BB雞蛋仔

营业中

休息中

身為抹茶愛好者，抹茶雪糕係我大愛。終於有機會試下呢度既抹茶格仔餅💚去到發覺仲有幾款雞蛋仔格仔餅口味不過依然係抹茶come first <3 $18 可接受 正常價 攞到手仲好大餅雪糕tim 正其實至係格餅加雪糕 但格餅又好好味 熱得黎脆 脆得黎內軟 軟得黎唔粉 加上十分足夠既雪糕 外熱內凍 口感鮮明又有趣 重點都係好味食到尾雪糕溶左但格餅索左D汁 仲入味 兩個人食岩岩好 整體簡單的美味 下次想試下其他款呢!

柴灣新開的專賣雞蛋仔鋪頭，前日經過買左一底試下，點知有所驚喜！面積：size十分大底，大過兩隻手板而且份量十足。色、香、味：雖然店內非用炭爐欠缺一種炭灰味，但雞蛋仔蛋味夠香，粒粒凸起夠完整。有啲店舖的雞蛋仔做得好薄好脆，但入日就好似一陣風咁，食完一底都好似無食過咁。但這間不同，邊位夠脆夠香口，每粒雞蛋仔都夠曬口感，夠飽肚。可見店員於蛋漿方面是落足料的。不過有啲人鍾意食薄啲，有啲鍾意厚啲，口味因人而異。總括而言，值得推介！希望老細繼續推出多啲款式啦…

自從北角「利強記」開展連鎖式經營後，價錢上飆，質素再沒保證，我便很少再吃雞蛋仔，其實百曉生本身也很少吃雞蛋仔的，因為我是格仔餅派。後來因為工作關係，每經過紅磡便會吃「媽咪雞蛋仔」，直到它轉址後不順路才沒再幫襯。個多月前柴灣終於出了一檔專做雞蛋仔生意的舖頭，為食的我當然唔會錯過！由於「BB雞蛋仔」不會太晚關門，所以逛「夜巿街」的人未必有緣一戰。「BB雞蛋仔」店面不大，以至有點凌亂，但衞生狀況是不錯的，店務員也很熱心。外出一個易拉架鮮明奪目，兩款雞蛋仔，三款格仔餅，種類及價格清清楚楚，叫人一目了然。舖內有一個照片欄放了許多BB照片，讓人吃著雞蛋仔時不止口裏甜，心裏也甜。櫃枱前一塊黑板醒目地寫著「一級靚料」，吃過便知名符其實。其實之前百曉生也吃過原味雞蛋仔，蛋味十分濃郁，它並不是「利強記」或「媽咪雞蛋仔」那種外脆內軟的類型，而是偏向軟糯，同時有點彈口的感覺，當時吃起來覺得有點奇怪。今天再戰，試了「朱古力大王雪糕」，軟糯的格仔餅，配著厚厚的一層朱古力雪糕，熨貼！特別值得一提是它採用了內含碎朱古力的雪糕，軟軟的格仔餅，配上溶化著的雪糕，還有咬得到的朱古力碎，多重口感，才＄15，絕對抵食！除了易拉

比利時朱古力粒雞蛋仔超棒！我家附近最近開了間BB雞蛋仔，宜家要吃雞蛋仔夾餅少之又少，終於係附近開了間😀，老闆推介吃比利時朱古力粒雞蛋仔，喔！超棒，很香脆比利時朱古力味，同雞蛋仔很配，老闆還說，無蛋精，椰子精的化學成份！😀😀喔！真正原味呢，簡直itchiban!😋😋，還我追求完美質數，這還不錯呢， 還試了朱古力大王雪糕夾餅，大件夾底吃，味道超棒，很配呢，值得推介，真正味道！！😄😄