Beeger

营业中

休息中

今次同大家介紹港島西區好味漢堡店～🍔🍔🍔我一睇到用菠蘿包黎做漢堡包🍔嘅包皮～ 好特別呀😍😍心思思左成個月！終於去到啦....去到堅尼地城地鐵站行去大約5分鐘左右～ 一去到門口......黃店呀😍唔係唔去幫襯掛...入到去～ 小店裝潢好舒服。唔會覺得有壓迫感覺～ 好舒服⋯⋯ 然後點了兩個🍔～ 流心芝士手打牛肉🍔同埋辣蕃茄手打牛肉😍等左大約十分鐘左右...終於到啦😍可惜...佢忘記了幫我地轉做菠蘿包..係有一剎那失望嘅...但系......女人真係善變架....因為...下一秒發生了奇妙事情....係咩事呢？！！就係.....用刀切開一半時...聽到（索...索...索...）依🤔🤔🤔咩聲黎架？？？原來係佢個麵包皮系卜卜脆架🤩最正...係佢切開了 都唔會流肉汁流到包皮林曬～ 又唔會流到周圍都係！一啖真係咬得曬架😚岩曬我e d 淑女😚漢堡係好嫩好厚好軟軟🐂既手打牛肉🥩整體既感覺就係好Juicy💦充滿份量薯條又脆又熱辣辣...好食到飛起🤩真係好似入了夢幻工房咁呀...100 分！ ！講個秘密比你地知呀... 我尋晚發夢都夢到再次回去吃🍔🍔😂原來...真係會好食到發夢都回味呀🥳痴線😂😂

店舖：小型工業風burger joint，要等但可以留電話打俾你。 一個店員，佢好好態度。一個廚，佢好忙。响堅尼地城就係有種本地得嚟但淡淡外國嘅感覺唔知點解。食：小食叫咗薯條-正常嘅好味、Salt & Pepper Squid-好好味，特別係個醬，食食吓先記得影包就叫咗The Lava，芝士竟然拉得出絲，朋友話好juicy算好味，份量都好大。我就因為鍾意Blue Cheese叫咗The Blue，而小插曲係兩個朋友嘅Lava都差唔多食晒我都未等到，先發現佢漏咗單，由於佢態度好好，又好快上返，都無影響心情。Blue cheese味算濃，整體個burger係juicy係好味嘅，唯一美中不足係塊頹生菜，同埋個包本身係偏甜包(個人口味覺得有蜜糖味唔知點解)。總括嚟講，好味同好飽。氣氛好，坐得舒服，態度好，心滿意足已經。

有野做去開港島，就搵搵有冇正嘅餐廳😋俾我搵到呢係西環嘅香港人cafe鋪面唔算好大，但裝修唔錯，有吧枱可以望住個開放式廚房，期待我嘅餐 😋佢地嘅ʙᴜʀɢᴇʀ好特別，係充滿香港🇭🇰嘅特別嘅菠蘿包 🤣 但出奇地夾，一啲違和感都冇，反而多左香甜鬆化嘅口感 👍🏻羊肉漢堡扒super juicy，一咬啲肉汁就係口入爆發，好正 🤤 ＯＭＧ 蟹餅太好食啦！😍 炸到香脆嘅外皮裡面充滿住鮮甜嘅蟹肉絲，太好味啦～ 😋牛油果醬嘅配搭，好fresh，解膩一流👍🏻ʙᴜʀɢᴇʀ +$30 就變Combo：炸薯條 & 汽水有讚一讚，罐裝汽水會配埋一個冰杯，夠凍嘅汽水至好飲😜薯條係即叫即炸，新鮮熱辣，非常香脆 🤤

疫情問題，只可以外賣自取。但未食個漢堡都已經忍唔住想鬧人，杯飲品既包裝竟然係冇杯蓋，只係用保鮮紙包面。先不論衛生問題，淨係包裝都已經唔合乎邏輯。再講用保鮮紙包面，就唔該包得好啲。佢個包裝係極容易倒瀉。都唔使打側，只係普通拎直行，喺搖晃之下都已經會倒瀉晒出嚟。最後我係拎直返屋企嘅情況下，杯野都已經倒瀉咗出，杯嘢飲就係保鮮紙嘅側邊到滲出嚟。其次，你硬係要咁既packing都算，我都可以話每間餐廳有唔同嘅包裝。但係，作為一間餐廳，你有責任要提醒客人個packing係咁，要小心倒瀉。如果你好忙好多客都算，我都可以話你係太忙唔記得咗提醒啲客。但係門口一個客都冇，咁呢啲細節位應該要做返好啲。正正因為係呢個packing ，杯嘢飲倒瀉晒，整到個包同個薯條都濕晒。個包濕到好似濕毛巾咁，啲紙巾墊喺下面可以印到出水。搞到個包嘅packing濕到爛咗。直情濕到佢個紙袋都出水，一路行一路漏水。其實食物質素正常，但個包裝就真係不敢恭維。想打電話去反映事件，但個電話竟然長期打唔通，淨係話留言信箱已滿。究竟呢個包裝係叫我唔好飲呢間餐廳啲嘢飲，定係叫我唔好喺呢間餐廳度買外賣。咁究竟疫情下，夜晚冇堂食，我應唔應該幫襯呢

