Café Kool

营业中

休息中

滿懷開心的一餐生日自助晚餐到極度失望的離開，由於姊姊及工人姐姐於八月份生日，便希望食餐好，九龍香格里拉的自助餐都極度高好評，食物種類多，質素高，便決定8月31號去食。當日6点半到達，坐定定服務員便給了我們四個圓形膠牌說每人可焕领一份凍龍蝦，我心裡一沉，唔係任食咩，點解會变咗配给，所以便抱着懷疑的心情去取龍蝦，點知厨師話俾我知，因為之前客人每次都攞太過多龍蝦，使到有部份客人攞唔到，所以自8月1日開始便配给分俾客人，佢仲細細餐話俾我知，如果仲想食可以再問服務員攞膠牌，我回到坐位，心想多人想食龍蝦，酒店便應該供應多D而唔係配給，十分離譜，到我開始食龍蝦時，先發覺一份，完來係得半邊加一隻龍蝦鉗，变相又小咗半隻，食完便向服務員攞膠牌想再食多一轉，点知佢話佢哋唔可以俾我，相量一會便叫經理來解決，最後給咗我四個牌，不過叫我哋低調D，費事俾其他食客知道。其他食物亦不似預期，生蠔十分細隻，宣傳片有麵包蟹都未出現過，片皮鸭又太乾，因長期焗住；其他食物種類就十分之小，包括甜品，即整窩夫都排長龍。雪糕的味道又十分之小，連最受歡迎之一的朱古力都冇。最後到埋單都計錯數，因為前幾天我都計過大約概總數，點知張單多咗幾

今日因為啊媽生日，所以去咗九龍香格里拉食Staycation+Buffet！我哋係食第一Round，所以6pm就開始！（食第一輪嘅好處，大家可以睇到最靚仔嘅食物樣）Staycation Package 一間房HK$1,760（已包10% Service Charge）包兩位Café Kool自助早餐和自助晚餐）*如果淨係去食自助晚餐，信用卡折扣後HK$656一位（2位即是HK$1,312）所以如果大家可以請到多日假，真係唔好浪費！只要比多HK$448（即係每人比多HK$224）就可以有埋一晚酒店房+自助早餐！講返Café Kool自助晚餐先，入座每人可以換到半隻開邊龍蝦海鮮凍盤：麵包蟹、花甲、聖子、草蝦、青口、東風螺等輪換供應意式凍切頭盤：幾款ham嘅品種、好好食嘅麵包加埋幾款芝士，好食到傻左，勁邪惡沙律吧：大路嘅沙律菜款，仲有啲沙律扭紋粉
烤牛扒：略過柴左啲，不過中間位置同師傅講要生小小，都算唔錯。中式熱食：片皮鴨、燒味、魚、菜、炒飯麵都係一般有嘅菜品，而且味道都唔算特別出眾。印度熱食：咖哩，特別係印度菜幾有印象，因為自己都幾中意食印度菜，自助餐本身唔抱太大期望會特別好食，不過咖喱菜

款式種類雖多，但感覺有點失望，可能我想食的野冇or 唔好食，同有少少人頭湧湧的感覺冇Parma ham 及煙三文魚😢我以為呢d 係大路野，冇想過會冇😂凍蟹腳ok, 但成日得返好細隻的蟹腳，蝦我食左一隻唔得，朋友都話唔好食中湯及燒牛肉ok喇沙得個辣字，唔香，冬蔭公湯好奇怪驚喜的是有滷水墨魚，但鹵鴨發生咩事，用刀切來同朋友分時都心知不妙，果然咬唔郁。甜品完全大伏，明明好似好多款又靚靚地，得朱古力蛋糕，燉蛋，芝士蛋糕合格，莓類mouse ok, 其他半啖都嫌多，我估奶凍ok但出去時成日剛好冇。D 大件的蛋糕去到尾好醜，就冇拎生果唔夠凍，西瓜唔甜刺身成日都好多人，臨尾見冇人拎左口魚，不過可能果時太飽，都係一開始時食會好d服務員好忙，但服務是ok，feel 到佢地已經好盡力咁做野，但可能安排人手唔夠🤔

