Bistro Bloom

营业中

休息中

今日約左朋感覺來朗豪坊13樓食lunch 但來到果時，時間已經2:00幾⋯半自動午餐冇左⋯有啲失望😞咁快完左 咁就唯有叫個set lunch 啦 我叫左雞胸朋友要左炒飯雞胸發揮正常 因為要好食係好難🤣但我自問我媽寫得嫩過佢哈哈但朋友個炒飯 佢話完全吾好食 食左啖就冇食個餐包個樣睇落去好食 但其實一般總的來講係來食環境嘅哈哈

同朋友去朗豪坊行街，夜晚就去左呢間西餐食，試試質素如何，我地叫左兩個course set (包 Starter, Main course, Dessert)1️⃣ Starter 1 煙三文魚凱撒沙律味道 3.5/5📝係expect到的味道，無太大驚喜或失望，作為starter幾開胃2️⃣ Starter 2 芝士焗酥皮田螺味道 3.5 /5📝味道一般，酥皮未夠鬆脆，芝士味不太濃，整體還好 3️⃣ Main course 1 -- 安格斯牛柳伴大蝦HKD 288味道 3 /5📝 牛柳叫左7成熟，黎到略嫌太老，好難咬，牛味都唔算濃，大蝦都幾大隻，食落調味啱啱好，但係肉質偏淋，感覺不是太新鮮4️⃣ Main course 2 -- 香煎鱈魚柳・伴鮮蜆海鮮汁HKD 258味道 3.5 / 5 📝整道菜偏淡味，鱈魚柳魚皮煎得好香，食落脆口，魚肉不是很嫩，反而薯蓉就仲出色，口感綿密，超重薯仔香味5️⃣涷海鮮盤 (special on)HKD 72 份量不多，質素一般，尚算新鮮6️⃣ Chef's Choice Dessert 味道 3 / 5📝 普通cafe甜品質素，不過不失 🍴位置方便，環境寧靜🏠Bistro Blo

食半自助午餐，之前食過幾好，所以再來幫襯，點知伏了。前菜和甜品味道還可以，同以前差唔多，但主菜就好唔掂，芝士龍蝦米多配忌廉意大利扁麵：個忌廉汁冇乜味仲要有啲粉喺汁入面攪唔勻，跟住個日式照燒雞配鰻魚汁意大利飯：雞扒味道ok，個飯完全不是鰻魚汁味，係淡豉油味，最勁係飯裏面的蘿蔔粒好硬，仲有開頭以為係露筍粒嘅物體，原來係西蘭花頭切粒，啲材料質素唔得，味道唔夾，感覺比以前求其好多，價錢亦不算平，所以冇下次了

今晚又用🐼叫左BistroBloom 2 人 set 餐 D，第一次試，有D期待。食物款式都算多，前菜同甜品可以揀4款- 前菜: 芝士腸仔沙律 + 地中海八爪魚仔沙律 + 意式冷肉拼盤 + 香燒雞肉意大利麵沙律外賣自選2人套餐 - 甜品: 布朗尼 + 歌劇院蛋糕 + 啫喱糖 + 朱古力撻。而主菜佢地本身set 好左，我就揀安格斯牛扒同埋煙肉意粉。牛扒好香，有我最喜愛嘅炭燒味，但最慘嘅係塊扒超多根又無肉味，只可說清談。其他食物都偏向清淡（ 淡味）, 尤其係個頭盤燒雞肉意大利麵沙律一D味都無，我食左D蕃茄就無再食依個沙律。而甜品好食，一D都唔太甜👍🏻👍🏻👍🏻。 整個餐嚟講其實水準都ok味道清淡都可以接受， 而份量頭盤一啲都唔少，大家都可以一試😄。

