ASAP As Simple As Possible

营业中

休息中

乘著在附近做事，跟同事就此駐足，用個午餐。香燒雞扒配露絲瑪莉燒汁意大利粉，先不談食味，上桌時好奇怪是碟子太大還是擺盤的問題？僅得半碟，完全未郁動過，全部側埋一邊，相當搞笑！煎雞扒並不太大塊，普通晒士。雞皮微脆，雞肉倒是細滑。意粉亦煮得不錯，硬度剛好。露絲瑪莉的香氣從汁液中飄揚，合襯的拍檔。鮮蝦露荀卡邦尼意大利粉，蝦爽口到不得了，然而全碟好像只有四隻蝦，似乎少了點吧。露荀倒是很多，鮮嫩爽脆。意粉滑溜溜，惟卡邦尼醬略嫌不夠多。重點是價錢便宜，融合尚宜。

今晚又嚟食晚飯，見到新Menu 所以叫左d新嘢試吓。炭燒封門柳，鐵板切片上，嫩嫩的，好香烤味，份量不多，個餐配沙律及白飯，若然可改配意粉或薯條就更佳。番茄青口意粉，汁醬吾夠，味道同青口吾太夾。烤斧頭豬扒及烤肉腸，之前食過系夾埋一齊一款的價錢，現在是拆開兩款價錢的，可能見受歡迎所以提價，斧頭豬扒尤其出色，豬扒慢煮過所以好juicy ，烤肉腸仍然大大條，啖啖肉。加配酥皮湯及提子/士多啤梨梳打，仲有薯條。甜品叫左兩客，將牛角包夾成窩夫，小丸子、雪糕和士多啤梨及香蕉併在一起，幾好。

平時耐唔耐都有幫襯開呢間asap，本嚟今日收工就走架啦～點知經過果陣，見到個大大既poster$10雞，無錯！我都以為自己睇錯，定間鋪就嚟執。。。咁吸引咪入去睇下囉～原來唔係執，而係做緊推介限時優惠，即刻坐低試下囉，你叫個晚餐就可以加$10有只春雞，咁我叫落左個蛋蓋飯+只春雞試下囉，蛋蓋飯keep到平時既水準，而個重點春雞啦，服務員好好，主動比手套我食，佢原只咁上，味道比想像中好，服務員又細心，幫我加左幾次水，食飽埋單都係100多啲啲，好抵！有服務，有質素，環境好，梗係要繼續幫襯啦

服務態度超級差！成餐飯受氣多過享受！ 本身同班朋友開開心心敘舊，俾啲咁嘅服務員咁樣對待真係完全接受唔到！ 1) 見餐牌同落單Apps主菜唔同，諗住查詢問吓 ，服務員一句叫我自己睇字。2）嘢食到咗諗住叫服務員俾幾隻碗仔我地，等咗10幾分鐘都未有，善意再問佢哋，一句大聲同我哋講話啲碗未洗好，話俾唔到我哋，啲態度衰到以為自己落咗大排檔食嘢。環境好又點，質素真係好差！！！！！今次真係好好體驗！服務態度真係一百分😀上菜又慢，成餐飯食咗三個鐘。水都冇杯。

My hot lemon tea came out so slow, that I ate this much of my breakfast. We even had to ask them to check the order again. I know hot drinks come served piping hot but if you’re going to serve drinks this slow and I’ve eaten this much of the breakfast already, this is really bad. Don’t come here if you want a quick breakfast. This is not the first time drinks were served so slow, lunch and dinner also.

12點9去到要排隊等位 坐無虛席嘢食還可以 但服務態度🫠🫠🫠Lunch menu 加4蚊有湯飲或者沙律食 但今日無粟米湯所以就無加配喇QR Code落單 10幾分鐘就有嘢食👧🏽鐵板野菜蛋蓋飯配日式咖喱汁蕃茄飯熱洋甘菊茶咖哩汁對我嚟講唔夠濃味野菜算多款 西蘭花 翠玉瓜 秋葵 大量菇類蕃茄飯無蕃茄味 （？）👩🏼‍🦰板燒雞髀扒蛋蓋飯配燒肉汁白飯熱伯爵茶雞脾肉質腍同滑燒肉汁少偏咸2個蛋蓋都係滑溜嘅‼️但呢度啲員工態度就真係有待改善 🫠聽錯嘢仲要大聲審問式同我媽媽講嘢 🫠

