影片
港铁上水站 A3 出口, 步行约7分钟
继续阅读
特色
饮o野倾计
营业时间
星期一至二
11:00 - 23:00
星期三
全日休息
星期四至日
11:00 - 23:00
以上资料只供参考，请与餐厅确认详情
相关文章
上水一带，现在已成为水货客、购物商场、连锁集团、批发店舖所攻占的地方，走到哪里都是行李箱、纸箱，很多陪著大家成长的小店、老店都已经支持不住一直上涨的租金而结业，童年回忆一个一个的消失，非常可惜。在这个喧闹的市区里，仍然有这间咖啡店，让人可以走进去，远离外边的世界，找到一个宁静的空间，渡过清静的下午，非常难得。店内充满法国风格的布置，还有书柜放著很多书让客人可以拿来看雪柜上画了咖啡店位处的那条街道的旧面貌，可惜除了这咖啡店，其他旧店舖都已消失了难得宁静的空间，跟外面满是水货客与行李箱的水泄不通与杂乱形成强烈对比温泉蛋卡邦尼意粉 $88, 磨菇、烟肉、酱汁都很足料，蛋一戳即流出蛋黄捞起来很美味热龙眼桂花拿铁 $45, 咖啡很香，淡淡的龙眼与花香，呷一口进肚子里暖暖的很舒服青柠蛋糕$45, 老板推荐试试这一款蛋糕，真的很美味！软软的配上浓浓青柠味，很清新，一点都不腻多年来看著上水的变迁，真的很惋惜，而这咖啡店是这里难得的清泉，老板也很友善，很多熟客。在租金不断上涨的情况下，真心希望这咖啡店可以好好经营下去，加油～！
继续阅读
近日几乎每天都要到石湖墟一趟，回到儿时长大的地方。以前未到7pm铺头已全关，静到对面楼闹仔都听得一清二楚。现在变了水货街，夜晚8点还车水马龙⋯ Cafe Je T’aime开张时，我已搬走了。当时只是外卖蛋糕，今天才第一次坐下来帮衬。 高楼底加上枱不多，让人觉得宁静、舒服，与出面水泄不通的水货街头甚大对比。 见到这个冻柜不禁有点唏嘘。 除了cafe外，画中的店铺全都变成水货店了 永和野生蜂蜜抹茶蛋糕 $45 香港制造的永和蜂蜜来自沙田，除了野生蜂蜜，还有百花蜜、冬蜜，甚至蜂巢片。而Cafe Je T'aime就选了最高品质的野生蜂蜜来做蛋糕。 蜜糖味清甜，配上淡淡的抹茶蛋糕，味道完美。喜欢抹茶蛋糕够湿润，质素可媲美台湾的蜂蜜蛋糕。 Mon Cheri $47 来到cafe，当然要试试咖啡。见到有几款咖啡特饮几有趣，选了其中一款Mon Cheri（我所深爱的）。 喝咖啡来说，我只是BB班程度。这杯以白朱古力为主调的咖啡，甜甜的，非常合我口味。喜欢它加了鲜士多啤梨，为咖啡更添清新味道。 老实说，价钱有点贵。但要在这水货街生存，我明有多艰难。最近街头的中辉书局踏上加租结业之路，希望下次再回来，还见到这家cafe吧！
继续阅读
系上水食完lunch,就想去新功街既Cafe Je T'aime叹杯咖啡,楼底有两层高,空间感大坐得舒适,感觉客人都系熟客,很熟悉店内既一切,有两个小书柜,有多种类型既书适合唔同人观赏,书柜旁有个红酒木盒内有玻璃杯同水客人可自由装水饮用。今日坐梳化位,台下柜位都有书架～可以放低电话一阵,揾自己想睇既书饮杯咖啡/茶,食件蛋糕真系好享受台上放左咖啡店既小礼仪Cappuccino $38,泡沫绵密咖啡香浓Caramel Mocha $43,甜度刚好,咖啡同朱古力比例平均。
继续阅读
