Cafe Paradise (已結業)

見佢頭幾位又多人介紹本身好期待既未到野食前都好好架， d waiter 都好有禮貌感覺ok既.間鋪細左D其實坐唔舒服外面d旋轉木馬好靚..我地4個人，叫左2個set再散叫小食...好彩無叫好多野食咋跟餐既沙律同湯...個湯都ok全餐最好食應該個雞翼，個雞翼外面脆口入邊滑嘅....個薯條就麻麻喇唔夠脆囉意大利飯係好難整得好食既...普通飯一碟意粉ok..但又無特別出色，正常囉嘩...期待既黎喇！點知！唉！又肥又硬骨骨又小肉又細隻又過鹹（感覺好似返整敢樣個口感勁差仲見好多食評話好食..可能我地敢岩唔好彩啦下跟餐2個甜品，抺茶雪糕好水無奶敢樣又唔香，心太軟好味個雪糕都好味仲叫左野飲既無影到相，一定要講杯美式，叫凍飲但黎到一粒冰都無..都唔緊要佢仲要唔係好凍..點都攪勻之後要再加冰啦應該...但叫waiter比杯冰我佢地都好好既間野最好就係d服務...完..唉！

朋友說這間cafe很好吃 於是帶我來這吃晚餐想不到這小小的Cafe居然有那麼多美食😋雖然當天有很多人，但店裏的店員態度都很好，很快安排到位置給我們坐下。點餐後，食物上菜的時間也剛好，不會太急也不會太慢。這個是凱撒沙律，我們不是跟餐點的，而是獨立另外叫的，味道超好！超開胃😋這個芝麻辣辣雞翼，是最好吃的一道菜！辣辣的，超喜歡吃辣的我超喜歡。炸得也很脆～大家一定要嚐嚐這個雞翼，超讚的！這個是黑松露雜菌意大利飯有很香的黑松露味～上菜時已經被它的香味吸引著～趕快立即嘗試～果然色香味俱全，很好吃很好吃～真的想不到這小小的一間cafe會有出奇的好味道～一定會叫其他朋友來吃這一間店。

約左朋友食飯，好耐無見，所以諗住食cafe坐下傾下計慢慢食。見到呢間好多人介紹又有得book位，所以就決定食呢間。去到門口，雖然細細間，但係裝修得幾靚，佢呢到仲可以儲印花，儲夠25個就可以換佢個細既旋轉木馬，好特別。首先叫左個caesar salad，竟然前菜都俾到驚喜我，講真本身對cafe既質素唔會有太高期望，點知原來cafe都會有好味既時候。佢呢個沙律菜好新鮮，食落口好爽，而佢個醬汁都落左好多，好夠味。佢呢到有瑞士汁雞翼同埋呢隻辣辣芝麻雞翼，瑞士汁係屋企媽咪都成日整😂所以當然要試下另類啦。呢個黑松露野菌意大利飯要推介黑松露味好夠，而且意大利飯唔會話煮到太硬或太爛，適中，加埋佢落左好多雜菇，份量夠哂大。本身呢個意粉係用菠菜汁，點知當晚佢話無哂菠菜所以轉左西蘭花🥦

一向對太子的印象只有大排檔、打冷鋪,沒想到原來這裡隱藏著一間可供港女打卡的小cafe。這間鋪門面細細，要不是門口的旋轉木馬吸引了我，或者我也不會駐足看看，小小的店鋪五臟俱小，食物卻十分齊全，小至炸物、大至意大利粉、牛扒也有，款式選擇十分之多。令人有驚喜的小心思。客人的照片牆。是夜點了兩個意大利飯，黑松露很香，而且鋪上滿滿芝士碎，令人感覺好滿足大蝦意大利飯，除了有一隻吉列蝦外，還有很多蝦球藏在飯裡，酸酸辣辣，夏天吃就最好不過了。小店的主食配沙律飲品甜品很完整的一餐呢！

今日收工同同事諗住搵個地方坐低傾計 記得之前經過呢一間Cafe覺得好似環境幾靚咁 所以今日就特登過嚟試一試MENU好有心機同朋友一人一個餐每個餐都會包餐湯同埋沙律今日嘅湯係西蘭花🥦湯平時好少飲但估唔到咁濃咁香，我哋帶咗兩個餐SHARE香脆豬手配燒汁同埋羊架豬手好大件 非常足料外皮燒得好脆 豬手嘅肉好嫩滑羊架 好香 叫咗五成熟火候啱啱好兩個SET DINNER 嘅配菜亦都好特別用咗粟米薯蓉同埋茄子 樣樣我都非常鍾意代替左平時會用嘅薯仔薯條(永遠都食唔晒)非常推介呢一間小店價錢合理但用了同埋質素都比得上高級西餐廳🍴

