Butlery

营业中

休息中

午市套餐選擇不少，點了兩款主菜配餐湯，再加份雞翼共享。先上桌的 慢煮鴨腿窩夫令人眼前一亮。慢煮鴨腿呈現誘人粉嫩，肉質細膩軟腍，鴨油香氣含蓄。搭配的窩夫外脆內軟，微帶甜香，與鹹香的鴨肉竟是意外合拍。淋上楓糖漿，甜、鹹、油潤在口中交織，創意十足。配搭的餐湯是濃郁的蘑菇湯，香甜順滑，暖胃開場。另一份主菜石斑魚意大利飯則展現穩健功力。石斑魚煎得表皮金黃微脆，內裡保持雪白多汁，毫不乾柴。意大利飯的米芯保留恰到好處的Al dente口感，奶香濃郁的醬汁包裹著每顆飯粒，混入蘆筍等蔬菜增添清爽。是道溫暖飽足之選。兩份主菜皆 加配雞翼小食。雞翼炸得香脆不油膩，肉質仍嫩滑，蜜糖或微辣醬汁（視乎選擇）均勻裹附，惹味非常，是絕佳的手指食物，為套餐額外加分。整體而言，Butlery沙田店午市套餐表現出色。慢煮鴨窩夫創意與美味兼備，煎魚意大利飯穩紮暖胃，雞翼小食更是亮點。服務效率不錯，環境舒適，是沙田區享用有質素西式午膳的可靠之選。

每次有朋友問我沙田有邊間好味嘅西餐我一定係推介Butlery 好味得嚟CP值又高不過記得book定枱先去 如果唔係一定要等位Wild Wings雞翼炸到脆皮又多汁 配蜜糖芥末醬好好味Cajun Prawn Linguine係special menu嘅意粉 上次嚟都冇㗎蒜味超香 少少辣好惹味呀 今餐嘅必食推介Iron Grilled Flank Steak油脂比例唔高 煎到五成熟就啱啱好 入口夠juicy特登叫份辣芝士牛肉醬配炸粗薯條 超正！Banoffee Creme Brulee Pancake無論如何都一定要留肚食佢地嘅甜品pancake充滿空氣感 好重蛋香 Creme Brulee層焦糖帶微苦 中和番個甜度啱啱好

Butlery是一家非常高質的餐廳，主打西日式菜式，食物選擇多，而pancake 甜品更極具人氣，非常受歡迎。店內裝修設計以綠色及橙色為主調，天花更掛有綠色植物，充滿歐陸式復古風。Lunch Menu包括是日餐湯或沙律，主菜及飲品，另可加錢upgrade 飲品。Buttermilk Chicken Salad沙律份量多，而且非常足料，包括：嫩滑烤雞扒、油潤牛油果、香脆煙肉粒粒、溫泉蛋及爽脆羅馬生菜，再以蛋黃沙律醬調味，口感清新又健康。White Wine Mussels藍青口肉身肥厚，帶有蒜香及酒香，搭配香脆牛油多士及忌廉汁，讚。龍蝦湯湯底濃稠適中，入口有濃濃蝦香，鮮味十足。Linguine Alle Vongole意粉口感煙韌彈牙，蒜味突出，白酒不重，蜆肉肥美，肉質爽甜無沙。Red Grouper Risotto紅石班魚大大塊，肉質細膩鮮味；意大利飯粒粒分明，煮得香濃入味，口感煙韌，加上內裏放了點菇菌，層次豐富。Chocolate Milkshake & Latte奶昔味道香香甜甜，朱古力粒粒增添口感；咖啡味道濃郁，屬深度烘焙，苦味較重。

