Café Kool

营业中

休息中

懷念以前嘅九龍香格自助晚餐（現在好失望）難得疫症緩和下約齊10位家人再去食九龍香格自助晚餐（還立刻付了$2000訂金），我太衝動喇！只一心諗住以前嘅水準質素！唉！無刨文、朋友一聽我比了訂金已話現在九龍香格已大不同，龍蝦無任食、長腳蟹只得返蟹腳仔、無香煎鵝肝喇！我立刻的起心肝睇open rice 嘅食客嘅分享（OMG),仲安慰自己！可能🤔係之前疫症啫！但但但，食完真係超失望！好多嘢都變咗！變為以主糧食飽你為主（煮意粉、湯粉麵、咖哩類）真係無言，最慘係連魚生刺身類都係乾乾不新鮮的！生蠔🦪好咸又瘦削，成個場範圍都縮細了！連芝士/沙律類都得返少許選擇，點解會咁架？$7xx會變成這樣！待應又少！好難才遇到一個待應幫忙收拾碟！出咗四轉已唸唔到食咩！唔怪得目測星期六應8成滿，8:00已走了2/3人.我都無奈地8:30離場！無下次喇！失望囉！@龍蝦🦞係好食嘅！可惜只可以一人一隻！

Halloween 🎃 Shangri-La嘅buffet，一向都唔錯，今次襯節日去九龍呢間， 佈置好有氣氛， 好多大人小朋友到周圍影相打卡，食物款式很多，又好味，職員服務有禮貌，收碟又快👍🏻座位上每人一個籌碼，可以出去取一份龍蝦，大大隻，啖啖肉，新鮮好味開心啲😋Made-to- Order pasta 🍝 師傅好有心機煮，配料、意粉可以自由選擇，真係好好味，小朋友食哂一碟😋甜品方面最驚喜係有榴槤雪糕，不過手快有手慢冇，我早拎，所以可以食到，我見之後冇晒之後冇再Refill, 比較失望🥺下次再嚟🥰

早排去左九龍香格里拉食Dinner Buffet記得兩年前嘅Lunch Buffet都令我回味無窮但係見到最近嘅食評都話水準下降左點知今次去到試完之後實在有點失望😶‍🌫️.🌟Dinner Buffet $768.海鮮係五星級酒店Buffet最期待嘅環節正如其他foodie咁講依家龍蝦已經冇得任食🥹每人入場之前會有一個籌碼大家可以用呢個籌碼換一隻龍蝦🦞龍蝦肉質鮮甜彈牙 非常高質刺身亦都肥美 味道唔錯可惜竟然冇長腳蟹食🥲 而且生蠔亦都好細隻同簿身食完幾隻都好似冇食過野落肚🦪.至於熟食都有烤牛肉、羊架等等🍖天婦羅炸得非常出色 粉漿調配得啱啱好亦都有印度菜同埋各款中菜 連炒蟹同片皮鴨都有得食最推薦嘅係燉湯 足料又清甜👍🏻而且仲有廚師可以即場煮意粉🍝或者湯麵🍜.甜品方面味道都係四平八穩但係又冇最出名嘅梳乎里Pancake🥞 又冇芝士蛋糕😭實在有點期望落空.整體黎講食物嘅選擇少左 咁嘅價錢我覺得唔係太抵🫣食物嘅水準亦都冇驚喜 睇黎要觀察下等佢換menu先再黎過🫡

話說一班朋友話食buffet，有人提議香格里拉既唔錯，海鮮種類多，質素唔錯，今日一會，真係錯晒，折後$750蚊一個人，成餐buffet 都搵唔到有咩好食凍海鮮，每人有一隻龍蝦，係呀，呢個級數都係得一隻凍波龍，係咪好好食呢？又係平時buffet 既質素，呢個質素正常都係一隻起兩隻止，但限左每人一隻係小家左，感覺唔多好長腳蟹冇乜特別，唔會好鮮甜，都唔會好咸翡翠螺正常一舊肉，反而青口係幾鮮甜十月啦，係咪生蠔都未當造呢，瘦到完全冇肉，開蠔同切魚生位師傅都係hea做，做得勁慢，但都唔會有人龍，因為唔值得排隊，魚生唔可以話伏，但以呢個級數既buffet，我係一田買既刺身都可以完勝佢，同埋佢連帶子，甜蝦都冇，得三文魚，吞拿魚，喜靈魚，八爪魚，墨魚，款式少過$300位既放題熱葷其實都係好普通，食完都唔會記得有乜係食過想再食，燒羊架d肉係臭既，燒味就太興都好食過佢，較為好食既有印度菜，咖哩係幾惹味，仲有個印度芝士米餅係幾特別又好食到甜品方面，睇落好似好吸引，食一啖就放低支叉既質素，得個甜字，係得H牌雪糕食得過總結呢個價錢既buffet 食到呢個質素，真係好難遇到，難怪星期五晚都係得6-7成客

