btw (已結業)

網上推介， 港式韓食。 試一次就夠， 所有食物 冇味道， 海鮮炒年糕， 好稀泡菜 水抄， 好濕好多汁， 仲要有鉄碎， 嚇死人， 石鍋飯， 兩個調味汁， 好稀無味道， 完全不似韓食， 炸雞全部是雞胸肉 ，不好食 ，機械人送餐， 只是一個賣點， 又不是完全機械人運送! 純粹是 翠華茶餐廳一間。

#機械人送餐🤖港韓西式茶記屯馬線開通 搭車去土瓜灣站食嘢 發覺馬頭角道翠華茶餐廳 最近變身為「機械人餐飲服務」概念店btw 餐牌食物多元化 仲有機械人幫手送餐🙂-🧆一口牛柳粒 $48牛柳粒醃過 mozzarella cheese 口感濕潤有奶油香 中和車打芝士鹹香味 味道層次豐富-🥣薏米人蔘雞燉湯 $78配韓式粉絲 +$12雞肉幼嫩 湯底清澈唔肥膩 滲透人蔘甘香 絕對唔係飲藥膳湯嗰種感覺 飲完雞湯亦唔口渴 湯料有誠意 有韓式小人參 薏米 韓式年糕 栗子 雪耳 配紫菜米飯或粉絲 滋補飽肚又有營👍-🥘香辣泡菜炒豚肉配珍珠飯 $68泡菜令半肥瘦豚肉更惹味 鐵板保持熱度 少少辣 胃口大開 大荳芽菜再俾多啲都食得晒呀🥰-🍹凍藍荳花檸檬茶 $22淺紫色好吸睛 蝶豆花有助抗氧化同保護眼睛 功效好過藍莓🫐-🍵熱玫瑰花柚子茶 $26茶色深褐但玫瑰味寡淡 香甜度嚟自底部嘅蜜糖柚子絲-📍 btw土瓜灣馬頭角道33號欣榮花園地下8-10號舖

•韓式炸雞湯粉絲• $48嗱嗱嗱 唔好又話我又食炸雞呀真係咁啱得咁橋 個日想食姐🤣🤣🤣🤣粉絲係用韓國個隻比中國粉絲粗小小 比較“煙煙銀銀”～粉絲嘅口感 都係岩岩好 啱會太“銀”炸雞都係普普通通啦唔算好多炸粉既 有肉既！啲醬都係甜甜辣辣咁！•蒜片辣椒欖油大蝦炒扁意炒•$68呢碟野真係辣嘅 個種辣 係飲完水會無咁辣 唔會keep好耐嘅 但每食一啖都辣一下😂😂😂😂意粉硬度適中嘅！大蝦都有3-4舊啦 算新鮮！但真係辣 (係我食唔到掛ಠ_ಠ)食到底就有好多油 (因為橄欖油(?))•日式鰻魚石鍋飯•$68鰻魚係腥嘅😂石鍋飯有個陣熱辣辣 㷫烚烚嘅感覺嘅但個主菜—-鰻魚真係好腥我都知我嚟呢啲餐廳唔應該叫呢啲嘅😂我衰囉😂😂😂😂😂Ps 呢間餐廳新開嘅 隔耐啲睇下仲有冇機會試多次啦 同埋呢間嘢有3部AI 機械人送餐！係幾得意嘅 但唔影響我食呢間嘅評價🤣整體普通 有進步空間！