又到星期三上堂時間，今次同朋友去呢間cafe paradise 其實我好幾年前都去過，印象中都幾好食同要訂先有位。我地訂左六點鐘去到雖然未有人，但七點鐘已經全full，皆因餐廳座位好有限，都係訂定安全d。門口有個靚靚打卡位。入面仲有公仔可以攬住影相添。餐牌幾有心思。西蘭花忌廉湯、田園沙津，主菜前打下底開開胃。煙三文魚蜆肉天使面($123，套餐)，三文魚份量唔少，個面好吸汁鐘意白汁的不能錯過。蟹籽蟹棒忌廉意大利寬條面($73)，呢個汁同個天使面其實差不多，不過脆脆的蟹籽加埋沾滿白汁的寬條面口感很過癮，呢個面我會想再encore。黑松露薯條($43)，新鮮熱辣炸起好香脆，好快就比我地班薯條怪清哂。瑞士雞翼($48)。跟餐有野飲同隨機雪糕，今日係藍梅味。餐廳味道尚算不錯，食物份量都係剛剛好，女孩子一定食得哂，大食的男孩就可能需要加小食。

即興想食 tea ， 本打算 在 OpenRice 訂座，此店已不接受當天訂座，於是，打算放棄之際，行行下就到了，於是，便碰碰運氣，又有位 😆Cafe Paradise 有旋轉木馬攞設，彷如，有兒時童真感覺😌店舖小小，座位不多，裝修簡約 全店貼滿了，食客即影即有的相片，開心感覺洋溢於小店中 😄我們分別點算了.......All day breakfast - Paradise Energy 🍴味道好好味煙三文魚蜆肉天使麵 🍝 份量夠，味道不錯 👍環境雖小，但有柔和聖詩播放，感覺舒服，再加上味道好味，份量又足夠，値得再試👍👍👍

同事一齊喺太子嗰邊八點幾收工，今晚附近見到有呢間西餐cafe,於是就兩個人入去諗住隨便食個晚飯再傾吓計晚餐見到選擇都算多，而且價錢都算合理叫完套餐店員都會奉上沙律同餐湯，佢哋話餐湯會不定時轉換，我哋今次嘅係西蘭花忌廉湯，西蘭花味道非常濃郁，非常好飲沙律都非常新鮮我叫咗呢個德國鹹豬手，個皮非常香脆而且味道同溫度都非常之好，相信係即叫即燒，我結果唔使15分鐘就食晒，俾都好大驚喜我我朋友就叫左呢個羊架，我偷偷食咗一舊，佢哋用嘅羊架一定唔係放題店嘅等級，而且佢哋本身應該餣制過，味道好香口之後想OpenRice睇返原來呢間餐廳附近仲有一間分店，我同同事都講咗如果下次再喺太子收工就會試埋另一間！

雖然地方細細，舖位喺個唔起眼既位置，但食物真係唔錯，老細做野好細心，員工們都好熱情，好有活力的一間餐廳，仲有得儲印花換禮品，價錢合理性價比高，唔嫌唔近地鐵站既話就要試下喇！

哩間餐廳一直係我既Try List，今晚終於同朋友黎會一會佢。一睇到menu有豬手，諗都唔洗諗即刻叫左一個先，再散叫左一個Risotto同Caesar salad🥗 先黎左跟餐既salad同西蘭花煙肉忌廉湯🍴忌廉湯味道唔錯，食得出係真材實料打出黎，但略嫌有點稀不夠creamy，但沙律夠新鮮！重點黎啦，脆皮豬手😎一上碟就見識到佢既大份，仲有旁邊既配菜，如果一個人食未免太多，同朋友share就岩岩好啦！一切落去啲汁流曬出黎juicy😍加上層皮認真好脆，證明佢係岩岩焗成！不過建議要快啲ko佢，凍左就即刻無咁好食。Risotto就真係麻麻🤔感覺唔係由生米煮成，只係將熟飯加汁，而啲米亦都唔似係意大利米😕加上味道較淡，所以有啲扣分。不過整體都可以👍🏿值得一提既係，啲職員好有禮貌同願意幫手😁