無錯係 2020 年最後一頓咁豐富半自助餐，果然犀利相隔一段時間都會走來幫襯的餐廳，在疫情下仍然繼續支持！今日同知己共聚預早一日歡送 2020 ，一年一次照舊老地方。🥄今日餐湯是椰菜花忌廉湯，不大有椰菜花香味，就是暖暖的湯，配一個提子鬆餅尚算不錯。🍴開始我冷盤都是蛋沙律，鴨胸羅馬生菜沙律，有我喜歡的酸甜爽口又健康紅菜頭，南瓜凍食也屬健康食物，螺肉香辣惹味，不過要食得辣先好夾。😂🍴第二輪就當然要食爽口彈牙凍蝦同青口蜆肉，一睇就知當然係凍蝦排第一位。🍴今日天氣凍，我都特別點了一客熱辣辣的焗芝士吞拿魚長通粉，芝士配吞拿魚就正如我們咁幾時都咁夾，芝香四溢香噴噴口水都流。😋😋☕️最後我們都來一杯香濃黑咖啡，舉杯慶祝期待新一年。🥂🎉甜品忘記影都係360 牛乳奶凍最滑滑必食。👍👏

某失誤原因下買左佢既7折coupon 買左就順便聖誕去食間野既semi buffet 出到去既時候發現食物選擇已經好小 但吾緊要 佢都係餐廳buffet吾係酒店 對於款式種類吾期望太高 但係當拎野食前去拎出面d碟 點解可以拎到第4隻都仲有餅碎or豉油積 講緊d碟係洗得吾乾淨 出面d匙羹仔都係有污積 仲要依家疫情下都甘求其 食物質素都係麻麻地 塊扒叫5成熟 出到黎係8成 塊扒都會整左d格仔坑紋令塊扒好睇d 但係會食到碳粒仔 究竟食緊咩出面拎既奶凍 食落係完全冇味 飲品方面有龍眼蜜 感覺幾新鮮啦 點知好似飲緊糖水甘 邊到係咩龍眼蜜間野d質素真係好差但都由佢 只係吾會再幫襯 但點知再晏d竟然開始肚痛 仲又痾又嘔 嘩 間野真係吾好食同吾乾淨到最後腸胃炎佢個地點係朗豪坊頂層 但d質素同衛生係好吾掂 真係估佢吾到

又到聖誕又到聖誕🎄雖然適逢聖誕節疫情又嚴重咗但係也按不住我嘅為食 #食慾今日收咗工隨即去咗 #MRSTEAKhk旗下位於朗豪坊的西餐廳「 @Bistro Bloom」去買返個二人外賣自選套餐係屋企都可以食到半自助餐嘅美食一樣咁滋味😋⊰⊹════════════════⊹⊱✎ 食後感 ：✨🌈【2人外賣自選套餐】SEMI-BUFFET DINNER AT HOME套餐除咗餐湯、主菜、配菜仲可以喺眾多自助吧美食中自選4️⃣款頭盤同4️⃣款甜品最後我就揀選了價值$298的 Set D當中包括 :🔴是日精選湯 x 2這個南瓜湯很濃很蓉先飲過湯濕一濕口🟠頭盤自選四款總共有14款頭盤選擇當中的意式冷肉拼盤有不同種類的火腿肉味道新鮮仲好Fresh還有新鮮的蔬菜🥬食落去都感覺到好健康🟡意式肉丸配幼滑薯蓉濃郁的蕃茄醬汁包裹着粒粒肉丸🍡所以肉丸食落去爽口彈牙之餘蕃茄味道仲好濃郁添底下的薯蓉有入口即溶的口感🟢英國煙肉野菌卡邦拿扁意大利麵一打開已經聞到好香嘅卡邦拿味道芝士味道香濃每一條扁意大利粉都好入味而且非常足料入面真係粒粒煙肉㗎🔵美國安格斯西冷牛扒配油漬蒜籽呢塊西冷牛扒好大塊煮得五成熟返到屋企仲可以翻熱咁就變咗啱啱

