BB開心茶座

营业中

休息中

聖誔假一早去鹿頸. 開步前先黎食個早餐先. . 呢度的all day breakfast唔知係咪好出名, 只知班friend一聽到黎鹿頸就話要黎食早餐.坐底左呢度的all day breakfast分美式同英式. 分別只係多左煙肉.我地叫左個英式早餐, 因為呢個餐份量最大. 加薯餅再加錢.其實我地四個人叫的都一樣, 連飲品都一樣, 只係三個要炒蛋一個要煎蛋.但最後黎到係三個煎蛋, 一個炒蛋, 橙汁送左去隔離枱. 明明四份都加薯餅但有一份係無左個薯餅.簡直亂晒龍. 雖然都有幾枱人但都無理由錯成咁樣.好吧. 講下食品. 橙汁一早問左唔係鮮窄的, 係OJ之類的橙汁. (唔駛加錢)個早餐如圖, 有腸仔, 煙肉, 火腿, 兩隻蛋, 黃豆, 蕃茄及一個多士. 腸仔, 煙肉同火腿呢d味道一定無得輸但好油...隻蛋因為佢整錯我地迫住食荷包蛋漏黃個隻.. 攪到我地驚一陣行山要搵Toilet個個都唔敢食隻黃. 浪費左呀!!!!個多士. 相中呢個叫做最靚仔, 有d燶到好黑. 整得有點唔平均.奉勸一句若唔食得太肥膩野的, 係行山前都係食碗粉安全d. 呢個早餐超肥膩同超高卡...

三個女人出世至今所吃過最難吃一餐，第一次3個人去吃，3樣都超難吃，D醬臭既，落單嗌好耐都吾理你，寧願係度吹水，由得你的一直嗌吾該，第一次我同老友三人一出門口齊聲話：永不再入呢度吃飯了。

鹿頸行山 先去開心BB士多食個飯先。友人推介食呢間。沙薑雞米粉～沙薑雞肉係彈牙既 沙薑雞味幾濃 米粉就太硬 湯底就真心冇咩味。細細碗 不過唔算貴 好像三四十蚊。客家滷肉拼牛筋腩飯～滷肉飯係幾入味 五花腩肥瘦一半半 老公食肥膏食得好高興。牛筋腩幾腍都OK 但唔係特別出色 白飯比較硬左 好彩有汁撈飯。飲左一枝五地牛岺 好像話清熱解毒 涼茶味 自家煲 老公就讚不絕口 我唔識欣賞。食左碗豆腐花 幾滑 但豆味唔算濃。如果真是去鹿頸郊遊 都可以試下呢間士多既。

粉嶺搭小巴去尾站，就黎到鹿頸。原本就黎行下山影下相，上網搵一原來呢到有間好出名嘅餐廳，發哥黎行山都係食佢。咁一定要一試。好多黎食都會整個沙薑雞飯，雞好滑，完全零雪味，配埋個醬就更加好味，但要小心唔好點太多，因為都偏濃味。仲有就叫左個英式早餐，份量好多，太陽蛋加烘底麵包一流，仲有薯餅，正。

同朋友行完谷埔後來到這間好多人的茶座，打算食個麵加個凍飲。自行搵位坐後落單阿姐有啲亂，叫左一碗牛筋腩麵，及四碗鹽焗雞麵，一杯凍檸茶及四支可樂。燒賣及炸春卷小食。先來了一杯凍檸茶，來到啲冰都差唔多冇哂，都唔凍嘅。其後阿姐話可樂唔夠凍，咁我地全部都轉哂凍檸茶，但來到都係唔凍嘅，仲要支飲管勁勁勁污糟囉！碗牛筋腩麵仲有條毛。。。食飽就算了。。。唔會再來。。。

去膠遊.....順便食下野，呢間店貼滿老闆同明星既合照，環境就一般。叫左3樣野食：1）凍豆花，據說係用山水.. 其實唔覺有豆味，而且略硬，滑就幾滑既，但有種感覺似擺左係雪櫃一段時間2）魚蛋：脹卜卜，都幾入味，有魚味3）炸雞翼：雞翼明顯係有腌過的，然後再炸，個皮炸到脆脆地，老闆話係走地雞，唔知係唔係，未食得出😂整體黎講都係好食既

好搞笑嘅一餐！其實佢地d野食有幾多選擇嘅！我地5個人，叫左4個英式，1個bb早餐！4個英式都黎都好快, 但Bb起碼等左半個鐘以上！吹幾次都話入面好多單等下！見隔離台都係咁上錯，所以冇再吹！耐心等就終於有Jam 太少！如果有埋butter 會好d! 薯餅好脆好好味！但如果有tomato sauce 會更好hahahaha!我好鐘意佢嘅腸仔，有d芝士係入面，好好味！飲料有好多choice! 但原來港式奶茶同英式奶茶係冇分別，都係絲物奶茶！好彩個呀姐有講！因為英式係貴d😂😂不過個地方好難泊車，因為假期真係勁勁勁多人！

