ASAP As Simple As Possible

营业中

休息中

食物質素幾高，起碼遠超過個價錢吃了1. 黑松露野菌意粉：汁煮得香，又入味菇都夠多，份量超多，意粉真係西餐咁徧硬，鐘意食軟ge 可以叫佢地煮淋少少2. 特濃咖哩牛腩：咖啡有香味，係自己再調較過嘅，牛腩超淋，搵叉一吉就爛開，面頭個蛋就不過不失，都算中上小食：白酒煮蜆個汁做得超好味，加$28 又冇沙，好抵食...單骨雞翼好嫩，調味都好特別，加錢嘅小食嚟講真係屬於份量多加$3 轉左忌廉磨菇湯，唔係好"結" 個d , 菇味都唔算好濃，但d 個價錢ge 餐湯係可接受

平安夜🎅🎁🎄，周圍都好多放閃情侶💑 我呢個慳妹唔想男朋友洗太多錢。於是就自動請纓話食呢間ASAP，性價比超高的餐廳🍴 果然一入到黎，幾乎都係家庭客，冇情侶💑客。 唔緊要，我食得開心咪🉐️，哈哈😄首先我地叫左個火雞🦃️豬🐷肋骨餐，配薯條🍟餐湯沙律。 火雞🦃️肉好諗，好好食， 豬肋骨都好厚肉，又入味！ 粟米🌽燒得剛剛好，又甜。 薯條🍟就炸得太過啦，soso. 我個牛舌咖喱芝士焗飯，好正呀！ 真喺無論好食！埋單兩個人都喺250，好抵呀！

周末睡醒起隨便逛逛順便搵早餐食，點知唔係未開門就係有人龍，越行越遠，直到見到ASAP。望一望街外早餐餐牌$3x~$5x，在同區內唔算平，但望入去有唔少人，抱住一試心態就找個位坐下點菜。味道合格的，煙肉只一塊，厚切麵包軟綿綿幾新鮮，稍嫌份量不足。

呢間餐廳位於天后，雖然地方有點不就腳，距離天后地鐵站大約15分鐘，但食物同環境都好好🥘試咗個咖哩牛肋肉蛋蓋飯，啲汁好多好濃，撈飯真係超正，前菜係配柚子沙律🥗，好新鮮好開胃 餐飲就揀咗北海道牛奶😄。成set 晚餐大約95元左右。😄

秋涼的感覺像提示著冬天快要來到，這次光顧的西式小店，令我不得不感到一絲絲的暖意。透明的玻璃大門及大形的黑色餐廳logo已吸引在遠處走過來的我，大門後的一列商品亦差點令我忘了肚子的空虛感。坐下後，卻發現餐枱紙正有黑色和橙色的笑臉歡迎我，只是一張毫不起眼的餐枱紙，卻叫我難以忘記。黑松露野菌意粉．HK$86menu的輕食餐除了飯和意粉，亦有沙律配魚柳或黑豚扒提供。喜愛意粉的我又怎能不叫黑松露野菌意粉呢? 主食選定後，再決定加HK$3 要一客黑松露忌廉野菌湯及一杯熱earl grey。餐湯是用了一個黑白間條的小杯子盛起，雖然黑松露的味道不太突出，但醇滑的忌廉與菇菌挽回不少分數；主食的黑松露卻帶點味道，同時帶走了野菌的草青味，與灑上香草的橄欖意粉十分match。餐廳氣氛真的不錯，佈置方面必定落過苦功。能感覺到即使輕食早餐、lunch time、tea time 和晚餐時段都能與餐廳的環境融合，出外享受美食又多一個好選擇喇 !

