Burger's Friend Forever (希慎廣場)

营业中

休息中

hysan樓下新裝修後開左food court ，第一次去食晚餐，有好多嘢食，中西日韓泰菜都有😋真系花多眼亂，見到呢間西餐好多人食，漢堡包又好大個，意粉都好精緻，價錢又唔貴，一於試嚇啦！.侯斯頓漢堡🍔 有煙肉🥓又有牛肉，煙肉好脆，唔會油淋淋，唔系平時好肥嘅煙肉，牛肉好厚好多汁。加加埋埋個漢堡包好高，個口細啲都冇辦法一啖咬啊😍😍重點系佢啲洋蔥🧅，炸到金黃色好脆，口感好豐富！ .香蒜白酒蜆肉意粉🍝 最值得一提系非常多蜆肉，雖然唔系好大粒，但系好鮮甜🤩！而且都好大份，意粉嘅軟硬度都啱啱好，比較有唗口！ 黑松露雜菌忌廉湯🫕 個質地系好creamy，飲得出系由粒粒蘑菇打碎再煮成湯，每一啖都會飲到黑松露同埋雜菌嘅鮮味！

🍔 銅鑼灣希慎廣場地庫Food Court大改造！新開近20間餐廳，今次試咗專賣美國漢堡嘅BFF Burger 侯斯頓漢堡 $92佢哋嘅手打牛肉漢堡，用嘅係每日新鮮送嚟嘅麵包，手打牛肉原汁原味😋 份量十足，肉質軟嫩，牛味好香🤤 麵包鬆軟岩岩好，配埋燒烤醬、煙肉同洋蔥，仲有超濃郁芝士，簡直係完美嘅配搭🧀 每份漢堡都係即叫即製，新鮮熱辣🔥香蒜白酒蜆肉意粉 $88都幾有驚喜，扁意粉配上大量蜆肉，充滿蒜香，仲帶少少辣，好惹味配套餐加咗香脆薯格同餐湯，自製黑松露雜菌忌廉湯，黑松露味好濃郁🍄 +$20可以轉套餐，可選配香脆有皮薯條、薯格、沙律同汽水+$15 升級轉黑松露雜菌忌廉湯🎈Burger's Friend Forever (希慎廣場)🎈銅鑼灣軒尼詩道500號希慎廣場B2樓URBANHOOD B208號舖

今日放工經過希慎，決定去試下新裝修既food court。行左一圈，決定試下食burger。我地叫左兩個餐侯斯頓漢堡+香脆有皮薯條+黑松露雜菌忌廉湯侯斯頓漢堡有美國谷治安格斯牛肉配秘製燒烤汁伴車打芝士，番茄，煙肉，羅文菜同紫洋蔥。Burger好足料，好厚，麵包鬆軟，成個味道都好夾。香脆有皮薯條外皮酥脆，內裡綿軟鬆散，再加埋適量的海鹽,風味格外出眾。搭配漢堡一流👍🏻黑松露雜菌忌廉湯濃郁醇厚，湯底融合多種野生菌類香氣，拌以黑松露油，鐘意黑松露既一定唔可以錯過。香蒜白酒蜆肉意粉+田園沙律+可樂香蒜白酒蜆肉意粉好多蜆肉，係啖啖都有，好滿足，而且無沙。鮮甜蜆肉與蒜味配合，再加試白酒的酒香，仲帶少少辣味，層次感十足。田園沙律加左微酸既醬汁，都好開胃。整體黎講，食物質素都幾好，價錢係銅鑼灣唔算太貴，新food court環境舒適，可以一試！

喜歡食Juicy Burger🍔嘅朋友有福了！今日同朋友無意中經過希慎廣場地庫，見到B 2嘅food court 有間美式漢堡包🍔店!見到有D Lunch套餐，漢堡包落去又好吸引！於是就同朋友一齊試下！我地叫左2️⃣個Set🍔特濃花生醬漢堡🍝香蒜白蜆酒肉意粉2個set都可以各自配沙律或餐湯同飲品，我地仲叫埋🍟添！份量非常足夠，2個set,但3個人都夠食😃而且特濃花生醬漢堡真係夠Juicy,花生醬味好濃郁，牛肉🥩又夠厚！真係快靚正嘅推介！

