Cafe Wellcome x BBQ Place (已結業)

黎到Emax拎啲野，之後就順便食埋晏，平時通常去二樓Food court食，是日撘電梯見到有張半自助餐嘅餐牌，唔知係咪新餐廳黎呢。第一次上黎四樓，原來有呢間餐廳，地方仲幾大添。諗緊食唔食半自助好，好似普通午餐set已經好抵，今日又唔係好餓，都係叫set算了。店員好快送上餐湯餐包同沙律，賣相都幾好睇。餐湯有啲意外，居然係中式嘅合掌瓜湯，幾清甜吖，哈哈。沙律係薯仔沙律，用上蜜糖芥末醬，酸酸甜甜幾開胃，仲有粒粒煙肉碎夠香口。主菜叫左香草烤春雞半隻配薯菜，見呢樣好受歡迎，附近幾枱都係叫佢。半隻春雞都唔少喎，燒得香口，個皮好重香草味，雞肉略淡，但有碟gravy可以點，幾好食。薯條即炸又香又脆，粗條好食。餐飲叫凍飲唔需另加錢㗎，要左凍奶茶，茶底幾香。個餐仲包埋甜品，可以揀雪糕或手工甜品，是日係焦糖布丁，揀左movenpick嘅咖啡味，好香好好食。個午餐認真抵食，而家好少有full set嘅午餐啦。

之前在九龍灣EMax 經過有間cafe lunch 是semi-buffet ..今日在附近，就去試試😋 Cafe Wellcome x BBQ Place 位於4樓地方寛躺，環境清幽，有室內外…室外仲係Pet friendly 😍😍沙律吧有黑松露仔沙律，新鮮生果，芒果蟹肉多士，櫻花蝦沙律，燒雞胸配蛋沙律蝴蝶粉等任食..沙律菜新鮮…餐湯是蒜香薯蓉湯，味道不錯，夠濃稠！蒜蓉多士好香脆。宏美雜扒餐配意粉，有美味的牛扒，豬扒和雞扒肉質鮮嫩，還有雞肉腸😍 意粉份量不少，配菜是翠玉瓜切粒和厚切的菌菇粒！BBQ豬仔髀配薯菜，有3支燒豬仔髀，不用醬汁巳經巧惹味，肉質剛剛好唔鞋口！薯菜份量不少！

今日同母親大人黎九展睇戲，睇完戲就順便搵埋食。Search倒依間有做戶外BBQ嘅西餐，少少好奇就試下！晚餐餐牌有8款，居然款款都唔過100蚊！餐湯、餐包、沙律、甜品仲係全包。香草烤春雞半隻配薯菜-烤春雞都幾大件，用左香草調味，外皮燒得香脆，但係肉質鮮嫩。薯條熱辣辣炸得幾脆。BBQ燒豬仔髀-豬仔髀有3件，醬汁酸酸甜甜幾開胃，肉質都鮮嫩好易咬開。佢配菜都做得幾好，煎得幾香。甜品方面佢仲可以簡haagen dazs 同movenpick 依個性價比真係冇得彈！

鐘意黎九展泊車睇戲貪佢人唔太多竟然比我地發現到四樓有間抵食西餐餐廳有室內同户外用餐地方好似佢有BBQ自助餐不過我地趕住睇戲試左佢個combo setCombo set有美國T骨牛扒講明combo set，當然牛扒份量大滿足有15oz，真係大過塊面牛扒肉汁juicy而且都幾林加埋配菜，有薯角，焗蒜絕不馬虎個set仲有幾款意粉揀我哋揀左香蒜肉絲意粉一上檯就好香新鮮整好好食講開新鮮整，個set仲有炸雞槌都係新鮮炸脆卜卜最後個set包埋餐湯同蒜蓉包，薯仔沙律下次黎開睇戲再試其他

今日同朋友去MegaBox睇戲，睇戲之前去咗依emax 食lunch，餐廳做緊semi-buffet，一個主菜、一杯飲品同甜品（有Häagen-Dazs或者Movenpick 雪糕可選😍😍）另外可加$20可任食沙律吧，主菜：BBQ燒豬仔髀配薯菜豬仔髀燒得好香，外皮脆口，上面放咗啲芝麻，入口好香口，薯條份量好多，炸得好食主菜：宏美雜扒餐配飯呢個雜扒份量超多，有豬扒、牛扒、雞扒同腸仔，啱晒鍾意食肉嘅朋友，肉類都處理得好好，冇雪味我最鍾意係個任食沙律吧，有好多唔同嘅款揀，最推介有以下幾款黑松露薯仔沙律我最鍾意食薯仔沙律，啲黑松露好濃，入口好香芒果蟹多士冇諗過蟹肉味咁香，配埋啲芒果，好新鮮嘅配搭，另外塊多士都好香脆，我食咗幾件南瓜忌廉湯配多士個忌廉湯好滑，有陣陣南瓜味，另外多士都覺得好香脆，上面搽咗啲蒜蓉醬，配埋個湯一流甜品我哋揀咗Häagen-Dazs同movenpick雪糕，佢都有其他甜品選擇，例如疏乎厘、抹茶夾餅、伯爵茶卷，都好吸引，下次有機會可以試吓呢個semi-Buffet價錢好抵，而且質素好，性價比超高👍🏼👍🏼

