BEP Vietnamese Kitchen 越灶

营业中

休息中

湯底嚟講非常好食，而且幾清淡貼近越南嘅味道，牛骨湯非常好飲，我同朋友都忍唔住一啖一啖，飲完都唔會話好口渴，證明餐廳嘅湯底係自家製絕對唔加味精，整體嚟講都幾好食，加埋佢本身嘅配料，配料有牛丸同埋肥牛！牛丸非常濃厚嘅味道一咬落去就有少少汁爆出嚟，咬落去亦都爽口彈牙，我同朋友都非常鍾意！牛肉嘅質素亦都唔差絕對唔會係好硬嗰啲劣質肥牛，所以呢一個價錢嚟講，我哋都覺得合格以上！河粉再加埋個湯同埋配料整體都唔錯，有機會會再返嚟！

發生什麼事，點解今次去我同我朋友各自回家都飲咗勁多杯水。真係極度口渴，肯定落咗好多味精。食物是好味的，但今次真係好口渴。我已經沒有飲湯河的湯了，抑或係雞絲沙律的魚露令到我地口渴。以為內地用味精多，原來香港都不相伯仲。簡直有啲失望。知道商店有時會用味精，但未至於用咁多口渴情況咁嚴重。第二日我朋友話俾我聽佢對腳有啲水腫，佢尋晚飲埋河粉啲湯，但都冇飲晒。希望商店正視下其實食物係好食，但係味精及鹽份真係好多，比起以往更多更多。我亦都決定唔再去食。各位如果你哋亦都有同樣情況在這裏反映希望食店可以正視一下。如果係咁，我寧願返大陸一樣都係食味精，唔使留香港消費。

早前，我要走到上環文咸東街寶恆商業中心睇醫生，經過才得知有這間越南餐廳 <BEP Vietnamese Kitchen 越灶>，印象中，前址是大快活，橫跨兩條街！我們走入去，由女店員帶路安排二人枱，才知道舖位又大又深，在上環區，絕對是一間大餐廳！Menu越式午餐炭燒越式香茅豬扒飯 $128最令我們出奇的是蛋黃又大又紅！飯量豐足，香茅豬扒有兩塊，入味之餘，肉質亦不死實，沙律當中混合了薄荷葉及纖維較為粗糙好似紫蘇葉的深紫色菜，兩者我都不喜歡，勝在加上檸檬汁，令口味清新開胃！熱桃蜜柑橘熱水溫把香甜味散發出來，口味酸甜無得輸！鑊仔牛柳粒飯 $138同事請我食牛柳粒，既 juicy 又軟腍入味，比我的香茅豬扒更出色！凍越南咖啡 +$12不會好甜，入口冰涼透心！

BEP在越南語為廚房的意思，營業概是以家的模式，帶給客人溫馨及正宗的越南菜品嘗，為了確保正宗手藝，所有廚房工作員必須是越南人。 安格斯牛肉粉：牛肉嫩口，芽菜鮮甜，湯牛肉味香濃，據稱肉湯湯頭是每天慢火熬煮10小時。再加上一堆香料，整體幾好食，但可惜無新鮮辣椒，只能用辣椒醬，有點美中不足。 鑊仔煎薄餅：一上枱就比佢嚇親….想唔到咁大份同咁多菜😵‍💫。薄餅外皮由薯仔粉造成，非常薄身及脆口。內𥚃材料：蝦、青口仔、魷魚仔、豬肉及鮮甜芽菜。

這間BEP位於公司附近，所以久不久便會來此午餐。平時多數選lunch set，比較經濟實惠。Lunch set有多款選擇，朋友選了pho combo set, 可選兩款牛配料，有生牛肉、牛爽腩、牛丸等，湯粉夠大碗，湯底夠甜也夠熱，另有一碟香葉和油條，是正宗越式做法。我點了豬扒檬粉，喜歡它的檬跟很多蔬菜，平時就是要爭取機會，吃多些蔬菜。也喜歡上面舖上炸蒜片和花生碎，增加了脆口感和加添了層次。另點了牛油果smoothie, 非常濃稠，喜歡牛油果的朋友必試，不過超級飽肚，但偶一為之，要爲自己注滿足夠能量，再為下午打拼。

