BRICK LANE Deli (已結業)

英國回港兩星期想嚐一餐英國菜看看香港和英國水準的差別，就選擇了在沙田的Brick Lane Deli。今次選擇了套餐，套餐包括餐湯和沙律。松露薯條份量大而新鮮剛炸出的薯條，沾上黑松露沙律醬，非常香口，雖然是邪惡的澱粉質，但都被我們一掃而空🤪。黑松露蘑菇意大利麵與街外的不同，它用的是天使麵，麵身幼身能夠沾上很多醬汁。加上材料用上很多蘑菇，令味道更加豐富。特色頂級美國牛肉漢堡漢堡的牛肉厚身，由包頂至底一啖咬下去肉汁滲出，各樣材料十分配搭，有清新的蔬菜同時有牛的肉香。朱古力咖啡咖啡賣相平平，但是味道很香，不會一鼓死甜。

到沙田探朋友，上openrice找一找決定嘗試Brick Lane結果...很失望。先說食物，凍的......😑上菜後，跟朋友說了幾句，5分鐘都沒有，就開始食吧....除了麵包帶點微溫，什麼都是凍的，覺得這餐廳不是給客人新鮮食物！味道還好吧，就一般般，這個價錢不值，坦白講，太肚餓，食完後沒什麼印象吃過了那些東西👎🏻價錢貴，每款食物都不包飲品，如果需要一杯凍飲，大概要加$20🙀下不為例！too bad

新城市廣場有咁多間餐廳，今次就揀咗呢間。一間半自助形式嘅西餐，叫完野食坐低等餐送上。上菜速度非常快，真係一間食西餐嘅快餐店。黑松露天使麵幾好食，估唔到意粉上面會有幾片芝士，意粉嘅熱度仲將佢慢慢溶化。份量非常多，真係食唔晒。建議可以配搭沙律，南瓜湯就有啲失色。

今篇主要評下brick lane 的西餅呢件red velvet cake 幾好味個cream個食到有芝士味糕頂有乾玫瑰花裝飾幾精緻朱古力蛋糕味道頗濃郁一層一層感覺似opera cake 糕底係朱古力味脆脆 好鐘意口感不俗粉紅色係guava lemon cake 食到檸檬味多d面皮係綿花糖質地黏韌非常黃色係passionfruit cheesecake 有熱情果籽酸味味所以唔太膩維多利亞蛋糕望落外表平凡裡面夾左士多啤梨同莓果綠色係綠茶蛋糕食落冇乜綠茶味面頭脆米係脆忌廉唔算甜口感似食空氣

早幾日去新城市廣場食晚餐英國返黎咁耐諗住食下炸魚薯條回味一下～點知中伏🤮鳥舊魚已經比正常細舊點知用叉篤下個炸粉皮硬到石頭一樣要用刀出啲力至得但就如圖見到碎晒見到入面啲魚其實勁細舊我比$95食乜春呢？食果十幾條薯條？痴線👎🏻極之失望😞就算個意粉Ok杯水果茶oK都唔想再幫襯啦果晚真係好似無食過嘢咁滯查實我好少食到咁差勁的食物～話晒打開門做生意😒明明openrice入面啲相同評語都唔係咁樣嘅...無言

與好友在沙田閒逛，下午茶時間去咗地下餐廳區，揀呢間因爲有下午茶餐的西式輕食，格局是西餐廳，坐在梳化四人枱，下午茶超多選擇，一定揀得到！要攞號碼卡去收銀落單，然後店員會跟枱面號碼牌送餐！食物我同朋友分享！蟹肉牛油果荷蘭醬牛角包（$58）鐵盤上墊張扮報紙餐盤紙，牛角包內滿滿的牛油果醬，酸酸的開胃，加上爽脆生菜，牛角包鬆軟有牛油香！好味牛油果蕃茄班尼迪蛋（$78）兩個烘過鬆脆圓法包，上面一層層放滿材料，鹹香火腿，軟滑牛油果，班尼迪蛋蛋白彈牙，蛋黃流心有蛋香，加上蛋黃醬，好味！熱水果茶（跟餐）有龍眼肉及新鮮藍莓，茶偏甜，幸好夠熱，加上水果，不會太甜膩，好味店員只在入座時接觸（朋友去落單）有禮斯文！舒適西式下午茶

