Applegreen (已結業)

其實，昨天並不是甚麼節日卻不知怎的好有節日的氣氛親愛的你最喜歡的食物來來去去就是那三種壽司，意粉和火鍋，百吃不厭上星期你嚷著要吃很久沒吃的applegreen但是吃不了，所以就約了你昨天吃還早早訂了位子mark了下schedule一起一年多了，卻還是很會有約會前的興奮期待 (:Applegreen我們吃過不同分店的每一間的裝潢都一樣的，暗暗的讓人舒服的柔和環境它的沙律我們都試過很多種近來最喜歡的就是上一次在銅鑼灣吃的蟹肉牛油果青瓜沙律（因為太心急又忘了先拍照就吃了哈哈）其實明明我平常很不喜歡牛油果，也不特別愛青瓜這個沙律的漿汁卻令這幾個食材很夾那些蟹肉很好味，因為意粉那些其實挺heavy先吃沙律感覺好清新也很開胃還有就是，我超超超喜歡它的banana cakeeee (:然後就是意粉這個吃過很多次了，都是很creamy的熱熱的其實carbonara是很難真的做得太難吃吧哈哈對我來說我會覺得鹹了點，但一般一起吃的人都好喜歡每一次來這裡，總會不小心就叫了很多明明昨天我一直說著不餓不餓但只吃沙律和意粉又好像太少沙律那麼好味其實下次應該叫full portion想吃點肉的，不想吃牛，就吃了魚以

農曆新年期間放肆的吃大量的油角,煎糕實在好需要食番的沙律REFRESH吓.APPLE GREEN出名沙律又多款,用料又新鮮不過BOOK位好困難,又限住時間,四周圍坐滿人時都幾嘈吵吓我哋今次叫左3個沙律,一個係佢哋皇牌的棒棒雞沙律好鐘意食佢D脆脆好似以前食牛肉粥果D咁,另外有叫個雜菌沙律,果D菇係好新鮮,唔會有陣霉味咁而牛油果沙律賣相好得,綠油油的好軟滑,搽在那塊似春卷的三角餅皮上好夾.還有叫了Carbonara同芝士通心粉,好CREAMY由於所有沙律都配有個香蕉味合桃CAKE,我哋都食到好飽吓

晚上6點, 大豬女友已要食飯, 之前已鎖定要食呢度;一出火車, 馬上上o黎坐下先~都趕時間; 即叫野食先.都係叫多人推介的腸platter及個大的橙雞沙律~兩個人都夠食了吧...都好快上. 當然係沙律上先.唔太多雞, 但菜都爽脆, 加上d 炸脆片, 爽上加爽.橙全都在底; 好香甜.腸之後上, 一望, 其實都幾heavy4條腸只記得右邊的係辣腸另外3條都撈亂左係咩味道了.反而d 薯容超正!服務很好, 姐姐都好友善.

Applegreen... 相信呢個名字對大家黎講真係唔算陌生，但老實講，開左咁耐，小妹都係第一次去食。等我又睇下佢因乜野咁出名。首先，叫左半粉脆杏仁雞絲沙律: 一上菜時，我地都「嘩﹗」左一聲，好多菜，足料到呢﹗d 菜好爽口同埋好 fresh，同埋脆杏仁又令到個沙律更香口... 再加上個沙律醬好夠酸，好開胃。我地係咁食，係咁食囉 ~ 另外叫左個肉醬意粉加蜆: 一個意粉要近 $100 其實唔算平。肉醬意粉都算幾好，意粉有點硬 (定係我唔識食，呢個叫 Al dente 是也？)，個汁同肉醬都足夠。不過，個蜆冇乜驚喜，不加也罷。又叫左兩杯野飲，分別係青蘋果梳打同埋草莓梳打。如果喜愛甜味的，可點草莓味 (不過本人覺得似藥水) ~ 青蘋果梳打就偏向酸的，證明佢少用糖漿囉﹗試完之後比個總結佢，就係... 佢既沙律真係一流，不過意粉就唔算突出。至於小食，就有機會再試。講真，我會想再去，因為佢 d 沙律好清新，同埋好特別﹗

訂了位年初三不用停.棒棒雞沙律 - OK 薯皮 - 好好味 雞翼 - 個醬麻麻 牛扒五成熟 - 好好味 拿破崙意粉 - 好味 烤肉腸拼盤 - 好味 蒜蓉包 - 好味 芝士烘餅 - 我唔食芝士的, 但佢哋話好味 甜品 - 朱古力泡芙 (賣相麻麻,但好好味!!!)