喺朗豪坊行街行到攰攰地就好隨機咁搵咗間餐廳食個Tea叫咗一個2人tea set同炸魚薯條每個set都跟一杯餐飲個tea set非常一般反而炸魚薯條相對正常d不過以性價比 有地方坐低傾下計都叫不錯既選擇

餐廳位於朗豪坊13樓，我和友人座於半開放式的室外位置，由於座在外面，感覺空氣好些，始終疫情還沒有清除，空氣流通很重要。我們主要是找個清靜地聊聊天，是友人提議到這餐廳，她說我們吃的不多，這兒有只吃沙律和甜品的餐，所以就來試試吧。看看餐牌，除了自助沙律吧+飲品+甜品外，還可選擇有主菜的半自助餐，款式共8款之多。我們也多選了一份麵共享。沙律吧款式不是很多，有薯仔，香草南瓜、燴茄子、烚蛋、炒雜茵、紅菜頭、粟米粒，沙律菜，螺絲粉，芝麻醬昆布凍豆腐。凍海鮮類有蝦，青口、蜆。凍肉類有三款不同的火腿。各款沙律味道也可以，蝦肉爽口，殼易脫，青口和蜆也鮮甜。沙律菜的醬汁只有四種選擇，不夠多樣化。湯只一款，忌廉南瓜湯，湯味濃郁，很好飲，而且因為這是熱的，所以多飲幾碗，不過問待應生要黑胡椒粉放湯內，回答我沒有，這就有點奇怪了，吃西餐的店怎會沒有黑胡椒粉，既然沒有也就算了。放湯的地方旁邊也放了一盤面包，供飲湯時伴吃，有脆脆多士，梳打餅，鬆餅，長條手指餅。吃鬆餅想找些牛油或果醬塗一下，但是沒有發現，看來也是沒有供應。除了湯還有龍眼蜜和利賓納任飲。甜品也有幾款，芝士餅，朱古力餅，杞子榚，南棗榚，藍莓蛋糕，啫喱糖，木

星期六打算輕輕鬆鬆咁約朋友見一面，點知出到嚟已經下午四點 。係無咩選擇下，我地最終簡左Bistro Bloom一試。年幾前嚟食過佢嘅Dinner半自助餐，今日就試下佢嘅Tea set～由於疫情下人流唔算多， 而且係下午嘅時間，有自然光打入餐廳，令到當下用餐環境好寫意。Tea set價錢由90～16X 都有，比較貴可以食牛排，但我地兩個人都無咩胃口，分別叫左一個Carbonara同番茄意粉。Carbonara第一啖入口味道唔錯，質地都好好，但就愈食愈咸，兩個人一路食一路疑惑廚師到底落左幾多鹽 ...相反另一個番茄意粉係對比之下就變得好淡，好似無調味咁，但意粉質地唔錯。Tea set 仲包左一杯野飲，我地都叫左檸檬茶，糖漿同茶係分開上，呢點幾加分加一後埋單我地兩個人Total用左$190，呢個價錢嘅食物質素和環境尚算合理。但會唔會再返轉頭？有選擇情況下應該唔會...

行到攰攰地、又餓餓地，咁啱見到人哋食個港女tea食得咁開心，一於入去食過late tea & early dinner😂 「Teaner」一嚟到，當然係一如既往由低食到最高。底層以鹹食為主：兩隻香辣脆香雞翼、兩條燒牛肉串燒、一個酥皮薯蓉除咗個酥皮薯蓉夠熱之外，香辣脆香雞翼同燒牛肉串燒係好食，不過唔夠熱🤨呢一層最出色就係個酥皮薯蓉👍🏻第二層以甜食為主：兩個藍莓cupcakes、兩件藍莓cheesecakes、兩件藍莓jam pie、兩件抹茶mousse卷蛋呢一層主要以藍莓為主角，cheesecake同個pie都甜度適中，較為出色；cupcake係呢一層就相對地比較平庸。抹茶卷蛋嘅抹茶味唔夠出，同普通卷蛋冇分別。第三層甜食+鹹食：甜食: 兩個牛乳布丁、兩個法式焦糖燉蛋(creme brulee)鹹食：兩款有餡料係上面嘅小法包（mozzarella cheese with tomatoes、Smoked salmon + Olive）呢一層以凍食為主，牛乳布丁唔夠奶味，，焦糖燉蛋味道唔錯，不過上面嘅焦糖唔夠脆；至於小法包，餡料夠足，味道唔錯👍🏻整體來講， 以呢個價錢，食物質素ok，CP值都算

