Bohdan

营业中

休息中

🌈工作天見天氣好就出左去食lunch, 一路行一路諗食乜就見到依間野，見個Menu都幾啱我口味，所以就入去試一試。今日揀左美式燒雜扒餐配洋蔥汁($56)，個餐仲可以揀炸薯角，啱晒唔鍾意食飯既我，落左單5分鐘左右就有得食，一上枱第一感覺就係 嘩 ……都幾大碟啵。塊牛扒長過隻叉，薯角又一大堆，仲有一大塊豬扒同半條司華力腸。食後感:👍牛扒唔會太淋 有口感👍薯角炸得好好 外脆內軟又唔乾☝️豬扒就一般 乾得濟硬左d總括都幾好，環境又唔錯，咁既價錢算高質係，係用心煮既餐廳~

我坐果個位好迫，係傳菜、送貨、姐姐抬大tray收碗既必經位置，每次有任何人行過都會撞到我，切豬扒都要夾住切。野食要等，不過可能煩忙時間啦，但等到個焗飯黎，係凍既...點解會咁呢？同事食焗薯餐，碎蛋沙律焗薯，另配凱撒沙律，個碎蛋沙律一食落去個味道係怪怪的，吾識講，係放左陳年既沙律醬，定佢用果隻牌子吾係常食既牌子，冇話覺得變壞變酸既，但好怪，我食左兩啖仔，就吾敢再試，同事一次過食晒，但返到公司就痾到high high, 我就第二朝先痾，痾到冇野痾但個肚仲好痛.....

放Lunch成日經過依間餐廳，不時見到有人排隊，感覺好似唔錯，今日就決定試一試佢！餐廳每日都有唔同既Lunch Menu，名符其實食足一個禮拜都唔會厭！裝修走文青簡約路線，座位都算闊絡，咁我就揀左最吸睛既芝士焗龍蝦牛扒意粉，Lunch Set就包左湯同野飲，揀左羅宋湯，飲左幾啖就好口渴！到主菜啦，足足有半隻既芝士焗龍蝦，不過一望已經知係整定，完全唔熱，只係微暖，肉質正常但無咩鮮味，而塊牛扒亦都似係整定，薄得黎咬落又好靭，不過$65真係唔可以太多要求！

一個人星期六下午4點25分入到餐廳等朋友，告訴店員兩位， 安坐好叫了食物， 諗住再幫朋友叫定下午茶， 怎料告訴我4點30分閂門， 餐牌已經沒有食物提供， 頓時覺得五分鐘前為何入座時你不說呢？! 難道要我五分鐘完成枱上食物？ 非常不負責任， 不會再光顧。 最慘門前亦都冇營業時間告示牌呢!

加左價但食物質素反而降低,雪藏扒都算,服務態度另人震驚。最嬲係4個人比3人枱，在角落沒有位坐，加張冷板凳，但2唔夠位食。叫佢幫手同換枱，仲話要換你自己講。咁我地自己請旁邊坐住4人台既3位人2士轉台。成功轉枱後，老板仲要發顛大嗌同所有員工講唔好幫我地入單住，等前張單上曬先， 然後先幫我哋入單。 我哋互相理論咗兩分鐘，態度極差，老闆嗌到面紅耳熱， 畀唔到我哋一個合理解釋點解要上曬人哋啲單先入我哋嘅單， 只係好憤怒咁講咪轉頭入囉！理論不果，憤而離場。

選了番茄濃湯螺絲粉 配 2side +$5 就有個好味奶油脆豬外脆內軟，牛油煉奶鋪滿，絕對值得一食番茄濃湯不是罐頭的味道，有很多新鮮蕃茄在內螺絲粉口感彈牙，不像其他餐廳煮太久後，軟林林朋友叫了瑞士雞翼煎蛋撈麵 配 牛角酥瑞士汁濃郁，但又不會太鹹，加上有煎蛋黃汁，更加野味牛角酥也是剛剛焗成，脆脆的熱朱古力一般，沒有特別大驚喜餐廳環境舒服，有種英倫風的感覺可能係星期六早上，不太繁忙，不用等位可以慢慢選餐，慢活嘆下個早餐旁面的掛畫都好靚架！

