Bamboo Thai (如心廣場一期)

营业中

休息中

今日小妹又去左荃灣Namco夾公仔😆🧸, 上次經過見到E間Bamboo Thai好似唔錯咁, 於是今次就同朋友去試下!🌟泰式生蝦刺身🦐生蝦晶瑩爽彈, 加上辣椒, 蒜片同泰式醬汁, 酸酸辣辣非常開胃!🌟泰式虎蝦檳榔椰菜包🥬🦐檳榔葉入面包住虎蝦粒, 西柚, 配上清新醬汁, 食落微辣甜甜地幾得意!🌟火山排骨(小)雖然叫左個細嘅, 但排骨都幾巨型, 排骨疊高左, 外形好似座火山🌋咁, 上面再淋上秘製酸辣醬汁, 酸香惹味!🌟招牌蟹肉臘腸炒飯臘腸味道甜甜地, 加上蟹肉同蝦乾, 咸咸香香, 味道唔錯!

荃係一個好地方㊙️可以滿足到去日本既心，又可以滿足去泰國既心🤣想去日本既你可以行donkidobki😇行完之後可以黎依到依泰國野😋.🐥招牌冬蔭公雞翼 $68叫得招牌點可以唔試😎唔會話好辣🤩但又有冬蔭公既味道👍🏽外脆內軟😽.🦀軟殼蟹米紙卷 $88蟹肉都唔少😺夾住啲沙律菜🥗可以減低油膩感.🔥火山拼骨 $118啲排骨既肉煮到好淋，兩個人都可以食唔晒🤣有座小山峰甘既量😋叫依碟餸既人一定要係蒜既愛好者😺依個餸既汁酸酸地都幾特別

第一次駕車去到如心廣場，商場很新，有些舖位還未有商店進駐。逛了一會之後就決定走進這家泰式餐廳食晚餐。餐廳全新裝修，木系泰式風格，座位舒適，有多張卡位。我們坐的卡位剛好是望著餐廳酒吧位置，如果有客人點了沙冰飲品，那酒吧就會比較嘈吵，因為要碎冰。頭盤我們點了生蝦刺身 (HK$148) 有八隻，生蝦鋪在碎冰上，配上泰青辣醬，超級開胃。沙律我們點了泰式虎蝦檳榔菜包 (HK$88)，這款沙律不太常見，比較特別。已拆殼的虎蝦連同配料放在檳榔菜上，一口一啖，味道恰到好處，口感富層次。主菜我們點了小份的火山排骨 (HK$118)，份量十足，足夠兩位食用，幸好我們沒點了大份，要不然其他菜色也吃不下了！店員給了我們膠手套以方便食用。輕輕將豬肋骨撕開，再沾上青醬，這裏的青醬不是太辣，比較酸，真的很開胃，會吃不停口呢。但不知道是不是我們比較早到餐廳 (當天第一台晚市食客)，豬肋骨如果再煮久一點就會更加嫩淋了！麵食方面我當然點了我最喜愛的泰式大蝦炒金邊粉，基本上到每一間泰式餐廳我也會點這個！與地道炒金邊粉一樣，旁邊配上了生芽菜、辣椒粉、花生粒，隨個人喜好加添在金邊粉裏。飲品方面我們點了九層塔青檸梳打 (凍) 及

呢個組合差唔多三年無見了。型男Nic介紹了去荃灣如心廣場‘Bamboo Thai’，之前路過已經有興趣了🤩 可以致電訂枱，服務不錯。當晚去到門口係排隊等位的，但有訂位，入去就有枱了👍🏻打開餐牌，好多嘢都想食🤤點了椰子雞湯酸度剛剛好不會太過，椰香夠，又足料小食拼盤有米紙卷、串燒雞、炸春卷、魚餅、炸魷魚圈😍😍 竟然有米紙卷，已經覺得都好抵食。樣樣小食味道都唔差！炒通菜叫了馬拉盞，不太辣，啱晒我。D通菜都好新鮮炒金邊粉份量雖然唔算多，但大蝦新鮮，金邊粉彈牙，夠鑊氣😋😋戲肉來了，差不多枱枱都有點的火山排骨🤤🤤🤤 佢有大小size的。我哋有四人所以點了大份的。唔好見骨頭咁大舊，但好多肉😃 加上泰式酸酸的湯汁，很開胃👍🏻食物味道好，座位又坐得舒服～五道菜埋單都係$660，實在太抵食了吧！！！！一定會再來🤠

