Cafe Aboong HK (已結業)

得到旺角朋友推介，特來此特色小店一試這款KAWAI的鯛魚燒乳酪。這天下午光臨小店時並無友人所說的人龍。故此很快便能吃到了。原來有兩款口味，紅豆或吉士，我就選了較大路的紅豆做鯛魚燒餡料。拿到手後當然不忙替即將被我吞下的小魚拍張照片了。放在乳酪旁的一小串竹籤原來還插著一顆沾上朱古力的提子，真個有點奇怪。先幹掉它，才能慢慢品味魚上的原味乳酪。當舌尖碰到冰感的乳酪後，我立時忍不住叫了出來：很酸啊﹗感覺有點像被人作弄吃了SUPER LEMON一樣。真的不敢再吃下去。起初還以為乳酪是滑溜而微酸的，想不到口感更像雪葩，而且酸味太強，似乎不像一般FROZEN YOGURT般加了牛奶及糖中和酸味。幸好餅底味道不錯，拿起來十分"硬淨"夠穩陣，不怕會塌下來，內裏亦保持鬆軟，甜度也適中。紅豆份量雖不多，但吃起來又軟又香，跟餅底十分配合，算是挽回些分數。不過吃至中間部分，鯛魚燒開始被溶掉的乳酪"入侵"，變得濕濕淋淋的，沒有了鬆軟質感。論手工外型精緻，35元是值得的，但整體味道則有待改善了。

I first heard about this from a foodie blog that talks about kawaii food to eat in Hong Kong. The thought of eating ice cream inside a fish shaped cone was seriously cute and definitely social media worthy. But I never got around to trying it out because I heard from friends who went during a weekend that they waited two hours for their ice cream. As I had a weekday day off, I came here to try.Apparently, this weird way of eating ice cream came from the .. yes, Koreans. It apparently, is a popul

韓風不絕, 人人都UPLOAD 呢條魚仔! 夜晚8點多去拿籌, 冇咩人, 店員叫我個半鐘後返黎拎. 於是係附近食個晚飯, 當呢個係甜品就岩哂!個半鐘返去....點知仲未得....要再等多半個鐘. 其實佢鋪面好細, 只有2部機器即做鯛魚. 但唯一令我等既動力係鯛魚係新鮮即製. 終於2條魚仔到手, 當然要相機食先!乳酪味道偏酸, 唔算滑, 配上朱古力醬, 味道一般. 可能因為條鯛魚仲有熱力, 魚尾不停滴水.....係因為乳酪都開始溶化既關係. 我地ORDER左一條係吉士味道, 另一條就係紅豆味, 但2者味道都唔算特出, 如果下次再會試, 唔知可唔可以叫唔係餡呢?呢個價錢HKD3X 新鮮即製, 但要等上差不多2個鐘的話, 就未免太多. 如果下次唔需要等, 或者會再食多一次.

 前一排facebook都係以鯛魚燒洗板，因為人太多一直都冇機會去試今日同朋友路過又見冇人就一試啦，原來一個要$35蚊，都唔算平呀等左5分鐘左右，有得食了我選了吉士口味，唔太甜，好好呀~上層既frozen-yogurt好醒胃仲有沾上了朱古力既提子同朱古力脆脆，層次好豐富食到底就會見到吉士，只係吉士太小，如果多DD就好了

店名：Cafe Aboong HK地址 : 旺角廣華街1號仁安大廈地下G1B6好味指數：7.5／10價錢：$35鯛魚燒雪糕(吉士味)近日大熱的韓國甜品非這個莫屬，動軏也要排隊數小時。店外人龍很長，購票後要候等兩小時才能吃到，認真誇張。這個8吋長的鯛魚燒聯乘淡檸檬味的Froyo，選用意大利全低脂肪的乳酪雪糕，味道軟滑，甜度剛好。鯛魚燒拿上手暖暖的，烘得外脆內軟。配上一串朱古力水果串，上面有花生，Oreo，芝麻同麥片，多重口感享受。吉士味道在魚尾部分，味道不太甜。建議大家可以兩個人share一個，自己一個食真係幾飽架！