款式比以前少了許多，唔好食，甜品只有十款，但價錢冇平到，仲貴咗。以前有即場BBQ，宜家冇，天婦羅沒有蝦，味道亦差了，各樣食物也少了好多款，有点失望，我係食午餐自助餐的

Havn't tried a proper buffer after COVID-19 outbreak, this time i pick cafe koo for a nice birthday dinner with family. I am amazed by the variety of food options that provided by the restaurant. Everyone is eligible to take a full lobster from the seafood corner. I've tried their lobster, the meat is very ffresh and juicy. Other than lobster, i also tried their blue muscles, oyster and Japanese Shashi. All of them are very fresh and clean.For the hot dishes, i love they covered India cuisine an

兩位好朋友生日book咗食自助餐，環境同以前冇乜分別，原本諗住七百幾蚊可以任食海鮮龍蝦🦞，原來每位只配給一隻，仲要比一個籌碼驚你攞多咗🤣我朋友勁失望😮‍💨佢話以前來可以任食任飲，我也唔好意思😅生蠔🦪方面也算排得快，但D𧐢超細隻肉少味道一般！牛扒可接受不過不失！長腳蟹是熟的無冰鮮，惟獨甜品都仲可以守住，keep到款多有水準，Pancake可以啦！賣單幾千蚊，老實說現時這價錢也很多選擇，下次都唔去了。除非自助餐開番任食龍蝦長腳蟹還可考慮☺️

老公生日飯揀左尼間食buffet, 以為疫情應該少人d, 點知……好……多……人!未夠6點已有食客等入場，而且入場時有d混亂😱😱sharp6點buffet 開始每人有一個token 攞一隻凍🦞 : 肉質可以啦，不過size 唔平均，有d大少少 有d細少少凍海鮮: 🦀， 🦐，🐚，青口，生蠔 - 🦀 好細隻，🦐唔錯，🐚有沙😑，青口一般，生蠔即開但細隻另有壽司，魚生唔錯，但要排隊，肚餓就唔好排喇cold cut 沙律款式少， 行到埋去都唔知食咩熱食選擇都多喎，燉湯、串燒、大蝦燒賣好食，又有印度菜……甜品: 除左🍰🧁，有貴花糕，焦糖燉🥚，水果，仲有Haagen-Dazs雪糕🍦🍧buffet包一杯餐飲 🥤普通㗎啡茶果d朋友或家人生日，可向酒店說明，酒店會送上一個細🎂 👍👍

我喺香格里拉都食咗好多次，今次嚟香格里拉食自助餐有少少失望。原因有以下幾點：第一，之前龍蝦任食，但係依家每個人只可以攞一次/一隻。入座後會見到每個位前面有個籌，要攞個籌去換一個龍蝦。6百幾一個人，只可以食一隻龍蝦，真心唔抵。第二，以前好多海鮮，依家長腳蟹、麵包蟹都冇曬總結就係，咁大間酒店，聲望咁好，但係好多嘢都冇得食，個落差好大。PS: 我會建議大家過嚟食之前要打個電話問吓職員有冇自己心目中想食嘅嘢。期望越大，失望越大。

有個朋友仔由上年開始話想食自助餐 講到今年，今次終於實行到喇！🤣前排見到香格里拉酒店自助餐搞緊promotion，凡係Shangri-La 會員都可享有85折優惠❗️精明如我就梗係唔𢴇輸喇🤣原本想book 港島嗰間 因為之前試過好高質，可惜嗰日booking full 🤥所以最後book 左九龍嗰間~入座時每人會有一個籌碼，係用黎換龍蝦既。原來每人只限拎一隻冷盤龍蝦🥲明明記得之前食港島嗰間係無限refill 芝士焗龍蝦🦞既，點解同一個集團會差咁遠嫁🥲只怪冇事先做足功課🤥海鮮類竟然冇鮑魚🤥🤥連鵝肝都冇😖港島嗰間明明就有。。。至於其他既熟食類都幾多既，我就唔係道一一列舉喇~有個station可以order 西式麵類，多數人應該都會諗 「邊有人自助餐叫麵食嫁 好唔掋喎」 但我個朋友仔就好大擔咁order 左芝士蕃茄三文魚長通粉🤣🤣估唔到又幾好味喎，拍得住出面幾百蚊一碟既質素😍我地幾個人好快就清晒😆跟住再叫多碟😂我個朋友好想食Egg Benedict ，就膽粗粗咁問個chef 有冇😶個chef 好神秘咁話等佢一陣，跟住返左入廚房，過左一陣就拎住碟Egg Benedict 出黎喇🥰好有驚喜，好好食

