California Pizza Kitchen (已結業)

為準備慶祝今天生日、昨天用openrice訂了今日晚餐、準時七點到達、身為California Pizza Kitchen會員、慶生當月可以以七折堂食、落單前已問清楚是否可以全單七折買單、女侍應答說可以、那便放心點菜落單、食物尚算可以、牛扒不合格。可惜、算賬時發覺是全單七折、而且兩個湯還沒有送來、查問下原來我點的兩個是套餐、已是優惠價、所以沒有七折、貌似高级女侍應提議兩個湯打包拿走、為了不影響我慶生心情、只好不和她計較、比錢走人！回家計個條數、套餐內食物散叫七折後還便宜、這算什麽道理？簡直大騙局……這間餐廳、已入黑名單、以後永不光顧！！！！！

平時很少會去California Kitchen吃，除非多人。因為有小朋友的關係，很多時在選擇餐廳上有所限制。想不到它成了我的好選擇。顧舊公司同事一行5A1B,也可以令我輕輕鬆鬆吃飯。他們有派填色紙又派扭扭氣球，更加有圖書閣添。我們點了藜麥沙律，普通正常。芝士瘋薯條薯條芝士味不夠，而且如果吃中了青辣椒，會很辣的啊！另外點了兩樣小食，有少許墨西哥風格，加了牛油果也很好吃。主菜方面點了一個pizza跟一個意粉，普普通通。他們的餐牌大部分都係雞肉做主打，幸好我們都愛吃雞肉。笑

餐廳入口擺放左圖書角比小朋友睇圖書帶位職員亦細心問有幾多位小朋友準備畫筆同畫紙比小朋友食野前玩玩坐低後叫左3個lunch set 同 1個兒童餐由於今日係閒日有lunch set 比較經濟Lunch set包左湯+主菜+飲品青豆蓉湯今次重手左，咸左啲肉醬意粉正常水準雞肉菠菜闊條麵幾開胃好味芝士薯條都係正常發揮最中意嘅係Mexican cheese corn係個芝士粟米醬配蒜蓉包好惹味！食唔停口！蒜蓉包亦非常脆口😍😍😍

朋友生日，又想食下西式野，之前食過覺得呢度既pizza好好味！所以決定再食呢間😋😋😋今次嗌左墨西哥風味雞肉烤餅，豬仔骨同西西里pizza😋😋😋墨西哥風味雞肉烤餅 $62唔太食到雞肉，冇乜味，要點醬先有味，整體普普通通。秘製醬燒豬仔骨 $188肉質唔柴，幾稔👍🏽 骨肉好容易分得開，食既時候好方便😂😂😂 不過秘製醬汁冇乜驚喜😛西西里風味薄餅 $142佢有兩款肉腸，同三種芝士，配搭埋辣味火腿同香辣蕃茄醬😋😋食落幾惹味😋😋 叫左薄批，但佢既質感唔似平時個啲會脆卜卜，反而保留到麵包個種煙韌‼️所以I love it‼️‼️😆❤️ 好大個！真心正不過服務就。。。啲侍應完全唔會周圍望下，成日都見唔到客人招手。

我今次想分享唔係佢哋食物嘅質素，而係佢哋嘅親子上邊的配套及服務，首先先講下呢張BB櫈，比起一般嘅餐廳嘅BB櫈，起碼會安全同埋穩陣好多，就算好細嘅BB放落去都坐得好定其次到，到佢嘅餐牌，佢哋會有個小朋友的餐牌而且也會提供一些顏色筆給予小朋友作遊戲之用，感覺非常貼心跟住，佢哋會有一個小型的小朋友corner，可以讓小朋友係啲嘢食未你之前有一個空間去玩或者睇書最後，佢哋嘅服務好貼心，當我嘅小朋友喺度發脾氣嘅時候，佢哋嘅職員就攞咗一個氣球比我小朋友玩，突然間感覺好似一個天使你到我面前一樣至於食物質素，老實講，連鎖店都係咁㗎啦，如果想有驚喜就唔好去連鎖餐廳度食啦

Dinner with husband herequite spacious environmentno waiting timeordered pizza and salmon:cheesy pizza is big and rich in cheesesalmon is good and i like the cornwaiters are adequate and have good mannerwill come back again certainly!

