Cafe 330 (已結業)

今日嘅心情就好似這家Cafe330咁陽光燦爛，大步踏入，點咗幾樣經典小食來打個卡。首先，個蕎麥冷麵沙律，簡直係清新代表，啱啱好嘅酸度加上零點點嘅甜味，感覺起來好有層次，但係同時啖啖清爽，簡直係夏日解暑神器！🌞轉個彎，攞起個strawberry yogurt嚟一試，真係士多啤梨味濃郁到成個口腔都充滿果香，嚼勁十足，飲落去又唔會太膩，真係幾好嘅茶點選擇！🍓最後，就係入面嗰個布甸同muffin，warming up！點知個muffin真係死命普通，味道一般，但布甸就點燃咗我嘅甜蜜感覺，綿滑得黎又香甜得嚟。總體來講，Cafe330提供嘅唔單止係食物，仲包括咗個温馨舒適嘅環境，令人食嘅開心，坐得舒心。🍰💕總結一句，Cafe330就好似個小太陽，能夠為忙碌嘅一天帶來幾分舒心同幾分甜蜜。#好去處 #食物日記 #Cafe330食評

平日晚上多數黎呢度買Bagel加野飲，我食過midnight 款bagel，係三文魚mixed芝士，超美味可口！另一個款係今日的櫻花蝦款，呢個味道差些，但都會加熱的。

今日去開中文大學😊聽過330 cafe好耐，佢哋主打comfort food~低碳、素食，係一間社企。由於唔太肚餓，飲杯嘢就算啦，都幾多人食，好多輕食，所以吸引到好多學生過嚟買三文治、蛋糕，以及提神嘅咖啡。Organic honey coffee $27.3味道都唔錯，其實就係齋啡溝蜜糖，咖啡屬於中度烘焙，所以整體感覺唔會太酸，甜甜地容易入口。啱晒我呢啲學生😳提神。而且價錢非常之親民，就算係後生哥都買得起唔會覺得好貴。大學站出，行幾分鐘就到好方便，隔離仲有間大學書店可以行吓🙈

「凍頂烏龍奶茶」自帶杯減一蚊...好好飲！好耐沒飲過（台式）奶茶了...呢幾日都超想食甜野霖住上堂前去330hae下不過cake被前邊D客掃曬...試下凍頂烏龍奶茶因為自帶杯還可以減1蚊，只需14蚊（凍）平過喜茶果D幾乎裝滿成杯清香又不會很甜滿意

環境一流，比到人好放鬆嘅感覺。其實呀，一打開度玻璃門，入到去已經有陣陣咖啡香喇～上完堂，或者順路經開，都會去飲杯嘢。今次叫左杯Cappuccino 同埋一件芝蔴豆腐cake!疫情關係，食物暫時都係用紙杯紙碟serve 嘅...Cappuccino 好香, 回味無窮......芝蔴豆腐cake口感一流，唔太甜，好有豆腐味，係好食嘅！

今日叫左一個葡汁雞飯, 估唔到味道比想像中好! 之前都食過幾次, 印象中d意粉係好味d, d飯就普通d! 今日算係出乎意料啦! 另外加左杯凍烏龍奶茶, 要少冰少甜....點知係走左冰, 哈哈, 不過都係小問題! 份量預左唔多, 不過今朝有個豐富早餐, 所以都ok呀! 50幾蚊, 都坐得舒服既, 都唔錯啦!

Support 330 ~ a NGO cafe Tofu Sesame Cake (Right) $22 Americano with milk (Left) $18A bright morning is a morning with sunshine and a delightful break the tofu sesame cake first shows the tofu taste and the sesame taste reveals slowly when you chew on the sesame. The cake is light and not very sweet. Some Great coffee is a must with sweets.

中大canteen多，但真係俾人靜下來飲一杯咖啡嘅地方唔多，cafe330係其中一間。呢日放咗學同朋友嗌杯咖啡傾吓計，係大學入面慢活一吓。今次嗌咗杯tiramisu mocha,mocha嘅部分的確係感受到，但係就唔太感受到tiramisu，而且杯嘢飲有少少過甜，飲落似係似緊杯hot chocolate多啲。雖然飲品唔係預期之內，但勝在環境唔錯，係校園裹俾人放鬆嘅一隅。

味道都幾好 好多地方都有cafe330嘅影子有機豆漿都係我常買嘅product因為我飲咖啡之後 副作用太大所以我會飲檸蜜 同茶餐廳餐飲係兩個level!自携杯減一蚊 亦可以租用佢地嘅外賣杯 齊齊減廢仲有咖啡渣可以隨便拎走自用仲有咖啡渣可以隨便拎走自用仲有正餐堂食同外賣 但今次唔夠時間 所以skip餐廳職員同工廠嘅職員都會請復元人士 令曾經受精神健康問題困擾嘅佢地 有一個重投社會嘅平台記得多多支持cafe330啦絕對完勝其他集團式經營cafe!