餐廳pancake 口碑一直唔錯，今日經過再來幫襯😉 餐廳環境整潔高雅，感覺好舒服👍🏻香草麵包糠焗比目魚：煎焗後的比目魚，色澤金黃，魚皮香脆，肉質細嫩，伴碟配有香滑薯蓉及蔬菜，是一道健康美味的菜式🐟👍🏻燒牛臀肉：賓尼迪蛋、荷蘭汁、意大利陳醋，還有意大利飯🥣 牛臀肉肉質緊實，嫩滑多汁，唔會韌🥩😋 而意大利飯米飯充分吸收湯汁，口感香滑😉伯爵茶Pancake ：來到最後，一定要食餐廳出名的梳乎厘班戟😍 軟綿綿濃郁的蛋香味，加上伯爵茶cream唔太甜，食落添加一份清新，必食👍🏻👍🏻

呢一間餐廳係我喺沙田嘅最愛，都幾full建議早啲嚟食飯，咁就唔使排咁耐Chilli concarne chips 🍟 ($58)邪惡小食，薯條再加埋芝士同埋辣肉醬，鹹香惹味Hanger steak fresh pasta🥩($248）牛扒大概三成熟，粉嫩而且有香濃嘅牛肉味，質素唔錯，意粉係手工制闊條麵，醬汁類似燒汁再配蘑菇Choco fudge French toast🍫($98)法式多士有蛋香，而且加埋誘人嘅朱古力醬Earl grey pancake 🥞 ($125)記住呢度嘅pancake係必點，但係疏乎厘pancake需時製作，記得預返足時間，空氣咁十足動L動L，每啖幸福感十足，伯爵茶味香濃又唔會苦澀，茶控實滿意

喺沙田搵間餐廳同朋友一齊聚餐，今日揀咗呢間，主打係高質西餐。食物種類好多，好豐富，叫咗carbonara，黑松露意粉，煙肉漢堡包，忌廉煮青口，肉醬薯條，煙三文魚窩夫最鍾意佢嘅黑松露意粉，好夠味，黑松露好香加埋隻溫泉蛋同啲蘑菇，成個配搭好舒服。煙肉漢堡好大件，塊漢堡好Juicy。煙三文魚窩夫都超級推薦。呢度環境好大，同行友人帶埋小朋友嚟，都有位俾佢放BB車，嘢食份量都算多，味道又好食，絕對係同朋友喺沙田聚餐嘅選擇之一。

Weekday晚上7點多到，都挺多人在門口等位，有點意料之外👀和朋友等了15mins~👉🏻新鮮海膽，香煎帶子&蟹肉海膽忌廉汁意粉 $178海膽份量多，很新鮮creamy！帶子煎香，生熟度剛好，不會過硬。蟹肉海膽醬汁濃稠，還有一些蟹肉，意粉質地實身，連同忌廉汁一起吃很鮮甜呢！👉🏻MO $99漢堡包整個配搭豐富，用料新鮮。漢堡扒煎香後，加上新鮮蔬菜。麵包鬆軟，有牛油煎香。👉🏻至尊粉蝦 &香蒜蛋黃醬薯條 $64粉蝦爽口，煎香後加了少少辣調味，十分香口。薯條偏粗，佔了香蒜蛋黃醬，加上有蕃茄粒，完全不會膩。👉🏻厚班戟，香蕉，拖肥醬，雲呢拿吉士醬&脆焦糖 $119Pancake鬆厚軟滑，香蕉味濃郁，兩塊班戟中間夾有香蕉肉和醬，仲有整條蕉伴碟，真係冇藉口俾你話佢唔夠蕉味🤣！面層脆脆的焦糖是點綴，令整個pancake更加有口感！👉🏻石榴青檸梳打 $48梳打有石榴粒粒，石榴和青檸的比例平均，沒有藥水味，解渴消暑，爽！👉🏻鮮橙梳打 $48朋友點的梳打，款式及味道簡單，比較推介我點的石榴青檸梳打哦😝！整體是挺有驚喜的，正餐甜品飲品質素也不錯！怪不得weekday晚上也要排隊！