黎呢到，係為左食佢semi-buffet囉。另一份menu完全無睇過。沙律吧一向係我最愛，主菜對我黎講反而係其次呢。沙律吧保持到其他店嘅款式，唔錯。個魚.....唔得囉，無銀雪魚嘅滑，又無魚嘅鮮，雪就雪，有雪味嘅魚。底嘅薯蓉仲好味。日本和牛，最出色，居然係個蕃薯餅，夠脆，夠入味。甜品比想像中多選擇。佢每款唔多，但咁先可以多D款式選擇。湯都麻麻地。但係scone超正，值得浪費個胃嘅quota。大部份甜品都不過不失，有幾款直頭可以encore添。個綠茶蛋卷就乾左D.呢個好在我無攞，因為無雪住，已經處於溶左嘅水狀。浪費。如果可以只食沙律吧就更理想，主菜真的....不了。

星期日諗住食個lunch 沙律吧中規中矩海鮮凍盤 完全冇味最精彩係個主菜我就叫咗一份西冷牛扒女朋友叫咗一個龍蝦意粉西冷牛扒order 左 5成我諗佢呢個都有七成重點係完全冇牛味咁諗住食佢個西蘭花可以中和下個口感味道點知仲大鑊西蘭花好似用鹽水浸一放入口已經成口咸味之後到個龍蝦意粉個龍蝦雪味十足不可一不可再本人覺得連試都冇需要去試因為呢篇野係我食緊嘅時候打因為已經食到唔想食之後佢哋杯檸檬茶同檸檬水完全冇分別第一次打食評因為真係唔想食所以冇嘢做勸喻大家唔好去試

一直知道是牛先生的副缐餐廳，其價錢稍貴於其他，所以一直未有幫襯，既然同類食物，點解要收貴啲呢？今日適逢路過，又想有個優質午餐，所以走入去一試。餐牌食物種類真係同其他兄弟店一樣，就係價錢貴啲啲。係食物台前行咗一轉，就明白點解價錢貴啲啲。因為這裡有蝦，青口，蜆，芝士拼盤，利賓納及龍眼蜜任飲任食，分別在此顯明。主菜點了漢堡及西冷，西冷超咸，應該廚師重手咗，而漢堡就牛味十足。最後甜品中的brownie 最欣賞，encore 咗3次。

父親節去了朗豪坊shopping, 到晚上七時才驚覺沒有預約任何餐廳，成個朗豪坊迫爆人，唯有走上13樓睇睇有咩食。無意間發現呢間餐廳做父親節Semi- buffet, 大人大概$200一個餐，小朋友$98 ，可享用前菜及甜品buffet bar,小朋友包一個肉碎茄汁意粉，於是一試！Buffet bar有忌廉蘑菇餐湯、冷盤有青口、大蝦、沙律、芝士等等。佢嘅薯仔沙律同埋燒茄子做得唔錯。飲品方面，有利賓納同橙汁。主菜我們點了一客燒春雞及帆立貝扁意粉，本來冇乜期望，但佢個帆立貝扁意粉比想像中香口，頗濃香草味。燒雞也不鞋，肉汁豐富。最後餐飲叫了一杯熱cupuchino作結。雖然餐廳不算大，偶爾在buffet bar也看到一隻昆蟲在徘徊，但食物質素比我想像中好。不用等位也算是優點吧！