Bamboo Thai (屯門市廣場1期)

营业中

休息中

依間餐廳既食物質素好 但唔知點解假期都唔會太多人等 今日食左蝦餅、大蝦金邊粉同咖啡沙冰 蝦餅好彈牙亦熱辣辣 金邊粉旁會有d辣椒粉 可以自己調節辣度 蝦彈牙 但蝦既鮮味唔算好出 咖啡冰沙唔算好甜 冰亦都好碎唔會難入口 咖啡味濃 味道啱啱好

▃感恩的心📷 差點被晚餐想吃泰囯餐逼瘋的新婚女子🧍‍♀️聽說自從先生看完不務正Ya又被點燃🔥想吃太泰滷味的慾望每每下班就想直接從新莊衝來吃晚餐😂兩人在理性與感性的拉扯之下讓先生如願回味姑丈也很喜歡的綠咖哩😋不知道大家吃過了嗎？我是覺得新推出的個人餐盒挺不錯，而且價格不貴，口味選擇又很多。我們點了二樣招牌菜：#泰式炒河粉、#綠咖哩椰汁雞，味道和在店裡吃幾乎是一樣的，只是外送的餐點是溫的，可以自己用微波爐稍微加熱更好吃。配菜也很好吃，有 #蝦醬高麗菜、#杏鮑菇、#蝦滋圈（吃起來就是像 #月亮蝦餅 的味道拉），總之一個餐盒的價格可以吃到好幾道瓦城招牌菜的感覺真好。再加上一杯泰式奶茶一餐超完美😘。疫情之下，因為我們家有小baby，所以幾乎不會在餐廳用餐

🔮火山排骨 $128見到Menu上面話係推介招牌菜,果然食落有驚喜,我目測台台都有呢個菜式,心諗就知道應該係好嘢！我叫左細分,但係上菜時竟然係好大份,排場絕對不少！   太后對泰國菜一向都有少少研究, 又有少少要求,佢都係咁讚整得好好味.豬肋骨和豬排骨用上湯熬到好腍,而且上菜時骨上面既肥膏已經去哂,所以一D都唔油膩,輕輕力用手一撕開就食得,骨上再淋上蒜蓉,芫荽,蔥,香茅等配料,再配上自家製嘅泰式酸魚露汁,食落超級惹味又醒胃,真係好正！最鍾意係呢味菜係要用手食的(店家會提供手套的）,食落更滋味更滿足呀！媽媽仲搞笑食完之後個啲汁決定打包返屋企去話整泰式雞翼尖！太后話呢味餸係配啤酒食會更正！真心推介！ 🔮招牌冬陰公雞翼 $72雞翼外香脆內軟滑，炸好之後再用冬陰公汁和香蒜再炒,非常惹味,雖然係冬陰功 ,但係只是微辣,啱哂我呀！讚 🔮泰式大蝦炒金邊粉 $118金邊粉炒得好入味又唔會太乾身,大蝦爽口,好食！不過就好似細碟咗少少 🔮熱帶風情  $44芒果菠蘿沙冰,只能夠話係一般,不過不失嘅飲品.芒果菠蘿味都唔係好濃.見到Meun張相覺得佢好似好大杯咁,但係原來唔係,咁就好似少少唔抵喇！

呢個weekend入咗屯門Staycation 晚上到屯門市廣場搵嘢食揀咗Bamboo Thai之前食過尖沙咀K11嗰門Bamboo Thai覺得幾好食今次試吓屯門間分店啦餐廳天花掛了很多以竹製成的燈罩配上餐廳棕色的桌椅，色調和階脆炸豬肉春卷 （$72）- 雖然望落去有啲油，不過食落去啖啖肉，春卷皮炸得脆脆，非常香口好食軟殼蟹米紙卷 （$92）- 軟殼蟹炸得好鬆化，配上沙律菜青瓜絲和蘿蔔絲，平衡口中油膩感覺，米紙卷煙煙韌韌，好有口感。香茅雞肉炒飯 （$102）-啱晒小朋友食嘅炒飯，香茅雞肉啖啖肉，好味到要添飯。自選沙冰（$44） - 可以自己揀生果同埋果汁嘅沙冰，自由度高，可以揀啱自己嘅口味。大M揀咗芒果配蘋果汁，小M揀咗草莓配紅莓汁。蕉媽就覺得沙冰比較甜，不過大小M就好鍾意。Bamboo Thai (屯門市廣場) (屯門)屯門屯順街1號屯門市廣場1期3樓3226號舖