每人只有一隻大龍蝦，味道相比其他任食的自助餐龍蝦算是美味， 麵食也算不錯， 服務態度相當良好， 甜品也有兩款蛋糕適合我的喜愛，價錢也不便宜，85折後也要$700 一個人，其他就不足談。

因為有班老友記係6月生日，主角們佢哋想去食吓四五星級酒店嘅中午自助餐，於是幫手上網揾吓。見到香格里拉有個叫「綻放年華」自助餐生日優惠，除開每人二百五蚊左右睇落幾抵，於是二話不說馬上booking。呢個中午自助餐食3小時，由中午12點開始食到3點。海鮮區有黑青口、蟹、海螺、青口、蝦，雖然款式唔多，但全部都好新鮮甜美。😋日式區有海藻沙律及玉子蒸蛋，壽司共有六款而且熟的比較多。 唯一可惜係無鰻魚及三文魚。🥲沙律區菜類、款式、配料、醬汁，十分多選擇。😋芝士有三款，但不能自取。🥲熱食有泰式、印度式、港式、越式、川式。😋只係港式燒味無叉燒比較可惜。🥲甜品區鮮果只有西瓜，蜜瓜，菠蘿，哈蜜瓜，但款款都十分鮮甜。雪糕係Häagen-Dazs。蛋糕西餅超過十款，樣樣都好有水準。所以一定要記得留肚去食甜品。😋

香格里拉酒店自助餐十幾年無幫襯過，見openrice有折就去再食。星期一閒日都7成滿座。食物種類以午餐來說都ok,食物味道都幾好。無乜係特別唔好食，係凍蟹比較爭少少，好細隻。我比較欣賞翡翠螺好鮮甜，燉湯係猴頭菇燉蟲草花，我飲左3碗。同多春魚天婦羅都推介同埋話晒喺五星級酒店，服務好👍🏻侍應收碟快但係唔會阻住晒，一舉手唔會借視線走咗去。想睇下食乜，廚師會好熱烈推介同拎比你唯一係泊車得兩小時就比較趕住要走。

大家都知道，因為疫情，大家都不太敢出去大吃大喝。不過，在疫情稍為緩和的那一段日子，大家都意識到，飯總是要食的，在做足安全措施既前題下，大伙兒係可以 happy 一下既。就在聖誕節前夕的一段日子，任職的公司就決定搞返個 Annual Dinner。不能上東莞，只香港員工又不需要包場，大家就來到《Café Kool》，一齊食自助餐。食自助餐，總會是急不及待的，坐好不一會就立即會外出搵食。我的習慣，就是同食正餐的一樣，先會去看看所以沙律、冷盤及海鮮小食。來之前，早已經知道這兒的海鮮是非常吸引的。時不時更會大排長龍。人人都會為龍蝦同生蠔而來。刺身，雖不是必食的東西，但這是自助餐廳切備的東西。單是用肉眼去看，已經知道是有質素，新鮮的水產食品。再去望望負責中式熱食的地方，吸引我的有京式的片皮鴨。鴨雖然不及正宗的來得肥美，但也是吸引的，直接令我鎖定，今晚必吃。看了一看湯麵，是可以配搭成叻沙口味的南洋 style 麵食。是吸引，但飽肚的麵食絕對不在我考慮之列。主食  (熱盤) 的選擇非常之多。因為人多，疫情又不方便打開來拍照，所以就簡單說一說好了。吸引的有即煎的牛扒，Roast Beer 同印度咖哩。

因為好耐冇食過自助餐，所以就諗住去試下。之前聽人講好多自助餐都大不如前，質素下降咗好多，咁我聽完都冇去嗰啲酒店，見呢度價錢差唔多，就諗住一試，點知真係一試難忘。首先，宜家周圍啲自助餐都有做特價，openrice同佢網上面既折係一樣既，都係75折，但係價錢就唔同，網站寫398，而openrice就428，要打電話去問先知原來網站係錯既，正確係428。話哂都係五星酒店，呢一種低級錯誤真係冇可能容許。第二，海鮮方面，只有蝦，螺，青口和花蟹。即使沒長腳蟹或生蠔等海鮮，其他海鮮比人拎到7788都應該refill，但事實係佢第一轉比人攞到7788之後，嗰啲望落冇咁靚既海鮮就擺係到等啲人行到過黎之後就走，直接擺到完場。我問過佢會唔會refill蟹，佢叫我等下跟住咩動作都冇，其實作為一間自助餐，連客人問到都冇動作既話，係冇資格叫自己做自助餐。最後熱食方面，質素亦都非常普通，大部分肉類食落都好un，都唔知放咗幾耐。好多熱食去到1點已經見到有層薄膜，可見根本冇人攞。成餐入面，甜品可以話係最正常，可惜沒有之前的疏乎厘、馬卡龍等甜品，只有唔同口味嘅蛋糕同埋布丁。不過可能係因為有Haagen-Dazs雪糕，呢一