢嘅食評, 但係都唔記得....趁今日好得閒, 等我即刻補返先....星期六瞓醒, 就中去試試佢地既 Weekend Brunch Set.淨係 Saturday, Sunday 同 Public Holidays 先有㗎...Menu 上面講明係 serve American Size 㗎喎, 即係唔謊細碟... 我地叫咗個 Sesame Orange Chicken Salad, 加州棒棒雞沙律 (半份)好食! 薄脆同橙竟然可以咁夾, 估佢唔倒呀! 唔怪得叫自己做 "House of Salad" 啦, 果然惦!至於 Soup of the day, 係豆湯... 唔係太鐘意, 因為太濃...值得一提既係跟沙律既蛋糕, 要同店員要求先至會附上㗎, 唔出聲就無㗎喇... 跟住緊係主角出場啦!!!!!! 先黎個 (( EGGS BENEDICT ))就係因為食咗佢呢到既 Eggs Benedict, 覺得好好食, 所以自己上網學整...切開水波蛋, 漏出嚟既蛋汁配合埋煙肉同蘆筍, 加埋烘過既 Muffin.... 正呀!! 另一位主

晚餐carbonara: creamy, 味道ok, 不過好少配料干蕃茄spahgetti: 味道ok, 不過完全冇配料的, 只有sauce+意粉shrimp pizza: cheese好味, 味道ok, 蝦算大隻牛油果蟹肉salad: 一上菜被嚇親, 以$148比呢個份量實在太姑寒了, 成個salad只有青瓜, 冇其他菜, 牛油果份量連一個牛油果都冇, 而蟹肉就攪碎搓成球狀, 好似貓糧咁樣...雞翼: 個人認為bbq sauce太濃味總括: 所有食物味道ok, 份量可接受, 但貴價配料如carbonara的煙肉, 牛油果蟹肉salad的牛油果, 份量就太少, 姑寒的applegreen!試1次就夠, 應該唔會有第2次喇!

請唔好比我個標題誤導左 其實是晚係 終於 睇harry potter大結局@新世紀個戲院 所以個標題要改做 harry 慶祝下!!!而睇戲前要重溫返上1集講麥 而之前去過銅鑼灣間applegreen 覺得佢ok! 所以是晚選擇左呢度一路食飯一路對住部電腦仔睇harry~~~環境都不錯 檯面鋪晒白紙 夠乾凈 可以放心擺部電腦仔上去睇叫左杯可以refill的凍檸茶&檸檬特飲唔記得個名exactly 不過個staff介紹檸檬特飲就話係檸檬青檸嘮埋酸酸甜甜甘一飲 evil即刻話: 即係凍檸水囉 haha18...HONEY BARBECUE CHICKEN WINGS - 好甜 好香 好脆 好多汁 好多隻 好多菜 好好味BOLOGNESE SPAGHETTI - 好大碟好 bolognese 連舊garlic bread都大過人 SOFT TACOS (2 Beef Loin Cubes | 2 Deep Fried Halibut Fillets | Salsa Verde) - 砌得幾靚 好多生洋荵 牛肉粒好味 個taco真係夠soft 個魚炸得唔厚 好香口 個綠色汁辣既 所以淨係加番茄

今次同行共8人第一次來Apple Green, 有訂枱服務所以不用等位。服務生態度良好。環境舒適。座位有前客人遺留的食物碎。熱辣辣蒜蓉包 - 香脆也夠蒜蓉醬羅勒蒜蓉蝦薄餅 - 脆薄皮，足料蝦蜜糖烤雞翼 - 蜜糖味道不太濃茄汁肉丸 - 是牛肉製的，味道適中明太子意太利麵 / 香草伴蒜意大利麵麵質煙韌有口感，麵汁香口好味，隨麵附上的蒜蓉包則不夠新鮮不脆口。墨西哥軟餅/牛柳粒/炸比目魚柳軟餅不太厚，牛柳粒很穌，魚柳冇口感冇鮮味香燒三文魚番薯蓉三文魚味道不夠，番薯蓉用了濃香的配料來製，夾埋一齊食味道可以均衡番。