多國菜風味自助餐!開放式廚房分為十二個區域可以品嚐到各式新鮮刺身,壽司,精緻甜品,仲有無限龍蝦!精緻的擺盤、可持續發展的優質食材及多樣化的烹調技巧自助晚餐 每位HKD 678 信用卡有8折!晚餐自助餐供應超過10款凍海鮮包括原隻開邊龍蝦、瀨尿蝦、麵包蟹、花甲、聖子、草蝦、青口、東風螺等輪換供應周末就會最齊款式,因為最貴收費!平日主打龍蝦同大蜆,麵包蟹等海鮮!如果鐘意食甜品呢度真係幾出色,款式多又精緻,就算一人份小碟都擺得好靚朱古力蛋糕係佢自己餅房出品,又濃又香,平時食一件也要$40了!甜品控必食佢多款蛋糕!雪糕都有八種口味,部份款式仲係季節限定,好似夏天就有提子同桃味!主打一定係食龍蝦, 龍蝦色澤鮮紅夠新鮮,肉厚肉甜, 起肉後凍食又得,叫碗熱湯麵浸熱佢食仲好食!今期仲有生蠔,法國蠔又鮮又濃既蠔汁,肉質又嫩又甜!煎牛扒,羊架,仲有各式冷盤沙律吧 蟹腳,青口都好新鮮!我個人建議啦,食蠔,食龍蝦,再主攻甜品已經好回本!好值回票價Café Kool尖沙咀麼地道64號九龍香格里拉大酒店閣樓Mezzanine Level, Kowloon Shangri-La, Hong Kong, 64 Mod

食過好多間自助餐覺得佢keep到水準做嘅熟食好有心機！而且材料新鮮！會繼續encore！佢嘅雞牛豬做得好好！服務員耐心解答！係一間好有心嘅老牌酒店！而且甜品都好好食唔會太甜❤️價錢仲要好抵$300左右！值得一試

想提大家最近冇咩事weekend都係唔好去呢到。啱啱9月11號食完dinner buffet, 明明話6點開始，去到已經見到大堆人開緊餐，有啲食物已經面目全非，冷盤全部排長龍。排隊唔緊要，但有冇人試過攞2隻即開生蠔要等5分鐘?！唔係排隊時間，係你到左廚師面前，等佢即開等左5分鐘攞2隻，老實講我開得快過佢。明白嘅……打份工，開快d咪做多d，但係都唔係咁跨張吖！我仲見到佢張蠔肉倒左然後比左個殼去客人隻碟。總之，當晚環境混亂，聲浪太噪，唔講以為食緊茶記。比得5星级嘅價錢，尖沙咀仲有好多選擇。最唔應該係酒店已知當晚有8成團體客，（仲要係兩輪）想收walk-in客填滿個場，都要話比散客知會有咁嘅情況，等我自己決定去唔去同人搶食，而家好似係酒店刻意隱瞞，總之full house就得………BTW, 當晚有位經理安排我一家人入private room, 起碼可以安靜番半晚，呢樣係值得讚賞。另外，印度廚師RANA都好nice, 煎印度薄餅好味。

早餐開放區域比想像中多，有部分同晚餐相同，好似麵包，喇沙同水果沙律。飲品有果汁，牛奶，豆奶，正正常常。乳酪全部都偏甜，唔太啱口味。穀物脆脆有4、5款，現成貨，好食既，冇漏氣。蛋類好多款，其中奄列即叫即製，要排隊，平均等兩分鐘。即煎熱辣辣當然好食，但奄列太老。芸芸點心，冇件好食。中式仲有粥，炒飯，炒麵，冇乜野算係好食。麵包款式超多，中意麵包既一定好開心。試左牛角包，裡面仲暖，好有牛油香味，口感鬆脆。日式，最吸引既係冷麵，涼爽，啱啱好，自選配料。冷盤芝士凍肉款式同晚餐相似。整體早餐仍然比晚餐好少少。