是日午餐！母親路過陪食🥰，當然要帶佢去D坐得比較舒服的餐廳啦😊！點左河內湯河雙拼(生牛肉+牛爽腩)及炭燒越式香茅豬扒飯，湯河既湯底清甜😋，生牛肉比爽腩好食😉，香茅豬扒飯塊豬扒醃得幾好味👍，而且仲有煎蛋及沙律菜等，十分豐富🤤，雖然午市套餐價位偏高，但勝在唔多人而且座位又夠闊落，都值得推介☺️！

我和同事訂咗位，唔使等好快就安排入座。見到有個lunch set menu，打工仔趕時間，簡單快趣嘅選擇，可以選擇四個主菜,有飯，檬，湯河，有包五款飲品供選擇，其中越南咖啡要加$12。青檸薄荷梳打和青檸錫蘭紅茶兩杯飲品好清新解渴炭燒越式香茅豬扒飯$108河內炭燒豬肉撈檬$108兩款食物份糧十足，醃肉夠入味加埋配菜新鮮乾淨，店內環境舒適。

無端端想食越南嘢，於是就上網上平台覓食，意外發現呢間Bep Vietnamese Kitchen，覺得好似幾唔錯咁，新潮得嚟帶越南風味。 我叫咗嗰灸燒牛柳河粉（$118）。 哇，一送到嚟，嚇咗一跳，總共有成五兜嘢，包括牛湯、配菜（黃豆芽、鵝芥、香葉、九層塔、紫洋蔥等等）、牛柳同河粉，仲有辣醬、辣椒同青檸。 先講牛湯。牛湯送到嚟，仲係熱嘅。牛骨味好濃，但係唔會過鹹。鮮味十足，飲咗好幾啖。 再嚟係牛肉。牛肉半生熟；份量十足，有成將近20片，堆到成坐小山咁。因為係灸燒嘅，所以有濃邊，香口焦脆；而濃邊得嚟，入面一啲都唔會韌，食落口感鬆軟，瘦肉都可以咁好味，真係難得。而且仔細咀嚼，啲牛湯會「爆」埋出嚟，正啊！ 跟住係麵底。佢唔係金邊粉嚟嘅，而係普通嘅河粉。但係啲粉都好彈牙，唔會碎成一片片咁，算係難得嘅高質河粉。 跟住係配菜。呢隻係粗啲嘅豆芽，應該係黃豆，而唔係綠豆芽，食落脆口；份量唔算少。又有紫洋蔥，算係健康之選。 整體而言，份量真係好多，咪話成年男性，兩個細食嘅女仔share都可以。河粉嚟到香港，難得冇被本地口味影響，保留咗地道嘅越南風味。有驚喜！

Dishes were made with good quality ingredients. However the dishes does not feel overly authentically Vietnamese, while serving sizes (for the lunch menu) was in line with their prices.  Menu items allow for a health substitution of zoodles and have a number of interesting dishes that are not found elsewhere in Hong Kong, however does not really serve rice dishes (except for lunch menu items).🍚 combination pho - 2 choice of meat/beef types, hearty soup served with a side of deep fried dough stic

今日飯腳放完假歸隊，又咁啱假期前夕兼出糧日，辛苦左成個月，就緊係要好好咁獎勵下自己。 咁啱lunch time撞正落雨既關係，唯有臨時揀近公司少少既餐廳。 飯腳就帶左我去試呢間越南野🤩佢係一間好長好深下既店嚟，4人位係可以坐到6個人的，好闊落好舒服。2邊牆上都d綠色(真？假？）植物佈置，成個秘密花園咁。我同同事2個人被安排左坐4人位，yay 落雨濕濕都可以坐得舒舒服服，食飯見fd都幾正😳下雨天又涼涼地咁，我同同事都叫左lunch set上既Pho combo，不過我配料就揀左牛爽腩同埋牛丸，跟左杯桃蜜熱柑桔既餐飲暖下個人先😍我地傾左陣計杯餐飲已經「未見杯，先聞桃香」，雖然氣味香味，但飲落好fresh，唔會好甜，又唔似係溝糖漿，粒粒桃肉在杯底😍飲落去香噴噴但又有d柑桔味去平衡返桃個陣甜味，同餐廳環境都幾match 👍🏻 好喇！然後就到湯pho出場喇🤩 佢有一大碟配菜+一碟油炸鬼粒粒同香葉比我地加落去個湯pho 度，首先我急不及待就將個脆脆的油炸鬼浸落去索d湯嚟試🤩 沾左少少湯都仲有dd脆，好過引！個湯底唔辣又清甜，牛爽腩比佢切到一件件烤肉咁既厚度 彈口得嚟又唔肥唔”un” ，至於牛丸食過

