Boring?! (新都會廣場) (已搬遷) 新店位置

係Open rice上面，Broing!?作為新都會廣場最多人好評嘅食肆，對佢嘅食物都好有期望，喺葵芳唔想坐掃街，所以同朋友特登去試一試！Lunch set幾抵食，$76-$124不等，附送餐湯同餐飲。🍴餐湯 跟餐附送 (0/10)應該係粟米湯，飲第一啖有種好奇怪嘅酸味，懷疑係變咗😥唔敢再飲🤢🍴紐西蘭肉眼扒配薯菜 $124 (6/10)肉眼扒煎五成熟，肉質比較韌，偏硬，但冇用鹽黑椒調味過，成塊肉係冇味嘅，要點汁或者加鹽😂黑椒汁好淡，塊肉係肉眼邊位先有啲肉味，百零蚊，質素還好嘅。 薯仔粒炸過幾香口，菜得兩三粒瓜。🍴水牛城雞翼 5隻 $48 (7/10)意外ok，雞翼有炸過，幾香口，味道係微辣帶少少酸。☕️ latte (8/10)香而唔苦嘅咖啡。推薦指數: 5/10午餐唔算貴，未算好抵食，質素一般，唔會食第二次！

#gianna西餐 #gianna意粉 #gianna沙冰.上次行街行左好耐，唔想掃街要企係度食野，就係新都會搵間cafe坐低慢慢食當回血🤪.1️⃣芒果奇異果沙冰($48)⭐️⭐️⭐️⭐️(4/5)甜度適中～芒果沙冰透心涼，除左有少少奇異果籽同埋面頭嘅奇異果肉之外，唔係幾食到奇異果味🤣成杯都係芒果味，不過就幾靚幾啱打卡😽但要注意⚠️我地影左一陣就開始流出黎😂所以打呢張卡真係好要分秒必爭.2️⃣明太子帶子意大利粉($118)⭐️⭐️⭐️(3/5)明太子真係不敗之選，好難會伏🤤味道同口感都唔錯～不過帶子份量就真係幾少😂雖然佢唔伏，但又未到亮眼到想食第二次～🎡Boring?!地址：葵芳興芳路223號新都會廣場2樓270-271號舖(港鐵葵芳站 D 出口, 港鐵葵芳站 E 出口)#hkig #hkfoodie #foodiehk #foodiegram #foodiegraphy #foodlovers #foodstagram #hkfood #hkfoodblog #hkfoodblooger #foodphotography #foodie #hongkongfood #chinesefood #localfo

見到openrice幾多好評，特登去試下，點知失望而回。午餐燒春雞配薯菜加凱撒沙律熱咖啡先上咖啡，心知不妙，食完個餐肯定凍晒再上蘑菇湯，好杰身，仲有一舊舊粉團凱撒沙律正常，但沙律醬怪怪地，美中不足上主菜燒春雞，一見到啲汁就知大件事，杰到似醬，照常去皮去汁，但雞肉好鞋，同完全冇味好啦，唯有點啲汁，仲出事，個汁係酸酸甜甜，好似中菜感覺，同真係杰到一pat pat，成件事好怪試下點跟上嗰杯仔汁，又係冇乜味伴碟薯菜係幾好食，不過都係冇乜調味嘅食完飲杯咖啡，凍左感覺一般同價錢有更好選擇，應該冇下次。

今晚約咗朋友齊齊去葵芳睇戲，睇戲前食左飯先。主菜A意大利飯/粉 + 主菜B就有許多選擇，例如龍蝦、牛柳、羊架、燒春雞等。叫左A+B SET (送小食一份)小食就有白酒煮青口、芝士焗蠔、蟹肉釀大菇、小食拼盤等。跟餐本身包咖啡或茶，加錢升級兩杯特飲。Boring Punch香橙配上菠蘿，飲落酸酸甜甜.，橙味濃又解渴。Boring Colada 菠蘿配椰子同鮮奶，甜甜地，幾fresh，清新菠蘿味，好飲。小食拼盤入面有雞塊，薯角，炸魚，炸蝦，新鮮炸起熱辣辣，好香口。另外，仲配上沙律醬，酸酸地幾醒胃。A餐要匈牙利鵝肝意大利飯，大大件香煎鵝肝，脆口配搭超creamy嘅risotto~香燒紐西蘭羊架，六成熟，配烤蒜、薯蓉及芥末。真係成個蒜頭咁上😂😂😂重口味的人岩吃～羊架肉質很軟，香氣滿滿之餘沒有羊「羶」味，不錯之選。