與朋友到銅鑼灣希慎廣場，落地庫二樓B208號舖，發現有美式漢堡食店，銅鑼灣又多了一個我喜歡的食物選擇。候斯頓漢堡餐，漢堡勁有牛肉味，是優質美式漢堡牛肉，配合漢堡包內的芝士，煙肉，菜等，好正，令人回味昔日去美國旅遊的感覺。白酒蜆肉意粉餐，滿滿的蜆肉，又大粒，又厚肉，鮮甜，配上滑而爽身的面條，味道濃郁，正宗美國口味。黑松露雞菌湯，不是一般雞菌汤，應該是自家制濃郁味道的雞菌湯，雞菌是新鮮的，每一啖口感好濃郁，很喜歡這个汤。薯条不像其他食店的薯条，吃下去沒有油分泌出來，乾身脆口。

希慎地牢嘅新food court有唔同選擇，其中好吸引到我嘅係呢間賣美式漢堡嘅餐廳。🍔特濃花生醬安格斯煙肉漢堡($92) 安格斯漢堡扒好有肉汁，煎到七成熟，再加上煙肉，鍾意食肉嘅朋友呢個係好選擇。最特別嘅係佢配上花生醬，粗粒花生醬有一個甜加鹹嘅配搭，食落去好惹味🔥🍝香蒜白酒蜆肉意粉($88)+$15黑松忌廉露蘑菇湯蜆肉意粉都煮到al dente，蒜香炒過嘅意粉再加上超多蜆肉👍🏻再配上蘑菇湯，粒粒蘑菇好有口感🤌🏻食物質素好高質，價錢合理，可以行完街之後再落food court度嘆住冷氣咁樣食漢堡包🙌🏻

整體食物質素出乎意料的好，能夠喺旺區中搵到一間價錢唔算太貴而有咁嘅質素嘅餐廳真係唔容易，希望佢長做長有。係一間我會食完再食嘅餐廳！加上店員態度友善，於下單時主動推介熱銷菜式。

希慎廣場B2 food court，開咗一段時間，今日終於都經過銅鑼灣可以去試吓！Burger’s friend forever BFF，見到一個比較特別嘅漢堡包，就係我最愛嘅花生醬加漢堡，忍唔住一定要試吓，原來而家food court啲嘢食都咁靚仔！特濃花生醬漢堡餐，好邪惡啊，好豐富嘅花生醬味，我本人就好鍾意食花生醬。如果平時鍾意食花生醬嘅朋友仔，一定要試吓，原來花生醬加漢堡包，係絕配！漢堡扒唔乾，夠juicy，好味道！跟餐有脆脆薯角+黑松露雜菌湯脆脆薯角大大碟夠晒飽，又香又脆！黑松露雜菌湯，好creamy，黑松露味道夠突出！

之前食過嘅啟德分店😋覺得啲burger幾高質出色，又唔算太貴😆原來依家喺銅鑼灣Hysan Place開咗分店，梗係要去食下😍🥜特濃花生醬漢堡($92)漢堡即叫即整🤩漢堡包皮煎到外脆內軟熟，睇得出好用心🥰加花生醬幾特別嘅組合，甜甜嘅特濃花生脆粒醬搽滿喺車打芝士上，配上美國穀飼安格斯牛肉、香煎煙肉、羅文菜、紫洋蔥同蕃茄🍅好邪惡但好好食🤤🤤🍝香蒜白酒蜆肉意粉($88)意粉幾有驚喜😍估唔到漢堡店嘅意粉都咁出色，扁意粉配上大量蜆肉，充滿蒜香帶少少辣，愈食愈想食😋+$20可以轉套餐，可選配香脆有皮薯條、薯格、田園沙律同埋汽水+$15轉黑松露雜菌忌廉湯

第一次落希慎地庫，開左好多新野食，係成個food court 咁，又忍唔住試下新野。水牛雞扒漢堡 Buffalo Chicken Burger 超大塊雞扒，搭配水牛城風味辣醬好惹味，少少辣得黎又冇太刺激，仲配有大孔芝士、番茄、羅馬生菜和紫洋蔥。包係烤到外脆內軟，非常好食。跟餐我地配埋薯格及黑松露雜菌湯，薯格好新鮮香脆美味， 黑松露雜菌湯thick 。香蒜白酒蜆肉意粉滿滿既蜆肉，食到底都仲有，非常足料。意粉有少少微辣酒香，又彈牙，開胃好味，呢次就配粗薯條，同樣係新鮮炸起，點埋茄汁超級正。佢呢度最signature 既包係花生醬漢堡，睇評語大家都話幾夾，又有粗粒花生，下次都試下新產品先得!

