Bohdan

营业中

休息中

返完夜班搵早餐食，發現了這間小小西餐廳。早餐有西餐類也像茶餐廳，價錢看起來都不貴。作為蛋奶素食者有時想叫茶餐廳的早餐就要諗吓點叫唔要啲肉又有自己想食嘅嘢，難得這裡的早餐選擇頗多。叫了個奄列餐，要蘑菇餡，跟餐有多士，螺絲粉。返完工咁辛苦加多 $6 加了我最愛的薯餅，因為打算食完就返去大昏迷於是沒有叫奶茶咖啡而是加了 $8 要凍朱古力。先送奄列來，細細份，仲以為又係好唔抵，點知原來好大碗螺絲粉！仲以為會好似 kfc 嗰啲細細碗架嘛明明叫奄列餐螺絲粉應該唔係主角 食物味道不錯，奄列雖然細份但蛋同蘑菇都幾香，多士脆但不會太乾，最愛的薯餅也沒有失望脆的黎唔太油（雖然知道是急凍的）。好大碗嘅螺絲粉味道不過不失啦，但這是個人喜歡的早餐配搭有乾有濕落口。好飽好滿足，食完直接飛奔返屋企連 lunch 都可以唔駛食直接大覺瞓。下次再黎返夜後 comfort food！

同朋友完成工作後，很需要進食，因為實在太累了，美食是最佳的補充品，本身心目中有另一家餐廳，但經過bohdan,它就像工業區的綠洲，有點格格不入，但非常吸引目光。首先要讚一下裝修，感覺有下心思，第二員工們都很友善。在看過餐單後，發現佢飲品的menu 特別吸引，選擇很多，有鮮果汁、奶昔等。本來想試一下牛油果🥑奶，可惜剛好賣光了，便改了木瓜牛奶，感覺還不錯的，沒有添加糖，但木瓜的味道還算突出。我們都點了黑松露炒蛋配豬仔包！豬仔包非常脆口，值得一讚！炒蛋很滑，而店家都給了很足夠的黑松露呢！整體是很令人滿意的下午茶！

荔枝角這種工廈想吃東西 通常只能到茶餐廳去走著走著就看到這家裝修得挺有特色的餐廳看著下午茶的時間 也不是很多人就想著試一下迎餐廳吧.香草蕃茄意大利軟包 (火腿碎蛋沙律 + 煙三文魚) $27半份 X2我印象中的意大利包好像都會硬硬的但這個居然是軟的 而且有一些乾果在上面火腿碎蛋弄得很碎 看上去雖然是一粒粒但口中卻只感受到碎蛋的順滑口感青瓜爽脆 不會有苦澀的味道煙三文魚蟹子飛碟 $31一咬下口 口感比較硬一點可能是用了麥包 但是卻比白麵包健康一點比較適合現時的香港人雖然拿上手的時候覺得是常溫可是咬了一口就知道燙了飛魚子會在口中炸開 每咬一下都會聽到飛魚子爆開的聲音份量很多 煙三文魚是半熟 和飛魚子加起來也不會太腥法蘭克福腸煙肉卷四件拼蜜糖雞翼三件+迷你凱撒沙律 $35法蘭克福腸煙肉卷上面有香草煙肉比較像水煮 不會太咸蜜糖雞翼變成了鹵水雞翼雞翼鹵得很入味咬兩口 雞翼骨頭就會在口裡自然散開CAFE LATTE $20奶味比較重 咖啡味跟隨在奶味後而且不會太苦 如果怕喝苦咖啡的人這個會適合你CAFE MOCHA $20就是巧克力的味道奶味也夠 不會太甜

當日中午趕時間經過餐廳, 我被他們的裝修所吸引。門面設計簡潔鮮明，裡面環境闊落，冷氣充足，坐下來不會很擠迫。因為正正門口有一幅歐洲名畫 BOTERO, 富有藝術感及時代氣息抽象文藝。各位食家可以一邊享受食物一邊欣賞藝術, 都市的浪漫!😘😘當日點了一個原條日本直送鰻魚飯。講真的，鰻魚我食過不少，但這家餐廳的鰻魚我能保證是由日本空運到港。原因是日本的鰻魚肉質比較鮮嫩，富有鰻魚獨有的味道，跟其他平價海鮮不同。而且白飯選用日本的珍珠米。其次是他們的選擇非常豐富，不但有鰻魚而且有其他焗豬扒飯，沙律都唔錯。

聽同事講公司附近新開左間又平又靚既cafe，即時搵個星期五lunch去試下先！12:40去到，門口已經排左非常多人，睇黎人氣真係好旺店鋪裝修新潮，係附近少有的cafe好彩地方又大，所以唔洗等太耐都有得入坐。午市套餐list曬成個禮拜既選擇出黎，每日都唔同，日日黎食都唔怕厭而且真係好抵呀，大部分都係48蚊咋，附近茶餐廳一個餐都要呢個價錢啦。如果唔想食set lunch，仲有其他選擇飲品選擇好多，特色咖啡都只係加8蚊就可以轉波士頓龍蝦帆立貝意粉$60龍蝦肉質彈牙而且好鮮甜，而且仲有好多蝦膏，好好食。值得一讚就係個龍蝦鉗已經整碎，令客人可以好容易就食到！不過佢個意粉就淡味左d，如果可以用龍蝦汁整就正啦飛驒牛甜咖喱奄列飯$48和牛漢堡扒肉質柔軟，而且好重牛味，配上咖喱飯真係非常夾！個蛋奄列用左蘑菇一齊煎，增加左香味，好食。烤雞肉田園沙律$30因為想食菜所以叫左呢個沙律，估唔到30蚊會有咁大碟！而且用料新鮮。烤雞肉味道都好，好抵食。香蕉牛奶$12跟餐加12蚊轉，飲得出係用新鮮水果打而唔係用香料。除左香蕉，仲有成12款生果選擇，下次試下其他先。