為左呢間餐廳第一次寫食評下午茶時段叫左碟黑松露野菌意大利飯 包左杯熱咖啡 埋單$79真心 薩利亞都好食過佢好多 碟飯食左一半真係食唔落去 唔知係咪奶油落太多 太膩 飯似係濕濕地嘅普通飯 啲野菌冇乜味最無奈係啲員工奇奇怪怪咁 個經理定senior又當住客人面前大大聲鬧個新啲嘅同事埋單嗰陣 因為冇現金要俾信用卡 仲比個侍應西左下 話金額細唔收卡 碌卡會有手續費 到最尾都係收左卡 但搞到我好似麻煩客咁 侍應😠：有冇現金 微信或者支付寶我😥：冇喎侍應：碌卡會有手續費我望住牆上visa MasterCard logo 打開銀包話：但係我真係冇喎😓侍應：唉咁我照收卡啦我心諗便利店買幾十蚊都收卡啦⋯⋯$79雖然唔多 但一啲都唔值 唔會再去！

葵芳真係超級多嘢食，之前行過都一直想試，見到佢個餐單嘅相都幾吸引，今次試咗佢哋嘅大蝦意粉，隻蝦好新鮮好鮮甜，佢個意粉個汁都做得好好味，個環境都好闊落好舒服，下次再試其他嘢食。

本來諗住呢間餐廳好似好抵食咁樣點知我叫個朋友仔先落單等咗勁來R5 R6問咗個男同事，點知佢又傻更更問完又唔覆我後尾再追有個經理嘅物體走過來先話呢樣嘢冇貨跟住諗住嗌甜品啦跟住都係話最後兩份賣晒而家先至係7:30鬆啲我冇諗過一間餐廳可以咁快就冇嘢食真係好失望佢嗰個牛柳帶子嗰啲牛柳係唔靚唔知佢係咪用水煮熟先至煎所以好嚡十十個意粉好味既最後長頭髮嗰個女仔都幾好見我跌咗件衫都幫我執起

呢日去左葵芳果頭食飯，就睇下有咩新西式餐廳可以試下啦~見到呢間餐廳將個名改到咁得意，叫「boring?!」，裝潢又好似唔錯喎，咁我同友人就即刻book枱黎一探究竟！雖然book左枱夜晚７點，但我地6:30早左到，佢地都好好人咁比我地入去。當晚都多人既，仲有人係度排緊walk in，睇落幾受歡迎。呢間餐廳既裝修以白色為主，網紅打卡風格。餐單有別於其他形式，呢度提供配搭組合，例如A+A總共hk$208，A+A+B總共hk$360，每個組別都有固定既菜單供選舉，都唔少架，佢亦都擺左受歡迎既食埋落個組合度，所以唔驚選擇少。今次我地就揀呢幾樣野食：1. 白酒煮青口$45好奶油香，青口ｄ肉好大粒，口感飽滿2.  蜜糖蒜香雞翼$48呢個好好味，炸得岩岩好，香甜香甜，脆香脆香的3. 明太子帶子意大利粉$118我最鐘意食呢個！真係煮得好好食！佢成個意粉汁底都係用左明太子黎煮，唔係淨係表面鋪咁簡單，所以好入味好香口4. 美國特級牛柳(8oz)拼帶子$158我覺得煎得耐左d，肉質出到黎既效果有少少硬，但整體ｏｋ5. 香燒紐西蘭羊架$148由於我唔食羊既關係，所以評價唔到，但個外表睇落都幾正，友人評語唔錯！6

