Bubble Tree (成業工業大廈)

营业中

休息中

睇住張單同我哋食剩嘅嘢，難怪呢度可能爆滿。雖然都係觀塘工廠區，但成業工業大廈嘅”Bubble Tree”其實同駱駝漆嗰邊係有段距離，成業嗰邊餐廳係少啲。雖然係咁，呢度嘅人氣仍然爆燈，平日七點幾已經滿坐。我本來都唔明，點解呢度咁受歡迎…呢度嘅名物有蛋包飯、Burger，仲有不同嘅意粉等等。我哋先叫咗個”軟殼蟹、蟹籽、香辣蕃茄汁雜海鮮意粉”。個名好長😅，但其實用料相當足夠。先唔講佢成座山咁，佢嘅軟殼蟹炸得香口鬆脆，同一般餐廳好容易整到淋晒又會韌嘅軟殼蟹好大分別，食第一啖已經有驚喜。跟住我哋叫咗名物”熟成牛扒漢堡滑蛋蓋鐵板拌飯”。佢嘅漢堡扒味道非常濃郁，可能真係受惠於熟成，加上煎得夠晒香口，係水準以上嘅出品。望落唔係好大鍋嘅飯，其實食落係好多，最後我哋都食唔晒。我哋各自仲加咗杯特飲，分別係”凍抹茶鮮奶”和”凍紫薯鮮奶”。兩杯都沖得好靚，其中一個秘訣係佢會俾你自己揀選配料，例如Oreo、焦糖、Hazelnut等等，令到外型更特別之餘飲落都有啲層次感。買單嗰陣一睇，$227，2人，免加一。諗返轉頭，當年觀塘工廠區未做起嘅時候，好似就係呢啲價錢，估唔到而家仲可以體驗到。

鄰近觀塘地鐵站, 觀塘工廈隱世高質餐廳,多國菜, 選擇超多, 自助QR下單, 店員仲好有禮貌，性價比高, 值得推介.-藍青口.蒜香白酒忌廉汁意粉 $98.0藍青口粒粒圓大飽滿，肉質柔軟，鮮味濃郁,, 意大利麵軟硬適中, 又有咬口, 蒜香味濃, 配上不同芝士, 忌廉, 奶油及白酒,好creamy 及咸香, 意粉吸收曬所有材料嘅精華，真係食到停唔到-三文魚柳牛油果無花果藜麥沙律配黑醋汁 $85.0三文魚柳肉質多層, 鮮嫩肉滑，魚味濃郁, 微焦金黃的魚皮, 外脆內軟, 十分香滑,加上新鮮爽甜的沙律菜, 牛油果, 無花果及藜麥, 配埋黑醋汁, 十分開胃重點可以升級半價轉特飲, 好抵呀!-熱情果梳打（+$24)半個百香果配原樽梳打, 酸酸甜甜, 十分清爽-Affogato阿芙佳朵 （+$29)Affogato「雪糕咖啡」，一杯濃縮咖啡配上兩球雲呢拿雪糕, 把濃縮咖啡慢慢倒入雪糕上, 一口未溶的雪糕加上一口咖啡, 十分香醇香滑

第二次食，有book位但係主場個邊都full咗，帶咗我地去另一邊，個邊環境有啲多塵，同埋餐具都唔太乾淨。記得上次覺得幾好味，但係今次略嫌差咗。叫咗個黑椒照燒雞煙肉漢堡，薯條好好食，好香好脆好，賣相都勁吸引，不過舊雞overcook咗少少，塊芝士唔知點解凍咗之後勁硬，真係咬到少攰仲有叫蘋果烤餅同心太軟，呢個價錢黎講都幾好食。整體黎講賣相靚，但係味道希望可以改善下🙏🏻服務態度都ok，始終無加一算係咁

一直都聽聞觀塘工廈區有好多間隱世嘅樓上Cafe～抵食CP值高～今日就去咗呢一間探店🍴睇吓係咪真係咁抵食先😀主食order了⬇️-🐟香煎三文魚扒滑蛋蓋鐵板伴飯 / $89* 包括餐湯及普通飲品～特飲就可以半價加配（超愛這個三文魚滑蛋飯😋醬汁超好食！三文魚扒係超巨一塊！煎得超級香呢～）-🍔 瘋狂芝士日本飛驒牛漢堡 / $98*漢堡配炸薯條及沙律～🧅轉酥炸洋蔥圈+$8 （推介轉洋蔥圈！炸得很酥脆惹味～）除此之外，仲有starters, soups, desserts & drinks等等可以再另外自行加配⬇️-🍋凍檸水 / （跟餐）-🎃南瓜湯 / （跟餐）-🍅番茄甘筍湯 / $6 (加配價）-🥦西蘭花蕎麥薯仔沙律/ $12 (加配價）-🥗田園蔬菜沙律配牛油果 / $12 (加配價）-🌹玫瑰鮮奶咖啡 / $17 (加配價）💵最後埋單都只係$242！人均約$121～食左咁多野勁飽🤤！真係抵食夾大份呢！

