影片
港铁太子站 B2 出口, 步行约4分钟
继续阅读
营业时间
*茶室(不設留座): 14:00-18:45 週六及週日
星期一
12:00 - 18:45
星期二
全日休息
星期三至日
12:00 - 18:45
以上资料只供参考，请与餐厅确认详情
因為開始對乳糖敏感，所以試左唔少vegan既甜品，但其實中伏過沒數次😑😑今次係朋友買，佢食過覺得值得推介，所以就買黎一次4個款。值得一提，呢間仲可以揀Gluten-free，對我黎講好重要，個胃輕鬆好多😁首先講佢既Pistachio Raspberry Rose，開心果味香濃，加上覆盆子既酸味，令到整體唔膩，仲有少少玫瑰清香，好balance，nice😋Tarte Au Citron Bergamote，檸檬加彿手柑，酸度調得好好，唔搶喉，好fresh。撻底做得好好，乾身，軟硬適中，值得推介👍🏻另外兩件就唔係好記得嗰名😅一個係士多啤梨撻，都好食，但士多啤梨可能唔係最好既季節，所以一般，對比之下比較失色。仲有一個係朱古力慕絲加車厘子，就唔啱我胃口。比前面幾個，呢嗰明顯好膩。可能沒食前面幾個，呢嗰沒比較之下會好啲😅
继续阅读
牛油從來都是法國大廚的好朋友，更別說要焗法式蛋糕甜品了，真的很難想像在沒有雞蛋和奶製品的情況下，如何變出千層酥餅、檸檬撻與閃電泡芙！這件看起來不可能的事，Bien Caramélisé 竟然實現了！今個周末小店終於對外開放，想一試純素而不減美味的法式糕餅，記得行上去望啦！小店位於旺角花墟中間，樓下兩邊都是花店，可以順便買下盆栽鮮花返屋企。搭地鐵的話太子站行過去最方便，我係由屋企行15分鐘過去既。進入好達大廈閘門之後，上幾級樓梯再一直行到走廊盡頭就見到 Bien Caramélisé。平日一律只接受預約，今個周末剛好始開放 Walk-in，由早上10:30 開門營業直至賣完。確實營業時間可以先上店家的社交平台望一望為準。進門先有一個窄長空間，架上放了一些發酵中的各種各樣。轉彎就見到豁然開朗的空間，現場座位就如圖中所示，大概可以坐6個人。綠色櫃後面就係廚房，因為店主 Jessica 已經焗左成朝餅的關係，成間鋪到好香酥餅味，未食都流晒口水。因為我自己好懶整呢d發酵有益野，覺得真正有心機煮野的人先會做，每次在素食店見到一樽樽都會加分。Bien Caramélisé 的詳細 Menu 可以在官網查閱，主要就是這幾款：使用本地檸檬和佛手柑的撻、法式千層酥、斑蘭香蕉蛋糕和閃電泡芙，全部都係 Vegan ，部分 Vegan + 無麩質。現場吃的話手沖咖啡、中式茶、花茶和水可以飲。我選了千層酥餅和閃電泡芙，Jessica 即場幫我組裝，確保又靚又新鮮好食。因為我想拎返屋企影靚相，所以選了外賣，兩件餅用紙盒包裝，黐得非常穩陣，我避完大雨拎住行返屋企都無穿無爛，想要外賣自取的朋友可以放心。Mille-feuille 法式千層酥 HK$66自製黃金千層酥皮可選配純巧克力吉士、柔滑香草吉士或焦糖榛子奶油霜我最期待的絕對是千層酥餅，因為傳統法式酥餅係依靠大量大量牛油才做出鬆化效果，純素的話該如何呈現呢？這個千層酥吃起來的確有鬆化感，沒有牛油香但帶著淡淡的豆味，配以毫不吝嗇的榛子奶油，入口滿是法國情懷。口味上也很輕巧不過於甜膩(香港人吃甜品都喜歡不太甜XD)，讓人很享受酥脆與幼滑交織的口感。法式甜品配黑咖啡非常一流，自己手沖了一杯嘆。Eclair 無麩質閃電泡芙 HK$50無麩質泡芙配焦糖榛子/純巧克力吉士傳統的泡芙是用牛油炒麵粉再加雞蛋製成，把蛋奶都拿掉之後，竟然也可以做出味道和質感俱佳的閃電泡芙，讓人很佩服店主的手藝。選了跟酥餅不一樣的夾心，就是要試齊兩款我想吃的內餡的意思。朱古力味未算十分香濃，但吃起來幼滑又輕巧怡人，配著有微微煙韌的泡芙又幾好食。沒有奶製品的法式甜點，吃起來的確較為清爽，完全不會覺得油膩或飽滯，不吃蛋奶的朋友，如果想重回精緻又讓人滿足的法式甜點的懷抱，趕快去花墟行一轉啦！