放假同老公行完山過了去新城市食個遲來的午餐，午餐包沙律、主菜及飲品，都是一百起都不用，可以慢慢坐下傾下計。薯仔忌廉湯薯味突出，十分濃稠。藍蟹班尼迪蛋配菠菜荷蘭一切開蛋白蛋王汁留出，下面墊著新鮮的菠菜葉及青蘋果等配料，伴入蟹肉醬等醬汁，鬆餅吸收了醬汁，濕濕地幾好味。英式豐盛全日早餐有幼滑的炒蛋、豬肉腸、嫩滑煎雞扒、茄汁豆、煙火腿及鬆軟的多士，十分豐富，還配上爽脆帶酸的沙律菜。英式炸魚薯條炸魚很大份，雖然炸得香脆，但外層粉漿比較厚，炸粗薯大條未夠脆口。綠茶蛋糕等於某大型的西餅店1.5倍的份量，綠茶味香濃，有茶的苦澀味道，而且不會太甜。Cafe Mocha、冷壓橙汁前者朱古力味突出，後者味道有橙酸味，十分清新。

上星期跑 (行) 完熊本熊 Fun Run, 本來諗住去遠啲食嘢, 奈何我呢個胃痛病人實在去唔到太遠, 唯有喺新城市商場內消費啦! Truffle Mushroom Angel Hair $103 ~ 賣相不錯, 濃濃松露味, 夠 creamy! 我哋總共 order 2碟, 一碟較水汪汪, 另一碟意粉掛汁剛剛好, 唔知點解會咁既呢……特色雞肉牛油果醬漢堡 $92 ~ 好大件的, 免治雞肉漢堡扒好厚, 完全唔乾仲好 juicy, 有點喜出望外, 牛油果本身無乜味道, 不過口感 creamy 順滑, 成件事都幾夾! Signature Beef Burger $93 ~ 朋友表示牛肉都幾多汁 juicy, 旁邊唔知點解有碗脆脆, 似食粥 / 蛇落嗰 d 脆脆咁, 唔好味! 芝士煙肉意粉 $103 ~ 好多汁, 完全掛唔到意粉, 感覺似食緊似湯意粉! 再加Gourmet Truffle Chips $18 ~ 都幾脆身, 不過有種唔太新鮮既感覺! 另外 order 飲品 +$14! 註: 咁大件漢堡好難成個拎起而咬到, 最好餐廳會主動提供刀叉, 咁樣會比較方便進食! 

好耐無黎沙田食野，朋友就帶我去食Brick Lane。收工時間都幾多人，好彩都好快有位。餐單都幾多選擇，見佢重有個New egg benedict不過我見到好多人食燒豬肋骨，所以我都叫左一份。我地叫左一份燒蝦沙律做前菜，蝦都大隻，食d沙律開開胃先燒豬肋骨好大件，豬肋骨既肉好厚實好多肉，岩晒我地，另外佢配埋個汁，好野味。另外小食方面，我地叫左一份脆香雞翼，簡單得黎但都好好食。最後甜品我地叫左一份英式維多利亞蛋糕，好大件，味道都甜，如果配埋茶就一流。

今日去沙田行街，行到攰攰地，咁啱到下午茶時間，就搵咗一間餐廳坐低食下野休息下。Brick Lane Deli 環境非常清靜，店員安排我地坐沙發位，非常舒服，同朋友聚餐真係一流。下午茶都有好多選擇，真係花多眼亂!! 我哋兩個人叫咗四樣菜式。巴馬火腿egg benedict食英式菜點少得egg benedict，平時都會點煙三文魚，今次就試下配巴馬火腿先。一切開啲蛋汁就用出嚟，蛋味好香，同埋好多醬，同帶點鹹味嘅巴馬火腿都幾夾。芝士煙肉意粉黎到嘅時候真係嚇一嚇，份量超多，如果本身細食嘅，可以同朋友開心share一份。 味道方面，芝士味非常香濃，好creamy,，而且意粉軟硬適中。特式頂級美國牛肉漢堡漢堡都有返咁上下厚度，能夠鎖住肉汁，啖啖肉，很juicy!!!脆香雞翼雞皮脆，肉夠嫩，加埋燒烤醬汁，非常惹味。

Brick Lane應該算係我最喜愛的餐廳之一,今日同朋友去沙田呢間brick lane deli食晚餐,佢相對傳統的brick lane 價錢比較平民化,但食物水準我都係覺得好高質!講下燒蝦沙律,我自己就非常鍾意,佢係好大盤好新鮮的沙律菜,配上濃濃的沙律醋,係好開胃,上面的燒蝦有三隻,都算大隻同多肉,呢個前菜一流呀。叫咗份美國頂級肉眼扒,佢有配埋薯蓉係側邊,味道都幾香。份量我就覺得一般啦,一個女仔食都夠,始終$158一份扒仲要係新城市商場入面,係的確好抵。我地仲叫咗份脆香雞翼,有4隻。都炸得唔錯,好香口同埋肉質幾結實。最後不得不讚呢件英式維多利亞蛋糕,好大一件,食到傳統的英式蛋糕味道,味道係偏甜,有吉士係中間,蛋糕係鬆軟得黎有少少水份,入口好香甜!

