ASAP As Simple As Possible

营业中

休息中

呢間店既裝飾品好吸引到我的注意😊起初好擔心間店 '得個樣'但點都要試一次先知道值唔值得回頭!好鐘意呢間店既意念，入到去先被色彩繽紛既擺設吸引住，牆身以不同食物燈飾，有煎蛋、蕃茄等做裝飾。心情頓時會變好!店內其實還有一個另一個向街景落牆玻璃的角落，但因為已滿座，我們只好坐於近門口的角落。牆上寫著As Simple As Possible餐桌紙好簡單，但內容很有意思。The Simplier The Food, The Richer The Taste。來個朝氣滿滿的早餐吧！💪💪💪早餐套餐不多，而且種類好局限。要一提的是店員態度有禮，但人手實在不足。我們坐於近門口的角落更不見有店員，要落單叫早餐，更要走入向街景那邊的角落找店員，但他們也不能第一時間招呼我們，因為人手實在不夠😣份量不算多，尤其是男生，實在不夠填肚子!但味道的確不錯，先說通粉吧。湯底很濃郁滑溜，濃濃的香奶油香。另外，要說說兩小塊煙肉，我不是太喜好煙肉的人，但這次我吃得很滿意。兩塊煙肉被煎得很香脆，特別是煙肉邊位，不可不吃，不想吃得太肥，脂肪位可輕易與肉分離👍難得有黑糊椒粉，配通粉一流。牛乳滑蛋的確很滑溜，但對我來說，不夠吃😂另

早餐時間，多人幫襯，未完全滿座，地方寬敞。侍應不太積極，要等下才找到人落單，要等下才找到人給刀（枱面放少咗刀）。侍應set 枱面刀叉匙餐具非常隨意，放到東倒西歪呢。煙肉湯通粉配蛋牛治餐，如圖，不吸引。沙律配柚子汁，好吃。腸和煙肉ok。蛋冇乜味。煮完水波蛋D水冇瀝乾就放係塊包度，令到塊包濕淋淋，變成一塊浸水包，非常不討好。餐廳杯子都印有餐廳名的字母：A或S或P。伯爵茶選用Dimah。伯爵茶雖然沖泡得非常濃，但可口。

ASAP 一向都係我喺第一城食野嘅心水餐廳之一。返完通宵後，即刻同同事食lunch 醫肚先返屋企補眠。假日中午通常要等位，不過咁啱好彩今日唔駛等位就入得。餐牌上好多野食都好吸引，不過受到餓意同睡意夾擊嘅我哋，就叫咗最邪惡嘅吉列同埋咖哩喇！🤤🤤栗米湯加北海道牛奶令個湯更滑更creamy，夠特別。外面攝氏35度高溫，梗係要飲杯凍朱古力涼下醒神下。咖哩吉列豚肉滑多蓋飯，豚肉熱辣辣得嚟夠肉味，外皮烤得香口唔膩，加上醒胃嘅茄汁同滑蛋撈飯，成件事好March！咖哩吉列牛肉撈烏冬都唔錯，吉列皮有少少「林」，不過香嘅牛肉味搭夠，咖哩撈煙韌嘅烏冬，，又係好快就食哂落肚喇！午餐連加一每人100蚊左右，可以食到質素頗高嘅午餐，算係咁。

2:30叫食物，等到3點都未有野黎，唔知係有心定係點，好聲好氣叫侍應幫手追，追下又追多半個鐘，決定永遠都唔會再黎食，侍應態度差，野食係ok..但唔想比錢買難受囉

第一次在這間餐廳吃早餐， 沒想到 這個平凡的餐蛋通 ，可以看上去這麼特別， 一看便令人心情極好。 味道方面， 雖然有些偏鹹， 但實在是好吃的 ，湯底用了龍湯底 ，五餐肉是厚切的， 蛋的蛋黃吃上去像溫泉蛋的感覺，正。餐飲我要了一杯即磨咖啡 味道也很香， 31元再加加一服務費， 性價比也高， 而且環境 舒適， 座位舒適 ，空調等等的設施令人亦感覺舒適 ，裝修設計令人感覺也很寫意， 而店員的服務 方面也是不錯， 我們坐了很久才下單 ，也沒有說要催我們下單， 整個早餐的時間，是十分舒適的。