係emax睇完戲見到呢到咁多餐廳，打算食返個lunch先走，意外發現4樓原來都有間西餐廳。餐廳星期一至五更加有半自助午餐供應，價錢由$58至$88，性價比都幾高！今日假日就做啦，要搵日平日再黎食🤪🌟煙三文魚刁草意粉 $128意粉煮到剛剛好，軟硬適中，意粉mic左煙三文魚碎，味道突出，食落都幾creamy!+$25 comba set餐湯、蒜蓉包、餐飲+$10 雪糕一份加$10有杯movenpick雪糕都幾抵食😍🌟香草烤羊架 $168羊架足足有三隻，而且都幾大份，羊架用大量香草醃製過，即使7成熟食落都唔會話有好大既羊騷味，肉質軟腍，食落都幾juicy好味🥰凡係餐廳進餐更可免費使用餐廳戶外遊樂設施，唔怪得假日咁多一家大細一齊黎食飯😳餐廳除左有室內座位，亦有戶外座位以供BBQ用，天氣涼D可以約埋一大班fd黎BBQ🥰

餐廳室外設有過萬尺空中花園BBQ、而室內有提供西餐。BBQ套餐於星期五、六、日及公眾假期6pm後供應，下次都會想約朋友嚟！Deluxe Sets Menu (星期六、日及公眾假期供應)香草烤羊架 $168羊架大件，香草燒烤汁入味，熟度拿捏剛好，肉質好嫩軟腍、唔韌，有羊脂香而唔羶！特別想一提伴碟的焗薯！ 是薯仔但入口有蕃薯甜香味，搭配埋忌廉味重的酸忌廉，好食Combo A +$25蒜蓉包 + 是日餐湯 (羅宋湯)＋飲品(啡或茶/罐裝/紙包) Combo Sets $398美國T骨牛扒(15oz)15安士T-bone steak大塊！有炭烤香，約8成熟，口感充滿肉質纖維之餘，又唔韌、唔老！ 加上半溶牛油，令人流晒口水😝 伴碟的薯角香脆，連大蒜都烤得夠晒香，翠肉瓜粒及菇粒亦烤得保持水分juicy，唔乾香蒜肉絲意粉蒜油香雞鎚即叫即炸，好脆沙律 + 是日餐湯 (羅宋湯) + 飲品(啡或茶/罐裝/紙包) $0追加 雪糕 +$10 / 份可選MÖVENPICK® / Häagen-Dazs 雪糕_______________Cafe Wellcome x BBQ Place (九龍灣)九龍灣展貿徑

今日去咗九展睇車車🙈本身諗住去very food到食，但真心多人同熱😨即刻OpenRice 搵下，搵左幾間去睇都唔岩心水，最後行黎呢間個menu有幾個想食食物BBQ 燒豬肋骨呢個真係好正！超好食！有啲黑椒味，又有蜜糖味🔥燒到岩岩好，勁大塊骨，超抵食唔洗去星期四鰻魚炒飯有粒粒鰻魚，啲飯有鰻魚嘅香味~一個飯其實都好飽沙律吧加少少錢有沙律吧~有冷麵、沙律菜沙律、薯仔沙律、蜜桃茶。其實真係好飽，唔好做大嘥鬼環境呢度lunchtime 勁多人，我哋1點半先上黎食，其實都開始啲人走岀去。所以我都覺得坐得舒服😌服務個個職員都好有禮貌！用餐舒服👍🏻

總結一句就係沙律又冇 主菜又要等勁耐由19年幫襯到e+第一次食到咁失望呢兩年疫情期間都有幫襯上次去重見到間舖坐唔滿今日去難得坐滿哂可能人太多野食準備唔夠？幾款d沙律係完全出唔到一係隔好耐先出幾碟幾個人攞完就冇前菜都算 主菜等緊都未到睇單係03分落單我地有人叫左燒春雞同豬仔髀等3個字左右另外5個人叫左喇沙2碗係40分出2碗係45分出最後嗰碗重要俾錯左隔離枱(冇記錯佢地遲過我地叫)最後逼住係50分1碗轉外賣55分攞到外賣認真你出唔切菜可以提議我地轉叫其他快d有既主菜催左4次都話入面整緊一路等淨係見到係咁出其他主菜催第一次嗰陣你知有排都出唔到就建議我地轉啦全場叫呢個主菜既人個個都係到呆等應付唔到咁多客就唔好叫我地入座

出咗新餐牌 分咗區域半自助午餐 $48~$88主菜1+餐湯1+飲品1 +任食沙律生菓但因地方分𠝹咗 全自助嗰邊地方細咗只放2~3款沙律 冇咗粥又唔准過半自助區攞沙律生菓 $70+10% 90分鐘 平平地 有選擇 抵食仲有雪糕 或 精緻甜品送熱盤：今日有炆牛尾韭菜豬紅 章魚丸 豬皮魚蛋 椰菜甘荀白汁吞拿魚長通粉蒸疍 ~ 很實。實。實疍 唔係滑疍生菜老晒 燒賣未蒸開 實實感中湯~唔知係咩名堂 只有生薑&豬骨料/味白飯扁硬 係…非一般硬 頂心💔

