BEP Vietnamese Kitchen 越灶 (已結業)

最初認識呢間Bep越南湯河係喺instagram 睇blogger介紹主要係呢間鋪頭啲碗碟好靚但其實唔止碗碟靚佢啲嘢食都真係好有水準每次黎都要食佢嘅越南牛肉湯河佢個湯底味道濃郁加埋新鮮芽菜同青檸汁提升左成碗湯河嘅層次識食一定會加埋辣醬混甜醬一齊食見到隔離有位外籍人士應該係素食者都揀走肉都要試佢個湯河就知味道係幾吸引飲品方面我今次點左凍越南蒸餾咖啡特別叫左少煉奶味道不過不失不過我覺得佢嘅lemonade 好飲好多

位於中環蘇豪區的越南餐廳，已經不是第一次光顧了。今天和朋友仔在中環蘇豪區慶祝萬聖節，於是選擇了這間餐廳，原因是不用排長龍和價錢也不太貴。今天點了香茅炒牛肉撈檬和越式碟頭飯，啤酒點了西貢啤酒和門神啤酒。越式碟頭飯有香茅豬扒、煎雞蛋和伴菜，大大份，煎蛋乾身，整體味道不錯。至於香茅炒牛肉撈檬，味道一般。啤酒方面，我會選擇門神啤酒，玻璃瓶上寫著「門迎千秀，神遊萬香」，的確花香味四溢，容易入口，香港製造，大家不妨試試。

好耐無食過越南野，於是Lunch就同朋友來到就近的BEP Vietnamese Kitchen 同試下呢度的越南野。我地見個2-Course Set Lunch的價錢同散叫的價錢差唔多但仲有得送一個starter，於是唔洗想我地就每人叫左一個set。我叫的係2-Course Set Lunch入面的starter脆皮雲吞蝦，同mains的鑊仔牛柳粒飯。首先最令我驚喜係脆皮雲吞蝦，第一淡咬落去就feel到脆皮好爽脆，加埋鮮甜厚肉的雲吞蝦，真係一試難忘，我的friend試左淡都忍唔住想同我交換來食。到個main，第一樣要試的緊係d牛柳粒，本身我係無咩期待，但無想過d牛柳粒可以咁juicy咁fresh。就可以將一塊高級牛肉切成好多粒粒咁，所以食每一粒都係享受，但係飯同果d菜就真係無咩特別，呢個菜只可以算係有高級的牛柳粒配普通的飯。我的friend叫的set lunch入面starter係牛肉丸湯, main係雞絲粉，首先牛肉丸湯無咩特別，牛肉丸無話特別有口感，雞絲粉係比其他餐廳的都要好，配料同汁都做到越南的風味。

放工未諗到食咩‚見到有越南菜，於是便走入去試下。黃昏六、七點不算得多人，所以很快地安排了坐位。 店內裝修簡潔，大部份客人是外國人。簡單地點了蕃茄蟹檬、香茅牛肉撈檬、柚子蝦沙律三樣東西。先說蕃茄蟹肉湯粉，蟹不新鮮，湯的味道似足罐頭龍蝦湯，越南湯粉這樣難食很少有。香茅牛肉撈檬‚ 牛肉及配料很足‚ 食落香口‚ 令人有追著吃的衝動。 柚子蝦沙律‚有很多腰果及柚子‚ 及少許蓮霧‚蝦大大只亦算彈牙‚ 食落感覺酸酸甜甜很清新及開胃。

好熱又焗到咩咁..真係冇乜胃口，朋友建議去呢間越南🇻🇳餐廳，午餐時間已經排了人龍一條，好在都算快入座！但呢間店入面好熱，冷氣都唔涷既，見佢地開曬風扇，吹到我D頭髮亂曬，唉，本來想叫撈檬，但是朋友推介蕃茄蟹檬即管一試！送到了枱上，好香好濃咁，紅卜卜的湯底，試一試一口湯底，番茄味係有，但就唔夠蕃茄味，唔夠酸，湯底都有蟹嘅味道，間唔中仲識到一啲蟹膏，唔腥，至於餸呢就有蟹身一小部分，有幾片札肉，兩粒肉丸，我就唔肯定係咪自己手打嘅肉丸，但肉質都幾嫩，粉嘅質地好滑好幼，扎肉正常，仲有不少蕃茄肉添！總括而言都不錯