喺限聚令前一日 我地決定暬食個最後晚餐。行到海邊見到依間burger店裝修ok就入左去了店舖係工業風裝修，樓底好高所以感覺都幾舒服。9點前happy hour, 啤酒65蚊, house spirits $50!叫左個carbon brew (hk), 好fruitty有陣桃味, 易入口好啱女仔飲（唔記得影相）叫左classic beef burger, 鍾意佢個飽有烘過同埋唔會好濕。牛肉要讚的是無咩渣， 但調味可重一點同埋最好可以有得叫埋幾成熟... 個人覺得有啲太熟. 一咬落去有大量肉汁流出的，但食食下就無乜肉汁了。漢堡飽都有千島醬調味，酸酸的可以減輕膩的感覺。另外欣賞有配沙律叫左薯條，好足料大份同夠脆. 質素不俗另外要提店家好貼心地有消毒抺片及每枱一支酒精噴霧提供, 等大家疫情期間都可安心吃burger

呢間餐廳主打漢堡包，但同時又有酒飲，所以都幾岩同朋友黎吹下水、chill下我果晚係7點鐘左右入到餐廳，當時都差唔多坐滿。入去前店員有幫我地量體溫，而且每枱都放左枝消毒酒精同埋酒精抹片，感覺好貼心每枱都放左枝消毒酒精同埋酒精抹片我地叫左一個小食、一個沙律、一個漢堡包同埋四杯野飲個小食出奇地好味，好中意佢個蜜糖芥末醬，甜甜酸酸好開胃，個人覺得做下酒菜真係一流而且餐廳將d雞翼整左做單邊，所以更加方便食椒鹽雞翼配蜜糖芥末醬個沙律味道都幾好，但佢同我expect嘅沙律唔同，呢個係比較似中東餐廳d kebab嘅味，再配左好多芝士而且雞扒肉好滑嫩，仲好入味不過佢比較細碟少少，如果想單靠沙律做主菜就未必得喇～燒雞扒凱撒沙律至於個漢堡包真心推薦，個人覺得係我係香港食過最好食嘅頭五位之一！首先係真係好足料，兩塊牛堡扒都係厚厚的，仲有好多其他配菜個牛堡扒非常juicy，而且好濃牛味，岩晒我呢d牛魔王個包好大個，所以我地係切左開左，每人食一半，但都好夠飽！真心抵食又好食雙層手打牛肉漢堡雙層手打牛肉漢堡

繼續唔好俾佢停，要將習慣融入生活，多啲去有良知嘅餐廳。係堅尼地城呢度，近海旁chill chill地有間食burger，幾型，呢個位唔係幾似香港。入到黎，由月曆到擺設，都係勁黃。好耐無食過burger類嘅嘢，偶然放肆下啦。燒雞扒凱撒沙律，88元。雞扒超香，都幾juicy，加左七味粉上面，無得輸。經典手打牛肉漢堡，98元。牛肉唔乾，肉質剛好，呢舊都幾正。層層分明，又唔會過厚，食個陣唔會好難搞，女仔都可以食得好睇😂。我自己超鍾意呢個，墨西哥粟米片配牛油果沙律，88元。不得了，超好味，原來牛油果可以咁配nachos（其實係我太耐無食），食到停唔到口。內在環境都幾有feel，外邊捱住窗飲酒都得。

夜晚約左兩個朋友去飲下野、chill下，所以揀左呢間喺西灣嘅burger shop。入到去座位有高枱同普通枱揀，冇人帶位，係外國free seating 風格，可以自由揀位坐。餐廳有5-7張枱左右，枱與枱之間都隔得算疏，所以可以放心同朋友傾計唔怕比人聽到晒。我當時7點左右入左去，都係得2枱人，所以感覺可以放鬆慢慢食，唔洗驚比人催埋單。餐廳選擇都幾多，漢堡有豬、牛、羊、雞、海鮮、素食揀。唔想食漢堡仲有all day breakfast同沙律可以選擇，成個menu可以滿足晒食肉獸同健康人士～至於小食方面，大部份都係炸物，岩晒做下酒菜個menu樣樣都好好食咁，我淨係揀burger都要諗左十分鐘到最後我地三個人叫左個經典手打羊肉漢堡、流心芝士手打牛肉漢堡（另加鵝肝）、墨西哥粟米片同埋芝士焗珍寶菇。落單係自助型式，要自己行去收銀處落單比錢，之後食物做好左會送去位度。由於係開放式廚房嘅關係，比完錢之後就見到廚師係度搓個burger舊肉，都幾盞鬼。我諗一定係對自己個廚房整潔好有自信先會敢整開放式廚房由於係即時手搓、煎同烘嘅關係，所有burger都要等大約20分鐘左右。但我覺得係完全值得嘅，因為2個b

