影片
港铁长沙湾站 A2 出口, 步行约5分钟
继续阅读
电话号码
94650906 (WhatsApp)
营业时间
今日营业
13:00 - 18:30
星期一至日
13:00 - 18:30
以上资料只供参考，请与餐厅确认详情
食家推介
招牌菜
母親節訂左個黑芝麻蛋糕，屋企人勁鍾意🥰蛋糕可以揀低糖或無糖，我就揀左無糖版本岩長輩食蛋糕冇用牛油焗製，同埋可能正正因為無糖，完全食到黑芝麻勁濃勁香味道！中間係有流心，好似芝麻糊咁濃郁🤤另外仲有脆脆雪糕筒，食之前放上去打卡一流📸小店位於長沙灣，同老闆傾開原來得佢一個經營，所以人手有限，原先想訂多個父親節食，佢話依家已經好爆單🤣所以記得要預早訂！世一九蒸九曬黑芝麻蛋糕無糖版$600，會員有9折優惠，稀有糖本身好貴，如果食得健康，比貴少少都冇所謂😆
继续阅读
Fresh rose sugar free cake for Mother’s Day母親節無糖鮮花蛋糕 👩🏻🎂 $750 (一磅) 期間限定嘅一磅母親節鮮花蛋糕望落去好靚✨，適合打卡影相，面頭係粉紅色嘅夢幻玫瑰鮮花🌹，旁邊有少少白色花粒做襯托😍，而蛋糕口味有八款選擇，好似有特別嘅高知縣柚子🍊、君度蘭難橙酒🍷同埋健康嘅楓糖合桃味，今次揀咗濃香芝麻味，芝麻味道非常濃郁，蛋糕口感鬆軟🍰，無糖嘅蛋糕食落去都唔會好淡，食完之後都好滿足，而且份量夠二至六人share 食，真係好高質又有心思！蛋糕有無糖同埋稀有糖兩款選擇，蛋糕嘅宗旨係用少糖薄忌廉同埋唔加任何反式脂肪多嘅牛油🧈，係好適合控糖人士食嘅甜品，值得安心又放心👍🏻，呢款母親節蛋糕有一磅同埋兩磅選擇，另外記住係要預訂冇現貨啊🌟
继续阅读
已經唔係第一次幫襯前兩次都冇寫到今次一定要寫因為呢個蛋糕真係好好食好食到我爸爸平時唔好蛋糕而且佢係一個嘴刁人士🤭點知佢聞到嗰陣蛋糕味道第一次見佢用手指偷偷地撩舊cream試味仲要撩咗三次😱我今次就買個柚子味蛋糕為咗爸爸生日預備首先佢個賣相真係好靚然後佢係低糖之選同埋佢個質感好特別又唔似海綿蛋糕但係又唔係實的的，實的的與海綿之間嗰種感覺，好like 真係唔知點形容減肥同血糖高人士真係一大恩物雖然比起普通蛋糕店蛋糕係貴咗少少同埋一定要預訂，冇現成買不過店舖好靚，出面又可以打卡🤭服務又好😊真係覺得係值回票價👍🏻
继续阅读
就黎生日喇，多謝朋友提早為我慶祝🥰，佢係 Cake Sakura揀左呢款靚靚低糖健康蛋糕送俾我，好窩心啊，祝我愈來愈瘦，愈來愈健康，愈來愈靚咁話喎😍講返呢款低糖蛋糕🎂君度蘭橙酒蛋糕🎂，賣相真係好靚，富有藝術感，我最欣賞佢嘅忌廉，入口綿滑之餘，帶有君度蘭橙酒香及香橙甜味🍊，裝飾嘅橙片係自家烘焙，口感薄脆帶有天然新鮮果香，味道清新怡人，再配上濃鬱可可苦味嘅85%法國朱古力🍫，令蛋糕整體味道更豐富更有層次，真係好好食😋，最驚喜係內層嘅海棉蛋糕，蛋香味濃，入口非常輕盈鬆軟彈牙，食得出係鮮製😍細問之下，原來店主對蛋糕質素好有要求，為保持蛋糕新鮮，✔️交貨前24小時內焗製，✖️絕無添加任何防腐劑，選用大豆菜油代替牛油焗製，唔怪之得口感同味道都咁正，整體含糖量又極低，真係食得開心又健康啊🥰，值得推薦❗️
继续阅读
見到周圍都紅噹噹，就知快要過年啦🧨大家辨好年貨未呢❓新春最講意頭🤑除咗食髮菜、蠔豉喻意發財好市外，今年都可以試試Cake Sakura推出「爆棚十三么無糖蛋糕」🌟食完包你新一年打牌鋪鋪自摸爆棚十三么，發發發😎.🌟爆棚十三么無糖蛋糕.睇到個外型就知今年年頭發到年尾🤪以十三么主題，十三隻牌圍繞中間大大個「發」字💥麻雀係用朱古力做，唔講仲以為係真牌，估唔到食得🤣造型滿分💯.蛋糕多款味道選擇，今次揀咗無糖烏龍茶😌特別欣賞店家對健康嘅堅持💖堅持唔用牛油焗製，使用美國大豆菜油零膽固醇✅無糖版本更使用天然稀有糖，並非人工代糖💕所以不論糖尿病人、孕婦、長者都食得，啱晒一家大細🫶🏻.蛋糕入口散發芬芳茶香，鮮忌廉對比坊間感覺更輕盈😋質感蓬鬆柔軟😙味道上甜度同烏龍茶淡苦完美結合，取得平衡😌平時食完蛋糕點都有啲膩，但呢款款絕對無呢種感覺🥰.由於店家小店經營，所有蛋糕都係店主人手取貨前當天製作👩🏻🍳大家想買的話，記得提早預訂☎️順帶一提，佢哋都有製作一啲Cup Cake、散水餅、曲奇等小茶點，有興趣都可以上佢哋官網睇睇😝
继续阅读