一行五人到這裡食晚飯，因為吾太餓的關係，所以叫左3個餐再加一些小食。松露磨菇湯吾太熱味道也不太濃烈。柚子田園沙律，個汁好清新，沙律菜新鮮又夠凍。小食叫左腸仔八爪魚及七味粉雞翼，兩款份量都很細，八爪魚好奀，所以吾太建議叫。三文魚波菜汁意粉，三文魚個皮煎得好脆，意粉入面好多菇菇，吾錯。煎盲鰽配日式燴飯，件魚好厚份量又大，個飯略為濕左d。香草腸并豬骨扒，豬骨扒厚切，條腸好香香草味，伴菜豐富，好抵食。加配了焦糖燉旦，旦味濃帶點忌亷香，蘋果批并雪糕，個批暖暖地𥚃面d蘋果肉有點肉桂味，兩款甜品都吾錯。凍檸茶，茶味濃，食左咁多味濃野，好爽！

每次黎到都唔洗點等位，所以lunch都成日食～🤘🏻個人認為意粉麻麻，有次食白酒鮮梘意粉好似冇落調味咁😂如果唔知想食咩，就叫蛋包飯啦😂一定唔會伏😂先黎左一個粟米湯，味道濃郁，有d粟米粒粒，幾好飲～正餐就叫左吉列魚柳滑蛋蓋飯$76，叫左咖哩汁；魚柳炸得幾惹味，個汁唔係幾辣👍🏻👍🏻 最正係個滑蛋！真心滑，同埋試到蛋味，好中意🤪食完之後都超級飽，男仔食完應該岩岩好～仲有埋杯野飲，所以好夠飽🙈如果想奢侈少少食個飯，呢間真係唔錯既選擇👍🏻

茶記一半價錢都好過佢！ 無味 無餸 所謂既青口八爪魚意粉 $78 仲未計加一就咁！四隻BB 青口 兩隻開唔倒！ 食左兩啖無食啦！落辣椒仔都無味！店內只有湯好飲 粟米忌廉湯一杯 你覺得值唔值？仲要等上菜 ...

天后呢區真係有好多好嘢食鄰近大坑同銅鑼灣唔駛講清風街附近都有唔少具質素既餐廳今日就搵左呢間喺天后同砲台山中間既ASAP餐廳既裝修係走簡約，有少少工業風既感覺樓底幾高，食飯時間就算坐滿人都唔會覺得好嘈食物方面係日式西餐午餐有前菜，主菜同餐飲都係一百蚊樓下沙律加左少少檸檬汁，酸酸甜甜好開胃主菜其實係想叫蛋包飯但自己睇錯左叫左呢個黑松露意粉塞翁失馬焉知非福，唔叫錯都唔會試到上菜既時候已經聞到一陣黑松露香氣食落口，意粉亦煮到啱啱好，保持乾身有彈性平民價錢食到唔錯既日式西餐可惜午餐時間呢度都幾多人未必係一個食完仲可以hea 一陣既地方

餐廳喺公司附近，所以有時都會黎食1.食物湯：上次有蘑菇湯，飲落粒粒蘑菇，又濃味，可惜今次去冇今次飲栗米湯，依然保持到水準，唔會死甜，飲落明顯係清甜栗米味，同事叫咗蕃茄湯，唔太酸，易入口，色澤好紅成間餐廳其實最好飲係湯主菜：今次叫吉列流心豬排咖哩烏冬擺盤其實好靚，食物質素不過不失湯底咖哩味偏淡，配菜明顯係清水白焯，加上係雪藏貨，冇乜味豬排的確好流心，但肉質好乾唔滑整體黎講係不過不失，但唔會再叫2.環境地方空間好大，枱都好闊身，但食飯時間十分嘈吵，加上枱大我同同事距離遠咗，傾計要好大聲講野先聽到，把聲係辛苦嘅

行過見到個招牌幾得意，ASAP🤣發覺野食都幾吸引，套餐黎講都算幾抵！最後選擇黑松露雞肉首先嚟咗個伯爵茶，茶味唔算重，但都會有淡淡的伯爵茶香沙津估唔到有埋水果食！加分！個汁酸酸地，幾開胃重頭戲！份量估唔到咁大！配埋咁大碟意粉，未食都覺得飽不得不讚個多士！烘到好脆，而個湯黑松露味都好重，沾黎一齊食，好正！食完2個多士其實都已經有小小飽，不過將意粉倒埋落去又非常香，越食就越多haha 個湯其實營養都非常豐富，有蘆筍，南瓜，野菌，洋蔥等。每樣都完全索曬黑松露既味道成個set都好滿意，埋單又唔太貴

