影片
港铁观塘站 B3 出口, 步行约7分钟
继续阅读
营业时间
*星期日及公眾假期只接受預訂包場
星期一至五
08:00 - 21:00
星期六
10:00 - 16:00
以上资料只供参考，请与餐厅确认详情
上個星期朋友生日，食咗間質素唔錯嘅西餐，用咗網上預約嘅優惠之後又係半價就可以食到超抵食！今次間餐廳位於觀塘碼頭附近屬於工業區，放工時間都幾多人架！不過間舖頭似乎冇乜人知，所以都坐得好舒服。其實呢間舖頭係屬於一間車店嘅Cafe，所以佢唔係好大間，店舖裏面都有啲汽車嘅相可以欣賞下架！餐牌上面都冇特地寫明會供應酒精飲品，如果想飲酒既朋友可能就要問吓職員有冇啦。我哋叫咗芝士蟹肉釀大啡菇，紐西蘭牛扒同埋鮮蝦配蟹肉意大利飯，呢三樣嘢食都係意外驚喜之選！首先係大啡菇超級Juicy，而且蟹肉亦都好多，每一啖都好滿足架。另外牛扒我哋叫咗七成熟，食到有焦香既味道，啲肉都保持住粉紅色澤，至於意大利飯我哋都好滿意，佢哋嘅烹調方式令到意大利飯有口感之餘但唔會太硬，大蝦亦都燒到好香，我哋都十分推薦㗎！
继续阅读
位於觀塘Bentley showroom旁嘅cafe，同樣屬其集團經營；明明只有兩枱客人，但一入門店員就問有無訂座，後尾先偷聽到有啲座位要預留起，可能留俾買車客🧐？Set Lunch價錢$122-162，六款選擇，不外乎海陸空扒餐、Pasta同Risotto；沙律餐湯二選一，配一杯餐飲。沙律不過不失，談唔上新鮮，感覺係雪藏菜；紫洋蔥比例佔半，怕洋蔥味嘅人較難接受。指明三成熟，上枱七成，差距甚遠；牛扒質素唔合格，無牛味，肉韌難切，多筋，幸虧燒汁調得幾惹味，拉返少少分。以薯蓉及煎煮茄菜作伴碟，前者留有薯粒，比較有咬口，不同坊間混和大量牛油嘅軟滑口感；茄瓜、西蘭花、甘荀煎得油身偏焦。成個餐最好應該係杯茶，因為用現成茶包沖成😂薄荷味濃，回甘，食完肉類飲幾解膩。每樣野一食完店員就趕住收碟，嘢飲未飲哂已經催賣單，呢個價錢呢個服務，真係只此一次。
继续阅读
同事推介依間d 啡好飲經過見到特定時間外賣咖啡只係$20.所以朝早過黎買完杯啡先番工慢慢嘆咖啡味夠～可以轉skim milk唔會偏苦同酸，好飲過m 記～ 咖啡同奶味大約1:1~~$20 抵飲～
继续阅读
見booking app 晚飯時間有半價梗係book嚟試吓啦原來呢間係名車賓利Cafe到去成個感覺好Modern，行簡約風，但又不失高貴雖然我哋booking app book 係半價,但係啲Staff都冇因為我哋book半價而冇禮貌所有主餐牌有半價優惠，飲品甜品正價我哋點左三樣嘢1)薯條配黑松露蛋黃醬薯條炸得好香脆即叫即炸，條條都脆卜卜，黑松露蛋黃醬有濃濃嘅黑松露味，正2)紐西蘭羊架配蒜蓉汁羊架唔喺度都好好食，有啲會好多肥膏，有啲就好so,呢舊羊假真係不得了，舊肉好林好有羊味而且無乜筋3）鵝肝伴黑松露野菌意大利飯鵝肝煎得好香脆，令到成個飯昇華哂，黑松露配野菌係絕配，正！
继续阅读
早上搵到這間餐廳吃早餐，見到剛剛開門，入去試吓D特別的西式風味，叫咗個煙三文魚、牛油果芝士意大利包，個麵包很鬆脆，三文魚和牛油果很新鮮，真係與別不同。德國嘉文火腿配松露炒蛋伴忌廉薯蓉，個賣相就一般，食落都還可以。最後我們叫了一杯咖啡和一杯犄濃朱古力咖啡，咖啡很好飲。可惜服務態度一般。
继续阅读