土瓜灣站附近推出左一新餐廳，主打以嶄新「機械人餐飲服務」， A.I.人工智能機械小幫手送餐添。提供土瓜灣港韓西式元素創意菜式，實滿足到各位窮友仔嘅味蕾新鮮感。-煙三文魚薄餅 💰72 7⃣️分煙三文魚真係好鬼好霸道，濃郁甘香嘅獨特香味，一黎入口已經即刻霸佔我嘅口腔每一個角落。薄餅餅皮真係脆卜卜同埋煙三文魚嘅口感有一個鮮明對比，口感爆棚脆軟口感一次過擁有晒。-干炒黑松露雜菌扁意粉 💰68 7⃣️分黑松露雜菌意粉小編富貴胃真係試唔少，大佬黎舖干炒嘅方式真係新奇又有趣，但令到更爽身有埋鑊氣，大佬以後我覺得我要帶個鍋去意粉屋即場炒。-車打芝士醬配一口牛柳 💰48 8⃣️分邪惡既醬汁帶有濃郁而黏稠既奶香味，配搭一口一粒的牛柳，小編應該用左幾分鐘已經啪晒入我個嬌嫩胃仔。-泡菜海鮮炒年糕 💰72 7⃣️分酸酸甜甜又帶有一絲辣味令人好開胃口，真係食食下變左Oppa唔通又同你講咩，Anyway年糕嘅煙韌啱啱好好似我咁。-藍豆花檸檬茶 💰22 8⃣️分紫藍色如寶石煙霞般既顏色無疑係打卡之選。味道唔會太酸澀，加上甜度可以自己選擇呢啲咪係窩心又體貼。

🍴蒜片辣椒檻欖大蝦扁意粉68 蚊🦐🍝扁意粉比較爽口有爽口既車厘 辣椒 同葱花調味 意粉既醬汁幾香辣蒜香味 大蝦有4,5隻 夠大隻厚肉 十分足料🦐 整體唔錯: 🍴薏米人參雞燉湯78 蚊加韓式粉絲12 蚊🍜🐥好多龍眼 人參 薏米 雪耳 雞有半隻落足料 🐥 湯夠熱辣辣 盡吸雞味 加左粉絲 夠哂爽口 増加口感 🍴日式鰻魚石鍋飯68 蚊🍚🔥菠菜芽菜 加埋半熟既溏心蛋 🥚撈埋熱辣辣既石頭飯 加上燒汁同辣汁 幾香同惹味 飯粒帶 d飯焦夠香脆 🍚鰻魚既醬汁整得唔錯 魚肉彈牙 魚帶少少肥油撈埋落白飯十分唔錯 🍴車打芝士醬配一口牛柳粒 48 蚊🐂芝士同牛柳粒分開上 牛柳粒幾煙韌 juicy芝士夠熱辣辣 就算蓉左 都帶有拉絲 同夠芝士香 唔錯🧀 🍴柚子雞翼4 隻32 蚊🐥4 隻大大隻既雞翼 雞中翼連雞翼尖 外皮炸得香脆 雞翼上面既柚子汁幾酸甜開胃 帶 d芝麻香 雞翼肉都整得幾軟滑 唔錯🍴k pop炸 雞 34 蚊🔥🐥大大碟炸雞 炸得幾香脆 雞肉熱辣辣 甜酸醬幾開胃#雞翼 #柚子 #雞翼尖 #石頭飯 #鰻魚 #人參雞湯 #意粉 #蝦肉 #炸雞Score 平均分 <7.5/10>Taste 味

今日偶然經過士瓜環新開的餐廳，試一下下午茶，叫了一個日式豚肉炒烏冬，46元，凍飲再加3元，味道不錯，雖有機械人送餐，但仍是人手送餐，可能更為有效率罷！整體來說，可以再來。臨走時買了外賣豬手，43元。

嘢食普普通通，服務員完全沒有基本常識，不清楚有乜嘢係有，有乜嘢係冇，總之睇APPS。經理，員工自以為是、服務態度差、選擇少、叫乜嘢食都冇！等杯凍檸茶要25分鐘（催咗三次之後）。隔離三張枱！係三張枱嘅食客都有同感，食到想走。個個都話想俾多次機會，問佢經理第三次佢話好多人都追緊飲嘢，叫我等吓。啲咖喱雞仲酸嘅。唉，未試過食到咁唔開心，仲要唔係平！過去一個月嘢食質素冇改善之餘，份量越來越少，食材唔新鮮。員工亦沒有訓練。真係by the way, 唔會再嚟。

話說有日去食早餐，叫左兩個一樣既餐 可以相隔3-4字 先再上， 職員態度仲要唔係幾好。另外餐牌方面選擇性好少，早餐竟然連常餐類型既set都無（腸/蛋/包+個hea麵類）仲要個醬兜係癡埋係pat炒蛋到。（老實講 唔係自己洗既餐具我都唔prefer疊住d食物）