星期日早上8:56入到餐廳，用咗5分鐘時間經手機點餐。9:16am工作人員埋嚟話冇奶茶，叫我改第二啲飲品，我問點解，佢話因為奶茶仲煲緊, 我問點解九點幾都未仲喺度煲緊奶茶，佢話奶茶好賣，之前太多人飲奶茶，而家要再煲過，我問要等幾耐，佢話起碼要10分鐘，我決定等。因為印象中啲奶茶係好飲嘅。5分鐘之後，工作人員送嚟奶茶啦，但係竟然係車仔或立頓茶包沖的😮‍💨連加一要差不多$60的一個餐蛋麵奶茶早餐！唔怪之得要北上消費！

平時經過覺得呢間餐廳好chill 好舒服，所以今日黎食早餐。。點知。。。😵‍💫叫最簡單蛋治凍咖啡塊蛋治差過茶餐廳塊包厚但完全唔好食。。日本牛乳蛋治，但完全無味。。 咩黎？燶咗？最慘係原來好多碎牛喺d蛋度。。🤮唉😔 我喺唔食牛！！

好少去到天后嗰邊，但「今晚阿sir請食飯」😆😆，被邀約到ASAP晩餐，竟然有驚喜。 5：30pm，因爲要先傾工事、再開餐，過程中店員冇催促，亦樂意配合先上前菜比我地慢慢傾。前菜沙律新鮮爽口😋、海鮮酥皮湯放左一陣先飲，快酥皮都仲好脆。湯好飲，飲完唔口渴，真材實料。😋👍 傾完工事，終於開餐，我揀左吉列豬扒蛋包飯，豬扒嫩滑，蛋有蛋香，飯底我揀左茄汁底，更開胃。飲品揀左焦糖牛奶，好得意，焦糖、棉花糖粒粒自己diy加落去，IGable。😆😆😋😋 全程由店員Irene招待，親切有禮，亦悉心安排上菜次序。最後店員仲送上雪糕比我地做甜品（唔知係咪期間限定🫣🫣），正！ 最後回程行返去天后MTR，原來附近係超多食肆，種類繁多，下次除咗響銅鑼灣搵食，都會search埋天后站😉👍，ASPA肯定係推介之一😆👍

今日經過天后，見到一間餐廳叫ASAP，覺得好得意，而又等緊人，果陣咪入去試下囉～一入門口就有人走過嚟招呼，問我幾位，然後帶我搵位坐低。叫左個通粉三文治，個通粉湯夠熱，酸酸甜甜好味，三文外脆內軟，咖啡夠味，坐左成個鐘先走，見經理帶頭周圍同客人傾計，有講有笑，氣氛加野食都唔錯，下次有機會要再試

同朋友食Lunch，想搵間坐得舒服啲唔洗人迫人嘅餐廳，依度係個唔錯嘅選擇✅食物種類豐富，有蛋蓋飯、意粉、焗飯、漢堡、扒類等，加$20可配套餐，有齊沙律、湯同飲品，都幾抵食架🧚‍♀️✴️香煎雞扒配露絲瑪莉燒汁意大利粉✴️雞扒肉厚身嫩滑，大小有成隻手掌咁大✋🏻雞皮煎得好香好脆，調味適中唔會太鹹～唯一敗筆係意粉，煮完之後放咗一段時間，所以已經痴埋哂一齊，軟硬唔均勻👎🏻✴️牛肋肉蛋蓋飯✴️可揀咖哩汁/燒汁/蕃茄汁，飯亦可揀白飯/蕃茄飯🍚牛肋肉有咬口，帶點肥肉筋位～蛋蓋飯份量唔算多，女仔食會夠飽但男仔應該唔得🙈✴️酥皮海鮮濃湯✴️細細杯唔錯，即叫即焗所以非常熱♨️湯入面有一塊魚柳同兩粒蜆肉，不過如果怕腥嘅人應該唔鍾意飲～～