Before going hiking, we stop for a big breakfast. According to other bloggers, a lot of them suggested people to try the breakfast here because the amount is quite big. We ordered the English breakfast which includes lots of things. The sunny side up eggs were smooth. I made a sandwich out with the ham, lunch meat and toast. The ham and lunch meat were crispy. The sausages were meaty and tasted like pork meat, which is quite different compare to others. The hash brown tasted so good with the bak

今日天氣都幾好，雖然有毛毛雨，都不損我地出發玩既心情~ 我地帶左阿囡返婆婆度，就兩公婆去拍拖啦~ 成日聽人講沙頭角禁區開左，我地就入左兜左轉，老公話有條路原來返到大埔喎!!!行行下見到有豆腐花食，就入去食返碗，抖一抖啦!呢間豆腐花都好多人食喎，好多都係行山人士，餐廳門口就係去粉嶺既小巴站，我見好多人都食完豆腐花就排隊搭小巴。我地叫左碗熱左豆腐花，黃糖自己加既。豆腐花都算幾滑，唔會FEEL到有D石膏粉”將”住，而且都聞到好香既大豆味~豆腐花本身既糖水唔係好甜，所以我都落得幾多黃糖，$10一碗作為下午茶都唔錯呀~ 如果可以有埋薑汁加就好啦!

入到鹿頸諗住食個靚午餐，經過幾次見呢間都幾多人食，咪試下新野law,點知中曬伏😫😫😫從來未食過車仔麵d湯清水一樣清澈，冇味冇道，豬腸白烚完全冇色水，味道吾駛講啦😤牛筋腩飯（本店名物）成$40餸又少又吾好食，奶茶好多奶冇乜茶味，美式早餐冇特別，味道一般，伙記工作態度愛理不理，簡直貼錢買難受😡😡😡😡😡究竟d人鍾意佢d乜，不可思議🤔絕對冇下次😑

今日週末難得好天氣，梗係自駕去親親大自然，之前聽朋友講鹿頸bb開心茶座有all day breakfast食，泊車又方便，正好今日去試下！去到原來吾單止有all day breakfast,仲有中式既牛腩麵同其他小食選擇，我就當然試下佢地既招牌breakfast啦雖然個賣相吾太出色，不過食落又很好味，睇得出有用心去整，太陽蛋煎得剛剛好，吾會有生既感覺，腸仔火腿都有煎到剛剛微燶，番茄就用焗既方式去煮，淋淋地好好味，再加埋一個咁靚既環境，依餐食得好開心！特別一提佢地既奶茶幾好味，茶味好重，啱曬我既口味！期待下一次再黎效遊嘆breakfast！

星期日無野做，見天氣幾好就開車去大埔兜下，行行下就去左食豆腐花。呢間豆腐花聽就聽車會朋友講得多，自己就真係無食過，咁去到就叫左碗熱豆腐花，因為人多，等左10分鐘先到。落單阿姐同我地講平時會有薑汁比我地自己任加，但係今日就用晒，所以無了...有點失望...豆腐花唔算好滑，都無乜味，要靠黃糖先會覺得好味，不過10蚊一碗都算係咁啦要提提就係呢間豆腐花可以任由寵物行出行入，所以周圍枱都見到犬星人，唔鍾意動物既要留意啦!

這店最出名鹽焗雞，牛腩河，豆腐花，價錢適中。而且人情味濃，店員nice 。好多單車友都黎食。金牌鹽焗雞正，嫩滑。牛腩河不錯，肉質夠淋 薑汁芝麻糖丸，我feel到似係自家製，因粒粒size不同。芝麻饀糖度適中，皮厚薄都適中，不錯。但薑汁不是我最喜歡果隻，佢似係落薑糖果隻味，雖然都有薑粒入度。豆腐花夠滑，而石膏粉比起平時食的重身啲，不是水汪汪果種。口感都不錯好多名人到訪相片店員主動問一位腳部受傷，流哂血的客人需唔需要膠布同消毒藥水。問幾2，3次。好關心客，所以我覺得人情味濃，又nice

行完新娘潭自然教育徑，好攰好肚餓，去到鹿頸食個午飯，叫了個出名既鹽焗雞牛筋腩麵，又真食好好味，牛筋腩又腍又入味，腩汁好濃，鹽焗雞又不似雪雞，夠味，成碗麵好快食完，好味!

那天和女朋友郊遊，來到鹿頸，未開始時已經見到間士多人山人海，很多單車友電單車友來到鹿頸遊車河，可惜女友不懂搭單車吾係早已搭單車郊遊了！好不容易才找到位，馬上叫了金牌鹽焗雞反、餐旦丁、凍06、熱0茶。等了很耐。冇法喇！假日去，多人，冇人手。一定啦「一係吾發市，發市當三年」。好不容易來到，可能肚餓，個雞OK喎。有雞味又香又滑，又係黃油雞，條生菜好有生菜味（不過忘了拍照），不過個飯就差點，用強國米，很（行），個丁又煮得剛好彈呀湯也剛剛好！餐旦一早做好冇得講啦！0茶都叫做可以，凍06冇問題啦！這個地方可以在郊遊前吃個飽，又可看到美麗的風景，環境清幽。在市區完全沒有這樣的感覺。所以在假期享受下這感覺，點都好過和強國迫啦。