Pre-birthday dinner with colleagues炸磨菇松露醬 最得係呢樣丫 雖然好漏 不過好有菇香喉嚨痛都食到LAM LAM脷味道一般肉丸比起又平又好食的IKEA差 一大截, 一咬即散極度一舨的意粉明太子 煙肉蛋意粉 仲以為煙肉蛋會好似carbonara咁融合到意粉到點知佢竟然咁上法................... 不過明太子意粉都係好食既-.-三文魚扒 蕃薯蓉竟然係配芥蘭, 零美感......亦唔覺係creative極漏的一味芝士焗通粉總括而言覺得索價與出品不成正比, 晚餐來說實在不滿意!有機會才再來輕嚐下午茶吧 ~.~

緣起今天，我們架上了眼鏡，曉得在彎腰時彎腰，不再蹦蹦跳跳。我們不常見面，一見，感覺如初──在那個沒有機心、沒有算計的純真年代，我們的眼睛黑白分明，腰肢挺直，步履輕盈。我們的歲月如歌。今天，唯有你，與你相處，能讓我尋著我，早已失落的純真……是夜與 J 飯聚，還有久未碰面的 B，三個相識十數載的女子聚首話當年 。J 欲嘗日本菜卻選址旺角，我搜索枯腸，想不到好食肆，也無法說服自己接受港式日本料理，只好改吃西餐。最後三人來到親民的蘋果綠。六時半入座，店員表示七時四十五分得結帳 (註：沒訂座的「規矩」) ──想促膝長談？飯後另覓場地罷。閱畢餐牌，B 挑了加州棒棒雞沙律、芝蔴薑汁 (半份) ($63)，J 選了墨西哥卷 ($132)，我則要明太子意粉 ($108)，大家分著吃。三款食物居然填飽了我們的肚子，全因兩位好友非常「節制」；而我，依舊是食量最大的一位。食物很快上桌。雖名「加州」，這沙律實乃東南亞風味，材料有雞胸肉、生菜、洋蔥、甘筍、青瓜、橙和薄脆 (炸雲吞皮)，一一切成絲或片狀，並以炸米粉和蕃荽裝飾。菜蔬新鮮，可是不夠冰凍 (敢問是常溫的麼？ )。醬汁量少，拌勻後感覺尚乾，遂揚手喚店員「添

淨係得菜, 一啲面包粒, 煙肉都無......唔怪得menu上隔離要自己另加嘢囉......咁就要四十幾蚊, 我買啲生菜+橄欖油+黑椒+鹽+芝士都得啦!!! 駛乜喺到食呀!!!!本身係諗住嚟食薯皮的, 但見隔離枱叫左個pizza, 好似好好食, 咁就叫咗嚟試下, 點知最冇諗住叫的係最好食的!!! 個薄批好似餅乾, 幾得意, 勁多巴馬火腿, 每一塊餅都有加埋啲芝士, 簡直係超夾!!! 中間仲有夾啲蜜瓜令pama ham唔好咁咸...上面仲加咗好多菜, 好健康咁, 一啲都唔怕肥, 最緊要係啲汁, 啲汁好特別, 好好味!! $138嚟講都算ok.....望落去好似好大, 仲間waiter兩個人食會唔會食唔晒呢?? 佢話一定食到, 但點知我哋兩個人食都唔夠食, 嚟到先發現唔記得加旦, 因加咗旦更加好味......沒有加料的cabonara真係唔好食, 啲汁乾到死, 又勁細碟!!! 被朋友誤導話有幾好食, 同自己喺屋企整差唔多, 可能我乜都冇加, 所以唔好食啦, 但你哋如果要加嘢先好食的話, 咁點解唔一早較好晒啲味道而要客人加呢樣加嗰樣呢??蒜蓉包, 一啲都唔脆, 唔蒜蓉, 唔香, 淋的...