星期五收工直接喺附近見到間抵食Menu 就決定試吓係咪平靚正！🍝韓式辣汁海鮮意粉配煙三文魚$65幾新鮮嘅配搭 未試過意粉食到韓式辣醬紅色盒嗰種味 意外地幾好食 少少辣辣地 同海鮮都幾夾🍚新鮮雜菇配松露忌廉汁意大利飯$68一上碟就已經感覺到松露味好夠 完全冇慳住 落重松露醬 而且飯係軟硬適中 而且大大碟非常好食🧆芝士香草蕃茄焗肉丸$48冇諗到$48有咁多粒肉丸我數過係有七粒！始終佢係有含牛肉 焗出嚟可能會鞋身少少 不過佢面頭有一層層厚芝士 同埋性價比搭救🥧肉桂蘋果烤批配雪糕$60平時唔鍾意食肉桂嘅我都接受到 佢玉桂味比起坊間嘅淡少少 所以突出蘋果嘅清甜味 加上雲呢拿味雪糕絕配總括嚟講呢間超抵食，埋單都唔使$300兩個人一定會返轉頭再試佢

觀塘不嬲都多嘢食，尤其係工廠大廈，都有好多充滿特色嘅美食。朋友推介呢間觀塘成業工業大廈「Bubble Tree」一於嚟試下。工廈地方比較寬敞，裝修簡約。餐牌都好多選擇，免加一，真係抵食。日本飛驒牛漢堡滑蛋蓋鐵板拌飯.跟餐湯和飲品 $89鐵板上枱熱辣辣，飛驒牛漢堡比一般漢堡扒牛味濃郁，肉汁豐富，而且煎得香脆。炒蛋非常滑，拌碟有粟米粒和番茄仔，加埋芝士和醬汁，味道一流。免費餐湯叫咗紫薯湯:原個紫薯打成蓉，飲到一絲絲纖維，好少地方會飲到咁正的。泡沫咖啡（+$14)拉花好靚，咖啡味道香濃，水準之上。蟹子蘆筍煙三文魚拌香蒜橄欖油意粉 $65煙三文魚捲成花狀，意粉充滿香蒜橄欖油嘅香味，仲有蟹子和蘆筍，口感都唔錯。田園素菜沙律配牛油果（+$12)沙律菜和牛油果都好新鮮，淋上黑醋，感覺清新又健康。熱情果梳打（+24)賣相好靚，熱情果有半個，加入梳打，飲落非常解膩。雪糕窩夫（+32)即叫即做，窩夫外層酥脆，配上朱古力雪糕和香甜忌廉，甜到適中，非常美味。📍Bubble Tree觀塘成業街19-21號成業工業大廈2樓27室

Happy Friday 又來到觀塘性價比高工廈西餐廳🌳Bubble Tree🌳 ❣️💯💯餐牌款式選擇多，食物高質有特色、好味道、價錢又抵食，服務態度很好。唔怪得每次黎食都坐滿人！人多一定要記得book位🤫🧡日本飛驒牛漢堡滑蛋蓋鐵板拌飯🐮🥩🍳🧀每次黎都必叫既飛驒牛肉漢堡，和牛漢堡幾厚身，肉質嫩滑多汁juicy、牛味濃郁，配上流心香濃滑蛋、車打芝士、香甜粟米和燒汁，口感豐富惹味😋😋👍❣️🧡軟殼蟹蟹籽香辣蕃茄汁雜錦海鮮意粉🦀🦀🍅🍝攞盤賣相非常吸引😍軟殼蟹非常大隻‼️炸皮唔會太厚，炸得金黃酥脆而唔會好油膩，飽滿蟹肉加上脆卜卜蟹籽、魷魚圈、香辣惹味既醬汁和意粉，真係好好食🥹👍❣️推薦‼🧡園素菜沙律配牛油果🥗🥑🥑估唔到加配+$12會有咁大份！特別係牛油果份量好多！沙律蔬菜新鮮爽口，非常抵食‼️🧡綠茶鮮奶🍵🍵🥛包加兩款配料🤩曲奇碎+榛子🍪綠茶幾香濃，配上香滑牛奶味道好夾好fresh甜度揀咗少甜啱啱好，好味😋❣️🧡荔枝梳打🍹冰涼香甜，味道清新非常解渴，重有大大粒荔枝肉食😆📍 Bubble Tree (成業工業大廈) (觀塘)觀塘成業街19-21號成業工業大廈2樓27室