首先要去拎籌先，個店員話要等兩個鐘已經有d o左，不過見咁多人排，又好似好hit咁，所以都決定試下！其實拎籌個陣已經夜晚9點幾，所以有得食已經係11點30既事拎到上手個一刻真係好期待，話哂等左2個鐘喎！yogurt同出面自己吱ge一樣，而個調魚燒係就係仲熱，但就同d yogurt唔係咁夾，同埋個蛋埋好似重左d，食落去怪怪地如果第一次想試下都ok既，但就唔會有想番轉頭再食既感覺囉😓同埋我覺得係出面食自己吱個d yogurt都夠哂，唔使特發黎排兩個鐘

去完花墟買年花, 再去果欄買生果, 路經旺角諗住去掃街作午餐, 早前見網友食過鯛魚燒乳酪, 太掛住日本食過那條好好味皮薄餡正既鯛魚燒, 所以都要去試下12點在街行來行去都找不著, 原來開1點, 但完全捃唔到間舖, 見唔到舖名之類.... 最後發現有張A4 紙有點點指示 食完晏再返去, 大約1點15分, 已有幾個人在等, 是日5號籌.  其實行人道都幾人來人往, 有咁多人企在店外等食, 對要路過既人造成很大不便店舖門面設計有點令想幫襯既人摸不著頭腦, 有個人坐在門口, 旁邊有張檯, 但果個人又唔係店員, 只係坐响樹等野食有點混亂 , 原來係檯後有位妹妹仔時不時坐响樹偶爾叫出來話"買野食可以嚟依到買飛"等魚期間唯有隔著玻璃窗望下哥仔點整魚先落蛋漿再加餡 , 餡分別有吉士和紅豆 , 再加多次蛋漿 , 蓋好加熱若干分鐘後, 起魚店玻璃窗有圖示食品既結構等咗大約15分鐘, 紅豆鯛魚燒乳酪出現在我面前了外觀都幾有趣, 條魚擘大個口放住乳酪乳酪頗削, 一D都唔滑鯛魚燒蛋糊蛋味唔香 , 皮焗得唔夠脆身, 蛋糊份量不足令餡料爆露豆沙餡頗甜食後感當然係不太滿意亦沒有滿足感 !

韓風襲港都已經唔係呢一頭半個月嘅事 吹得最勁嘅當然係唔同嘅蜂蜜雪糕啦！不過呢個 鯛魚燒雪糕 講真，見到都怕會好甜好漏 不過好彩個"雪糕"實情係frozen-yogurt (非常之係益力多個fd) 都算係酸，所以食落都好fresh.佢有吉士同紅豆 ，我選擇佐紅豆，個餡都幾多，但因為太甜，所以係食到最後好漏外面個鯛魚燒 "麵粉"味道幾好，好香！而且因為有整完之後放一陣，所以都係脆脆地。唯一就係個朱古力青提子串麻麻，可能因為個味同個fro-yo唔多夾下次去旺角都可以去試下，不過記得去買佐先行街，行一陣返轉頭就有得食！Ps. 因為係即整大約30mins - 1 hr不等,好彩嘅15mins就有

Cafe Aboong HKFroyo鯛魚燒 $35今日約了男朋友去旺角睇波鞋+看電影，口痕的我又想食雪糕，見到呢間鯛魚燒雪糕好似少左人排隊，咁就去買啦！我揀左吉士味，拎左張飛，飛號218，再問下叫到幾多，176....算！同男朋友行陣街先，行左半個鐘返返去，仲係叫到190...omg，由於條登打士街，花園街同煙廠街已經俾我地行到爛哂，我地唯有乖乖地企係度等。等等下仲有警察哥哥黎調查，應該係條街太多人等塞住哂...等多足足半個鐘終於有得食!乳酪雪糕太酸，有少少冰粒唔夠軟滑，而且溶得太快，食得慢少少啲雪糕已經周圍滴，條鯛魚熱就熱，但毫無蛋味，吉士仲要好淡味，食到最尾勁狼狽，條魚爛鬼左，滴到成身都係...五個字：一定唔會再食！