好耐無黎過新世紀廣場,, 今日去GH睇戲就上openrice睇下有咩好食啦!左睇右睇見最多好評就係呢間applegreen,, 既然係咁就一於試下佢啦! 其實今次係第1次黎食,,下晝2點左右黎到唔洗等位 店內客人都唔係好多本來想試下其他食家推介o既意粉&焗薯,, 不過見到lunch set都唔錯就試左先啦!2個人叫左燒烤汁雞肉芝士烘餅&香草3文魚忌廉螺絲粉 配1湯1沙律 蕃茄湯: 有南瓜湯/蕃茄湯揀,, 後悔無揀南瓜湯! 蕃茄湯濃左D, 飲左幾啖已放棄 caesar salad: 都幾大碗! 汁已撈好,, 加埋黑椒 正! 燒烤汁雞肉芝士烘餅 $58 : 一上枱顏色已經好吸引! 烘餅熱且脆,, 入口好香BBQ醬味! 加埋粒粒蕃茄平衡返無咁"溜" 正 香草3文魚忌廉螺絲粉 $72 : 汁好好味! 唯獨螺絲粉硬左少少 淋返少少會更好 凍檸茶: 淡左少少 普通.食物不錯 2人食左$140左右 坐得幾舒服 待應雖然忙住set場 不過都不忙收碟期待下一次黎試其他意粉&焗薯

4月9日, 本以為apple green只係食沙律先會嚟, 原來佢嘅lunch set有d會好似brunch咁, 幾特別, 仲可以食到三點添~ 今日一訓醒就嚟, 沙律啱呀菲, 又有早餐set啱我, 正~::: Egg In The Hole ::: $84有蛋, 有腸, 有火腿, 有麵包, 真係名副其實嘅brunch, 原來仲係週末先有, 好好彩~ 呢一個set, 心思在於將一片麵包挖空中心, 放一隻蛋入去煎成半生熟咁~ 一切開件麵包, d蛋汁就漏晒出嚟, 果然係 Egg in the Hole! 用麵包索一索d蛋汁, 香蛋味之餘又好香麵粉味~ 唯獨是整體味道有d清淡, 好在火腿同腸味道好夠, 夠晒鹹, 可以同麵包蛋相輝映, 互補不足~ 伴碟仲有薯片同生果杯, 薯片夠香脆, 但係唔似自家製. 生果杯有菠蘿, 香蕉, 士多啤梨等, 好新鮮健康, 菠蘿尤其好食~ 整體份量唔多, 食物唔油膩, 有清新醒神嘅感覺~凍檸茶夠凍, 但係茶味唔夠濃, 似飲檸水…::: Caesar Salad With Chicken ::: $45 + $20呢個最standard嘅沙律款式~ applgreen

Applegreen河內道的第一店以來，已經超過三個年頭，除了主餐牌，Weekend Brunch以及 Weekday供應的 Lunch Menu也會不時轉新菜式，由最初自居為The House of Salad，菜式綠葉比率高企，到慢慢將不同的加州風味引入菜牌，肉食比重慢慢增多，同時菜式種類也較多元化，那有想過今天竟然可以在AG吃到美式巨型的Flatbread薄餅和邪惡至極的Cookie Sundae。兩口子在午市走進熟悉的店面，在靠窗的位置坐下，久未有時間到訪，看著剛上場的新餐牌顯然有點花多眼亂，菜式變動不是太多，以前菜、甜品為主，也有三款新新類別的Flatbread Pizza，最為所動的必數Parma Ham & Melon，但整體菜式的價格也隨通漲上調了不少。與大比商量了好一陣，想試Lunch Menu又想吃Parma Ham，但也要留Quota吃甜品，幾經「腦力」才決定好。野菌蛋白餡餅: 想吃沙律又沒有胃納多點半份沙律，就以午餐包含的Caesar Salad作安慰；主菜為烘脆的Tortilla包裹著炒香的野菌與蛋白，沒有多加醬汁和濃烈調味，實話實說，如非極愛清淡的人，可能會