電視節目推介既餐廳好似好正，一定要試下啦，出奇地唔駛等位，好開心入去，一入去，嘈到爆，由其被幾張大枱圍住，情侣去的話，零情調!Order咗非主打菜色 (唔係沙律同香腸拼盤)好似叫墨西哥牛肉巻 - 超羶，今次真係"唔食羊肉都一身羶"肉醬意粉加肉丸 - 意粉都可以，但肉丸要加錢又唔好食，真唔底朱古力smoothie - 都可以，但唔出色，一般茶餐廳水準Overall嚟講 -------- 未有理由要我再幫襯!

Apple green 平時冇訂位都咪洗旨意 WALK-IN唔洗等今日個天唔做做咩對我咁好竟然即到即有沙律叫左一個墨西哥 咩咩咩沙律異國風情十足 好多火箭菜 仲有D 蕃茄同腰豆 食落口真係好有墨西哥FEEL!~~主菜叫左個烤雞.. 雞肉嫩滑 下次配既PASTA粒都好好味芝士通心粉唔洗講.. 又平又正又飽肚, 雖然好細一碟但係已經十分夠飽芝士味濃 又有咬口!! I LOVE IT!唯獨係店員服務真係好一般.. 冇乜耐性又冇乜笑容! 執台又執得..幾唔乾淨

假日午餐懶得去想,只要方便泊車餐廳不用等位已沒甚特別要求.於是便來了不用十分鐘車程的新世紀廣場,已吃過數次的這裡.午飯來最大的好處是不用像晚市般等位.檸檬雜飲----味道酸酸甜度不高,對於我這類飲多過食的人來說無限添飲當然吸引.特式薄餅----Weekend Brunch才有供應,簡單的香腸粒,芝士,蕃茄醬面層鋪上火箭菜及太陽蛋配上薄身的脆餅底己很好吃.烤肉腸拼盤----四款肉腸加上薯蓉份量絕不可看少!其中帶辣味及蘑菇豬肉腸的味道是最吸引的.焗蒜頭----原個蒜頭切去頂部,加牛油及黑椒焗至金黃,用刀輕輕一壓質感是已軟如泥狀.加點芥未用來拌香腸吃滋味十足!作為烤腸的配菜是絕對的稱職.這個吃法和吃台灣腸有異曲同工之妙,只不過台式吃法不是人人受得了,因為吃的是一口香腸加原粒生蒜頭.脆杏仁雞肉沙律----友人最近菜蟲上身,能自己幹掉一盆沙律菜!興趣麻麻只嚐了一小口感覺是無甚特別.這店的食物水準能保持在不錯的水平,杯中飲品喝到一半已立即refill侍應們手脚勤快!

之前睇過OPENRICE介紹APPLE GREEN聞名去試過一次晚餐後已有點失望。今日LUNCH再去食, 諗住會好小小, 去之前已有小小期待。點知一樣失望....同事係12點多已經BOOK好位, 講明只HOLD枱15 MINS, 但去到果時空空如也.......叫左個SET LUNCH同幾個小食。佢地有個特式每一個意粉都有一個包, 食落個包勁硬, D 雞柳更加"鞋"得好緊要....佢地D 雞翼完全冇味, 初初諗住沾D BBQ醬會好味小小, 點知個醬有D好奇怪GE味道.....本來拎左個CAKE去切, 食唔晒要拎走, 同左個STAFF講要PACK走, 竟然要"自助"(自行PACK左CAKE 走)雖然D野食有D失望, 但佢地D SERVICE都不是太差。

去旺角嘉禾戲院睇戲,當然在新世紀內搵食比較方便.早上打去Applegreen 訂位,想訂8點15份分,但電話傳來8點45分才有位.電影9點15分開場,其實都預計食不到,順便問問早到可否走來看看會否有位,.或者她見我有誠意,晚上突然打來指有客人取消訂枱,可以提早有位.非常好,我即決定8點開餐.天氣凍,餐廳有暖水提供,非常窩心.4粒北海道帶子沙律,明明係主菜,點解份量唔夠一個人食?但價錢略貴.若然帶子與沙律分開上,沒有黏上沙拉油就好;帶子煎得香脆點就完美.拿破崙意粉加肉丸,味道不錯.美國菜份量怎會這麼少?兩人食完只有半飽,但由於價錢頗貴,沒有再點其他食物.