自助午餐食一個半鐘，由早上十一時開始至下午三時供應，每位價錢連加一服務費都只係$77，非常抵食，環境乾淨寛敞裝修優雅，侍應招呼有禮，食物質素唔錯，款式亦算足夠（當然唔可以同酒店正常自助餐相比啦），但中西食品、餐湯、飲品都供應充足，性價比很高，而且每位客人有movenpick雪糕一客，整體來講是次用餐體驗非常好，值得再去，以現時食一個午餐的價錢，食到任食自助餐的感覺，正😄。交通方面，可能要係九龍灣港鐵站行去德福廣場，轉乘免費穿梭巴士到九龍灣國際展貿中心，有時間絕對值得試下。

以前168@1 後面199@1 到現在268@1 可能昨日係假期268啦 其實268都好多選擇 真心唔需要選擇e間 首先價錢貴左 OK接受既 但質素差左好多好多!!! 你收得咁既價 你都比番以前既質素我呀大佬 👆係之前個野食菜單昨晚眼見最少冇左好多 牛扒 豬扒 雞扒已經冇咁多隻味可以選擇 ❌豬頸肉 ❌牛仔骨 ❌春雞 ❌秋刀魚 ❌多春魚 ❌方包 ❌棉花糖 ❌菠蘿 ❌金菇 ❌露荀 ❌水果（之前有水果 西瓜 菠蘿 哈密瓜） 甜品昨日得番4樣(1口奶凍x2 其餘2樣冇拎到 但完全唔吸引） 之前都好多又有蛋糕奶凍又有燉蛋 沙津吧都少左野... 以上菜單仲有4 5樣係唔肯定有冇 定食晒 因為野食好少 結果我地燒左2轉左右 就冇野想再燒 提早結束走人算 👆上面既圖 海鮮係要比錢買 18蚊@1蝦 18蚊@1扇貝 羊架好似288 仲有靚少少既牛都係要比錢買 春雞已經係冇左 長既白色腸 昨晚見唔到 丸我都冇見到 只有好細粒既魚旦（唔好誤會唔係陳皮魚旦） ❌希望幫助到想前去試BB

好姐妹相聚，放暑假當然帶埋小朋友呢。呢庶幫襯左幾年，食慣食熟喇。平凡嘅食材，廚師用心製作。77蚊一位半自助餐，跟每人一杯雪糕或指定款式甜品。持某D職員証有折，70蚊位。三至八歲幼童大約收40蚊位。真係大人細路都超級超值喇至愛呢庶嘅炸饅頭(必點練奶)、蒜蓉多士、中湯、西湯、粥、卡邦尼意粉(超好食，遇唔遇到佢要講緣份)。飲品就喜歡清減D嘅鮮檸檬熱紅茶。限時九十分鐘，專心食嘢慢慢嘆坐吓。呢庶室內、戶外都係好坐職員一向都好喔

之前燒烤場停業，非常失望，好期待佢終於開返。 一收到去whatsapp知道佢開返馬上去book位。 食物種類同以前爭好遠， 基本上只有雞&雞， 前菜同小食冇曬。加上食物質素好差， 當日的金沙骨，只有骨基本上冇肉而且有怪怪地味道，接近壞嘅邊緣， 翠玉瓜係已經變色冰到冇朋友。 牛丸魚蛋類都係最差嘅貨， 尤其是獅子卷已經硬曬。 唔知道餐廳係轉咗手淨係咩原因， 我好希望店主見到我舊年11月個post，就會睇到 以前嘅你，同今日嘅你，真係爭天共地。

Cafe Wellcome 自助午餐連加一$77(九龍灣工作某啲機構免加一)5月食過唔吸引 6月再惠顧改善了&高質咗服務好好 好有禮貌 每位送Movenpick雪糕 或 Terimisu再送 漢堡扒配燒汁 現場制作自助餐送口罩自助區 粥~ 夠綿 有肉香味 配料蔥薄脆 炸菜添香西湯: 蕃茄濃湯 一般 蒜茸包中湯: 聖瓜肉片旦花湯熱葷: 焗茄子咖哩薯仔牛肉 皮旦肉碎蒸水旦 嫩嫩嫩滑滑滑 必試蒜子扒紹菜豆卜 煎豬扒~ 香口 肉嫩薯仔燴雞件 全雞肶冇翼 啖啖肉 ……冇試灼生菜 炒腸粉 茄汁炒飯 滷豆腐皮粗嚡 茄汁腸粉 炒虾 輪流上演白飯 ~ 乾 硬咖哩魚旦~ 心實 唔入味燒賣 ~ 實 未蒸透汽水 生菓沙律 甜品 青蘋果春卷 咖哩角 薯條 天婦羅今次唔見炸饅頭 (好好食)希望下次輪到干燒伊麵出場