泰式生蝦刺身 (8隻）$148生蝦新鮮彈牙，配上生蒜同埋辣醬汁食，又鮮甜又辣又開胃泰式雞沙嗲 $78串燒燒得好香口，雞肉好厚身，肉質嫩滑，配上香濃沙嗲醬食一流每串都好大串泰式肉碎生菜包 $88生菜好新鮮乾淨，可以放心食用，肉碎有得選小辣夠陪心，肉碎酸酸辣椒夠醒胃，肉碎份量好多，好抵食精選拼盤 $168有春卷，蝦米紙卷，炸魷魚，沙嗲雞串燒，炸魚餅，好大盆好夠食 泰式辣椒膏炒馬拉蜆 $148蜆肉新鮮肥美，辣椒膏醬汁香濃惹味冬陰公湯 $68必點推介，有新鮮大蝦係入面，酸酸甜甜楊枝甘露 $72新穎楊枝甘露，唔係一碗碗糖水咁，而係芒果撈碌柚青檸荔枝沙冰 $44芒果沙冰 $44

午餐時段已幫趁過好幾次，每次質數算是平均，食品沒有太大落差。環景、座位空間各樣都頗好。午餐此價位驟眼睇真係覺得偏貴，但試過就180度改觀，因為份量都大份，值得推~~蛋咖喱炒皇帝虎蝦 (Lunch Set HK$168) 作為午餐呢款蛋咖喱大虎蝦都有4大隻之多(蔗渣價錢燒鵝味道) ，真抵食真心推👍 雖然午餐價錢，但絕無hea做，超大碟。蛋咖喱醬澎湃洶湧令人驚訝。虎蝦入口肉質爽口彈牙，而蛋咖喱醬汁好香，蛋又嫩，好味到呢。。齋食咖喱已經可以撈幾碗白飯。I luv curry w/egg🥰牛油雞翼 (跟餐前菜)有誰唔喜愛，仲要即叫即整熱辣辣，外皮酥脆，雞肉入晒味，肉質嫩囗juicy。香茅雞肉撈檬 (Lunch Set HK$108)同其他餐館不同之處是用碟上，觀感上又不一樣，好處是淋上醬汁後，不用長期處於碗底，雞肉粒超酥香，撈埋醬汁飛天炒通菜 (跟餐前菜)食咁多肉點都要跟碟菜，好惹味，又唔辣，菜都嫩身無渣總括黎講，午餐三人行叫兩個餐絕對足夠，食物質數平均，服務尚可，環景空間感十足，有時間必會回頭。

阿叔請食生日飯，每次經過啊見到呢間啲排骨都非常想食，今日一於入去刷餐勁！內裏裝修泰式得來又簡潔，座位亦很寬敞！招牌菜火山排骨～特登為咗佢而入嚟食，$208一大兜，視覺上已經非常震撼，淋上芫荽蔥加自家秘製的酸汁，雖然啖啖肉但係完全都唔會溜濟，性價比超級高！清新柚子蝦沙律～酸酸甜甜少少辣，開胃，作為餐前小食一流！蛋咖喱軟殼蟹～咖喱偏甜咗少少，但整體非常香濃，要來撈飯超正！反而軟殼蟹就炸得太乾冇乜肉食！泰式辣椒膏炒馬拉蜆～小酸辣唔會搶咗大蜆的鮮味，十分惹味！飛天通菜，完全冇失手，香、脆、嫩！泰式生蝦刺身～蝦冇乜特別鮮味，但自家調製的醬汁非常好味！

食物好一般，唔戴眼鏡果位經理態度極差，見住你等緊入座，有位都當睇你唔到，想叫野食果陣，佢望住你叫佢都唔理你，咁差嘅服務真係第一次見，之後先見到OpenRice 有唔少comment 都有講佢…..呢個地方唔會再黎

泰式燒豬頸肉 $98：豬頸肉大大片，燒到有脆邊，幾香。肉質結實有咬口。黃金蝦餅 $88：蝦餅炸得香脆，夠厚身。食到鮮蝦味，肉質彈牙，好好食。幾鐘意佢配搭嘅泰式甜酸醬，辣度適中，調味好平衡又開胃。火山排骨(小) $138排骨炆到腍，入哂味，食落啖啖肉，完全唔會鞋口。醬汁鹹鹹酸酸，偏鹹同濃味，沾上少許已好夠味。泰式大蝦炒金邊粉$118：唔覺意撈得大多辣椒粉，所以食到好辣😂蝦好爽口，口感豐富，金邊粉無咩味。芒果糯米飯 $72：椰汁雪糕creamy又香濃，配上糯米飯煙煙韌靭，帶啲咬口，味道甜甜地又帶點鹹，好特別。加上芒果好香甜，整體好好食。新鮮椰青 $64 ：清涼，消滯又解油膩。九層塔青檸梳打 $40 ：九層塔香味突出，青檸酸甜味濃郁又適中，清新開胃。