ASAP這裏的環境寬敞、裝修很特別，吃起來特別舒適。午餐時間有份special的menu，叫了一份牛乳炒滑蛋、吉列黑豚三文治（半份）、煙肉蕃茄湯意粉的套餐，卻意外地好吃。首先，有牛乳的炒滑蛋真的很滑，吉列黑豚三文治很大份，肉很脆，只是當中的醬可以再多一些，至於主食煙肉蕃茄湯意粉，蕃茄湯很濃，味道調得剛剛好，真的很好吃。起初以為這個餐的份量很少，但是卻很飽，而且吃過以後真的會想再吃一遍。套餐還包了一杯飲品，茶飲由茶包沖成，而且有很特別的茶飲，我喝了洋甘菊茶，味道很清新，著實不錯。

喺沙田做gym之後就去咗第一城嘅ASAP食晚飯。ASAP係喺第一城嘅西餐廳，環境寬敞而且裝修有特色，坐得都算舒服。去到餐廳，我和朋友倆等待約5分鐘就已經可以入座。我們分別點了咖喱牛肋肉蛋包飯同埋海鮮帆立貝黑松露意粉。頭款可以選擇餐湯或者沙律。我哋就選擇咗番茄湯同埋粟米湯。番茄湯有味道濃郁而且有番茄蓉，而粟米湯亦十分香甜。咖喱牛肋肉蛋包飯可以算係餐廳推介菜式之一。日式咖喱甜而不辣，牛肋肉煮得十分嫩滑入味，加上配上番茄汁的蛋包飯，使我很欣賞整個配搭，撈飯來講就更加正啦！相比之下海鮮帆立貝黑松露意粉就略嫌遜色。帆立貝只係得兩三粒，數量唔算太多。好彩黑松露嘅味道剛剛好，令我有開胃嘅感覺，而意粉炒得乾身，整體都算唔錯嘅。晚餐每人大概100蚊左右，算係可以接受，如果鍾意食日式咖哩嘅朋友不妨可以嚟試下。

昨天入沙田找朋友，友人帶咗我到ASAP 食，佢話新開一段時間，我見未食過試下啦，竟然俾到我驚喜！以中價位價錢，佢哋食物質素好好，好味 😋 之餘料十足！我點咗杯咖啡又香又滑！正！另外值得一讚係啲員工服務態度👍🏻 我見店面人手好不足，但係啲員工好勤快，咁忙都仲keep 到親切既笑容，服務又貼心，要俾個like, 衣家啲食店最大問題人手不足，搞到啲員工個個做到頭出煙，跟住就黑面，我試過好多次係出面食飯俾人黑面又叫極都無人應，今次除咗食物質素好，呢間啲員工服務都俾到我驚喜，勤快又好笑容😊食都食得開心啲，結果同友人坐咗傾咗好耐計先走，下次再入沙田，都會再嚟呢度食 😋

4月3日大約12點半去ASAP第一城分店食午餐，去到reception無人,咁又見無咩客，不用等位，所以行入去搵位坐，去到轉角位有對長者行緊出黎加上有個侍應頂住，所以我同友人站在一旁，之後我後面有個未著制服趕住用電腦（應該係打卡返工）既女職員撞去我度再攝埋電腦度，令我向前傾，我同行友人見到，就同佢講撞到人唔好意思都唔講聲，點知個女職員調返轉話我隻手批踭撞到佢，應該講唔好意思既係我，講真如果係我批到女職員既話又點會係我向前傾呢？而唔係你向後跌呢？之後我地都諗住算，當誤會，大家講聲唔好意思，點知個女職員好兇咁走黎話我撞到佢重要部位，真係O哂咀😑

難得還有心情，放假的悠閒，因為時間多着，而其實這家店也開了好一段時間，今日才第一次光顧。隨意點了早餐，也見人手不足，但一大清早，服務員個個都好落力招呼，週到未必，但現在真的好少見無黑面，有笑容，還有質素的服務員了，有時就算大酒店，有些轉數都未必咁快。所以要讚！👍👍👍再談到食物，我也點了一個一般的厚切餐肉，炒蛋跟多士，全部是店的 standard, 多士的面包不是一陣風的普通方包，烘焙得也剛剛好，脆身，內軟。蛋是炒得滑，蛋香就欠俸，但是現在除了在家煮的蛋，或你自己有要求產地才有蛋香的了，所以賣相和烹調也可接受。厚切的午餐肉，可以再煎得香一點，但質素也不是食落一口油。將炒蛋，午餐肉夾在多士中間一齊食，反而嚼感的混合合道好處！👍👍熱飲的選擇也多，茶類也不少，花茶也有供應於餐飲內包括。以這樣的價錢，覺得比去快餐店化算呢，所以才寫這個食評。現在物價高漲，連鎖店因有大量的運作費用，消費者都未心得到最好的食材質素，所以需要一些有心人願意將質素提高一點給消費者多些選擇。