今次放工之後黎到葵芳，葵芳嘅街坊你哋好！😂黎到葵芳有咩做，行下葵廣啦！行到咁上下，個肚又係時候開始餓啦🤣要搵嘢食啦！行下行下就見呢間「Boring」好多人排隊喎！多人排得隊都唔會差得去邊，咁就拎位先日本蟹膏意大利飯$138蟹膏味好濃！仲有蟹肉撈飯😋正！香草牛油汁伴本菇燒春雞$128牛油味好香！隻雞都算大隻😊芝士焗蠔$48/4隻芝士控嘅小編當然覺得好正啦😋成隻蠔都充滿芝士 同 蠔嘅香味🤤香蕉朱古力奶昔 + $12Boring Punch + $12P.S. 係星期一至四 OpenRice 訂枱有9折優惠（假期除外）！同埋 黃埔坊開左新舖呀！如果大家經過開充去試下啦！正所謂行過路過都唔好錯過😂

Book枱嗰陣openrice見到黃埔天地美食坊都開咗新店猶豫咗一陣 因為黃埔餐牌好吸引但葵芳又好似一程巴士到到 方便啲最後就揀咗葵芳 食過之後好有衝動試埋黃埔😍A+B二人餐 (送小食) $238匈牙利鵝肝意大利飯 加$28 🙆🏿‍♀️睇相就知加錢都抵系列大大舊香煎鵝肝配搭超creamy嘅risotto我成日覺得risotto好蝦人整一個唔覺意好易整到好漏 尤其係忌廉汁但可能我哋share食 二嚟係佢落咗海量雜菇唔會好漏之餘 仲睇落如食落都多咗好多料(如果唔係得舊鵝肝同飯都幾sad)而鵝肝煎到表面好香口 入口即溶 好幸福💓安格斯肉眼扒配燒汁 (8安士) 🙆🏿‍♀️7成熟 火喉啱啱好 有少少粉嫩😍肉眼扒肥瘦適中 個人好鍾意有少少肥膏🤏🏻邪惡但美味薯粒都值得讚 炸到超乾身 夠脆 超鍾意食❤️又偷偷地食咗好多粒🤫白酒煮青口 🙆🏿‍♀️上邊有掛晒汁 入晒味嘅洋蔥 小馬話好味青口足足有5隻 隻隻新鮮 好味😋荔枝蘆薈沙冰 跟餐加$21 🙆🏿‍♀️有好多蘆薈 心心眼😍荔枝味濃 有種清甜感覺曲奇朱古力沙冰 跟餐加$21 💁🏿‍♀️有半塊Oreo坐鎮 好啱打卡夏天飲會仲正 消晒暑😆另外 值得一提嘅係啲店員好nice

同朋友兩個人嚟到佢晚餐有套餐都幾抵，所以我同朋友叫左佢個二人餐$238，包左兩個主菜，一個小食。首先推介小食蜜糖蒜香雞翼，雞翼脆口，好鍾意佢啲蜜糖甜甜地，淡淡既蒜香味，個汁好開胃令人停唔到口。主菜我哋揀咗黑松露野菌意大利飯，佢個份量都好多而且醬汁嘅比例啱啱好，趁熱食嘅話，creamy口感，加埋少少野菌令成個飯配搭更fresh。另一款我哋嗌左香草牛油汁拌本菇燒春雞，佢有半隻雞嘅份量，燒得岩岩好，雞肉嫩口，皮脆肉香，佢個香草牛油汁比較特別，同佢嘅伴菜炸薯仔好夾。套餐仲可以升級加沙律、湯或者嘢飲我哋加咗兩杯$18，加多少少可以試埋佢嘅特色飲品。蜜瓜乳酪奶昔+$12芒果奇異果乳酪沙冰+$12好多人呀！

