Bistro (已結業)

我和朋友難得見面，所以相約在AC3的canteen小聚一下。我們點了一個三文魚pizza,由於是即叫照焗，需時約十五分鐘。另外，我們也要了一個白汁野菌大蝦意粉。加配飲品，約$35.蝦十分足料和彈牙，約有五至六隻，白汁的味道也剛剛好，不會太鹹。我們的pizza也來了，價錢約$48，十分抵食，胃口小的女孩子，兩個人吃也頓鮑。三文魚是Smoke Salmon(煙燻過的)，鹹香鹹香的。

今日到城大搵友人食飯，之前都聽講城大餐廳好多好野食，於是友人就帶我去左一個好新嘅餐廳，風格有d似簡約嘅cafe。雖然菜式唔太多，但款款睇落去都好吸引，重點喺價錢好抵！於是我地就叫左個Pizza,先50幾蚊一份！原本我以為咁便嘅野可能好細份，殊不知見到實物，完全喺正常9吋嘅size！仲分左8塊。 我地叫嘅喺三文魚pizza，不厚不薄啱啱好，外層亦不是厚邊。上面鋪蓋住滿滿一層芝士同番茄醬，濃濃芝士味外加酸甜番茄味，特別開胃！再加上每一塊都有一片半生熟三文魚，幾種味道加埋令到口感非常豐富，但一定要趁熱先好食！雖然隱藏在學校裡面，但一d都唔輸蝕嘅便靚正美食！

食左咁耐cityu canteen，最想食都係呢個all day breakfast。本來dinner 係應該食其他野，但唔知點解就係唔想食飯。攞到個餐埋位，見到個多士都唔算太loan，ok 既，係唔夠脆咁。大大塊都幾飽肚。滑蛋都係好好食，唔太生，又唔會太熟搞到唔滑。每次都好快就食完，好想佢比多d 我  Finally，個牛尾湯通粉先係重點d 牛尾湯超好味。個湯好濃郁，有時直頭整埋d 蛋落去撈d 汁咁食。即使d 長通粉有d 硬，個湯d 味道cover 番，補番哂d 分數。搞到我次次都不斷叫黎食，正！

 在CityU用餐, 最推介的地方我會選這家~　環境好，夠清靜，出品不錯，價錢伐算～其實並不太像一個canteen 這家最推介的, 我會選pizza.... 然這天我試的是curry 和漢堡扒雞脾　（各三十幾至四十幾元～～）咖哩牛腩飯咖哩好香　好多人點這咖哩飯，好大一煲咖哩，牛腩切得大件且件數也不少～兩個女仔都夠食～送飯好正，牛腩雖瘦但淋身，連筋膜部位更吸引，牛筋也有一兩件，即使薯仔也好香。整個就是thumb up～漢堡扒雞脾配薯蓉這道沒什特別，只是食肉獸之選～～雞脾有點太乾身，肉汁不夠，漢堡扒也是～但薯蓉反而不錯，有點點薯仔碎粒，配那醬汁也惹味～除薯蓉，也可配ｓａｌａｄ／意粉。

今晚約左朋友,由於時間關係,所以去左城大食快餐,雖然唔係學生,但都可以享受下呢度既"快"神速上抬既係燒春雞加薯蓉,真係由放低單據到拎走5秒內搞定,夾雞, 潷薯蓉一氣呵成,絲毫不費功夫!不過話說回來,雞件好鞋, 雪藏雞肉縮水無雞味, 薯蓉好咸...CASE CLOSED...朋友就話佢個餐OK,但冇一氣呵成,用左1分鐘, 可惜可惜其實都見到佢個湯底好油膩,麵包冇烘得足夠,炒蛋亦唔夠新鮮,SO BAD...

考試季節，又係時候請假返學溫書。過往返城大，「食個快飯」從來都係去AC1 Canteen，越食越頹，暑假裝修後啲嘢食重縮晒水。後來女友介紹我去教職員宿舍露天餐廳，點知今個暑假執咗！(聽聞開返)跟住有同學指點咗我去AC2 Canteen食，美心旗下，係就係質素好過AC1，不過同PolyU新Can一模一樣，食咗好多年，食得多都會厭。直到寫食評前嘅星期六，朋友約我返城大，佢哋提議去AC3食......我以為聽錯係AC2，再問佢都話係AC3，又唔係Délifrance，咁即係邊間？原來AC3都有間Canteen，要搭Lift上七樓，除咗學生、舊生同教職員之外，應該冇乜人會知。呢間Canteen都係美心旗下，但係就行比較健康同埋全西式嘅路線，好似飯會揀糙米咁。價錢亦相對學生化，一個八吋大嘅薄餅都係講緊四五十蚊，而且質素唔差，又薄又脆唔太乾。趁呢日溫書，再次嚟到飯堂食晏。今次揀咗朋友推薦嘅「茶食」之一C2(見上面餐牌)，煎蛋轉炒蛋，加多兩蚊飲橙汁。賣相唔係好吸引嗰隻，但係卅幾蚊有包有粉又有嘢飲，起碼合符「抵食」原則先。天寒地凍，個多士雖然幾厚，但係烤得啱啱好脆口，唔太燶，亦唔太硬。炒蛋方面，至少唔