好少可一支公喺第一城，又唔係好餓，想食啲輕份量少少嘅野，最後嚟咗呢間餐廳。點咗一份set dinner，包括柚子醬沙律、海鮮龍蝦湯泡飯、同埋飲品一杯。沙律好易入口，重有啲火龍果，感覺好開胃。泡飯味道唔錯，感覺唔會係好重味精嘅湯，又唔會好稀。海鮮配料都唔少，有青口、帶子、魚塊、蝦等等⋯⋯ 最後提一提杯凍咖啡，比起好多餐廳嘅餐飲做得濃香。餐廳整體環境唔錯，坐得都幾舒服，服務都唔錯，係有求必應嘅！整體感覺中上，性價比合理，可以encore！

The simpler the food，the richer the taste！睇完呢一句說話以為呢一間嘅食物真係好simple，完全錯晒！佢啲食物我係屋企係整唔到！我第一次幫襯這間店舖，呢度啲午餐嘅選擇有好多款！我哋都揀咗蕎麥飯，因為我哋覺得食落去會健康啲！我哋叫咗兩個午餐，午餐包一杯飲品及一個湯或者沙律，我哋兩個都叫咗粟米湯！我哋都覺得好好味啊！啲粟米再加左啲忌廉打成嘅湯超正，又有咬口！午餐第一個就係雞胸南瓜汁蕎麥飯，啲雞胸好滑好好味，南瓜汁有一啲清新嘅感覺再配上雞胸肉，頓時間覺得啲南瓜汁平衡左雞肉嘅油膩感！另外再配上一條秋葵，再加上一隻流心蛋，咁我就更加健康啊！我極之推介！而我朋友就叫咗一個牛肉片焗蕎麥飯，睇落去碟野就細咗啲，但係我朋友話啱啱好，而且又有好多細細條嘅甘筍仔以及南瓜片做配菜，牛肉片好香好易咬，我朋友叫咗杯泡沫咖啡，佢話都幾滑及咖啡味都唔錯，我哋慢慢傾計，咁就消磨左兩個小時啦，呢度嘅環境可以正整地同朋友一齊gathering傾吓計超正！最重要係呢度嘅落地玻璃俾我方便睇到我架車有冇俾人抄牌，可以偷雞拍喺出邊，一有人抄牌就即刻可以走出去泊車！ yeah !

黃氏力牆約了朋友去沙田第一城睇樓，經過門口比佢個裝修吸引左，以為價錢好鬼貴，點知入去個價錢都幾合理！我叫左＄80嘅黑松露雜菇意粉，我覺得啲意粉都幾彈牙，而且都充滿咗香菇嘅氣味，尤其是黑松露嗰啲石油氣味，一個字正！睇落去好似價錢貴左少少！但係佢包左沙律同埋一杯飲品，飲泡沫咖啡就要加＄8！最重要係食嘢之餘送咗心理治療俾你，點解咁講？因為我一路煩惱緊嘅嘢，個人好攰，食完個午餐之後叫咗一杯泡沫咖啡，飲飲吓，就見到have a simple day在杯入面，睇完呢一句之後個心突然笑了一下，冇錯人生點解要咁複雜呢！喺呢度可以正整地一個人食嘢係唔錯嘅選擇！

今天 在第一城的ASAP 食早餐 點了B餐 煙肉通粉 咸牛肉三文治等了九個字先有野食 中間催了三次換來的是 男服務員的一句「無咁架啦 廚房係咁慢 我都無辦法！」等左九個字先出到個通粉 服務員 一句對唔住 都無講過埋單仲要收 加一服務費 合計$35請問 憑什麼 收加一服務費？我九點鐘入去 九點九先有野食如有管理人員 看到可否正視一下 貴公司 廚房的效率 樓面服務人員 態度的問題？你們收費不是平 合理嗎？？痴線的永遠 唔會再去呢間垃圾

ASAP裝修時感覺好像韓國的咖啡店，很時髦，吸引年輕族群！價格亦非常大眾化，午餐幾十元有交易，款式選擇亦很多，有日式、港式、義式，任君選擇！味道水準亦很高！以這個價錢很不錯！