今日喺上水做完嘢想揾一间静啲既cafe 叹咖啡，点知误入了间「谋人寺」，个疑似老板嘅男人好热情咁介绍食物同饮品比我哋，佢话今日系节日，所以没有餐牌入面的意粉供应，只有两款为节日而特别设计意粉：「苦瓜咸蛋意粉」和「猫意粉-其实只系三色椒炒蝴蝶粉」，聴见都唔想食，唯有问可否帮我们做温泉蛋卡邦尼意粉，佢话可以，结果点了两份，还叫了烟三文鱼炒旦三文治和苹果批，疑似老板嘅男人之后再问我们飮什么，我们说斋啡，佢就推介一杯叫「艺技」嘅手冲咖啡，结果叫了两杯试吓。埋单嘅时候我以为自己聴错，佢话$664，一睇张单原来𠮶杯一啲咖啡味都冇嘅「艺技」要成$128/杯，我就问个男人攞个餐牌睇，结果系冇呢杯咖啡嘅价钱，我就同佢讲如果杯咖啡系$128一杯，系咪都要同我哋讲声呢？跟住佢就话下次会讲声先，我就答佢唔会再有下次。我明白，其实自己冇问价钱都有责任，但系上水一间咁嘅Cafe，一杯冇「咖啡味」嘅咖啡收$128呢个价钱就真系太狼死啰⋯⋯五星级酒店都冇收呢个价啦！奉劝各位，如不幸误入这cafe，记得记得记得逐样问清楚价钱先好落单！
继续阅读
喺北区医院饱受挫折，心情极度不佳，又肚饿嘅情况下，实在冇力再坐返车出去食嘢。话说呢间cafe之前喺个list入面，但心谂上水实在太远，唔会专登走嚟试，于是delete咗，但今日于是行吓行吓，嚟呢度试吓啰。第一次喺上水街头行，原来真系有咁多药房及食物化妆品店㗎㖞！实在好难想像，喺呢堆铺头之间，竟然会有一间个名咁浪漫嘅cafe。推门入嚟之后，四围嘅墙都画满法国嘅嘢，法文啦、情侣啦、铁塔、凯旋门啦...... 不过墙身有啲旧，开始剥落，台面都有啲甩油，本身想话几OK吖相识营造巴黎嘅气氛，但见到呢啲即刻扣晒分.... 又话说电话无电，问店员借个叉电，佢仲好体贴咁话我知边度有得叉，心谂真系几好㖞！温泉蛋Carbonara ($88)吓一跳，咁细碟嘅？意粉两旁系一块烘咗嘅面包，即系多士，及沙律菜；个人觉得块多士好冇诚意，其实可以俾啲牛油，或者搽啲蒜蓉牛油落块面包上面，其实已经会好睇好多！意粉软硬度适中，烟肉及蘑菇都偏多；切开只蛋之后，好有趣嘅质感，一半系流心，一半系实心，都会慢慢流落意粉度，捞埋一齐食口感都几好，我唔钟意外面食𠮶啲carbonara咁腻，所以呢个我OK。但如果钟意食传统carbonara嘅朋友，呢个唔会系你嘅选择番石榴汁套餐包一杯果汁，唔饮嘅话可以扣返$7，但套餐唔可以转其他饮品。咁样似乎灵活度低啲，呢度一杯mocha都40几蚊，拍得住中环cafe嘅价钱㖞，唔系好化算咁噃！于是饮果汁算，一放低已经闻到好香番石榴味，仲有好多果肉喺个杯入面浮吓浮吓，我坐喺近门口位，阳光喺玻璃窗投射入嚟，又几靓㖞！原来系梳打汁嚟嘅，番石榴味唔算假，甜度亦都适中，几好饮！绿茶芝士蛋糕落单前已经问咗会唔会系好腻𠮶啲，店员话系，于是就试吓。厚度甜度都适中，仲好浓绿茶味道添，吓吓都回甘，而且蛋糕本身够晒实，好正！到俾钱时先发觉，原来要收$10叉电器嘅钱？！唔系呀嘛？？？？？？你要收，我唔介意，但其实都好小家啫，你喺每样食物饮品加返落去咪得啰。问题系我问你借𠮶阵你唔话我知，到俾钱𠮶阵先打落张单度，唔系好啱啫？旧cheesecake几好食都冇用，心情又差过😖
继续阅读