週末食好西！搵食搵到去西環第一次食當然點個classic 經典款試下間店嘅水準。其實都係第一次喺香港，識到一啲包皮同埋包底都可以烘到咁趣嘅burger。而且麵包食落去都甜甜地，非常特別。食burger，最重要嘅當然係佢塊牛扒啦。佢塊牛扒厚得來之餘，亦都非常多汁，邊食嘅時候，啲汁可以邊滴落嚟，真係極之juicy。暫時嚟講，係我係香港食過嘅burger裏面，塊牛最正嘅下次嚟，都想食一食佢嘅牛油果漢堡，唔知會有幾驚喜呢？最重要當然係佢係一間非常之高水準嘅黃店💛💛💛

個包好大個 好食又飽 成日都好多客 長期有文宣野比人拎 多種手工啤俾人選擇 all day breakfast 炒蛋更係有驚喜 黑松露炒蛋 炒蛋熟得岩岩好 小食方面都有好多選擇 炸午餐肉粒大大份 足夠三個人食唔中意手工啤嘅亦有冰茶供客人選擇 重有mocktail coffee 等等嘅野飯 各有特色

上星期同朋友專登入西環食burger，餐廳細細間但係幾有特色，裝修幾靚我叫左個經典手打牛肉漢堡，朋友叫左個秘製牛油果醬蟹餅漢堡因為個日都幾full，所以都等左一段時間先有得食經典手打牛肉漢堡好好食！！平時食burger 會因為太濃味，好易就覺得好膩好濟但係衣個burger可能唔係落左好多調味，所以冇衣種感覺，只係食到好濃好鮮既牛味同埋個包幾挺身，口感同味道都幾好朋友食個個蟹餅漢堡都好食，值得推薦！唔食牛既話可以試下

同朋友一齊行開呢頭見到呢間店一於入黎試下，都冇令我地失望啦，手打漢堡幾有特色噶，肉質唔錯，因為系手打所以口感同出邊噶有小小唔同啦，味道都好唔錯噶，真系值得一試！一個漢堡加一杯飲料就差唔多啦！

今日黎左到堅尼地城搵朋友食飯朋友知我鍾意食BURGER所以佢介紹左黎呢到😳有外面位置，可以望到海邊既🌟入面有飛標可以玩🌟menu上有好蛋款burger可以揀🌟All day breakfast $1️⃣4️⃣8️⃣🔥薯餅🔥超大香腸🔥蘑菇🔥黑松露炒蛋🔥手打牛肉漢堡黑松露炒蛋真在太香太好味，超香黑松露味🔥所以我又多叫左一份🔥手打牛肉漢堡🔥牛肉係老闆每日親自手打，非常多汁，入面只係配搭左蕃茄同菜，口味比較淡口之餘，比較會食到牛肉既香味All day breakfast 個香腸超大條，微微既辣味另外,老闆好健談，佢介紹返BEEGER仲有好多唔同國家既啤酒!好多唔同地方既啤酒，柬埔寨/英/德/台/比利時/美國/丹麥。🌟🌟不過我最後都冇飲啤酒，反而叫左咖啡P.S. 下次絕對會為左BURGER同炒蛋再黎!

間中都會揾地方啤一啤, 食吓邪惡嘅嘢平衡吓, 輕鬆一吓嘅香港其實有好多好好食嘅漢堡, 比起所謂嘅過江龍絕對係有過之而無不及啦！其中一間我哋最喜歡嘅就係Beeger啦！佢哋嘅漢堡, 除咗內裏嘅餡料非常豐富, 非常juicy 連外皮-即係個包都一絲不苟 非常香口軟熟上次我試咗牛, 非常滿意啦！今次就揀咗蟹肉漢堡個包非常鬆軟就不在話下, 蟹餅非常豐富, 啖啖蟹肉再配埋牛油果&厚切蕃茄, 香噴噴啊 我果兩位朋友都忍唔住試咗啖, 真係好好味朋友的classic漢堡同lava漢堡都非常出色非常juicy, 大家都好滿足啊再加埋香口嘅炸洋蔥同芝味薯條, 簡直係邪惡大滿足!另外我哋最欣賞佢哋提供嘅啤酒選擇, Beer on tap🍻: 黑啤最重麥味, IB蜜味濃郁, Lager清新爽口就比較淡味, 我哋3款都很喜歡雖然搬咗位置, 少少遠離海旁, 但依然清靜舒服, 下次一定會再幫襯老闆加油啊💪💪💪

beeger has moved to a new shop right around the corner and all the charm and fun has moved along with it.a large selection of unique beers are available on tap as well as in the bottle to enjoy in their well lit communal style parlor, with large windows and an open plan it really makes you feel welcome.the burgers are juicy and filling, especially with a side of fries and together these elements make a perfect place to unwind with friends, or even make new ones. if you are bored you can even pla