最近天氣好好，決定走遠一點，去了沙田新城市廣場閒逛～無意間發現這間位於商場內的 Butlery~這次點了幾道人氣菜式，先來個 Black Truffle Cheese Chips 為開場，熱辣辣薯條配上香濃黑松露芝士醬，簡直是罪惡的開胃菜～🥹🖤主食選了 White Wine Mussels，白酒香氣撲鼻，青口肉質飽滿，配麵包一起食超滿足；還有必試的 Sea Urchin and Scallop Linguine，海膽濃郁，帶子新鮮彈牙，喜歡creamy口感的一定會愛💛🦪甜品當然不能錯過 Matcha Cream Pancake，厚厚的抹茶忌廉與鬆軟班戟層層疊加，茶香甘甜不膩口🍵飲品選了兩款氣泡飲 —— Fresh Orange Soda 和 Pomegranate Lime Soda，清爽解膩又很適合夏天的味道🍊🍹

▫️Sea Urchin & Scallop Linguine🍝 ($178）👉🏻海膽好鮮甜，入口即溶，香煎帶子肉質細嫩，咬落有彈性，仲有鮮味十足嘅蟹肉🙆🏻‍♀️意粉爽口彈牙每一條都掛滿海膽忌廉醬汁，入口順滑非常Creamy.▫️Iron Grilled Flank 🥩($192）👉🏻煎牛扒配焗蔬菜肉汁 香蒜青醬煎牛扒大約5 成熟，顏色超粉嫩！牛味都濃郁，配埋香蒜青醬超惹味😋薯條炸到外脆內軟🍟.▫️Wild Wings ($72）👉🏻雞翼大大隻炸到金黃色，可以配蜜糖是拉差醬或者青瓜酸忌廉醬，一次過試晒兩種口味🤤.▫️Banoffee Cream Brulee🥞 ($119）👉🏻Pancake 質感蓬鬆濕潤，帶有空氣感，面頭有脆焦糖，口感真係好似食緊Cream Burlee😍配埋雲呢拿吉士醬同拖肥醬，整體好夾亦唔會過甜，伴碟仲有香蕉🍌同士多啤梨🍓——————評分：8/10.平均消費：~$310

位於沙田，非常之近地鐵站😍而且裝修環境優美，食物非常適合慶祝生日🎂煎澳洲西冷牛排配薯條$258叫左五成熟嘅牛肉，啱啱好帶點粉嫩，肉質嫩滑亦有牛味。薯條比得慷慨，唔怕唔夠食，而且有蘆筍同埋菇🥩🥩🥩🥩非常滿足雞肉mozzarella 芝士墨西哥薄餅配蕃茄莎莎、酸忌廉、牛油果醬🥑 $79有四大舊，非常好就係醬汁放喺一邊，咁就可以每個人調配適合自己嘅味道，雞肉本來有落醃料，所以入味😍😍中意酸忌廉中和返膩感黑松露芝士汁薯條 $59好大份😱滿滿的，而且醬汁足夠，薯條新鮮脆卜卜，好食青口配多士 $ 79性價比非常高，呢個價錢仲有多士😍😍😍白酒味唔算濃，容易入口，必叫前菜💪🏼Butlery’s pancake 🥞 $108最經典嘅疏乎厘，有一舊牛油，配搭生果鮮忌廉等等，空氣感十足，蛋香出色😍作為飯後甜品啱啱好Butlery (沙田)沙田沙田正街18-19號新城市廣場一期4樓479A號舖

onenrice 沙田找到此西餐廳鵝肝漢堡burger $138。 6.5分burger 放無花果醬好特別。可惜鵝肝不太油香， 漢堡肉偏乾 個包賣相就好吸引。aioli chips $64。 8分炸蝦蕃茄蛋黃醬， 酸酸甜甜， 好味道薯條炸得剛好， 不會乾硬蝦爽。值得推介， 必食之選Roasted French chicken risotto $172。 6分烤雞比較一般西班牙飯偏少少硬用椰汁做飯， 比較特別， 但如果個汁再香濃d會更野味。辣醬沒有特色， 好普通， 唔辣唔香。apple crumble French toast $98。 6分肉桂蘋果煮得唔夠香甜， 蘋果偏諗pat多士偏諗pat, 沒有咬口。總評。環境。 裝修。 讚。 8分服務。 8分食物。 7分（ 有待改善）