继续阅读
👦🏻👧🏻一向都比較少試素食/純素食物，今次就比咗第一次Plant Based 甜品經驗比Bien Carmelise🍮極大驚喜🎁 疫情期間😷只有Takeaway，希望疫情減退可以喺茶室邊茗茶邊嘆甜品😍🌟Chocolate•Cherry•Hibiscus店主會因應季節用時令水果製作甜品，喺2月中時就有以🦘袋鼠國🇦🇺塔斯曼尼亞車厘子🍒為主題，甜品層次極為豐富，除咗用上新鮮車厘子，仲有單一產區(加納🇬🇭)68%朱古力mousse, 本地洛神花果醬, 朱古力奶油(Cremeux)🍫, 朱古力海綿蛋糕🍰同朱古力威化脆脆😍整件甜品甜度頗低，朱古力係意想不到的濃郁😍，味道比較沉實，唔會覺得太甜膩，配上洛神花、車厘子嘅酸甜，整體平衡得好好👍🏻加上不同層次帶出嘅口感富有變化。🌟Lemon & Bergamot Tart如果想食清新啲嘅甜品，建議大家試下呢個檸檬佛手柑撻🍋Lemon Curd酸酸味味好Creamy，佛手柑味輕輕點綴，讓杏仁成為咗檸檬嘅配角。除咗用上Baked Almond Cream，撻底仲用咗杏仁+亞麻籽，充滿果仁香味又香脆😉
继续阅读
又一間收藏咗好耐嘅純素甜品店 ，一路都冇去因為佢個茶室只有週末先開放～適逢朋友約我星期六行花墟，終於可以一嘗！地方比較隱蔽，要行上一層樓梯，地下亦都冇太多指示... 夠晒隱世 😅（ 不過都唔算難搵）我哋大約2：30到達，坐咗兩枱客，不過好彩仲有空間，佢係一張大長枱應該最多可以坐到八位～有五款甜品可選擇，也有sourdough 外賣。 甜品每款賣相都非常吸引， 但係因為我哋第一次去，所以店主就介紹我哋食 signature 千層酥同檸檬佛手柑tart, 我哋再添加一件新出嘅班蘭蛋糕。朋友要hand pour coffee，我見到有 hot chocolate，話係用純朱古力沖， 有兩款朱古力可以選擇，最後我就揀咗PNG朱古力。我哋個order很快送上， 非常精美 😍 店主體貼提醒，先食檸檬佛手柑tart因為最 light ，再食班蘭蛋糕同千層酥。Wow! 真係冇諗過純素甜品可以做到呢個level， 我本身好鍾意食甜品，但係因為對蛋類敏感，所以好少有機會食西餅 😭但係呢度做嘅甜品簡直係讚讚讚， 如果唔係一早知佢係純素，我諗完全唔會食得出。檸檬佛手柑tart酸甜適中，撻皮香脆，杏仁味出 👍班蘭蛋糕個 cream又香又滑， 裏面配上濕潤嘅香蕉蛋糕同香蕉jam，最後面仲有啲杏仁脆脆，簡直係多重口感， 三個甜品中我最喜愛的一個 😍😍😍😍😍千層酥 ( 揀咗雲呢拿味) ， 店主同我哋講係即叫即唧，所以個酥皮食得出好新鮮酥脆， 配埋個雲呢拿cream，真係好味！Hot chocolate 一啖飲落去，我覺得係好似返到巴黎 🌈 香濃幼滑， 好足料！ 好想旅行 😢朋友話coffee都好飲～好鐘意尼種小店， 同店主傾下偈， 知道佢嘅背景 ，不禁大讚佢非常有心同真係好有才華， 我哋亦都有反映希望佢可以開多幾日，因為得 weekend先可以黎唔係好夠喉 😁😁😁 Highly recommended，我一定會再返嚟， 下次有人生日應該都會呢度訂蛋糕～
继续阅读
幫襯了這間法式全素甜品店數次，每次都有意外驚喜。之前比較喜歡她的檸檬撻及拿破崙酥餅，兩款甜品都做得很出色，賣相及味道都可媲美酒店出品的甜品，而性價比就十分高。今次幫襯嘗了一款期間限定的無花果酥餅，酥皮餅底做得很鬆化，上面舖上一層新鮮無花果切片及少量糖霜，甜度合適，沒有太甜膩的感覺，餅旁放了一球店主自家製的素雲呢拿雪榚，吃完熱烘烘的酥餅後吃一口雪榚，很是滿足，配上一杯美式熱咖啡，就是一個寫意的下午。
继续阅读