係中環soho 一間特色既Vietnamese cuisine分別叫左spring roll (佢中間落咗好多九層塔，所以食落口只係得九層塔既味道), 越色生牛肉河粉 (湯底有好龍厚既牛味，清不會話好heavy, 河粉都好彈牙，唔會話林啤啤), 同埋一个炸魚餅 (佢係魚肉中間夾雜一啲香草味道，吾會話太overwhelming)餐廳環境比較嘈吵，座位間嘅空間都比較窄，會令到人坐得吾自在店員嘅服務態度唔錯會主動問有無留單，加水

We arrived at 9pm, 2 hours before closing time, only to find out that everything that my partner wanted was unavailable. Had we been told this at the beginning, we would have left and gone elsewhere. However, the dish that I ordered came within 5 minutes, whilst my partner was still trying to place his order, so we couldn't even leave. Would have been nice to have had the food at the same time, rather than my partner sitting there with no food.The pho was mediocre, but I had to get up myself to

平靜的平安夜，獨自一人度過，增添一點寂寞感，由上環行到中環，想找一間西餐廳吃据扒，都不合心意，可能全因心情問題？行到這間越南餐廳，看看門口的菜單，和在玻璃看見食客的餸菜，好像很好味的，又或者以行到十分肚餓了餐廳環境也很舒服，人也很多叫了個Bun-Pork Cutlet $85，撈檬味道好正，爽口配料也很多，有甘筍青瓜豬扒味道一流，不韌有肉汁，甜甜地，食指大動店員還介紹了杯Lemmy Lemonade$38,味道可以，點樣服務也很親切❤️👏🏻

位於半山電梯旁(中段)，都幾易搵。貴為生招牌既蕃茄蟹檬無令我地失望。一黎到，見到咁大碗咁足料真係有啲嚇親 (要知道係中環搵到一間環境唔錯，又以相宜價錢serve jumbo size food既餐廳唔多🙈)🙆‍♀️ 蕃茄蟹檬 $78 呷一口湯，鮮香既蟹味噗鼻而來，蕃茄味濃 但又唔會喧賓奪主，撈埋碎蟹肉同豬肉碎，成個湯好濃好正😍 檬粉似米粉多啲，雖然唔係滑身果款，但吸湯力唔錯，每一啖都吸晒湯精華😋配料有一小隻蟹、扎肉、蝦丸，不過蝦丸無乜蝦味，味道反而似魚餅。Overall，大推呢個蟹檬👍🙆‍♀️炸軟殼蟹卷($82)另外，呢到既米紙卷都幾多款式，試左炸軟殼蟹卷，都幾好食，軟殼蟹炸得外脆內軟，不過都係覺得傳統大蝦米紙卷好食啲🙈

香港其實唔多越南餐廳或者只係連鎖店但個人本身唔中意幫襯連鎖店所以難得搵到一間店舖裝修不錯價錢合理嘅越南菜就去試下啦.平日夜晚8點去到餐廳都full哂要等一陣先入到去Order左香茅炒牛肉撈檬賣相其實麻麻地好似炒埋一碟咁D牛肉又埋左係底.牛肉味道真係好普通無特別season過咁份量唔算多而朋友就揀左燒豬扒好食好多香口而且入口唔會好乾身推薦一試.撈檬其實幾好食唔會好乾身或者放左好耐痴埋一舊咁洋蔥炒香左加埋花生一齊撈不錯不錯

午餐由中環，源住行人扶手電梯，上嚟試吓越南河先。1點幾上到嚟，餐廳坐到9成滿，真係好食？我地兩個人，唔洗等位就即刻有位，都幾好彩。點完餐牌，點個$90 2-course set lunch啦。生牛河好快上枱，牛肉已經半生熟喇，因為個湯好熱，有得必有失，湯頭夠熱牛肉肯定熟得快，咁牛肉熟得快浸得耐就會韌喇，牛肉都有肉味，咁嘅價錢收貨啦。湯頭就比較清淡喇，冇濃郁嘅牛味，香料味比較多。河粉就爽滑，正呀。雲吞蝦炸到胸卜卜，皮夠薄先得，蝦就打成蝦膠，都食到少少蝦味嘅。飲品就冇試，因為餐牌加$18嘅冇我想試嘅越南咖啡，只得越南茶，我又唔見越南茶係點樣，所以都係飲水。