買既時候話要等40分鐘  跟住話過左可以再番黎拎 於是買完就走左 門口係馬路 又多人 留多一秒都覺得唔舒服 但想食就冇辦法 於是攞完飛就去左行街跟住番去過左num. 店入面幾個後生仔女 收銀果個好唔耐煩咁 因為外面好多人好逼 門口塞曬人 效率低到喊 真系聽唔到嗌number 於是佢臉就有點不耐煩跟住就攞左啦 同朋友一人一個 d yogurt光速融 所以要神速食曬 冇得慢慢嘆 如果唔係就會流曬落手 食完d yogurt 發現大鑊 因為下面一大舊粉  但已經好飽（事先食左dinner） 跟住直接食下面d紅豆（好少） 跟住就掉左....  完全失望所以呢個要留肚食！ 但係試一次就冇第二次啦 因為$35 過隔離沛公食個千層仲好

話說朋友某日傳來一張鯛魚乳酪雪糕相片，賣相好吸引哦！而且鯛魚燒亦是我的心頭好，落單時雖知要等兩個鐘也姑且一試吧！反正是拿飛的，逛逛街時間很快過吧不過眼見叫飛有點混亂，好似唔係順序叫咁得意既？？！！這間名為''Cafe''的店是不設堂食的！店面大約只有一百平公尺，4-5個爐做鯛魚燒，門口賣飛收錢，拎完飛最好行遠啲，唔係要同隔離錶鋪個哥哥仔你眼望我眼款式有紅豆和Custard兩款口味，當日下晝五點到足足要等兩個鐘才輪得到，果pat乳酪快溶都算喇，食落係低質素既Fro-yo，好稀，寧願佢用雪糕至於條鯛魚，好重梳打粉味，腥腥地直頭難食支籤吉住果粒我以為係白玉既野，一咬落去爆左，原來係提子...我揀左Custard味，唔講唔知食緊Custard，Custard基本上好易整架咋，我唔介意你賣貴啲落足料去整，要等成兩個鐘，如果為影相既試問有邊一個會返轉頭？

明明寫住中午12點開門，點知我同朋友睇完戲一點幾仲未開門😦😦但見已經有幾個人等緊，就5緊要等下，等左5分鐘到終於開門。個職員叫我地等15分鐘，就去隔離行下，20分鐘之後去到點知前面啲人仲未攞等，等多5分鐘先有得食。講下條魚先，賣相真係5錯，乳酪雪糕酸得好好味😋😋串提子普普通通不過不失喇！但係條蛋漿魚得蛋味，同埋其實都幾熱下，5多好味，最後有紅豆就補番啲味。

和友人在深水埗辦事後特意到旺角嚐嚐鯛魚燒遠處看見長長的人龍才知道要等1小時但既然miss了可以後補，我們買完後就到處逛逛1小時後再回來吉士 + 紅豆鯛魚燒 (每款也是$35)先由頂部說起Froyo個人認為比較酸 溶得十分快 友人剛開始吃條魚已經不停在滴fro yo點上朱古力的提子不太特别條魚味道不太香，没有香濃的蛋味質感不脆 就像吃腍了的雞蛋仔般餡料(吉士/紅豆)在魚身接近魚尾的部份份量少 紅豆比吉士更香吉士的味道十分淡吃完1條已經很飽 有點膩

味道不算太突出加上太快融   優點在於是落單後即刻整，比較新鮮有2款口味（吉士和紅豆）雪糕外形好吸引$35 ，我點了紅豆口味我放學1：30去到不算多人，20分鐘就攞到雪糕  聽講平時要1小時呢竹籤串喺淋了朱古力漿的青梅，雪糕酸酸哋軟綿綿的，個鯛魚燒有D軟，個紅豆好甜。適合喜歡食酸酸甜甜食物的人士。建議別在假期或者是下午茶時間去

終於有時間去食啦係韓國己經食過一次係香港真係忍唔住要食多次係韓國食個陣係6月都係要排40分鍾黎到香港仲誇張..黎之前都預左要等 囉完飛去食個飯等個半鍾再番去囉~其實真係好多人門口條路好細見到店員係咁叫我地馬路邊企隔離錶鋪個人己經係咁黑面都估到點解唔俾人企門口啦番到去等多5分鍾就囉到啦 其實都唔算係真係等XD味道係同韓國個個一樣架!!!!!!!係韓國食個陣己經好中意個乳酪雪糕~係酸酸地好似益力多咁勁開胃真係勁開心可以食多次可唔可以快D出多隻PLAIN YOGURT呀T_T係韓國係食吉士 今次食左紅豆 同條魚幾夾$35貴過韓國就SAD左少少 算啦 香港係咩地方可以理解見到隔離D男人話好難食 其實真係理解唔到