Beerliner German Bar & Restaurant (已結業)

先講熱門菜色豬手，皮並唔係好脆，德國腸普通，重要無醬汁跟，個飯完全無味，意粉普通，沙律ok,牛扒ok,個檸檬雞除左塊皮有味，D肉係完全無味，重好鞋，今次係見到佢做買一送一，加上環境ok,所以選擇左呢度慶祝生日，但真心失望，我本身對食物係一個並唔高要求既人，但我真係無諗過佢既食物竟然咁差，所以佢除左有優惠吸引之外，我並唔會再次去食，值得一讚係上菜好快

五個人一齊食，叫左六樣野食，五樣野飲，超飽，食唔晒。AE卡仲有主餐牌七五折(set 同野飲無),埋單每人二百零。叫左徳國腸，豬手，牛扒，三文魚薯餅，雞，又好食又抵食。

朋友們剛完成歐洲之旅，旅程歷盡驚險，自然要找間歐洲餐廳，邊啖著啤酒邊分享軼事。這餐廳的主菜是買一送一，加上８時前為ＨＨ時段，只要把握時間，消費絕對不高。我最愛這裡的黑啤，麥味香濃，加上黑啤屬補血之物，女士首選～朋友愛淡麗款式，白啤帶有花香果香，很是合適。小食點了個魷魚圈，賣相吸引但入口太硬太乾。。。主菜捨棄傳統咸豬手換來烤乳豬，口味有點像西班牙乳豬，很滑～香腸併盤是一貫水準，醮個芥末很好吃。甜品這兒也不推薦，定價偏高之餘味道毫不突出。

隔左好耐再次重遊舊地。今晚同朋友試下呢間德國餐廳。呢度氣氛唔錯，都有少少酒吧氣氛架！一坐低即刻叫左野飲先。我試咗all day happy hour嗰隻啤酒🍻。好大杯，入口唔會太苦，推介！朋友果杯Hula Hoop都話ok～海鮮意大利飯令人失望。除咗海鮮份量唔多，仲要淨係得🦐；黑松露薯條唔夠熱，食咗一兩條已經夠晒皮；Nurnberger  Sausage就不過不失... 薯蓉同埋酸菜好match！反而甜品好有驚喜wor！芝士蛋糕配上cream好正，如果多番啲醬就更加perfect啦！趁住有信用卡優惠，我會黎多幾次。酒、小食同甜品非常推介... 而主菜方面，個人值得佢仲有進步空間。不過約埋三五知己啤啤佢既話，呢度係一個不錯既選擇！

行街行到攰搵達地方食嘢傾計飲下酒，weekday見到有set dinner 抵呀！頭盤有餐湯麵包仲有沙律（太肚餓唔記得影相😅）主菜有豬髀肉加薯泥，好正Y！好香口肥美仲有豐富骨膠原👅停唔到口！第二個就係德國腸拼盤，其中一個芝士味腸真係齒頰留香，食唔晒太大盤要外帶！與友人加幾十元每人一款啤酒聊聊天那就一個晚上！最後還有芝士蛋糕同雲呢拿雪糕甜品，個雲呢拿雪糕有雲呢拿籽架！非常香非常滿足！每人都係＄200咋德國菜又好味又抵食啦！

訂枱容易，經open rice apps 超方便。Menu好靚，但食品質素很差，茶餐廳好食過佢，又吾夠熱，服務更差！可能lunch冇招牌菜，果然一分錢 一分貨！帶位既姐姐超串咀。想坐sofa位要訂枱時先說好，吾比臨時改！不過問一句都比佢噴到一面係⋯⋯超冇禮貌！toilet又吾比用，辦維修但又冇卦牌，迫人要行到老遠！埋單時比泊車單又計較，差12才夠400泊車優惠都吾理你！又老屈比多一蚊捐錢而冇預先通知！冇下次！

周末黎到食lunch set, 見到都多人食，lunch set又有得自由配搭，可以自己隨意選擇加錢要湯、飲品、甜品等等，所以就入內試一試。員工反應一般，等好耐先黎落order同加水，叫左個德國全日早餐，加左8蚊配湯同麵包，點知就伏左...首先個湯係雜菌湯，但其實佢無問過我地飲咩湯，咁我地就以為得一款，點知後來見到隔離檯飲既係紅色既湯，我懷疑有得揀但佢無俾我地揀！ 講番個湯，其實都幾咸，而個蒜蓉包就好細塊。等左好耐，個全日早餐終於上檯。睇個樣係咪好靚呢？佢隻蛋幾好食，薯蓉都唔錯，但藏係雞蛋下面、餐牌寫住自家製鄉村肉批，原來只係一舊貌似厚切午餐肉食落似腸仔既肉，真係o左嘴。結果因為太油而食左一半就放棄。可能我揀既唔岩自己，下次會再試下食其他，希望可以加番分！

而家出街食個lunch都唔平嫁🤣新都會其實都就黎比我試哂！比較少食德國菜，今日終於去試下新野服務態度就一般般，不過有個女侍應非常有禮😆黎得Beerliner，一定要叫signature dish秘製德國鹹豬手配薯條 $98隻豬手大到嚇親我🤣🤣🤣聽講呢道既豬手係有別於一般餐廳用油炸方式製作！除左健康之餘，但外皮都保持到鬆脆😆😍豬手肉質鮮嫩，而且無過鹹情況☺️ 午市價錢好抵💪🏻香煎三文魚柳配牛油烚薯、長青豆及黑蒜忌廉汁 $88三文魚煎得香脆，調味恰當既，中規中矩。味道唔錯，不過男士的話應該唔夠飽了😂澳洲肉眼扒配薯蓉、燒南瓜及砵酒汁 $98Ribeye同想像中有點出入，比較薄身😭叫左五成但肉質有點兒太韌肉味唔濃，早知食德國腸好過啦😭Suggest 大家黎Berliner 要叫咸豬手同德國腸

