BB開心茶座

营业中

休息中

是日跟朋友到鹿頸郊遊，未行山已口渴，見勁多人光顧此茶座，當然要第一時間來試試好多人食緊既豆花。我們坐在外面沒有冷氣的地方，只有幾把大風扇，幸好，冰凍豆花吃一口便透心涼。豆花不算很滑，但豆味很香濃啊，下了黃糖便吃起來。十元一碗是有點貴，不過獨市冇計。

一行四人坐車入到嚟，風景真係無得頂，紅樹林配白鷺，海天一色，好似唔係香港嘅地方，當然風景優美，都要醫肚，沿途每隔一段路都有啲士多，不過大多只有公仔麵啲小食，我哋想搵地方食飯，選擇真的不多，門口阿姐殷勤拉客，最後揀咗呢度！地方似露天茶座，亦可坐室內，我哋坐室內對住大電視圓枱，電視牆上貼滿明星相！同明星合影嘅應該係老板娘！除咗明星相，室內可以話無裝修，隨便放啲枱櫈就做生意！叫幾個小菜分享： 正宗古法鹽焗雞（半隻）（$78）：雞不肥，亦不算大隻，但有雞味，夠味但不會過咸！點沙薑醬幾好食！ 馳名牛筋腩（$70）：好多牛筋，牛腩比較碎，牛筋煙韌，炆得入味，香料味好濃，但好咸，唔送白飯都食唔到！所以最後食唔晒！ 秘製豬扒（$30）：兩塊切碎上，唔嚡，醃得入味，煎得香口，好味！ 灼生菜：配豉油，新鮮爽脆，好味（如果連灼菜都失手，都唔使做生意！ ） 自製香滑豆腐花（$10）：好失望 ，本來想叫大菜榚，因為無，所以叫豆腐花，只有凍無熱，豆花未落黃糖之前我食一口，無味，無甜味，更甚係無豆味，只係一團好涷嘅物體，落黃糖後，亦只係得黃糖味！可能我哋揸車嚟！唔夠辛苦！我見有人行完山或踩完單車再坐低

難得朋友得閒，出郊外吹吹風每次都必定選擇“鹿頸”呢度一來環境靚，二來可以黎BB茶座食我最鍾意ge薑汁豆花。呢度ge豆花最大特點係佢自製薑汁，要另外問先會拎出黎ga另外呢度啲牛腩聽講唔錯，可惜我唔食牛，但見格離枱哥哥點了牛腩飯……都幾香喎

從前遠足後多次抵達鹿頸BB開心士多, 但只曾喝個飲料便走, 真想不到這裡的牛筋腩如此精彩牛筋炆得相當腍及入味, 但仍然保持到十分膠質的口感牛腩肥瘦適中, 肉質不鞋, 帶有陣陣油香頂級質素, 運動過後有如此美食太感動~鹽焗雞也處理得有水準, 雞肉甚嫩滑, 但在神級牛腩旁就顯得有點暗淡投訴的只有份量, $45的雙拼飯, 作為下午茶, 在場每一個朋友也覺得不飽鹵水汁味道尚可, 但雞肉有點硬

收拾好新居, 回西貢之前總想找一個節目輕鬆一下. 駒著車的我們, 大熱天時, 最佳的奕輕鬆方法, 就是遊車河. 由大埔出發, 最近而且最輕鬆, 又能夠感受一下大自然既, 就是經新娘潭, 再由鹿頸出返沙頭角道. 車子一過了大美督, 真正的大自然景色督在眼前, 過了新娘潭, 風景更是優美. 穿過了一個除了馬路之外, 完全無添加的大自然後, 馬路把我們帶到海邊, 而這海邊, 能夠遠眺對面岸的小繁華. 這邊岸, 就是一個簡單的鄉郊小村. 鹿頸村...來得遲, 聽說每個週末都有一班跑車隊遊完車河來食豆腐花. 雖然沿途, 的確見了不少名車, 但當我們到達鹿頸村時, 跑車只走剩一架. 不過, 小食店依然有另一班客人, 單車客. 除了食豆腐花外, 他們也叫了小炒, 公仔麵. 我們點豆腐花之前, 看看此店的自家簡介, 佢地出名的, 是客家的鹽焗雞. 一早吃了飽肚早餐, 我們完全沒有食中午飯的意欲. 既然想坐下, 就每人一碗山水豆腐花吧. 此山水豆腐花, 不只是"山" "水"咁單純, 這是名乎其實的"山"長"水"遠豆腐花...而且又貴過人....10元一碗, 上次上沙田坳食, 都冇咁貴....味道, 豆味