午餐第一次到ASAP ，午餐時間都比較full, 離開的時候都見到要等位。菜式較似西式X日式快餐跟餐粟米湯，不過不失👌🏻咖哩牛肋條滑蛋飯👍🏻，日式咖哩的風格，滑蛋質素頗高。咖哩味道唔香，牛肋條唔夠入味。咖哩烏冬👌🏻咖哩味道頗淡，比較稀，烏冬不太沾得上咖哩汁。炸芝士豬柳👍🏻豬柳OK, 唔會實，但唔太食得出芝士味。鮮菌炒意粉👌🏻，味道較淡，但意粉面又好油膩。鮮菌味道正常，唔會特別香。大致👌🏻，冇太大驚喜，只是比較貴的fusion快餐.

在天后走了幾個彎，找到這個裝潢簡單又色彩繽紛的餐廳。 店裡的slogans也很酷：Cooked with simplicity, Eat with significance ；The simpler the food, The richer the taste。我們倆都點了日式咖哩滑蛋蓋飯，套餐還包括了餐湯或沙律和茶飲。男友點的是特濃咖哩牛肋肉滑蛋蓋飯。外型真的好日式，而滑蛋呈水噹噹的形態好吸引呢！日式咖哩味道濃郁，香口滋味又不會太辣，而牛肋肉像牛腩般有嚼勁又軟稔。滑蛋蛋味也挺重，而質感真的很滑溜，配上咖哩汁和飯一起吃好滿足呢！我點了鰻魚和黑豚肉的組合 — 蒲燒鰻魚吉列黑豚滑蛋蓋飯。說實話是跟餐牌上的圖片有一點點出入呢。 鰻魚燒的比較焦黑，而肉質也不是非常新鮮的感覺。反而吉列黑豚就比想像中好，炸粉薄薄的，豚肉肉質鮮嫩多汁，同時帶有少許筋腱有嚼口。作為簡單的快捷午餐還算不過不失。

Happy Friday 緊係要食好d 啦！平時經過見到呢間都坐滿曬，今日就早點落黎霸位，好彩一去到就已經有位lu睇門面都已經覺得好吸引，好中意個名，as simple as possible 見到個lunch menu樣樣都好吸引最後選擇左B5, 日式野菌雞柳照燒汁意粉同叫左蕃茄湯，薄荷茶蕃茄湯好濃，而且份量十足，一d都唔稀好中意個杯haha 好特別主菜黎啦，個賣相有d失望，不過好彩味道幾好，雞柳亦都有好多塊，薄荷茶係用普通茶包，冇咩特別！不過值得一提既係呢度等餐時間比較耐，而且服務態度都一般！但環境裝橫都唔錯既。

由於喺附近返工嘅關係，如果想食晏坐得舒服d，可以選擇嘅餐廳並不多，ASAP係其中一間可以坐得比較舒服嘅餐廳，不過，環境好嘈，如果見客食飯則免！大大話話幫襯左ASAP超過20次，最欣賞佢嘅蛋蓋飯，個蛋雖未至於勁滑，但配埋個飯真係好有質感，好滿足。因為我食左太多次蛋蓋飯，所以今次我點了一個新set lunch-日式燒汁雞肉意粉。set lunch包湯/沙律同野飲。 今次我選了粟米湯，好多粟米粒粒。輪到主菜-日式燒汁雞肉意粉，勁大碟！講真，賣相擺碟真係一般，好似茶餐廳炒野咁兜到亂晒咁上碟，有d菇仲飛左一半出碟邊😅 雖然賣相麻麻，但味道ok！燒汁不會太甜，意粉夠彈牙，雞肉雖然係雞胸肉，但唔鞋！由於太大碟嘅關係，真係食唔晒🤨$72加一都算ok，所以仍然會再去！