INTRO: 本來只打算book自助晚餐，但一輪格價後，發現staycation package 仲抵，於是改變主意，訂左包早晚自助餐既plan。今日湯有三款，分別係蟲草花馬蹄湯，印度湯，同忌廉蘑菇湯。攞左件包配西湯，可惜無爐烘脆烘熱，無咁好食。腸胃麻麻，海鮮都只係負責剝殼，刺身更加冇份，所以呢part冇點評。每人半隻龍蝦，用籌碼換。熱葷片皮鴨十分有名，但凍左，鴨皮食落唔夠脆，油脂亦偏少，比較一般酒樓貨更差。羊架火侯掌握得好，外焦内嫩，肉質腍滑，好食。印度野試唒，最啱口味係烤雞，微辣，而且香料味足，嫩滑。喇沙湯底椰香突出，辣味中等，偏鹹，口味重既話會好LIKE。個人覺得清湯最好。甜品蛋糕款式多，有切件，亦有原個，比較欣賞特濃朱古力蛋糕，可可味濃，苦苦甜甜。可惜冇抹茶甜品。6款雪糕差唔多試唒，最好味係夏威夷果仁。整體過得去，但唔會再試。

趁暑假最後日子，與家人特登放假休息，嚟食自助午餐。早幾日去過另一間四星酒店食午餐，嚟到呢度，立即感受到強烈對比，無論環境及食物質素，都確認五星級果然係五星級。食材新鮮，款式選擇又多，服務員細心及有禮，用餐體驗非常良好。食物方面，本人特別推介 蟹腳，燒牛肉，印度食品冬陰功，燉湯，焦糖燉蛋。蟹腳非常鮮甜美味，其他海鮮都鮮甜爽口燒牛肉有香料醃味，不用加醬汁也可冬陰功好啱我口味，不會太辣，好香濃各式印度咖哩香料濃郁，Dosa配芝士，好啱本人口味

暑假加上政府推出消費卷之下，自助餐變得愈來愈難book。一時興起想食自助餐，碰一碰運氣，打電話約第二日既自助餐兩位，又真係有位喎。雖然見fb既自助餐群組有部分人比佢既評語好差，但係睇youtube又好似ok。反正之前都有人話w酒店自助餐好差，但其實我自己試完又覺得ok，所以口味既野人人唔同，今次就試下cafe kool先！我本身好喜歡食海鮮，不過cafe kool海鮮種類比較少。當晚有生蠔、翡翠螺、蜆仔、凍蝦、藍青口、小龍蝦。而波士頓龍蝦就限左一人一隻。龍蝦好好食，肉質爽口彈牙又鮮甜，龍蝦鉗已經預先打爆左個殼，不費吹灰之力就可以食埋隻鉗既肉。之前去過playt有任食龍蝦，cafe kool呢隻既質素就好好多，美中不足係只限一人一隻。其他凍海鮮就係呢d，翡翠螺、藍青口同凍蝦都係正常自助餐既質素。小龍蝦我無試，因為一向都唔食😅生蠔每人每次限拎兩隻，成晚我應該食左6隻。size都係細細隻既生蠔，間中有一兩隻特別鮮甜。我覺得自助餐既生蠔黎講，算係咁。男友就覺得比較淡味。姬松茸燉湯呢個都好飲，我飲左兩盅羊架羊架都好正，唔會過熟，肉質夠嫩其實佢都幾多唔同既熟食選擇，扁皮鴨、滷水墨魚係其他自助餐比較

今天去香格里拉食自助餐，慶祝老公生日。雖然匯豐咭有折扣，計埋+1都要$411。又貴、又唔好食、有冇咩嘢食、又嘈吵、又多人、又長龍。食每一啖都抌心口，好唔開心。三文魚刺身細塊到不得了。又冇吞拿魚刺身。印度餐有咖喱，但沒有naan薄餅。食泰國咖喱，又沒有配白飯。食雪糕又要排長龍。食喇沙又好辣。prime rib 嗰舊肉又凍冰冰。總之每樣食物都是不完美。很不愉快的經歷。唯一覺得好一點就是伯爵茶，因為它不是用茶包，而是用茶葉。總之… 好似用左四百幾蚊，飲左杯茶。