lunch set ($108)河內湯河雙拼（配酒炸鬼）可以簡2個toppings: 半生熟牛肉、牛腱、牛胸、雞丸/牛丸~我簡左牛肉同牛丸。🥰牛肉嘅熟度真係好準確😂😂真係50% （可惜唔係牛扒🤣）不過重點係想講粒牛丸！分量多（有4粒），而且仲要係我食過覺得最好食嘅牛丸！！！佢嘅質感係冇平時食嗰啲咁爽，係更加彈牙，唔知點形容好🙈總之係好好食！桃蜜熱柑桔🍊第一啖入口係覺得有小小偏甜，不過e個組合幾特別～甜得黎帶小小柑桔嘅酸味🤣柑桔岩曬轉季容易作感冒嘅我！同場加映同事叫嘅鑊仔牛柳粒飯（$128）！隻蛋真係超吸引！！（牛肉都係嘅😛)總括而言，e個價錢食e個質素，我覺得都可以嘅～

攸桐媽飲飲食食遊蹤！！！.講您哋知吖，攸桐媽真係好鍾意食湯粉麵架！.有一日比我無意中發現咗一間好好味嘅越南餐廳係上環開咗分店呀！.點解我知道呢間越南餐廳好味道？ 原因係之前帶過我去佢哋中環間分店食過呀！.當我知道咗之後，我就係Happy Friday 同我個同事去試下啦！(佢都好鍾意粉麵架！🤩🤩🤩攸桐媽有伴呀！).我哋2個都係叫咗佢Set Lunch嘅雙併河送飲品！.我點咗生牛肉併牛爽腩！！！(您哋都應該知，生牛肉係越南食物都好出名架嘛！).先講個湯，真係好正好夠濃！.再嚟就係佢嘅生牛肉一啲都唔韌，又唔會太肥！肥瘦恰到好處！👍🏻👍🏻.仲有佢個牛爽腩，真係好入味，又爽口~~ 正呀~.飲品我就揀咗桃蜜熱柑桔，聽個名好似好甜咁~ 但嚟到飲落一D都無呢個感覺呀~.如果您哋都鍾意食越南風味嘅食物，呢一間真係唔錯嘅選擇!!. BEP Vietnamese Kitchen (@bephk)📍上環文咸東街50號寶恆商業中心地下G1號舖

星期日在上環找地方吃飯，無意中發現BEP竟然逆市擴充業務，在較為缺乏晚市的地方開分店，而且區內已經有兩間越南餐廳，競爭着實不少，可見經營者的信心。上環分店和其他分店有所不同，這分店環境舒適且裝修新穎，有點高檔食肆的感覺，值得一讚的是服務殷勤有禮。星期六下午食客不多，外國人佔了一半。雖然餐廳提供的食物和其他分店相同，但這分店的環境比其他分店更新淨舒適。總的來說，食物水準好，個人喜歡食品有牙車塊、燒牛柳沙律、柚子沙律、沙嗲、生牛肉河粉和牛肉卷撈檬粉。沙律蔬菜新鮮，牛肉鮮嫩，雖然燒牛柳沙律放了太多指天椒而比較辣，但食物味道感覺天然美味，相信不會像其他越南餐廳般放味精。唯一可惜的是別將撈檬改爲青瓜麺條，原本以為是清爽香脆，實際是剛剛相反，口感太諗而味道帶點苦澀，比原本的檬粉差勁得多！

疫情開始好轉，香港人也開始放鬆多了，多了人出街食飯，上中環是寫字樓區一到午餐時間餐廳有一大堆人，好食的餐廳差不多座無虛席。今日與3位同事出外食午餐，周邊餐廳都滿座，只好來到這家BEP越南餐廳，香港有四間分店,上環是最近新開的鋪，還有位不需要等候，好快入內，裝潢好時代感感覺好高檔，地方滿大，空間很大，座位滿舒適。河內牛展粉HKD88碗麵份量不算多，湯頭比較淡沒有什麼味道，好彩牛展濃郁很軟嫩，還有豆芽菜、青檸、九層塔葉等鮮爽配料。