Set dinner只需要一百蚊左右就有曬湯,前菜,主菜同甜品,以商場入面既餐廳黎講其實算係十分好,味道就見人見智,我本身鐘意食肉所以腸拼盆都幾岩我食,而且個味道同係德國食既腸既味道唔差得太遠,所以已經好收貨

明天就是母親節想不到母親節前日還有早段晚市的優惠使用真的是一家良心企業我事前已經訂了枱 所以不用等位上菜速度超級快所以不用預計要食很久30~45分鐘就可以吃完必叫的"秘製德國鹹豬手配香滑薯蓉及酸椰菜"份量很大的豬手 表皮非常脆口不一般的薯蓉 應該加了些芝士等調味再配些少酸椰菜*上碟後可叫店員幫忙切香煎魷魚圈看到很多枱都有叫 就叫了比較油膩 醬汁不夠味鄉村肉批薯餅及煎蛋看到樣子很奇怪就決定一試吃前一直在想中間是什麼原來是午餐肉! 頗特別 味道還不錯必叫2"德式香腸拼盤配燒薯及酸椰菜"份量非常多的肉腸 食肉獸首選下方的大腸入面有很多汁 辣辣地切開時會有少少噴出來 小心!香味豬柳絲燴野菌意大利飯有很濃郁的芝士味好像也不到豬柳絲但味道是好吃的

今日揀呢間餐廳，坐低先知呢間德國餐廳最近假日都有Set dinner, 有頭盤，主菜，餐茶，仲有甜品。頭盤 有湯有沙律，湯係芝士南瓜湯我同Honey 揀左兩個主菜外，仲散叫了迷你burger, 嫩牛肉夾入蕃茄好味！以下主菜，德國腸拼盆，及海鮮扁意粉，拼盆腸味道唔錯，皮脆，肉質唔韌，有肉汁,拼盆有四隻口味，紅腸有微辣。我最中意就係啲酸菜，加埋啲薯蓉。呢個扁意粉 汁少啲，較淡口，我中意，因拼盆腸，味濃，食番淡口既意粉，就啱曬跟餐 仲有果汁及 甜品。我揀左 raspberry juice. 雪糕只供一隻味，vanilla味，同迷你tiramisu

今日去咗新都會廣場5樓嘅德國餐廳食，試下依間出名食德國食物的餐廳，反正依個商埸食德國食物的餐廳很少。環境都算幾舒適，坐得都幾舒服，坐下久，叫咗個德國式香腸拼盤，芝士腸好大條，又有白肉腸，芝士腸腸汁又多又香。香草燒薯仔好鮮味，好食。約二百多元，個人認為合理。另叫咗個燒春雞，燒雞味好濃，皮都尚算脆，肉質鮮味和嫰滑。真係一分錢一分貨，無選擇錯來這間餐廳食。下次再來時，可以試下個德國豬手，相信都會幾好食。

跟好友慶祝生日又唔想迫人，今次我就選擇咗去新都會搵食，順便可以去行吓新開嘅一田，一坐吓就先揀嘢食先，我哋發現在個set有一隻德國豬手+德國腸+薯條再加2杯飲品只係$388，隻豬手嚟到個樣都幾吸引，只係無人手幫我切，味道都ok係個皮唔夠脆，德國腸有款有芝士依個味比較啱個人口味杯飲品+40蚊仲可以轉啤酒，話灑慶祝朋友生日我即時叫個 cheesecake，但無預約係關係不能幫我寫名，不過都有支蠟燭點都算係咁啦

今次同朋友慶生，黎到呢間德國菜呢間野睇落都幾好食，點知食物質素真心麻麻地！大部分食物都凍左，同埋食落好似放左好耐咁。。講起德國菜，通常大家都會諗到既第一道菜都係德國咸豬手，我地就叫左個set係豬手加德國腸咸豬手既皮炸得太硬，完全咬吾爛，加上d肉好乾，食落去就好似放左幾個鐘咁！至於腸仔除左涼左少少，就正常既，不過腸仔都好難難食至於呢個龍蝦汁燴飯，d汁太過乾身，同埋d飯既中間硬左d, 食落去就有少少生生地黑松露薯條就好難好難食既，算係最正常既一道菜，唯一既問題都係太凍，d薯條已經吾脆，林曬呢個意粉既味道呢個意粉除左大蝦幾好食，我都吾係好推薦大家點，佢既意粉汁吾夠香味，味道都好淡呢間餐廳既食物質素，個人認為完全吾值呢個價錢，而可取地方只有裝修靚同服務態度幾好

2018.2.14情人節打算和老公行下街，食下好野。見到葵芳一田剛開張，於是唸住同老公行下掃下貨，順手見開張優惠，申請埋張一田信用卡，拎更多迎新優惠。情人節食晚飯基本上貴到離譜，但上去葵芳新都會見到呢間德國餐廳，好似不錯，再望埋menu，個日居然無掠水情人節套餐，全餐廳只按平常收取單一價錢，無set dinner, 於是決定一試德國豬手！店內裝潢不錯，點了杯德國啤飲，味道甘甜易入口，不錯👍德國豬手皮脆肉嫩，仲超大件，超好味，兩個人食都嫌有些大份其實仲點左個芝士肉丸同三文魚薄餅，但忘了拍照，個肉丸勁脆勁芝味，好正！Pizza都好味。呢餐食到超飽，人均只是$250左右，好抵。最緊要係我們好彩早食飯，食完出來勁多人等位！