ASAP位於天后就在銅鑼灣街市附近。餐廳的招牌超級亮眼，在附近路過必定留意到。餐廳裝修採用輕工業風的設計加上大型插畫及霓虹光管掛飾， 格調輕鬆休閒。餐廳提供多款主食，全日早餐、漢堡包、日式咖喱、意大利粉、焗飯、扒類主菜及甜品。這次是午餐時段光顧，這裡有很多午餐套餐選擇，套餐都奉送咖啡/茶或可加錢升級其他特色飲料。❈ 鹽燒牛舌蛋蓋飯 HK$72是日餐湯(粟米湯) HK$4 (加配優惠)每款蛋蓋飯都可以自選醬汁(日式咖喱汁/燒汁/鮮蕃茄汁)及飯底(白飯/蕃茄飯)。我選了日式咖喱汁及蕃茄飯。這個牛舌蛋蓋飯的配搭很特別，牛舌份量適中，肉質軟嫩。日式咖喱汁的咖喱味不濃不辣，與牛舌及蛋蓋飯一起吃不會被咖喱味蓋過。熱騰騰的粟米湯，非常暖胃。

早幾日行過知道佢出左聖誕餐單，所以今晚去試吓，6 點半左右到，冇乜客，但食完走，都有6、7 成客。叫左澳洲牛扒$128，5 成熟，好香炭燒味，伴菜法國邊豆同薯條併個肉汁，幾好食。牛肉煎旦漢堡包$85 ，始終食包一定要配牛漢堡，這個包嘅饀系將啲牛肉炒過夾在中間再加隻太陽旦，因為我叫之時冇留意系炒牛肉，這個一般啦。每個餐可以加$28 可以配酥皮湯、火雞絲沙律和特飲，酥皮湯個酥皮好鬆香，沙律配紅莓醬就一般，個人覺得一向嘅柚子醋汁比較出色，飲品叫左草莓果肉梳打和焦糖牛乳，兩款味道都比較淡，但影相打卡一流。尤其當晚侍應相當勤快有禮，也有提議我們點樣叫才最抵食，整體用餐體驗相當不錯。

Intro: 天后同炮台山嘅交界真係好多出色嘅餐廳，今次就去左一間叫ASAP嘅cafe，內裡嘅環境好靚，窗邊仲有兩個位比食客打卡，每個午餐大約100蚊到（加一），加$8蚊仲可以有啲特色嘅飲品～___________________🍽 日式芥末蛋黃醬烤雞漢堡（配薯條沙律）💰 85（須加一）（+$4柚子醋田園沙律）⭐️ 8/10✍🏻 漢堡包嘅大少就偏細，但美式漢堡包皮烤得好脆，烤雞就炸得過火，肉質偏硬；✍🏻 薯條好脆，係靚嘅薯條，而沙律菜好新鮮，每啖都好爽口。✍🏻 最驚喜嘅係可以用4蚊加配柚子醋田園沙律，仲有少少粟米火龍果加配。🍽 自家製盤龍腸+香煎雞胸+法國邊豆+炒野菌+ 扒蕃茄+蜂蜜牛角窩夫+牛乳炒滑蛋💰99 （須加一） ⭐️8.5/10✍🏻 蜂蜜牛角窩夫又甜又脆，又適合打卡；✍🏻 盤龍腸真係好大條，比坊間嘅大兩倍；✍🏻 而雞胸煎得好好，唔會鞋口，仲有特調帶點酸甜又開胃嘅蕃茄汁；✍🏻 燒蕃茄燒得靚，唔會有苦澀味，而仲有磨菇等等嘅；☕️泡沫焦糖北海道牛乳（熱）/泡沫朱古力北海道牛乳（熱）💰加$8 （須加一） ⭐️8/10✍🏻 估唔到焦糖同朱古力可以比食客落醬，仲有粒粒棉花糖做襯托；✍🏻 呢款熱牛

不知不覺肚子又餓起來，看看電話，原來又到了午飯時候，去了銅鑼灣揾食，行經哥頓道維峰地下有間名叫ASAP As Simple As Possible嘅餐廳，見到有多款套餐選擇，有日本菜、西色、三文治和咖哩，於是就入座一試。我揀了個日本套餐：和風温泉蛋鰻魚汁牛肉飯，包一杯飲品$69。我揀了熱檸檬水，加$6還可以有一杯黑松露野菌湯。黑松露野菌湯熱辣辣的黑松露野菌湯端出來散發著一陣陣濃郁的黑松露香味，湯的稀杰度恰到好處，滋味十足。和風温泉蛋鰻魚汁牛肉飯濃郁的鰻魚汁和温泉蛋粘在飯裏，再配上紫菜絲、菇菌和牛肉，十分好味，牛肉不太肥但可惜質感有少許鞋。