公司附近開左新嘅餐廳緊係要去試下雖然門口有唔少人等位但係座位安排唔錯好快入得去坐餐牌定好每日五款唔同菜式可以睇啱邊日啱食先黎是日餐湯午市套餐可以跟配餐湯或者餐飲；餐湯方面提供紅白兩款；南瓜濃湯稠滑而且香甜好有誠意燒美國西冷牛扒配黑椒汁(配薯角)牛扒套餐唔使五十蚊所以預左唔會大塊但係結果好有驚喜；個人唔算細食但係都覺薯角份量好多而且牛扒唔薄；後來見到隔離張枱跟配意粉份量多到足夠我食兩餐；牛扒生熟程度剛好肉質軟腍但係唔會鬆散而且略帶脂香；黑椒醬汁香濃惹味日本飛驒牛漢堡大啡菇飯飛驒牛漢堡肉味濃郁而且唔會煎得太過乾身；大啡菇肉厚汁多加上芝士煙肉烤焗夠哂邪惡；醬汁蒜味濃郁撈飯啱哂

今天下午路經茘枝角，可能午餐時間街上人來人往。 見到一間又新又好多人等位餐廳。 既然咁多人等，我也湊一下熱鬧來試一試新餐廳吧！ 看見餐牌上的食物也算有些特色，星期一至六每日提供款式也有所不同。 顧客大部分也是附近上班一族，所以食客流量也很快，等了一陣已有位。 餐廳用簡約擺設，簡單舒服為主。新山喇沙豬扒 配薯角豬扒醃得入味，喇沙醬帶有香茅咖哩香味。薯角份量也多，炸得夠香脆。整體以一個午餐來說，這餐廳的食物價錢丶份量丶味道及質素也成正比。 為這一區上班一族，增添多一個美味選擇。

今日放假，同朋友經過荔枝角，打算去d2 place 新開嗰間 CGV 睇戲，買左飛未入得場，就當然係附近搵下有乜好食啦。見到呢間新開嘅餐廳，都唔少人排隊，就決定去試下佢。呢間餐廳叫Bohdan，比佢吸引嘅其中一個原因係佢內部裝修花左幾多心思去設計，全店主要走簡約工業風，水泥牆、鐵櫈、木枱、燈泡都係必要元素。食物質素固然重要，但坐得舒服亦係重要一環，單單係欣賞個環境，呢間餐廳已值好高分。因為人多關係，我地係外面都等左10分鐘度先入到去，但呢度有個好好嘅服務，哥哥會幫你係門口落定單，等你一坐低，好快就有得食，抵讚！以食物種類黎講都算好多款，佢午市套餐都幾特別，星期一至六每日有5個餐選擇，呢5個餐係固定嘅，所以可以睇定黎到即落單呀。而除左一般午市套餐，都有其他套餐，例如蕃茄濃湯意粉套餐、沙律餐、法式軟包餐、焗薯餐等等。今日星期四，我同朋友就叫左 4.日本飛驒牛漢堡大啡菇漢堡包薯角($54) 同 5.芝士鮮茄菠蘿焗豬扒飯($48)先講講個4. 日本飛驒牛漢堡大啡菇漢堡包薯角($54) ，份量都幾大份，薯角好多，一定食得飽呀。漢堡包面好脆身，但裏面又唔會乾，焗嘅時間剛好。飛驒牛漢堡非常厚身，食落

呢日煩惱緊lunch吃甚麼就經過呢度,見到裝潢好似潮潮地仲有我最愛的沙律餐,試得過!呢度最好就係每日午餐之選都唔同,都係唔同類型嘅菜式,我最開心就係有沙律餐,不過都要諗好耐,因為沙律餐都可以選擇配唔配包同埋邊款包,最後我選擇左軟法包!法式烤軟飽餐(胡麻醬雞絲野菜)配迷你田園沙律 $44好彩我揀左呢個包,因為佢份量係大D架~~~成條軟法包裡面有滿出來嘅雞肉野菜,其實胡麻醬可以再少D,本身D菜都幾爽口,雞肉可以接受,面包唔硬幾有口感,成條食晒係會飽的.不過我無expect過迷你沙律真係迷你成咁,男仔無可能食得飽.香草番茄軟包餐(牛油果凱撒)配迷你田園沙律 $44點解我話好彩叫法包餐?因為同一樣嘅價錢,同一樣嘅沙律,但呢個包係一半size!兩個餐相比呢個分量就更加少,連我平時細食嘅同事都嚇左一跳,就算個包細個沙律都多返少少丫,同我個餐一樣,雖然店員指呢個香草包貴D所以size會一半,但咁真係好難接受.牛油果都ok,個包係有少少蕃茄甜味,不過好多人都一定唔會夠飽.日式甜咖哩飛驒牛漢堡奄列飯 $48相比之下,午餐之選性價比高好多,首先D飯係足夠飽肚.飛驒牛漢堡唔係太大塊,勝在厚度ok,切開細細塊