疫情期間無得返家鄉享受泰國滋味，唯有佢間泰國餐廳止下癮，食返啲泰國菜當去咗泰國旅行。餐廳地方大，座位寬躺，裝潢充滿泰國風味。黃金蝦餅 (HK$75) 🍤蝦餅一份四粒，即叫即炸，炸至金黃色，上枱時熱辣辣。蝦餅外皮酥脆，蝦肉札實，爽口彈牙！大蝦米紙卷 (HK$68)🫔用煙韌的半透明米紙包裹著新鮮蔬菜及彈牙大蝦，配上店家特調的魚露汁，酸酸甜甜，清新健康。火山排骨 (小)(HK$118) 🌋 餐廳的signature ，雖然係小份，個份量頗多的。排骨堆至火山般，氣勢逼人。排骨相當軟腍，不費吹灰之力便能把排骨的肉咬下，加上充滿香葱及蒜蓉的酸辣汁，酸酸辣辣，令人開胃。推薦👍泰式大蝦炒金邊粉 (HK$112)🦐鮮蝦一點也吝嗇，有數隻爽口彈牙的鮮蝦。 金邊粉裏面有蔥花，芽菜，花生，辣椒等配料，而且金邊粉麵質Q彈，炒得有獲氣又不會太油膩。

上次朋友帶過我嚟食，我一直都好想再帶屋企人嚟食，因為呢間泰國菜價錢好親民，但係用料分新鮮🤤🤤首先，我哋叫咗一個前菜，生菜包！☺️☺️食過咁多個生菜包入邊，呢個令我好難忘，因為佢加咗檸檬葉薄荷葉，夾埋啲炒到粒粒分明嘅豬肉一齊食，感覺真係好fresh 😆😆其次，你多個軟殼蟹紫米卷😋😋食泰國嘢又點少得食紫米卷呢！呢個泰國紫米卷入邊唔單止加咗蘿蔔絲、青瓜絲，仲加埋芒果師，同埋牛油果🥑✌🏻✌🏻全部將我最鍾意嘅嘢包埋一齊，又點會唔好食呢？🥰🥰到主菜方面，我哋又食咗佢推介嘅火山排骨😄😄火山排骨係用啲酸酸甜甜嘅汁咬食嘅排骨，食完令人十分開胃，而且佢份量好大，就算叫細細一份，都夠四個人食🤣🤣仲叫咗個泰式大蝦炒金邊粉😝😝我本身好怕金邊粉好濕，炒得唔夠乾爽，但係呢個金邊粉係我食過最好食㗎 ！唔係誇張！因為佢啲金邊粉炒得好爽，而且加埋啲辣粉，甜甜酸酸，食到好開胃😋😋😚😚而且嗰三隻蝦，一啲都唔求其，因為三隻蝦啲肉都係好實，好新鮮😌😌嘢飲方面，我哋一個叫咗芒果沙冰，一個叫咗泰式特色飲品，除咗好有咬口之外，沙冰都好fresh既感覺，配泰國菜就一流🤪

又帶著親愛的爸爸食好野，今次係食泰國菜☺️， 荃灣食泰國菜之前會去路德圍果頭食，但今次同事介紹話呢間質素好高叫我要來，所以就同爸爸來。爸爸睇左餐牌就即叫呢到最出名的火山排骨， 明明叫細，但來到都好大盤， 好多排骨，調味上落左魚露，辣椒令到每件排骨都幾香濃。清新袖子沙律，絕對要叫，大大隻蝦配上大舊袖子，加左d 調味，醬汁又幾好味。泰式肉碎生菜包， 我地估唔到辣味剛好唔會過份刺激，味道豐富令人想追住包生菜來食的。最後個泰式火車頭和牛炒飯 ，驚喜之作，沒想到佢用和牛的份量會咁多，和牛入口軟腍，配上炒飯好滋味。

💁🏻‍♀️ Bamboo Thai (荃灣) 🍴-荃灣都算係我地頭因為成日同男朋友蒲開🤣 最近試左間如心廣場入面新開嘅餐廳，唔錯唔錯❤️冬蔭雞翼（$68）食過咁多雞翼呢間嘅真係唔錯！size大，真係岩岩炸起勁鬆脆！冬蔭功味好惹味但唔會太辣，高質！火山🌋排骨（小）（$118）雖然係叫小，但係份量都好大🤣🤣排骨嘅醬汁酸酸甜甜，帶點酸味，肉質超級淋，連男朋友平時唔多鍾意食肉都覺得好好味🥳🥳和牛炒飯 （$128）係勁有泰式風味嘅炒飯，色澤均勻，和牛肉粒就Juicy，再加埋洋蔥、車厘茄，非常惹味😋玫瑰薑茶（ $42 ）養生人士啲叫，薑味好重，配埋淡淡嘅玫瑰香，飲完個心好暖-📍 Bamboo Thai (荃灣)#荃灣 楊屋道8號如心廣場一期1樓105-107號舖#小丸子搵食記 #小丸子荃灣-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram

每次去完donki都會路經呢間泰國嘢, 見到裝修咁靚, 因為抽住好多嘢所以都無機會入去試。難得今日無買嘢, 又肚餓, 所以就入去食飯。餐廳裝修簡約, 木色既傢俬, 好有泰國氣息。卡位隱敝性高, 好有私隱度, 有一個半私人空間。餐廳主打菜係火山排骨, 一大堆肉堆成一座火山咁, 啱晒D食肉獸。排骨上面鋪滿蔥蒜香茅, 配以泰式酸甜汁, 非常醒胃。排骨好冧, 但絕對唔老, 非常好味。小食既紅咖哩魚餅又厚又彈牙, 少少辣, 好惹味。軟殼蟹米紙卷好足料, 卷入面塞滿左香脆既軟殼蟹, 都無乜位可以放粉絲生菜, 點埋越式酸汁, 非常好味。主食係招牌蟹肉炒飯。炒飯好乾爽, 粒粒分明, 蟹肉好鮮甜, 泰式臘腸好特別, 帶少少辣, 非常好味。飲品沙冰都唔錯, 尤其係椰子沙冰, 椰奶味好香好濃, 不過飲晒真係好飽。

每次想去泰國旅行嘅時候 都一定會搵一間泰國餐廳去食 泰式生蝦刺身（8隻）$148生蝦係必叫菜式之一🦐蝦肉新鮮口感彈牙而鮮甜，辣椒和蒜片在沾上泰式醬汁 令到食慾大增冬陰功$68另外一個必要嘅菜式🤤 酸酸辣辣 配上香茅嘅味道 足料嘅材料整成濃郁嘅冬陰功湯 非常美味🥰火山排骨（小）$118完全俾佢啲份量嚇到 每一舊排骨都啖啖肉 味道酸酸咸咸 就算全部都係肉 都唔會覺得太瀉招牌蟹肉臘腸炒飯$128非常特別嘅一個炒飯 臘腸既油香linh都整個炒飯嘅味道非常豐富 配上分量唔少嘅蟹肉 非常讚

今日夜晚去開荃灣，順便食個晩餐入座時店員俾咗張二人卡位，坐得舒服闊落~餐牌好多選擇，店員介紹咗招牌菜－火山排骨雖然唔係好餓，但都叫咗四個餸祭祭五臟！分別叫咗軟殼蟹米紙卷、冬蔭公雞翼、泰式大蝦炒金邊粉同火山排骨飲品就點咗熱香茅薑茶同荔枝青檸梳打軟殼蟹米紙卷：材料及顏色非常豐富，個涵有大大件軟殻蟹件、牛油果、芒果、青瓜絲同紅蘿蔔絲米紙非常煙韌，夾埋甜酸汁，作為前菜非常開胃，下次可以再叫!招牌冬蔭公雞翼：天口熱唔想飲湯，就叫咗招牌冬蔭公雞翼，雞翼炸得香脆可口，啖啖冬蔭公味，份量亦多更驚喜係旁邊附上配菜，醃蘿蔔絲酸酸甜甜，開胃到雞翼都可以食多兩隻~火山排骨：一上枱嘅一刻，大家都大叫一聲雖然叫咗細份，但份量非常巨型店員上菜時都好貼心附上濕紙巾同手套，方便大家手撕排骨排骨是脊骨部位，配上秘製酸辣醬汁同大量蒜蓉，非常入味同啖啖肉，岩哂食肉獸泰式大蝦炒金邊粉：金邊粉炒得乾身，煙韌彈牙，配上大蝦，加埋芽菜爽口，辣椒粉夠辣，撈埋花生粒，甜甜辣辣，正宗泰式風味香茅薑茶薑味濃郁加埋香茅香味，非常夾荔枝梳打水亦都清甜開胃

平時都好少寫食評 ,但係今次真係唔講唔得.見到openrice有咁多正評,同埋平時都要等位,諗住試下.一試就知都唔知啲好評從哪裏來.食咗佢嘅招牌火山骨,冬陰功湯同埋蟹肉炒飯.炒飯算正正常常,不過128蚊只係得一小碟.冬陰功湯68蚊得一碗及一隻蝦.最唔掂就係嗰個招牌火山骨,根本上就係煲湯豬脊骨,就咁諗淋啲好酸嘅汁上去. 啲肉好鞋仲有豬肉嘅腥味. 總括嚟講食完徑口渴呢間嘢食啲嘢又貴又唔好, 總共兩個人食咗 差唔多四百蚊. 飲個椰青都要68蚊 .千祈唔好畀openrice啲正評呃到如果唔係 盞嘥錢.

