Burger's Friend Forever (希慎廣場)

营业中

休息中

hysan楼下新装修后开左food court ，第一次去食晚餐，有好多嘢食，中西日韩泰菜都有😋真系花多眼乱，见到呢间西餐好多人食，汉堡包又好大个，意粉都好精致，价钱又唔贵，一于试吓啦！.侯斯顿汉堡🍔 有烟肉🥓又有牛肉，烟肉好脆，唔会油淋淋，唔系平时好肥嘅烟肉，牛肉好厚好多汁。加加埋埋个汉堡包好高，个口细啲都冇办法一啖咬啊😍😍重点系佢啲洋葱🧅，炸到金黄色好脆，口感好丰富！ .香蒜白酒蚬肉意粉🍝 最值得一提系非常多蚬肉，虽然唔系好大粒，但系好鲜甜🤩！而且都好大份，意粉嘅软硬度都啱啱好，比较有唗口！ 黑松露杂菌忌廉汤🫕 个质地系好creamy，饮得出系由粒粒蘑菇打碎再煮成汤，每一啖都会饮到黑松露同埋杂菌嘅鲜味！