經過幾次見到佢個餐牌幾吸引，今次有機會試試佢，原因係我今日終於放假喇，哈哈.......安排有枱後拎住張卡出去落單，然後有專人送到。脆香雞翼，名副其實，好香脆，雞翼真係煎得岩岩好，唔會覺得好油，同埋好入味。佢配既燒汁好重BBQ味，個人就幾鐘意陣味😋天使意粉配黑松露蘑菇，味道非常濃郁。真係必食😋😋黑松露薯條,薯條係我最鐘意既幼身款,但因為即炸,熱辣辣超脆,沾埋黑松露沙律醬,好邪惡!分量不少lobster egg benedict, 蛋流心,龍蝦肉多,加上青蘋果粒,菜絲,將個醬既油膩感減低,蛋一刀即流心，配合肉質不錯的龍蝦,很好吃呀!再來一杯鲜菓茶，果鲜甜美，充滿英式風味。

二人晚餐Brick Lane Deli 是十二歲女孩的選擇侍應安排座位然後自己出去叫餐，等食物送上通常這個形式餐廳晚餐每人$200之內我唔太鍾意新城市一期一樓有d餐廳係開放式行人路過見到我用餐有d餐廳等位既人就在你不遠處食快餐還可以今日商塲少人可以接受沙律🥗醬偏酸我鍾意開胃是日蕃茄忌廉湯無忌廉冇落鹽咁蕃茄味唔濃選擇Benedict 因為我自己整唔到Benedict 剛好但食慣日本蛋就覺得其他蛋黃不夠濃味整體味道一般沙律菜放在窩夫上另起修飾作用所以無汁似食草雞炸得鬆脆窩夫外林內低密度讚檸檬煎過

今天在沙田工作，下午也沒預約，客人挺親切，邊做邊聊，到近2點就一起去食午餐。這客人介紹吃一家漢堡包，在沙田市中心第一期1樓，city super 樓下那一排食店。這店真大，L 形店面，這個時間人不算多，一行5人很容易找到位置，服務員很親切的招呼。模式是先到收銀點餐付款，服務員再送餐，不一會就上齊了。午餐有沙律，主菜和飲品，加14元有湯，加20元有蛋糕，加18元有松露薯條。藍蟹班尼廸蛋配菠菜荷蘭醬，加配粟米火腿忌廉湯。蛋很滑很creamy、切開後蛋黃溢出，配著蛋下的蟹肉，加上菠菜醬沾在麵包上，口感豐富，難以形容。忌廉湯很濃，每口都有粟米火腿料。特色頂級美國牛肉漢堡，加配維多尼亞蛋糕。非常巨大，漢堡扒估計有2cm 厚，剛熟的口感，配上溶芝士、生菜、青瓜、番茄、洋蔥等，有一份清新的感覺。蛋糕比較乾身，配著藍莓吃剛好。英式炸魚薯條。份量不少，大大的炸魚差點把薯條遮住了，炸魚很脆，粉不太厚，魚肉沒有炸幹。薯條新鮮沒有濕氣，在口中彷佛還有薯蓉的感覺。BRICK LANE 三文治。內有煙肉、火退、溶芝士、番茄、生菜，不想吃太多肉的好選擇。黑啤酒燉牛肉配糙米飯，因無飯改意粉。黑啤酒味道濃郁，與用紅酒味

沙田假日人好多，好多餐廳都要等位，我同朋友都趕時間，為求快吾洗等位成為我地既選擇我食左牛柳漢堡$93朋友食左雞扒漢堡$92略嫌有d貴～上菜都勁快 買完等左5分鐘左右就有牛漢堡睇落好似吾會飽，不過食哂又真係幾飽肚！朋友話佢個雞都幾好食我地加左個黑松露薯條$28，薯條味道好普通，同好多鹽，我覺得太咸，不過個黑松露醬都幾好味的另外我地都有點水果茶$14，外型普通，味道普通，無咩特別，份量略嫌太細杯，我地食完仲好口渴，走左去買杯天仁