因為要在這商場拎早前買的牛仔褲, 所以唸住約埋當日一齊上普通話的同學仔, 兩個女仔雙雙去撐枱腳, ladies talk一下. 早幾日已經在傾去那一家食飯啦!! 而applegreen是我還沒有幫襯過, 在openrice亦是好評如潮的一間, 扑鎚後便立即訂位了, 所以是次唔駛等位, 不過要八點鐘還枱, 但我地得兩隻人仔, 之後仲唸住去樂園玩一下拋彩虹, 食得切有餘啦. 我地坐近窗的梳化位, 面對有不同的掛畫, 很有cafe feel二人叫左不少東西啊, 半份凱撒沙律連香蕉蛋糕, 焗薯皮, 燒三文魚伴甜薯, 還有脆洋蔥芝士焗通粉.凱撒沙律全是羅馬生菜及芝士, 沙律醬已伴好了, 不可自己加, 但沙律醬的份量也剛好, 只是菜有一些是黑黑的, 好像不是很新鮮, 但入口還可以, 十分爽口. 而薄薄的芝士, 有一點鹹香, 整個沙律生色不少. 而沙律全部都跟有香蕉蛋糕 (不過是要跟待應講才會跟上的) 香蕉蛋糕一聞已有很濃的香蕉味, 食落也很實在, 不是雪芳蛋糕輕飄飄的那種, 好味!!!焗薯皮, 平常的只是普通的焗薯皮, 而applegreen這個, 上面有新鮮的番茄粒, 少許紅洋蔥粒,

之前一早訂了位, 6時多就入坐, 當時都已經有一半客人在內...環境及氣氛也不錯, 蠻有格調的...因為是HAPPY FRIDAY, 所以限時只有個半小時的食飯時間, 我們兩人都足夠的...跟住安排了我們坐一些轉角卡位, 地方都不錯...之後我們就看餐牌, 幾有美式FEEL的食物, 朋友之前在OPENRICE睇過有什麼想試, 所以叫了這些...D芝士好味, 香蕉CAKE又香(CAKE是叫沙律會附上的, 不過最好提侍應們一下...)不錯, 還有蕃茄粒, 之前吃薯皮都未試過的, 好味!!!好味啊, 三文魚外表燒得脆脆的, 肉不乾有汁, 蕃薯蓉不太甜~~~不過好搞笑有介蘭伴碟, 但很入味又不苦, 喜歡; 芝士通心粉比想像中多, 很香及好味.好FULL呀!!!第一次試完感覺蠻不錯的, 下次有機會再試~~~~吃完後出面很多人等位啊!!

還記得幾年前河內道開始已經經常光顧，一直以來食物質量都好好，有時失準也可以接受，當時還是開放式設計，留意到廚師都好年青，只有一個老者似係大廚，大廚不在的時候味道就不太好了,不過店面的小姐服務態度好就沒關係了。但自從旺角分店開了以後味道就不一樣了，起初仍可接受，但質素也不是那回事了，就小了去，但沒想到上星期再去......哎......簡直下不了手......我諗冇牙都食倒既意粉，水一樣既汁，燶同硬既Potato Boats，硬到不得了既macaroni......其他都唔需要形啦，食左2啖我地就決定走啦!!!係美國咁既食物間餐廳都比人拆埋啦!!侍應果種我差佢錢既態度更加唔會令我想回頭。食過更多唔好食既野我都冇打過食評，只可以講一句冇優秀既管理人才同有經驗既廚師實在不宜盲目擴張!食一次冇事實多生意，不過咁既質素......佢既廚師都應該去進修下啦~