因為葵菁劇院又有舞台劇，除咗葵芳居民外，再加埋我哋呢啲外來人，整個新都會廣場都係人，餐廳訂位都full😅呢間餐廳好抵食，可以優惠價揀配搭，我哋揀咗（$238）選1A 1B各一款，仲送1款小食，再叫左杯飲品，真心抵，值得推薦👍🏻嗰日發生咗件小插曲，朋友掉咗張「八達通」，發現嘅時候已經係半個鐘後，即刻走返去餐廳，佢哋店員好好咁邦我哋收好左，等我哋返去攞，真係誠實，讚👍🏻👍🏻👍🏻 對於朋友來講，張卡雖然冇自動增值，但係屋苑入閘卡，所以都好重要😄B·鹿兒島豬豚扒配玉桂蘋果薯蓉（原價$158）A·虎蝦墨魚汁意大利飯（原價$118）送嘅餐前小食：蜜糖蒜香雞翼（原價$48/5件）玫瑰荔枝梳打🍹（+$12）

初初見openrice有d食評話麻麻地， 抱住試下嘅心態去食， 點知都幾有驚喜。服務： 有禮貌環境： 一般般，餐廳細坐得密少少，但乾淨同坐得都舒服食物：抵食又好食，叫咗一個2人餐A+B仲送小食，炸物（炸蝦，魚柳，雞塊，薯角）皮薄又脆， 又熱辣辣，薯角就一般，加$21有一杯特飲，蜜瓜乳酪奶昔好好味。出菜都好快。明太子帶子意粉個汁好好味，牛柳都有牛味，7成熟啱啱好，對得起依個價錢，抵食！性價心高，推介會再幫襯。

I stumbled upon this place at lunch one time. I ordered a risotto and also a side dish of mushrooms whilst my significant other ordered the fish and chips. The mushrooms arrived first and proved to be a tad raw. A few of them were uncooked. Next came my risotto which looked the part (though a tad soggy) but the flavour was missing. It didn’t really taste of anything. Felt like I was eating wet rice. The fish batter was very authentic but the fish was not good. It was bland and crumbly and fell a

🌸葵芳美食🌸Boring?!🍽😎一間不會boring 的抵食西餐今天來到葵芳，到了一間主打歐美菜色的餐廳 -「Boring?!」享用是日晚餐❗餐廳鋪面寬敞舒適，裝修以園林風為主調，餐廳的食品都是即叫即製，餐廳還會播放著悠閒的流行曲，非常寫意，一點也不boring，而店員也十分殷勤有禮❗️我們一行2人晚餐A+B 配小食及2杯特飲 $3081️⃣🌟虎蝦墨魚汁意大利飯 有原隻份量十足新鮮虎蝦，虎蝦肉質鮮嫩，口感彈牙，配以香濃墨魚汁烹調而成的粒粒意大利飯，每一粒飯也充滿墨魚汁味道，十分滋味❗️美味指數：⭕⭕⭕⭕⭕️賣相指數：⭕⭕⭕⭕️2️⃣🌟香草牛油汁伴本菇燒春雞燒春雞肉幼滑，份量十足，配合香草牛油汁及清新本菇，還有香酥薯仔粒，配菜豐富，味道十分惹味❗️美味指數：⭕⭕⭕⭕賣相指數：⭕⭕⭕⭕️3️⃣🌟蜜糖蒜香雞翼蜜糖蒜香雞翼熱烘烘的上菜，雞翼外皮有粒粒香蒜粒，香酥脆口，而雞翼肉質嫩滑，味道既帶蜜糖的清甜又帶滋味蒜香❗美味指數：⭕⭕⭕⭕⭕️賣相指數：⭕⭕⭕⭕4️⃣🌟Boring Punch這款季節限定特飲由新鮮菠蘿、鮮橙汁及蝶豆花調制而成，上層為藍色蝶豆花茶而下層則為菠蘿香橙汁，層次分明，賣相精緻，十分滋味❗美味指數：⭕⭕⭕