‼️‼️‼️‼️‼️‼️‼️$15 蕎麥冷麵沙律簡單既蔬菜同蕎麥麵拌上柚子沙津醋🍴酸酸味味 夏天食幾開胃不過略嫌有啲酸得濟 甜度多一點會更美味😋.今日唔知係咩日子 有買一送一既優惠🙆🏻‍♀️大家都可以撞下手神睇下有無優惠💁🏻‍♀️.人均消費：$30（2盒）推介指數：👅👅👅👅👅👅😋（6.5/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻（7/10）

除左咖啡外，仲有三文治同埋盒裝意粉沙律賣。夜晚返學既時候，要食住野上堂就食呢d最方便。意粉沙律雖然叫做沙律，但係其實係意粉溝沙律醬，都幾飽肚，仲有d紅菜頭健康d，不過我就唔係幾鐘意食😂

今日特登揸車入中大出席朋友影grad photos既活動,八點未夠已到達,一直影到十點半,之後四圍睇下有無地方可以抖下又飲杯野咁. 去到差不多到達火車站既時候發現呢間係教學樓一樓既cafe.呢間cafe環境清幽,員工態度友善,座位之間不會太迫. 大部分顧客都係學生,一邊嘆咖啡一邊係度做assignment,令我不其然諗番起幾年之前係港大既校園生活叫左杯細杯mocha 同煙三文魚螺絲粉沙律杯mocha 份量適中,螺絲粉的sauce 好creamy,絕對係一餐幾perfect既brunch

作為中大人，久不久就會返嚟中大行下、坐下。以往讀書時未有這間咖啡室， 但自從開張後，因探訪的關係，來了兩次。今次點了海鹽焦糖鮮奶咖啡($21)。 店員服務好好，咖啡非常高質，海鹽焦糖味與咖啡味互相襯托， 誰也搶不了誰的風頭，入口非常和順👍🏻👍🏻 另外順帶一提，這間餐廳非常提倡環保，除了鼓勵自備飲管外，亦提供用完的咖啡渣供顧客自由取用。這裏大部分食客都是學生，旁邊是商務印書局，外望是中大的未圓湖，為餐廳的氛圍加添了詩意和書卷氣。值得再來！

平時喺中大好難揾到好食又健康啲嘅canteen如果我懶得煮又唔想出城食自然就會去cafe330了～雖然偏貴不過健康少少！佢有賣prepackaged嘅沙律、三文治都有一般cafe嘅烘焙食品、咖啡、其他飲品Lunchtime會各有一款素食($37)同葷食($40)嘅意粉/飯仲會賣公平貿易嘅snacks!首先講下我嘅go-to combo!芝士吞拿魚全麥治 ($12.5)雜豆藜麥沙律 ($34)佢嘅Tuna Mayo Paste唔會醬多過魚！連埋芝士食都唔會好邪惡如果想再健康啲唔食醬可以食煙三文魚、煙火雞片、蕃茄芝士呢啲三文治🥪沙律就不過不失啦 我冇好中意食純粹為咗有菜落肚！可以自己揀柚子醋、胡麻醬、Mayo咁我就當然食柚子醋了～平時多數會食煙三文魚、煙火雞、或者呢款雜豆沙律如果想食麵嘅就會食佢嘅蕎麥麵($30)/麻醬冷麵($30-40)佢嘅麻醬係另上㗎!!可以自己控制份量佢仲有啲沙律連埋Mayo螺絲粉但太heavy了我好少食Hot Whole Milk Cappuccino ($20)佢有Skimmed Milk揀!!!不過嗰日心血來潮想飲全脂奶😂好飲過善can Starbucks貴少

平時係呢間cafe飲咖啡，同埋食佢預製既沙律／三文治比較多，今次第一次試佢既意粉，結果幾驚喜！當日中午去食，人比較多，外賣係10分鐘之內就有得攞，速度可以接受。番茄雞柳意粉 ＄40打開外賣盒，番茄味道好香，但唔係新鮮番茄，食得出只係罐頭番茄。雞肉既份量頗多，意粉口感剛好，軟硬適中。整體而言，雖然價錢比一般學生餐廳貴，但佢既質素拍得住出面六七十蚊一個既意粉，值得再幫襯！另外，佢既餐牌亦都以健康做標榜，會盡量加入唔同既蔬菜，食完罪惡感都無禁大！