一路都好想試如心廣場嘅呢間泰國菜，今日早收終於黎左食！以為同區黎講佢會較貴，但以呢個地點同格局黎講，餐牌望落普遍都唔算貴，食物選擇都好多。豬肉碎生菜包，豬肉炒得好香，夠乾身，加左冬蔭公湯汁，好香又帶點香料味！食落少少辣，不過就好惹味！軟殼蟹米紙卷，軟殼蟹夠熱同脆卜卜，唔會預先整定，有誠意！入面包住紅蘿蔔、黃椒、芒果等，清新得黎口感又豐富，仲解到軟殼蟹嘅油膩感添！火山排骨，餐廳推介菜式！上菜時賣相雖然麻麻，不過味道就好得！原本估唔到呢道菜會係點，食落先知醬汁係酸酸地嘅，帶好少嘅微辣，似串燒嘅醬汁，排骨入哂味，而且份量有好多，好扺食！泰式大蝦炒金邊粉，大蝦好爽口，金邊粉唔會好濕，味道調味亦啱啱好！飲品方面，柑橘咸檸梳打同芒果牛奶沙冰，後者可能用現成芒果汁，味道無咁香濃。

今次又去到荃灣覓食，見到有間新開嘅泰國餐廳，又見個個必食嘅火山排骨都幾吸引就過嚟試吓啦！呢個排骨一定要用手食先會原汁原味，餐廳會提供膠手套，就連軟骨都可以食埋，純粹食佢啲肉味道唔算特別只係好稔，但係加埋啲汁酸酸味味少少辣，又有我喜愛嘅香茅味，再加上大量蒜頭芫荽蔥感覺煥然一新，超開胃，最後連啲湯汁都飲埋！蟹肉臘腸炒飯份量比較少，飯炒得幾乾身，臘腸鹹鹹地，有啲蔬菜同埋蟹肉撈埋一齊食味道都唔錯。軟殼蟹米紙卷味道普普通通啦，軟殼蟹夠大隻可惜唔夠脆。黃金蝦餅好彈牙炸得啱啱好，配個泰式醬汁好食，通常食泰國菜我都會叫呢個小食。珍多冰一般好飲因為椰汁味唔夠濃。甜品唔多選擇，心太軟over cook冇流心，不過蛋糕上面有橙皮乾食落又好夾，而楊枝甘露真係好好食，唔同一般甜品舖嗰d，佢有啲合桃薄荷葉同埋雪糕係似雪糕車嗰啲咁滑，口感豐富真係食到舔舔脷

泰式火車頭和牛炒飯和牛好腍入口即溶有蔥芥蘭洋蔥青瓜蕃茄仔。隨飯附上醬汁一碟。醬汁係魚露加辣椒整成，又鹹又辣。個人認為唔使點魚露都得，因為個飯本身已經好夠味。軟殼蟹米紙卷入面有薄荷葉勁香，重有芫茜紅蘿蔔絲青瓜絲同芒果。芒果又甜又多汁！點埋魚露添上少許鹹味同水份食落冇咁乾。招牌冬蔭雞翼隻隻都好大隻！有冬蔭公香但唔會太辣。火山排骨(小)有小同大兩個份量揀。估唔到嗌「小」份都咁大份！😱排骨擺放成火山🌋形狀，唔係「得排骨」，而係啖啖肉！個汁先係重點！酸酸嘅汁🤤食落超開胃！唔覺唔覺連續食左幾嚿排骨！😱最欣賞係佢上枱時附送手套同濕紙巾，方便食客大快朵頤。😋對手套唔會太貼手，好易除，幾好👍🏻。泰式燒豬頸肉豬頸肉好香香茅味旁邊嘅醬汁入面有炸蒜片同芫茜，味道酸酸甜甜。點埋豬頸肉一齊食，份外滋味！😋配菜酸蘿蔔絲有香葉味。我好鍾意飲花茶，估唔到呢度有花茶飲😍！嗌左壺玫瑰黑糖薑茶。玫瑰嘅香、黑糖嘅甜同埋薑嘅辣完美融合在一起，飲完好舒服～🥰龍眼椰子冰有好多粒龍眼，粒粒都大大粒，食落好甜～重有玫瑰花瓣🌹浮喺面，好靚～