隊長曾經介紹過PMQ再上，有間好味又正宗既越南粉，不過約左係中環返工既朋友食飯，唔可能叫佢上到甘高食，佢就帶左我去另一間soho越南野食飯。入到去就嘈d，大部分都係西人/ABC，我地坐係bar檯角落，靜少少⋯其實都係嘈，要哄到好埋先講到野果隻，不過lunch都唔可能比我地談心，快d落order仲好。佢有set lunch，話晒都食越南野，大熱天時食湯粉雖然好熱，不過隊長最終揀左個牛肉湯粉，朋友揀左個燒雞撈檬，set包埋前菜，我地叫左2款豬腩肉沙律、雲吞蝦去share，初時都擔心豬腩肉會好肥，又唔係喎，反而好瘦，只係得層皮係肥，怕肥可以唔食果層就可以，至於個雲吞蝦就普通啦。先黎朋友個撈檬，個燒雞都燒得幾香，不過d肉就鞋左少少，檬粉唔差，不過覺得山上果間好食d，可能係個撈檬魚露，呢間重口味d；到我個牛肉粉上檯，飲啖湯先，好味喎，好濃郁，有鮮味，唔係加大量味精，飲完會口渴果種假湯底，牛肉都新鮮，同埋唔係「燈影肥牛」，食到有肉味同唔肥，個粉都幾好味。唔識/唔想上山食越南野，山下soho呢間越南菜可以一試，特別係碗牛肉粉。

同朋友在堅道附近做完全身按摩，周身骨痛，時間不早眨吓眼已經晚上八點幾，於是用OpenRice搜尋有乜嘢好食嘅餐廳，見到這間越南餐廳都有幾十個likes，於是，走入去試試。晚上八點幾接近九點，等了大約十分鐘，已經安排了座位。全店裝修用上簡約的設計，很有北歐風味。但是，可能是開放式廚房的關係，全店室溫應該約27度，有點熱😅，一路食，一路出汗，即刻將你由北歐拉回去體驗炎熱的越南😂😂😂柚子蝦沙律的蝦煎得夠香，但柚子不夠淸甜。看到賣相已知這春卷唔合格，全香港最好吃的越南春卷一定係明珠！牛肉粉上桌，先喝一口湯，牛肉湯有牛肉味之餘，仲好清甜，不錯！牛肉吃上口，肉質軟綿，這店選用靚牛肉。習慣上又是先喝一口湯，嘩！不得了！很香甜的蕃茄蟹湯👍🏻勁好味！碗蟹檬還有很多配料，有半隻小蟹（普通），2粒蝦丸（味道唔錯又幾彈牙），一舊免治豬肉蛋（覺得佢正宗，完全因為依舊免治豬肉蛋，至於我點知佢正宗，遲些有時間，再在我其他的食評分享吧！），芽菜（又白又新鮮！唔好睇小佢，好多越南餐廳做唔到依樣嘢！）我會建議大家如果行開這裡，不妨試下蕃茄蟹檬！

一直想吃越南菜 約了朋友晚上去吃 打電話過去book 店主說只能walk in 從香港站走出來 要走差不多20分鐘可以走到 因為不是週末 所以人不是太多 點了招牌的🍅檬粉 味道不錯 其他的就一般般了 整個餐廳環境一般 有點吵不太適合喜歡安靜的人

適逢朋友喺蘇豪番工，星期五同埋三五知己去左搵佢食晚飯，去到大概七點鬆啲竟然唔洗等食得感覺呢間越南餐廳幾有格調，睇睇隻碟就知！pattern都好靚呀我叫左個番茄湯底嘅檬粉，呢個真係要推薦入面除左一貫嘅札肉同肉丸，仲有蟹拑。Menu雖然寫住蟹檬，不過冇諗過真係原隻蟹柑，仲要係大大隻！如果唔想手污糟，可以剩係用牙咬，因為都已經夠淋，不過成日咬到蟹殼都幾唔方便。最後本人選擇用手拆，好好味！蟹肉浸左番茄湯，而湯底又充滿蟹味！我地亦叫左軟殼蟹米紙卷，遜色啲，不過不失喇！