新城市廣場咁多餐廳當中呢間令我食完想再次回頭平日午市全場爆滿我地點咗幾道主菜同小食味道有水準✨炸雞翼金黃色嘅雞翼沾上兩款不同口味醬汁蜜糖是拉差醬．青瓜酸忌廉醬 各有特色✨辣味芝士牛肉汁薯條香脆嘅粗薯條．即炸熱辣辣淋上芝士同肉醬．趁熱食真係好正✨All Day Brekky全日早餐啱哂選擇困難嘅我仲有呢度出名鬆軟又好味嘅疏乎里✨芥末忌廉汁墨汁意粉呢度嘅墨汁意粉．唔會食到成咀黑蚊蚊配上忌廉汁．啖啖Creamy加上蕃茄莎莎．令口感更清新配返杯特飲．令今餐更完美滿足✨石榴青檸梳打✨抺茶鮮奶

早幾日去咗沙田新發現嘅高質西餐廳 Butlery！餐廳裝修走橙綠森林系，歐陸復古風又溫馨，啱晒同朋友chill住食番餐🍽️🥗 Buttermilk雞扒沙律 唔係講笑，份量真係超足！燒雞嫩滑😋，配埋牛油果＋煙肉粒＋溫泉蛋＋生菜，拌上蛋黃醬汁～健康得嚟又飽肚，岩晒我呢D 減肥嘅人💪🏼！🦐 蒜香芝士蝦肉意粉蒜味香得嚟唔嗆，蝦彈牙有鮮味，芝士溶得啱啱好🔥 食到最後仲意猶未盡 🤤！🍔 Maple Bacon Cheese Burger 安格斯牛扒漢堡夠厚又多汁，鹹香芝士🧀＋甜甜楓糖煙肉🥓完美配搭，好食到一口接一口～加少少錢仲有脆薯或沙律，夠晒抵食！🍝 Wild Chicken Wing雞翼外皮煎到香脆，入面保持嫩滑～唔會乾巴巴！

一直都知呢間餐廳好受歡迎，終於有機會同朋友嚟食！士多啤梨奶昔 🍓 $55好好飲，同時都好甜，再加埋上面嘅忌廉，一個人飲一杯嘅話會好飽🤣所以同朋友share每人半杯就好All Day Brekky $155pancake嘅質地好好！但係其他配料都只係正常發揮，可能大家食返甜 pancake會好啲😂士多啤梨&吉士Waffle $115呢個超好食！值得嗌，個窩夫有少少外脆內軟嘅感覺，吉士醬嘅味道都調得好好，士多啤梨嘅份量唔少，整體都對得住價錢！

公司加人工, 即興約好姊妹今晚出去食餐好, 我倆自從食過沙田「Butlery」嘅Pancake後一直回味, 今晚再度encore!平日晚餐廳坐無虛席, 人氣爆燈, 雖然每張檯距離感偏貼, 但座位企理乾淨, 唔算坐得太迫。呢度供應多款配搭薯條、沙律、Burger、意粉等…當然仲有主打人氣必食嘅Pancake。【Sour Cream Works Chips】HK$55薯條份量不少, 配上番茄粒、軟滑酸忌廉同埋牛油果醬, 酸尾尾又creamy。【Pulled Pork Lasagna Roll】HK$142芝士焗至金黃, 千層麵盡吸香草番茄汁芝士, 甜中帶微酸, 而麵與麵之間夾了慢煮手撕豬肉同埋酸椰菜, 整體有肉香, 甜中帶微酸, 充滿濃郁芝士味同時又能平衡膩感。【MO】HK$99Burger內側烘底, 夾上生菜、芝士、安格斯牛肉同埋炒洋蔥蘑菇, 肉味香濃又惹味。【Super OREO】HK$68雲呢拿奶昔再加上Cream, 令口感更幼滑, 雲呢拿奶味濃郁, 加入了OREO cookie, prefect match!【Mint chocolate】HK$58薄荷朱古力非常清新, 岩哂炎熱嘅