喺旺角行完街，經過呢間Cafe時已經俾佢門面同迴旋木馬吸引，決定同朋友試下！餐廳佈置好別緻，色調令人感覺舒服，店主一定係好中意迴旋木馬個drink menu好靚呀！晚餐都幾抵，包是日餐湯、田園沙律、是日甜品、飲品。我地點咗<卡邦尼意大利粉>、<香脆豬手配燒汁>❣️<田園沙律>沙律菜新鮮，配芝麻醬係我至愛！份量都夠多。<卡邦尼意大利粉>個Sauce好creamy，意大利粉軟硬度適中，煙肉同蘑菇都好香口👍🏻👍🏻主角黎喇！<香脆豬手配燒汁>好大隻豬手呀！個皮香脆，肉質有驚喜，有好多肉汁超juicy！配菜都出色！薯蓉整得幼滑，配辣粉唔錯，粟米同茄子都好食。是日甜品係<藍莓芝士雪糕>濃郁芝士味，係呢餐嘅perfect ending。

第一次黎cafe paradise 食野，餐廳整體感覺幾好，食物質素都高。餐廳雖然唔大，但係裝潢擺設都幾有心思，氣氛不俗。今次叫左幾個套餐。套餐會跟沙律，餐湯，飲品同是日甜品。最推薦最好食嘅就係個黑松露意大利飯！一上菜已經好香黑松露香味。黑松露同雜菌配合得天衣無縫，而且唔會太膩。一入口好香濃嘅香松露味，仲有好creamy嘅意大利飯。大家黎到一定要試下！仲試左蟹籽蟹棒闊條面，味道都唔錯，而且仲有好多蟹籽！但就略嫌有點膩。另一個白汁雜菌意粉就表現一般。而且仲試左主角-香脆豬手!主角份量頗大！豬皮香同脆口，不俗。而豬手肉好滑嫩，有些肉汁，唔會硬或老！個人就推薦沾上附上嘅芥末醬，會惹味得多而且唔會膩。最後甜品就係豆腐雪糕！個人覺得幾好食！淡淡嘅豆腐味，唔會太甜，幾解膩。

• Cafe Paradise• 太子界限街23號地下C舖……門外的白雲招牌“paradise cafe dessert bar…………旋轉木馬總令人有種童話天真浪漫既感覺…………餐牌打開好有驚喜，好特別好精緻…………餐牌中英對照…………玫瑰咖啡，拉花拉出雙心好有技術，好靚，上面重舖左些玫瑰花碎，啖落特別寫意…………西湯好滑好濃味…………沙律菜好新鮮，清新開胃…………燒豬手人人鐘意食，皮脆卜卜，肉嫩滑滑，好入味，好大隻…………炸雞翼，調味醃料好入味，帶小小香辣……總結： 餐廳地方細細地但唔會話好嘈，座位坐得幾舒服，員工服務有禮有笑容，食物方面，前菜餐湯主菜甜品，一個完整晚餐都只係百幾二百蚊，價錢真係好抵食，抵食得幾味道又唔錯。

因為就翻咁多位朋友仔，所以都係揀翻附近既餐廳。朋友推薦呢一個cafe，所以都黎試一試。一黎到都發現幾多人排緊，而餐廳又屬於比較細間。但等左唔係好耐，大概20分鍾左右就等到位。 首先上既就係沙律同湯～我朋友好鍾意個湯🥣，覺得很濃味。但我自己麻麻地菜湯。我地一共四人，叫左四個course。首先上既係黑松露野菌意大利🇮🇹 飯。呢個非常推薦！！！ 首先黑松露的份量適中，唔會有種令人過膩既感覺，反而係錦上添花～ 而且野菌份量都幾足，成個course都非常和諧。然後另一個即係蟹籽蟹柳意大利寬條麵。呢間相比係黑松露野菌都遜色一點了。但味道都不錯| 然後我地都有叫到餐廳既招牌豬手。Waitress上菜既時候都有講解下，非常friendly, really nice service 🙌🏻 外脆內軟，配上mustard sauce ， definitely a good dish ! 最後仲有甜品，就係雪糕。其實可以加錢轉其他，但不過我地同行都太飽，所以就無加到Overall speaking,呢間cafe氣氛舒服，適合girls night 一齊chill下。而且野食都非常唔錯，選擇都幾多下。

We had a table beside this lovely Teddy (though it’s crying as if it had booked a table but was dumped by its lover lol). It was so cute I kept taking pictures of t and zooming in lollBack to our dinner tonight. Instead of ordering from the Set Dinner Menu, we asked if we could get a set from the regular one. First came the Garden Salad and the Soup of the Day, which was Pumpkin Soup (My fav!). Salad was fine with the sesame sauce. It’d definitely make a difference if I could taste more of the p