係自己o既blog搵番呢個食評, 唔post 唔得... ------行完一日山, 最好不過的是食一碗湯麵... 好了, 終於都行到鹿頸, 入了BB開心茶座食面, 唔知點解, 神推鬼擁, 叫左個牛腩 麵, 朋人叫了餐蛋丁麵同雞河.. 牛腩麵無咩牛腩, 不過都算喇, 過口癮罷了. 但夾了一口麵食..... 嘩~~~~~ 點解d梘水麵d梘水咁犀利o既.... 仲以為自己入左廁所食面咁.... 個廁所仲要沒水沖廁果隻... 佢又無醋喎, 真係唔得呀, 無計, 點都哽埋落肚喇.. 之後叫左個熱華田, 好稀.. 唔掂呀.. 朋友又叫左魚蛋 - 上檯係一個碗加5粒魚蛋, 齋5粒, 係齋, 無豉油, 無咖哩, 淨魚蛋, 水都無滴... 雖然碗雞河d雞o既評價都唔差, 但整體呢間野真係好唔掂呀.

老公行山跟友人來過, 一直說要帶我到鹿頸食走地雞，還說可比美爸媽從鄉下帶回來的住家雞。幾星期後的星期天, 我當司機, 他當GPS帶我到開心茶座。我們2人點了半只鹽焗雞, 一碟牛腩飯, 油菜和豆腐花2碗。鹽焗雞的雞味非常重, 肉質非常嫩滑彈口, 皮薄而肥膏很少。真的像鄉間才吃到的清遠雞, 但比起鄉下的住家雞, 肉質還差那麼一點點嚼頭。不過可以在香港食到這樣的雞真的感覺很幸福呢！配以沙畺吊味, 正!牛腩飯賣相不太吸引, 不過牛腩還是炆得很入味很燜, 腩汁撈飯撈菜也相當好吃。油菜都特別新鮮爽甜翠綠, 可能新鮮從附近農地採摘回來呢!豆腐花不過不失, 比這裡好的大有人在, 不過山長水遠, 攀山越嶺來到, 這碗豆花的魔力並不在於豆花本身, 而是辛勞過後的一刻清甜。

Came to this place for afternoon tea with my friends. We were surprised to find out that this ordinary-looking place appeared to be a hang-out for celebrities - movie stars like Chow Yun Fat, and even CE Mr Tsang himself had been there with his photo now hanging on the wall ! We ordered the signature 豆付花 which was quite nice - very rich in soy bean flavor and with a smooth texture, and very reasonably priced ($10) . Likewise, the hot milk tea was also nice with a silky smooth texture, while the

今日遊車何,朝早無食早餐,見到呢間野就停低左之後入左去食,一入去d人見到我呀爺,就關左個 window,話驚佢凍親之後仲問我地睇唔睇報紙係果度叫左個腿蛋麵d蛋好好味,又大碗我仲叫左個熱朱古力,好好飲係果度見到好多相,原來好多名人都來過呢度就連特首都來過係果度食野,我覺得自己好似番左屋企咁

今日朋友帶我去遊車河,終點站係鹿頸開心茶座.聽說這裏是行山,踏單車人仕的熱門註足點,星期六日更是座無虛席.所以友人帶我來感受下什麼是遠離塵囂.不是週未,當然沒有那麼熱鬧,就是下午一點鐘,都只得我與友人.因為入去非常唔方便,只有一架56k小巴.友人想要半隻鹽焗雞都無,反而有鹽焗雞飯,便要了鹽焗雞同豬扒飯.碟飯好大,d餸都多,因為三十伩唔包飲品.要冷熱水,可以自助,無限供應.雞似普通蒸雞,但有沙畺伴,豬扒煎得香口,無肉味但醃得入味.d飯煮得有d爛.不過整體都ok.值得一提係茶座半露天,無遮無掩,在冬天無陽光照的時間特別凍.所以記得着多件衫.重有茶座沒有廁所,還好附近有公廁,而且非常乾淨!

七月廿七日, 本來諗住去大埔影相, 但由於唔可以起行出去影相, 入咗嚟《BB開心茶座》避雨, 避避吓都知要最消息行程,但又山長水遠入到嚟, 冇嘢做, 雖有就咁喺茶餐廳裡面影吓相食吓嘢啦!同老公一齊叫咗份西多士, 都炸得好香口, 不過覺得裡面啲醬料唔多夠, 但都好味既!老公飲可口, 我就叫咗杯凍檸蜜, 都唔錯, 夠味喎!原來呢間嘢好多名人嚟幫襯過, 我諗主要係因為好多人嚟呢度附近拍戲啦!!佢哋仲將啲相貼到成間茶餐廳都係, 我諗有過千張相呀!!連特首曾蔭權都嚟過喎! 仲簽埋名添喎!另外仲有亞佘、安仔、元華、元秋、周潤發及一班甘草演員, 勁呀! 更詳細資料及圖片請看 : http://hk.myblog.yahoo.com/joycewai616/article?mid=9696