呢間餐廳食左幾次，價錢合理又高質，今日心思思想食西野，所以又約埋朋友再去食個晚飯。煙肉白菌卡邦尼蝴蝶粉: 呢個做得好好味，煙肉和白菇的組合為這道意大利麵增添了絕妙的鹹香氣息,而蝴蝶粉好煙靭，我同朋友都好中意。醬汁濃郁滑順,完美包覆住每一個蝴蝶粉。每一口都能品嘗到起司、肉與菇類的協調融合。芝士蕃茄肉醬燴意大利飯: 這道意大利燴飯融合了經典的番茄肉醬與起司兩種主角,呈現出濃郁誘人的口味。飯粒Q彈有勁,與柔軟入味的肉醬交織在一起,令人回味無窮。上面鋪灑的碎起司不僅增添了視覺吸引力,更為整道菜增添了滑順的口感。水牛城雞中翼: 雞翼好入味，咬下去好JUCIY。醬料恰到好處, 小小辣味層次豐富，肉質鮮嫩多汁,一點也不柴。主食仲可以加錢有沙律,湯,飲品及甜品，我地叫左一個沙律SHARE，意外量都幾多。飲品: 熱情果梳打, 橙汁

呢隻cafe已經榮升左我覺得喺觀塘最正既一間cafe🫶🏻😚質素穩定，每次去都覺得有驚喜！feel到老闆用心經營，感覺Menu嘅款式越來越多。雜肉巴馬風乾火腿伴香辣蕃茄汁意粉🥓🥫🍝意粉醬煮得好濃郁，酸酸甜甜茄汁配上辣味，開胃同時亦好惹味！配料有煙鴨胸，雞肉粒仲有主角大大片風乾火腿，超級滿足😝🫶🏻意粉有彈性，亦都好掛汁！雙重牛肉大啡菇流心蛋漢堡🍔🍟兩層大大塊嘅手打牛肉漢堡扒，配上大啡菇流心蛋仲有芝士，完全係大大滿足，建議share食🤣份量實在太足！牛肉漢堡煎得好香口，大啡菇好多汁，一啖咬晒咁多層都有啲難度🫨南瓜湯南瓜味夠濃郁，飲落去好creamy ！雪糕窩夫🍨🧇點餐可以優惠價加購甜品，有雪糕窩夫、蘋果批、芝士蛋糕、布朗尼或者心太軟等等嘅選擇，我地揀咗雪糕窩夫，大大球雪糕，窩夫屬於實心既，有少少似蛋糕嘅感覺 都食到蛋香味😗焙茶鮮奶，朱古力鮮奶試咗兩杯鮮奶！兩杯味道都好濃郁！最欣賞呢度既topping唔使加錢，可以自由加棉花糖，焦糖，Oreo碎等等！🥰🥰飲到好滿足🥛🍫

觀塘隱世小店坐落於官塘成業工業大廈內的Bubble Tree就簡直係蒼海遺珠，餐牌幾十蚊可以食到晚市，今時今日的香港真係見到都心郁郁。三文魚沙律超有誠意的，看看那個份量多到呢，三文魚煎得也很香，火喉剛好，魚皮也是微脆的。另外小吃點了特別的墨汁包，好重蒜蓉味，我同朋友都好喜歡。甜品方面有玉桂蘋果烤批配雪糕，玉桂香氣撲鼻，蘋果軟熟甜美，加埋雪糕，口感絕配。這裏裝修非常之日本，員工也十分之友善，環境乾淨，坐得又舒服，下次要再來。

食食下，有個侍應將一堆碗碟同其他人食剩既茄汁迎面飛過黎，如果拿唔到咁多可唔可以分開幾次拿？好彩枝叉無插到隻腳，碎片又無彈到腳，但成身都茄汁，之後仲要只拿乾紙巾比我，連濕紙巾都無張？仲要自己走去買清潔劑返去洗衫，本來約朋友食飯行街，攪到咩心情都無晒，仲要趕返去洗衫。