眼闊肚窄, 叫咗好多嘢食:焗薯皮 - 有蕃茄粒同煙肉配襯, 好好味是日餐湯 (磨菇湯) - 味度有啲怪, 好似酸酸地, 我覺得麻麻地Carbonara - 食落好"漏", 不過都OK棒棒雞沙律 - 幾清新, 唔錯House of wine (Red)我諗係佢裝修設計嘅問題, 啲聲散唔到, 所以間餐廳好嘈

星期日又係外出覓食嘅好日子。今次就去新世紀覓食。原本去一壽司，但佢地星期日無set lunch ，如果真係想食壽司我絕對唔會揀佢。於是就拉埋阿爸阿媽轉去apple green。sunday brunch ge menu choice 很少，阿媽是十萬個不情願吃的，但最後都被我拉咗入去。平時揀食物，都唔會超過5 mins ，但今次竟然揀咗10 mins 有多。原因係阿媽覺得樣樣都唔好食，揀唔落手。最後佢求其揀咗個salami croissant 。我同阿爸都揀Egg in the hole 。Egg in the hole, 顧名思義，就係一隻蛋喺麵包個洞度。第一次食，挺新奇。除咗隻蛋陷入麵包之內，佢仲將挖出黎嘅麵包粒擺番喺上面。麵包煎得焦香，與雞蛋混為一體。一切落去，蛋漿即湧出黎，立即切舊麵包吸住d汁，好正。蛋漿非常保溫，也充滿蛋香，很好吃！只係如果食晒兩舊嘅話，膽固醇就超標了！除咗隻麵包蛋好食之外，塊前腿同條腸都好好食。火腿扒甜甜又咸香，香腸又係甜甜地，仲有陣好似臘腸嘅味道，好獨特。還附上大堆薯片。最好就係有杯水果，食完d咁熱氣嘅煎麵包蛋同薯片之後，吃下一粒清爽嘅蘋果或鮮甜菠蘿都好解

第1次嚟食lunch, 1點鐘行過黎...初初仲驚會好多人...點知上到黎見到大把吉位.. 我地2個人,叫左2個lunch set ! 1個set有湯/salad + 飯/意粉+ 飲品我地就揀左:1個芝士西蘭花湯, 1個沙律...2個螺絲粉 + 2個咖啡!!我個螺絲粉同時有番茄+三色椒, d粉撈埋落d番茄度好夠味...再加埋portion唔係好大, 我覺得好健康 (起碼好過去茶記樣樣都係肉!)埋單$130...每人60幾都ok啦...

這間餐廳服務有點兒令人不快, 今天是星期日又係下午3:15, 可能客人不是太多她們只管圍著談話, 追看新人結婚愛看熱鬧, 但對客人服務水平令人質疑????? 好不明白...乜呢間餐廳有限食嘢時間嗎? 為何6:00pm會取張單給我們結帳但又沒有交代何解?? 難度我們不可以再加食物嗎?? 付款後我們仍坐著繼續談話......點知她們走過來說有客人正在等待我們的枱, 但我環顧全場跟本只得兩枱客人,其它坐位是沒人的, 為何一定要我們坐的那張枱呢????如果有限時間....就入坐時告訴我們, 我們是有消費...$400都不是白坐的!!! 很不明白這是什麼服務態度

吃完pokka café，翌日就去蘋果綠食飯，因為只有新世紀有看投蘋果的《欺詐遊戲》，蘋果包圍我一整晚呢。第二次吃這間蘋果綠，入面燈光柔和，有不少簡單的油畫令人環境舒適，也很夾以燈色為主色的空間。今次比較來說，沒有上一次那麼嘈吵，我想也是彩數吧。而店員加水很快手，其他沒什麼深刻印象。其實如果不太喜歡沙律，主菜和意粉各有五至六款，沒有飯類，甜品也是五至六款，我想是食評中經常出現的款式，不過只看名字就未能分清(如果menu有圖會好一點)。上次點過兩款沙律，最深刻是橙下得正好，水份充足，另外就是可點半份，試得多一點，其他也沒什麼深刻，整頓飯也是平平穩穩。今次二人再吃一次，只吃兩客意粉，其它的不是over budget就是沒興趣，而本來想點甜品，不過吃完兩客意粉後，味道未如理想，就放棄了。點了白汁煙肉意粉，這個白汁是非常杰，杰得好像一點水份也沒有的，全都占在意粉上，意粉不是彈，而是硬，這個意粉整體來說是乾了點，好在白汁和煙肉的味道還不錯，加上我們加了些芝士粉增加香味，最後當然是乖乖清碟。茄汁意粉加肉腸，蕃茄汁比較其他地方吃的為酸，但不是真蕃茄的酸味，我想是刻意如此的，不是一時失手的效果，只是我