係openrice見到青山道又有新食店插旗，多份食評的評價都不錯，當然要去一試😆我跟同事12:15pm左右到達，當時人流仍不多，所以不用等位便入座。一看餐牌，星期一至六都已經定了lunch set, 另外還有湯意粉，沙律及三文治，都算多選擇。我點了蒜香黑椒薯仔牛柳粒咸牛脷飯，賣相不錯，牛柳粒尚算腍，但相信是經過梳打粉腌製的，所以完全沒有牛肉鮮味，而咸牛脷更加是無味的，全碟飯只有黑椒汁的辣味。食完好口渴，更要狂飲水😖同事點了芝士卡邦尼鹽燒三文魚意粉，但完全沒有芝士味，意粉一點醬汁都沒有，味道淡而無味。三文魚亦很乾，同事對這碟意粉頗失望。這裡連熱檸茶也不好喝，有點清潔劑的味道，很奇怪。不過一個餐也只不過$48，還想有甚麼要求？正所謂一分錢 一分貨😆

今日同同事食午餐，經過呢間好似幾靚咁，所以就入去試下，午餐套餐都有好多款式，我揀左個匈牙利紅咖燴牛肋肉配意粉，牛肋好嫩滑，軟淋剛好，汁亦好配合到，意粉亦唔太淋，非常好味，要特別介紹下個餐湯，不是一般欺場，溝出黎就算，我揀左個忌廉湯，好香濃好滑，再加左個三文魚凱撒沙律，好抵，好大份，夠晒2個人食，蔬菜夠新鮮爽口，配合沙律汁，有種好清新既感覺，三文魚都好大件，餐飲叫左一杯熱薄荷咖啡，咖啡香濃滑口，再有埋薄荷晚既清涼口味，配搭好正，午餐都可以飲到，正，下次要再黎食過

慘慘又抽到返夜既地獄更😵可幸既係晏開工仲有時間嘆下Lunch Hea一陣🙇🏻‍♂️趁未被打落地獄前一枝公去吃個最後的午餐先🙈座落於荔枝角密集工廠區既Bohdan喺荔枝角站B1出口經長沙灣道行過黎亦十分方便😆呢度環境設計環繞住Cafe同藝術既Style🤪周圍掛滿著柔和燈飾同充滿藝術氣息既壁畫之餘🎨悠閒寧靜舒適既環境☺️另外以抵食Lunch Set西餐既賣點😆再造出高質抵食既西餐料理😋每日多款午餐亦吸引到唔少上班族午市黎幫襯😆而且賣相一流顯得用心製作☺️👨🏻‍🍳Lunch Set蒜香黑椒美國牛仔骨配薯角大大份只係48蚊的確夠哂抵食🤩牛仔骨脂肪比例均勻☺️🥩肉質滑嫩Juicy之餘🤤配上蒜香黑椒醬汁亦係Perfect Match😋薯角炸得夠透啖啖薯肉亦係小肥至愛☺️是日餐湯 (南瓜忌廉湯)湯有濃郁奶油香更加Creamy之餘😋以南瓜既配合亦帶出其清香及口感☺️🎃凍齋啡小肥最近因腸胃一般所以走奶🙇🏻‍♂️咖啡味夠濃郁的😆

呢排天氣開始凍，要入貨，就约朋友去荔枝角香工，經過麗昌工廠大廈見到呢間歐陸型格既餐廳，甘岩行到攰攰地，都想坐低tea下, 因為好口渴.一坐低，即刻睇飲品menu，見到三青汁😍甘岩呢排腸胃麻麻地，即叫😋青瓜、西芹、蘋果加蘇打水一齊打，好清新，一D 都唔覺甜，好天然👍Bohdan 拼盤，鱿魚蝦卷好特别，外脆入面軟軟地蝦角同薯角好惹味吖。迷你香草雞扒意粉，雞扒乾身香口，意粉淥得啱啱好，軟硬適中，個汁幾順滑，其實份量都唔小，一般女仕既午餐岩岩好朋友叫左臺式烤腸烏冬+咸檸七，烏冬有粟米同雜菌，臺灣腸有酒味幾香，湯清清地唔油膩。朋友 話呢度有歐陸 feel 影相呃like 都唔失禮，環境同燈光都令人坐得舒服，價錢又ok,以後行呢頭多個選擇，唔一定係茶記啦。

