Ben哥米線 (已結業)

每次都食番茄同芫茜米線 好多番茄粒同好濃 配菜我推薦 豬潤 腩肉 墨魚頭 雞肉需然貴少少但自己鐘意食冇計收工去夜晚會比較人多有時都要等一等先入到去場地唔大 如果太多人需要搭台食到店員都認得我同我打招呼😂順便講埋個芫茜點解我都鐘意食啦因為我試過X仔好似用科技嘢撈出嚟咁但呢個我食係佢全部都係芫茜蓉做出黎成碗都係綠色😂同埋佢會擺好多芫茜上面芫茜控既我受唔住誘惑 下次睇下邊個同事係芫茜控捉埋佢黎食 不過第一眼應該會驚嚇到 成碗都綠色😏

從來未試過食一碗米線咁嬲餐廳冇冷氣 焗到暈都算 趕收工竟然出啲咁嘅嘢俾客食叫咗個中小辣蕃茄湯米線食第一啖完全冇蕃茄味 甚至連味都冇 我懷疑自己條脷有問題叫同行幫手試真係得死辣 完全冇味叫姐姐幫手加返茄膏都係完全冇味見廚房執緊嘢趕收檔唔敢再彈返轉頭 驚俾人加料唯有勉強齋食餸 已經嬲嬲地 最嬲係連招牌雞翼都冇味得皮有鹽中間啲肉完全無冇味仲紅紅地難食到咁仲要畀錢佢賺點解會中伏？觀塘嗰間好好食我先幫襯點知可以咁難食大家切勿中伏

作為米線愛好者，見到旺中地下新開左一間Ben哥米線，成日心思思想試下。上網一睇，原來舖頭之前開喺新蒲崗，而家搬咗舖去旺角。而佢哋係觀塘海濱道都有一間分店。今日咁啱下午茶時間係旺角搵野食，見佢Ben 哥有做下午茶餐優惠，包冷熱飲品，Basic小窩米線加兩款$7餸，都係$42，所以決定試試佢。叫左一碗沙嗲豬骨湯米線，配冰糖蘿蔔同腩肉。沙嗲湯有驚喜，香濃得黎唔會太鹹，帶少少辣，幾惹味。蘿蔔炆得好腍，冇渣，帶少少清甜，十分推薦。腩肉都好大塊，啖啖肉。另一碗叫左蕃茄酸辣湯配金菇金錢𦟌，小辣。碗麵一到，見到個湯底即刻有啲後悔，因為自己唔算好食得辣。完全低估咗米線小辣嘅程度🫣 湯底有用新鮮蕃茄粒調配，但係辣味較重，反而食唔到酸辣。同埋嗰種辣係馬上上頭嘅辣，食到半路已經出晒汗🥹 食辣嘅朋友應該會欣賞，但唔食得辣嘅朋友就千祈要留意！ 本身配料想試蝦餅，但係賣晒。所以就揀咗都比較受歡迎嘅金錢𦟌。金錢𦟌份量普通，同埋都比較零碎，可咁啱咁蹺得返貨尾🤔整體米線份量中等，麵質偏淋，湯底就有驚喜，偏濃味，食完都會有少少口渴。鍾意食米線嘅朋友都值得一試。

晚餐3餸米線送熱飲：藥膳豬骨湯米線+招牌秘製腩肉+甜香白蘿蔔+通菜 湯底好味！杞子超級入味，第一口食落去食到濃濃既酒味，要浸一浸湯冇咁濃先繼續食到😂腩肉半肥瘦適中，好可惜我唔食肥豬肉。白蘿蔔好入味，食落真係甜甜的。通菜較少，但成碗米線份量都算多👍🏽

趁👧🏻家姐仔未返學捉佢陪劉媽👩🏻行旺中經過新之城嘅Ben哥米線中午時間大排長龍家姐話見到就話想食米線仲話行多陣再落嚟食下午茶餐就啱哂😜今次我哋order咗🍴牛魔王(小鍋）家姐仔話懶得諗食咩😆所以叫呢個套餐有金錢展、肥牛、牛丸、糖心蛋全部都啱食金錢展軟腍又夠入味糖心蛋煮得啱啱好 夠哂糖心🍴豬骨藥膳湯茶餐配餸有鴨血、金錢展、墨魚頭、糖心蛋墨魚頭大粒又夠鮮 粒粒都好爽口鴨血略嫌無乜味道薯粉軟Q又滑溜 索哂藥材味道好正呀👍🏻湯底係豬骨湯味道清淡唔係杰撻撻嗰種飲落就有陣陣藥材味😋啱哂劉媽口味🍴尖椒皮蛋應該要叫糖心皮蛋 件件皮蛋黃都流心加上尖椒更加惹味🥤凍檸碧🥤凍檸樂最衰一坐底就叫咗米線食食吓先見到宣傳單張有自家製手工 #菓蔬麵呢個係Ben哥自設工場及菜園採用南瓜、紫薯、菠菜榨汁混和麵粉嘅純手工「菓蔬麵」最重要係無添加任何色素、防腐劑‼️下次一定要試吓😋Ben哥米線 ( #旺角 ) 📍旺角亞皆老街65號新之城地下G20號舖#lcty食誌 #米線 #ben哥米線

