影片
港铁屯门站 D 出口, 港铁屯门站 E 出口, 港铁屯门站 F1 出口
继续阅读
营业时间
星期一至日
11:00 - 22:30
以上资料只供参考，请与餐厅确认详情
今日屯門做完嘢已經兩點几，再搵地方醫肚，見到呢間差唔多坐滿晒，同埋價錢都平民貨，所以就去試吓！海南雞飯跟例湯一碗，雞肉非常之嫩滑而且雞味濃，仲有三種醬料任君選擇，油飯粒粒分明，香而不油膩，配雞同食非常之夾。我點咗麻辣手撕雞湯河，大大碗的，雞肉嫩滑，可隨自己喜愛點上麻辣醬，極之惹味😋另外朋友點咗咖喱汁說魚柳飯，佢話味道唔錯但係飯嘅份量非常之少食唔飽，跟餐有一個例湯同一杯嘢飲，我哋三個人都揀咗吉檸蜜酸酸甜甜很開胃。
继续阅读
因為工作關係又嚟咗屯門 唔係好多時間 就喺近西鐵站嘅商場食個lunch 嚟咗呢間食東南亞菜嘅餐廳食飯 大約十二點嚟到 餐廳都差唔多坐滿😮 真係好好彩 咁啱有位馬來咖喱牛腩配小魚椰漿飯淨係睇隻碟都好feel到嗰種東南亞風味 面頭嘅太陽蛋煎得非常靚 咖喱唔算好辣 牛腩都幾多同煮得幾腍 撈埋側邊嘅花生同魚仔食 脆脆地又幾有口感☺️印尼炒飯好少見炒飯係用石鍋上 略嫌面頭太多餸 有啲難起咗個飯焦🙈 有兩隻蝦 幾塊蝦片 同埋兩串沙嗲 沙嗲串嘅沙嗲醬幾有花生味 個飯就正正常常 印尼甜豉油味 入面嘅餡都係三色豆 由於石鍋太保溫 一路食個飯都仲keep到好熱 冬天食會啱啲😂黑糖豆漿啲冰多咗少少 味道有啲淡東南亞餐廳嚟講算係中規中矩啦 有機會下次會再幫襯嘅😗
继续阅读
今日去咗呢間裝橫都幾靚嘅星加坡餐廳食晚飯，我哋去嘅時候時間都比較早，六點鐘左右，所以就冇乜人好快就入到去坐，稍後時間就見到好多人排隊，之後裏面就坐滿曬人。我哋叫咗個四人套餐，睇落都幾多嘢食。而且佢哋上菜速度好快，十分鐘就上曬所有嘢。肉骨茶當頭啖湯，啲肉煲得好冧，冇話特別重胡椒味，算唔錯。頭盤有酸辣鳳爪、煎魚餅、沙爹雞肉串、炸春捲、南乳雞翼。鳳爪好入未，酸味帶微辣，唔會辣到食唔到好開胃。煎魚餅同炸春捲正常貨色，係平時會食到嘅味道。雞肉串嘅沙嗲味就令我諗起印度風，但冇街邊香港沙嗲魚蛋嗰啲沙嗲咁惹味。雞翼食落口就有臘腸味，而且香酥，都算唔錯。主菜有海南雞半隻、咖哩牛腩配酥餅、海鮮蚊油麵、海鮮粉絲雜菜煲、馬拉盞通菜。雞肉質偏實，冇特別嫩滑。咖哩牛腩就正常，牛腩唔會太難咬。油麵好食，唔會太鹹。通菜就係入面最好食嘅，落咗唔少炸蒜，唔會特別辣 ，通菜咬落口好爽，好惹味，就係多咗少少油。最失色嘅就係個粉絲煲，粉絲佔咗八成，但係完全冇味。甜品係芒果雪糕班戟，正常班戟上面擺咗一球雲呢拿雪糕，跟住加咗啲芒果汁同碎芒果。雪糕同班戟就正常，不過要分開食，唔係既話一冷一熱好怪 。啲芒果同芒果汁唔知係咪煮嘅關係，偏酸唔帶甜，完全唔夾個甜品，我會覺得用蜂蜜好過。飲品嗌左黑糖豆漿同吉仔得飲，黑糖豆漿就正常，桔仔特飲就係糖水加桔仔，好唔好飲就見仁見智啦。連埋加一600蚊左右，只可以話cp值唔高。
继续阅读
8號風球出街搵食少咗好多選擇，記得呢間早幾年食過一次覺得一般，不過見佢唔使等位就決定俾多次機會。-🐔無骨海南雞飯 $80雞切得太大舊，比較肥，幾多肥膏下，好少食到感覺咁肥嘅海南雞😂醬料唔錯但又未到好出色，油飯感覺無乜油香，粒粒分明到好似食緊炒飯🌝唯一可以讚嘅係跟餐免費杯黑糖豆漿幾好飲👍🏻但係基本少少嘅凍檸茶跟餐都要加$6🙉-總結：唔係難食但係絕對講唔上係好食，呢個價錢呢個質素唔收貨，無下次👋🏻
继续阅读
🍽 沙爹汁串燒拼盤(蝦×2 豬頸肉x2 雞肉×2）唔錯窩,蝦幾新鮮,d肉實淨,雞肉都OK, 豬頸肉反而有d驚喜,因為好少食豬頸肉係切到好似小饅頭甘厚,豬頸肉腌得幾入味,油脂多, 如果再燒香d更好,3樣入面豬頸肉最好味👍🏻🍽 咖喱雞配油酥餅咖喱幾香配有4件油酥餅油酥餅點咖喱汁食既野味🍽 馬來盞通菜味道正常,但比較油同鹹外賣等大約15分鐘就拎得侍應既服務幾好食物味道又不錯,價錢都合理會再幫襯💁🏻♀️
继续阅读