圖片真只供參考，牛肉石鍋拌飯，淨係俾咗啲紅蘿蔔，葉都無塊，牛肉碎到喊，仲嗌咗個芝士醬炸雞，芝士根本係水，雞就全部都係炸衣，塊油紙仲印住翠華，只係換咗個頭，品質都係咁差

前一晚食完，覺得食物不錯！今晚再帶2個小朋友嚟試。一心諗住小朋友要叫pizza，坐低已經問點解電子落單冇得叫pizza，路過嘅侍應答要6:30先有，見仲有十多分鐘，先叫些小食。點知等到6:45分，再問一個貌似較高級的女經理，態度十分差同我講我冇講過，我話係之前問你同事講的，他續說因烤爐冇位，通常時間冇固定幾時有，起碼要7:15分後，咁你放係menu個圖唔講，又覺得食客一定要體諒，感覺做到唔想理。十分差的體驗，食物尚可，炸薯條同炸雞配芝士汁不錯。

今晚同老公去土瓜灣吃晚餐，走入這間未食過的食店試下，因為我們未試過由機械人送餐。店內仍有很多座位，不用等。我們點了2個套餐，一個是温泉蛋牛肉石鍋飯及藍荳花檸檬茶，另一個是香草海鲜薄餅及凍檸檬茶，本以為會由機械人送餐，怎知是由服務員送來，我們有些失望。温泉蛋牛肉石鍋飯和香草海鮮薄餅的味道都不錯，海鮮薄餅的蝦好大隻，很少店會有咁大隻，好吸引。温泉蛋牛肉石鍋飯有些濕，如果乾些會更好味。藍荳花檸檬茶沒特別，只是一般。在吃飯的過程中，附近的食客全部由服務員送餐，到我們打算埋單時，才看到機械人送餐，原來機械人的休息時間是很長的，比服務員舒服。

睇到門口好多人排隊，決定試下。入到去點左早餐。D侍應自己做自己事，完全唔理人有個人仲過來話，如果食嘢就落單，如果唔係俾個面出一出去，你地睇出邊都好多人排隊。幾經周折，終於落單等左大概40分鐘，終於有嘢食早餐升級牛角包，結果無升級問左侍應，各個都話。哦。到食完成餐飯，牛角包先補返。出去買單，個收銀懵懵地收左2次錢。

下午茶體驗，街外好熱，想搵間餐廳食d嘢抖一抖，所以入左呢間新餐廳一心想試下。入到去，帶位姐姐好有禮貌，可惜無同人講menu入面有d食物已經無左。個經理介紹左用QR code落單。入到apps先發現想叫既無show出嚟，於是舉手想搵個人問問。我無除口罩，但唔知個樓面呀姐有咩問題。隔好遠咁睇我指個menu，無想埋黎既意欲，都算啦。都唔知有無睇到就已經好遠咁叫 “無架無架”我仲追問緊無既意思係咩(到底無賣定apps未update要人手落)佢就一路叫一路走。真係扯火，一d都唔識尊重人！衰過茶餐廳！裝修幾靚，其他同事幾有禮貌都無用。最後只係飲左杯凍咖啡，一般無特別。試業有嘢run得唔順我接受，但態度係唔需要試。差就係差！唔會再去！

一整個星期了，仍然看到那麼多人排隊。感覺還是要試一下。午餐排隊時間約15分鐘左右，比想像中快。午餐食品味道不錯，有水準！裝修舒服，有小機械人送餐，正！侍應反應快，服務好！現在要吐糟一下，叫了餐牌上的野菜薯仔牛柳粒：上菜卻是：我的牛柳粒在那裏？翻開了配菜，數了又數，只有五粒！配菜佔了7成⋯⋯連那麼細食的我也覺得很不夠🙄🙄🙄飯量一碗，正常。奶茶好正！餐廳還在試業中，期望有改善空間。我會俾多次機會佢嘅

今日去試新開的呢間餐廳，味道都還好，但係飲品超級慢，全部吃完仲等佐10分鐘先至上飲品。可以看到後廚很多人，但是管理混亂，而且飲品製作問題嚴重。如果來吃一定要不停催促