食物好味，特別是隻蟹，可惜高級經理態度差。 Good is very good, especially in the crab. But the top manager attitude needs to improve. Busy is not a excuse to drop the quality of service

食物質素非常好，特別係有素食選擇👍🏻👍🏻，員工亦都非常有禮貌，招呼得非常好👍🏻，只是座位比較狹窄，另外如果可以多一些酒精類飲品選擇就更加好啦，第一次幫襯的感覺very good

昨天2022年4月18日約1:00pm左右！到步屯市3樓本來想食里間，在安排坐台上有問題有個聲稱最大嘅經理話要逐個逐個檢查我哋嘅安心出行同針卡！明明有位職員仔已帶領我地掃晒先入店坐低！經理行來，態度非常惡劣，話唔系咁安排叫番我地出去再需要一個個檢查，安心同針卡未食已成肚火，經理話：講咗句對唔住囉仲想點？重點 系個經理態度好有問題鬧完人講句對唔住？仲要話 系呀 咁想點呀？眼神不友善！意為自己真系大晒既經理

見到餐牌有菠蘿炒飯、蒜蓉包、撈檬，都係我兩個女鍾意食，就入去啦。點知佢開頭要我地一家四口分開前後枱坐（二人限枱令），我就唔制，然後經理又話可以幫我哋搬枱，連埋一齊坐只係中間有隔板，咁好好多。我地叫左兩個午巿套餐：1）菠蘿雞肉炒飯+牛油雞翼+荔枝梳打2）香茅牛肉撈檬+炸豬肉春卷+芒果沙冰菠蘿雞肉炒飯好淡口，但正好啱小朋友。牛油雞翼熱辣辣，好好味，勁脆勁香，整得唔錯（心急剪畀小朋友食，未影就剪開咗）香茅牛肉撈檬配料分類擺盤。可以自行選擇撈邊啲，牛肉好淋味道夠，唔錯唔錯炸豬肉春卷只食到粉絲、甘筍、木耳，係咪畀錯咗🤔（心急剪畀小朋友食，未影就剪開咗）兩杯嘢食都正常好飲，荔枝大大粒，但唔記得影相

當日點了越南雞翼、撈檬，其他食物是不錯的，越南雞翼炸得幾香。但令我不滿的是帶位的人員雙重標準及不知所謂。餐廳明明有大把的位置，排係我前面的客人已經順利進入，但當輪到我時候，那一位疑似是部長/接待員的人一直都沒有理我地，直至20分鐘後才安排我入座，接著排我後面的人也很大可以入座。如果唔想做生意其他可以早d講，依家疫情關係仲要賴係野咁，扮哂大牌，不知所謂。D野食係普通水平，但大把同你一樣級數既餐廳服務態度好過你唔知幾多。我發誓永遠都唔會再去食。味道:6環境:6態度:1.5價錢:3總分:16.5評級: D

📍「Bamboo Thai」- 屯門今次食食食之旅黎到屯門😌呢排病毒6點後先出動，咁唯有出返之前嘅餐廳啦🗿好耐無食泰國菜🇹🇭啦！成日係IG見到超巨型火山排骨，一直想試好耐，今日係屯市行行下諗唔到食咩好，所以決定試試佢😎📷餐廳位於屯門市中心，店舖都算幾大，座位好闊落，仲安排咗卡位俾我哋😍😇裝修富有東南亞風情🌴🍹，天花掛咗唔同大小嘅竹滕燈籠，燈光亦比較浪漫，幾有氣氛🤗🍴火山排骨（小）💰HK$138✨推薦指數：8/10一嚟到真係「嘩」一聲，估唔到嗌咗細份都仲係咁大份，大約有4️⃣件大排骨，唔好以為得舊骨大，其實真係好多肉，果然童叟無欺🤣餐廳提供即用即棄手套，可以直接戴手套用手食🤣排骨非常入味，配上泰式醬汁，味道酸酸甜甜中帶少少🤏🏻辣，愈食愈開胃，而肉質都鮮嫩腍身，好食😋不過份量偏大，兩個人太多，同埋食到有啲啲攰🤣🤪🍴清新柚子蝦沙律💰HK$78✨推薦指數：7/10份量都算大，酸酸甜甜嘅柚子配上泰式醬幾fresh🤤蝦肉爽口彈牙，呢個配搭好開胃😋😋😋🍴泰式蕃茄海鮮湯檬💰HK$92✨推薦指數：6/10本身想食撈濛，不過佢無哂，連生牛肉湯濛都無，明明我哋已經6️⃣點嚟食晚市🤣🤣🤣最後揀左呢個😋湯檬有大蝦、魷魚