早於兩個月前訂枱兩位慶祝媽媽生日， 到媽媽差不多生日前， 想加位啦～～ 可惜滿座了 咁算啦唯有Keep番同媽媽撐枱腳啦是日自制頭盤～ 全海鮮宴咁， 雖然龍蝦每人只有一隻，但一隻都唔細， 啖啖肉肉質有點韌，但是鮮甜的， 不是雪藏貨。 好想再來一客呢生蠔每人人限每次兩隻， 食過了、就可過了。 即不用再拎， 即開是鮮甜海水味的，但細隻到呢... 我只感覺到陣海水味 無肉食..另一推介香煎鵝肝牛柳，煎得香脆的鵝肝，未算太油膩恰好，牛柳都好有牛味北京片皮鴨，尚算OK～ 但係煮得可能太乾身、唔夠油脂，所以比較普通。 一次都夠了。松茸姬燉湯，我個人encore 左... 8次， 實在太好飲啦 （人地個燉盅細咋嘛👉🏻👈🏻）刺身有6款， 不過不失，仲有希靈魚、八爪魚同埋三文魚無食冬蔭公湯： 對於唔食得辣嘅我佢真係好辣，辣到我個胃都覺得有啲辣嘅感覺，即係肚都慶埋人人都讚佢嘅喇沙好食， 我都覺得佢個喇沙係唔錯嘅，椰汁同辣度到恰到好處， 唯一係材料比較少較為喜歡的熱盤天婦羅和冷盤，掃左兩三碟。 款式都不少。甜品方面試咗Opera蛋糕、法式燉蛋和意式白朱古力奶凍， 樣樣都做得好味，唔會過甜、細細件， 可以試好多

buffet ・今次介紹的是九龍香格里拉酒店的晚市自助餐純粹因為買了Staycation Package 以Package 來說價錢與食物的質素是正比但論到5星級酒店提供的食物水評實在未能達標・像很多5星酒店自助餐一樣晚市有提供生蠔   但質素相當一般Size算細兼且單薄  味道很淡很淡  入口完全不知自己在吃蠔這個不吃也擺  如選這款沒有質素的蠔不如索性不提供  較為會留下好印象・除了蠔  其實其他食物都很可取而且款式都多有一般的海鮮凍盤、泰式料理、印度咖喱、中式點心、片皮鴨、粉麵類……大部份的熱葷都不錯最推介是羊架，其次是燉湯我選擇了煎得較生的來吃  帶小小羶味  肉質嫩滑燉湯材料有松茸、淮山、豬肉  味道算清甜  喝起來聞到松茸的香氣兩款都是我較喜歡的・說到甜品方面小件的蛋糕味道太普通  如果沖著是要來吃甜品的話  一定會失望整個切件的蛋糕  應該味道會較為好一些  可依自己喜好揀選 個裝蛋糕我選了Tiramisu 味道都可以  反而小杯的Tiramisu 沒甚麼特別另有梳乎里班㦸及 桶裝Häagen-Dazs 提供・可能預訂前曾爬文  都說自助餐質素未有預期的好所以以packa

Staycation 包的自助早餐，坦白講在香港食自助早餐真係好少有機會，難得放假梗係要放鬆心情去hea住食吓早餐，而且安排左窗口位，望住下面趕住返工的人，而且自己就好悠閑，感覺好free 。 早餐都好豐富，我自制了All day breakfast 俾自己嘆，牛角包🥐好好味呀，仲有點心，有春卷、叉燒包、牛肉、燒賣，味道都吾錯，仲有好多菓汁、西瓜🍉汁、🍊汁、西柚汁，仲有Yogurt,而且有湯粉麵，好多嘢食都吾錯，到尾聲其實都飽了，但見到有生菓酥餅，忍唔住再食,真係好滿足😁😁

今個月生日🎂，所以同男友來staycation 慶祝生日，今晚就食自助晚餐，準時6:30pm入座，好多人所以基本上𢲡任何食物都要排隊，有D失望，不過見到好多美食，可以慢慢嘆😆。海鮮種類繁多，有龍蝦🦞而且好大隻，正、仲有即開生蠔🦪螺、麵包蟹、龍蝦仔、青口、蝦🦐，坦白講食咗海鮮外，已經飽了，所以其餘食物只是淺嚐了少量，但個喇沙一定要試吓，好好味😋。