BFF有多間分店🤩，我今次嚟到希慎地庫呢間，😊環境都唔錯，放工時間亦都唔算太多人👌幾容易搵到位。呢度最出名嘅就係😍特濃花生醬漢堡，絕對係佢哋嘅🔥人氣之選！麵包焗得好香脆，😋牛肉漢堡好香嫩多汁，🍔入面加入咗特濃花生醬，而且仲有啲🥜粒粒，鹹加甜味道好夾，花生香氣好突出👏！跟餐🍱配埋又香又脆嘅🥔脆薯格，份量十足👍。除咗漢堡包之外佢哋嘅🍝pasta亦都十分之唔錯。跟餐嘅🍄黑松露雞菌湯都幾濃味，🥣入面有好多菌碎而且有陣陣🤤黑松露香氣。白酒蜆肉意粉🍝十分之香有少少辣🌶️好惹味，入面有勁多蜆肉好鮮味🥰，都好值得一試！個餐🍱配埋香脆嘅薯條🍟，十分之滿足。

今日约朋友去吃飯，去到希慎廣場地下二樓一個food court，點了一個蚬肉意粉和湯，汽水主要想講係個蚬肉意粉的蜆肉细细粒，但多得好絝張，好似晤洗錢88蚊都抵食,下次可以再食。

之前淨係識得去希慎B1搵食，原來再落多一層B2仲有更多嘢食👀經過BFF漢堡店, 聞到超香🤤 款式都算多, 唔食漢堡仲可以食pasta或者all day 🍳 但我一眼已經俾個花生醬漢堡吸引咗🤤一於就要<特濃花生醬安格斯煙肉漢堡餐>跟薯格再加$25要碗龍蝦忌廉湯🥳🦞瀑布熔岩花生醬直接淋落塊成口寸厚嘅漢堡扒上面😍 正當我諗要食到好messy嘅時候, 原來已經貼心地提供咗刀叉🍴第一次用刀叉食burger🤣👍 table manner 是這樣煉成的💁🏻‍♀️食漢堡除咗喺可樂汽水以外嘅選擇，竟然仲可以揀黑松露蘑菇湯或者龍蝦忌廉湯！😳個湯仲要有大大嚿蝦肉，絕對有誠意👍

銅鑼灣希慎廣場樓下多咗好多食肆。有food court自助形式的。方便快捷。地方闊落都幾好坐。前幾日去咗呢度食dinner, 我揀咗呢間Burger’s Friend Forever. 🍔佢有套餐，加$20 可選配香脆有皮薯條/薯格/田園沙律及贈汽水。如果唔要汽水，可另加$15升級黑松露雜菌忌廉湯/+$25龍蝦忌廉湯/或+$18-$35升級特飲⭐️侯斯頓漢堡 $92肉質好juice, 熟度剛剛好。個包都幾好味，甜甜地，外脆內軟。⭐️香蒜白酒蜆肉意粉 $88超多蜆肉，非常足料。意粉有少少微辣。開胃好味。⭐️黑松露雜菌忌廉湯香濃嘅黑松露同mushroom味道。鍾意食burger嘅人不妨試吓呢間，幾好嘅選擇。

自從希慎開左food court之後係銅鑼灣地鐵站就開始聞到好香既野食香味今次忍唔到啦 去左間burger shop 買外賣番屋企食好正呀 外賣番到屋企30mins都仲係好熱啦啦🔸特濃花生醬漢堡用上美國穀飼安格斯牛肉做patty，肉質鮮嫩多汁花生醬的濃郁香氣與車打芝士的絲滑質感形成絕妙的對比,完美融合在麵包內香煎煙肉加左少少鹹香嘅味道，配搭羅文菜、蕃茄同紫洋蔥，令整個漢堡更加清新一啖真係咬唔哂 好有美國既style 呀!!🔸香脆炸魚柳漢堡外層酥脆的麵衣包裹住鮮嫩多汁的魚柳內裡魚肉超級嫩滑秘製他他醬同車打芝士完美襯托魚柳嘅鮮味羅文菜、蕃茄同洋蔥健康又爽脆 平衡整體味道🔸兩款漢堡都可以加$20升級成套餐配埋薯條同薯格薯條香脆可口 薯格就外脆內軟 係完美嘅配菜選擇📍Burger's Friend Forever📍銅鑼灣軒尼詩道500號希慎廣場B2樓