今次呢餐嘅主角係......<100% 純牛肉手打漢堡> +85 雙重牛肉+25Wa! Wa! Wa! 成 4、5 寸高身的巨型漢堡飽就在跟前 ~ 啖啖靚牛肉，超多芝士，香脆麵包，真按奈不住，流哂口水。仲有脆薯圈、蕃茄、青瓜連埋一齊狂吃一頓餐，真是超級大滿足！小食就有......<水牛域雞中翼> $55微辣味嘅水牛域雞翼，最啱慢慢餵嚟食，答真 d 味道，十分嘆！甜品係......<朱古力心太軟配雪糕> 跟餐 +32心太軟和雪糕上加左雲呢拿，特別好味。朱古力味濃，配雲呢嗱雪糕，味道非常夾。飲品是......<凍檸茶> $6大大杯，正常發揮。另有置水樽，可自助拎水。#Bubbletree #觀塘美食 📍觀塘 成業工業大廈2/F

早排個親戚推介我去呢間喺觀塘成業工業大廈嘅Bubble tree, 話係一間隱世性價比高Cafe, Bookmark咗一段時間終於有時間去食呢度用QR code落單📱落完單等食時可以去自助區攞定餐具🍴調味料🧂茶水🍵先🍔瘋狂芝士日本飛驒牛肉漢堡 $98飛驒牛肉肉質細緻軟嫩，入口即化瘋狂芝士真係好瘋狂😂多到流晒落嚟😍😍😍芝士味道非常濃郁最估唔到嘅係burger其中一層係炸洋蔥圈，呢個配搭好新穎☕️玫瑰鮮奶咖啡(大)+$17🍳熟成牛扒漢堡滑蛋蓋鐵板拌飯 $85跟餐南瓜湯，凍檸茶牛扒漢堡好juicy食落滿口肉汁😍牛味香濃滑蛋夠晒滑溜，送飯一流🍮朱古力心太軟配雪糕 +$32暖暖嘅朱古力心太軟同雲呢拿雪糕真係最佳配搭😍咁抵食又高質嘅餐廳難怪咁多人幫襯，我地呢日眼見餐廳keep住滿座好好生意👍🏻

放工又喺附近覓食😚聽同事講以間好食，所以我都去支持小店🩷性價比好高，好推薦大家去👍🏻1️⃣日本飛驒牛漢堡滑蛋蓋鐵板拌飯大推薦🌟漢堡扒肉味香濃且多肉汁😍香濃的滑蛋配上珍珠米，口感更優勝🤤2️⃣炸薯條配黑松露醬新鮮熱辣🔥薯條仲識噴煙💨而且仲係我最鍾意的粗薯條🍟配上黑松露醬很美味👍🏻3️⃣凱撒沙律配烤雞雞胸肉完全唔鞋，肉質嫩滑：而沙律菜非常新鮮爽脆，而且很大碟🙂‍↕️再配上黑炭麵包就令口感豐富😋4️⃣紫薯湯及南瓜湯健康之選🌟兩款湯都很濃郁，飲得出好真材實料🩷但如果係忌廉湯我會更喜歡💕5️⃣雪糕窩夫新鮮即整🌟熱辣辣的窩夫配上雪糕是個組典配搭。窩夫外脆內軟，有很香的蛋味。6️⃣玫瑰鮮奶咖啡好香濃的咖啡味☕️仲有淡淡花香😀7️⃣熱情果梳打真係比半個熱情果+一枝梳打水，真係好鮮甜解渴😍真係好適合大熱天飲呀👍🏻

係一間幾值得推介的CP值幾高的餐廳，怪不得keep住好多人上嚟食！每枱都必點【瘋狂芝士日本飛驒牛漢堡】，芝士係多到瀉，飛驒牛漢堡扒好香牛味，口感好軟熟，再埋炸洋蔥圈幾種口感～另外幾推介【大啡菇雞肉配南瓜汁燴意大利飯】，甜甜的南瓜汁幾開胃，每啖都有芝士拉絲，大啡菇亦煮得好好味～套餐除咗有得加大、加湯或沙律，我地加購【熱情果梳打】同【肉桂蘋果烤批配雪糕】，蘋果清甜配烤批底薄薄地唔會太Heavy～⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾Like+分享給愛吃嘅朋友仔啦( ´͈ ᗨ `͈ )◞‎♡⃛⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