最近在旺角Ben哥米線🍜店品嚐過一食難忘🧡其中我最喜歡：菓蔬冷麵冷麵口感十足，煙靭冰凍❄️ ，配自家汁醬可三選一，有Ben哥秘醬、麻酸辣醬、胡麻醬更惹味！另配料可選嫩滑雞絲🐔或爽脆豬耳🐷！冷麵已伴隨自家糖心蛋🥚、珍寶蟹棒、白肉翠綠青瓜🥒蔬菜🥬，更送熱飲☕️ 性價比好高！還有Ben哥米線🍜都一樣不錯尤其自家麻辣湯底🔥🌶 好辣的一定要試因麻辣湯底用二十多種材料，自家師傅人手做的湯底，所以真的用心！小食我點了Ben哥雞翼食落外皮香脆，入面肉質嫩滑😋

聽老闆介紹，試吓藥膳麻辣湯底，見到個果蔬麵咁有趣，緊係叫嚟試吓！藥膳咪係來自杞子酒味，我個人就好鍾意，令到碗麵覺得好養生，果蔬麵都有咬口，其他材料一般米線店標準😀我覺得未試過都耍來試吓！👍👍

只要去旺角就會去食一下 新浦崗冇左之後 去其他地方又唔就腳 又見到有舊員工係到有返親切感 其實開喺呢個位有d隱蔽 唔專登搵都好難見到 今次又係食麻辣米線同以前一樣水準 ====❤️ 鐘情於麻辣米線 今次叫左 腩肉 肥牛 娃娃菜 再加杯凍奶茶 ❤️佢地仲好好人請我食左個雞翼尖小食 多謝😊夜晚去都見到幾多人 我都唔介意等一等先入座 同埋見佢地要送埋外賣 見佢地返黎又跑出去 好似都幾多人叫外賣 辛苦你地啦😊😊呢個市道生意唔易做 旺角都唔係以前嘅旺角 你哋要加油呀👍🏻

同朋友行行下街發現新開呢間BENGOR米線，我點咗藥膳麻辣米線朋友就點咗蕃茄湯米線，我個碗配料叫咗豬潤，韓式魚蛋同墨魚頭。湯底不俗唔會死辣係我好中意食既口味，墨魚頭同豬潤必食！ ！ ！！墨魚頭勁爽脆彈牙，豬膶好滑同入味，完全有驚喜！另外特別要讚揚店員既服務態度，唔食芫荽的我竟然唔記得走芫荽🥹🥹🥹店員見我面有難色主動走嚟問我有冇可以幫忙的地方，仲肯幫我換過第二碗🙏下次同朋友經開旺角一定會再幫襯！

—————————————————————————————————————————————————————-今天第一次食Ben Gor，等左成半個鐘碗麵先到，嗌左三餸，其實個湯底係唔錯嘅，我嗌麻辣湯底，不過啲雞肉係發臭味….明顯地d食材係唔新鮮，同埋啲菜應該都係無洗，下次唔會想N call———————————————————————

-開咗咁多分店，話唔好食就假嘅，如果份量可以再多少少就好了-環境裝修整齊D就更好喇，室內整假植皮牆積塵又怪怪地咁-樓面阿姐唔知點解就係黑口黑面，唔該前唔該後都係做影后當聽唔到-反正更好食嘅米線唔難搵，唔會再幫襯，費事再食佢D黑口黑面

老細非常好人，所有湯底都好好味😻 最鍾意食蕃茄湯底腩肉豆卜～員工都對我哋好好 會同我哋傾偈😝之前喺新蒲崗已經成日食 而家搬咗去旺角我同朋友都會成日嚟😚😚我愛Ben哥 員工話Ben哥好後生好靚仔好高大 希望有緣可以見到你🫶🏻大家快啲去食Ben哥啦

一直係新浦崗食開 今日經過新之城 見到個廣告牌先知原來開左係商場入面 做得比之前更出色 湯底濃厚左 👏今次食沙嗲米線 配豬軟骨 肥牛 見到有新浦崗職員係廚房度 平時好少寫食評 真係值得加許嘅 缺點係店內比較熱 ☺️座位比之前少

旺角新舖原來係以前新蒲崗分店 原班人馬過去經營的Ben哥全部分店都食過曬一直覺得以前新蒲崗分店質素最穩定一直心心念念ben哥幾年前推出嘅五色米線自從落咗架之後一直覺得好似少咗個特色咁（ 不過湯底一直都好好味）今次去嘅時候見佢哋推出咗五色麵自家設廠推出嘅麵條 下次一定會試一如既往食咗藥膳麻辣湯如果平時譚x食開小辣建議喺ben哥米線要叫中辣/大辣每次必叫嘅配料係墨魚頭!! 雖然價錢偏貴但又大粒又好食旺角新店而家仲有套餐優惠!!四十幾蚊就有三個配菜同埋飲品 勁抵食不過旺角店偏細 上次去就唔使排隊嘅!