今日休息走左去去荔枝角，順路搵細妺食午餐，細妹帶埋佢一個同事出現。原來佢個同事係食素的。正煩惱於去那單餐廳吃飯，細妹提議佢公司附近的Bohdan ，佢係青山道荔昌工廠大廈 附近有間單車鋪的。一行三人，見午市套餐都好似好吸引。我就叫左生薑豚肉飯$48。份量十足，洋蔥炒豚肉加上甜甜的燒汁細妹叫黑松露忌廉鮮菌雞皇意粉$48雞件份量很多，細妺講味道不錯，但如果可以多些汁就好了。我妹的同事是素食者，平日餐廳多數是自己挑走肉類，今次同餐廳提及能否走肉，幸好也樂意配合。黑松露忌廉鮮菌意粉走雞皇$48這碟的菌數量比細妺那碟多，同事説味道👌，但下次會叫少意粉！午餐係冇加一。服務也不差，亦可以儘量滿足客人要求，今次十分滿意。

長沙灣呢邊好多時都剩係得外賣飯盒同茶餐廳，想搵多個選擇都難。呢日見到啲人流轉入呢條街，羊群心理下跟去先知原來開左間西式野Lunch set 選擇幾多，日日唔同，西式、東南亞菜都有，$48包餐飲或餐湯。上菜速度幾快，落單後十分鐘內到。雖然係茶記價錢，但擺碟一啲都唔馬虎，剩係望到個賣相都流口水豬扒肉質紮實，香口有肉鮮味。新山喇沙原來係咖哩，黃咖喱偏甜帶微辣，裡面加左蕃茄所以帶點酸味，幾開胃。絕對稱得上係雞扒‘蓋飯’，雞扒大塊到睇唔到底，偏薄身、略帶肥膏入口幾嫩滑。飯面淋上濃稠既蕃茄醬茸，有口感但唔算好酸好濃味。跟餐+$12仲可以轉果汁牛奶木瓜奶無添加糖，入口帶淡淡奶香同木瓜既清甜，飲起黎creamy有飽足感選擇多價錢又合理，效率又快，唔怪之得咁多office lady/boy黎幫襯，附近返工又多個選擇

今日門口終於唔多人等位，可以試一試喇，大概5分鐘就可以入座！佢環境都唔錯，有少許裝修，燈光和諧，走小型格路線佢個menu星期一至六6款，循環咁出現，呢個係星期四午餐精選！個個餐都係$48，如果以貨真價實嘅西冷扒同日本飛驒牛漢堡來計，真係好抵！叫左個燒美國西冷牛扒配薯角，配熱飲！(凍飲要加$2架！)個餐等左一陣就送到！牛扒同薯角份量足，薯角仲好香口！但牛扒就唔應該有好大期望，其實係普通茶記嘅黑椒牛扒囉，屬於一般嘅貨仔，但$48有呢個份量，的確算唔錯同抵食！

我本身係諗住叫一個清清地，食件牛油果煙三文魚三文治，攞起收銀旁邊嘅外賣單，諗住睇吓外賣紙，然後落單，唔小心跌咗張外賣只落地下，個老細即刻啤住我，然後再望一望個地下，咁我咪自己執返囉！然後老細就攞住另外一張餐牌劈咗喺張枱度，叫我唔好攞外賣單睇餐牌啦落單嗰陣老細黑口黑面，唔知係咪個鋪頭太多太多人，佢叫我企去出面等，又好似好唔高興見我嗌外賣，結果我係出面等左15分鐘，返到公司打開見到佢原來黑口黑面仲落錯單添😔😔唔明點解做老細個面口咁黑，但係啲員工又好好笑口㗎喎🤔做老細見到生意好唔係應該開心至係咩？佢個樣堅黑面，直情趕客走呢😪😪覺得老闆依個做生意嘅態度與員工反差太大罷，唔通要啲員工教返個老闆待客之道嗎？

今日LUNCH黎到呢間新開既餐廳，雖然都幾多人等位，但係等左大約8MIN就有位，餐廳都唔算太細，裝修都算簡約，入到黎好舒服，LUNCH都有好多選擇，除左有每日LUNCHSET之外，仲有沙律餐、法式包餐、焗薯餐等，都幾多款式選擇。咁岩今日係星期五，LUNCH SET入面有期間限定的原隻波士頓龍蝦(半邊)帆立貝意粉，估唔到LUNCH可以食到咁豪，龍蝦好大隻，SIZE大過一隻碟呀，有點芝士味但唔太濃，焗得好香，估唔到帆立貝都有4隻，仲收埋係D汁入面，個醬汁都好特別好好味，意粉個份量都唔少，女仔一般都食唔哂，套餐仲可以跟湯或者野飲。原隻波士頓龍蝦(半邊)帆立貝意粉