今晚同屋企人黎咗California 食晚餐。我先點咗烤雞沙律，半份其實份量都唔少，夠三至四人食。之後就上咗個牛油果薄餅🥑，上面仲有好多沙律菜，配合一齊食，中和pizza油膩感。肉眼扒好腍，大大塊，牛味好重，都非常好味。最後仲有個卡邦尼意粉。整體黎講，食物水準的確唔錯，而且上餐速度都快。

間唔時都會去食下呢間餐廳 啲野食質素真係唔錯 今晚8點半左右去食 唔洗等位就可以直接入去👍🏻因為2個人食 而呢間餐廳份量都好多 所以只係叫左2碟都己經夠食🤗 叫左摩洛哥風味雞肉沙律每一次黎都會叫呢個沙律食 因為真係好好味🤗配料有紅菜頭 牛油果 提子乾 果仁 等等再配埋佢個黑醋蜂蜜汁 實在係配合得好好另外仲叫左牛油果蛋卷 呢個蛋卷都好味 個涵好多 而且配料又係配合得好好味 但個皮略嫌有啲un 我食完個沙律個蛋卷已經凍左 個皮係要好大力先切得開仲有提一提 softdrrink 同檸茶都係無限添飲架👍🏻

早前為了方便朋友聚會，最後選擇了將軍澳區的「California Pizza kitchen」。有時候不要期望太多反而可能有驚喜，不過這次則如同預期，食物外表賣相不錯，但食物則是大型連鎖店的水準，甚至我覺得某連鎖Pizza店也比它高質。寫在前頭，如果追求「價錢平、晚上有位、地點方便」，這裡簡簡單單吃一頓晚餐是完全可以接受，但如果是追求高水準披薩和西餐，這裡可能會讓你失望了。這天晚上，由於飯局人數比較多，我們就點了一個四人餐，另外加了意粉和披薩。四人套餐配飲料可以無限添飲，餐飲可以選擇凍紅茶/可樂。前菜的沙律色彩繽紛，份量十足，但使用的沙律菜不夠新鮮。沙律還加入了黑豆和沙葛粒，對我來說很對胃口，但貌似由於和平常的沙律不一樣，所以同行朋友不太喜歡這種口味。烤餅沾上千島醬食用感覺還不錯，但餅皮不夠脆身，加上整個烤餅太薄，分量少，實在吃不出來裡面有什麼餡料。配上沙律醬和千島醬的牛油果蛋卷，由於同桌每人只分得一小塊淺嘗，所以我只能夠說，蛋卷吃不出牛油果味道，而且和烤餅一樣吃不出什麼餡料，可以在雞肉烤餅和牛油果蛋卷之中任選其一便可。其中一個主菜忌廉意粉加入了青豆，賣相非常有"驚喜"，因為本身菜單上

第一次到這間，就選擇了餐廳推介和有墨西哥風味的菜式。見到晚餐2人餐裡面可以選擇的款式不錯，我們就選了2人餐$288：(1) 墨西哥風味雞肉烤餅入面有雞肉、芝士和醬汁，夾住烤餅食就剛好不太膩，隔離仲有千島醬(係卦)可以沾一沾，好好味！(2) 墨西哥特色雞肉菠菜闊麵外貌感覺麻麻地，可能見咁墨綠色。不過原來幾好食，食落好似青咖哩，只是略嫌闊麵有點「林」。(3) 意大利辣肉腸薄餅Pizza一來到，職員就即場刨芝士絲落在pizza上面，芝士絲立刻溶化，因為仲好熱辣辣。我們趁熱食，餅底脆脆的又有點咬口，好味道。最後套餐有配飲料，凍紅茶/可樂或熱飲品，可以refill的。

由於我係個一直好鍾情Chicken Piccata 既人好多時去食意大利野都一定會叫咁岩今日約左朋友食California Pizza Kitchen 咁梗係要再試試佢啦我地一人叫左一款意粉新奧爾良香辣海鮮意粉賣相可以，但味道一般個感覺係意粉還意粉，汁還汁整熱哂就咁淋D汁落去然後撈勻佢咁唔覺得係煮出黎Chicken Piccata呢個還可以  但唔夠creamy同唔夠酸反而雞肉就煎得幾香口最後叫左個甜品Chocolate Brownie with Ice-cream一向食開既Brownie 都係乾身呢到呢個有D唔同  仲有D杏仁碎係中間個人就唔係太喜歡  我記得早幾個月黎食過都唔係咁差但今次再黎係令人失望既  因為服務同質素都下降左

California kitchen 既烤雞沙拉真係好出色!!!!!!加$20要埋牛油果 🥑，簡直係完美嘅配搭！呢個沙律口感好好，味道都好出色！成件事好清新一啲都唔覺得好多醬好肥膩～每次黎都一定會order呢個～😍佢仲可以俾你揀要全分定半份～無論你多人定係一兩個去食，都唔會驚食唔晒啦～😎另外我好鍾意食佢個蒜蓉忌廉意粉+蝦/雞，不過唯一唔好嘅，如果唔中意奶味，可能唔係好中意～其實佢都幾奶味重，同埋食多啲都會幾滯～我諗呢一個意粉係非常無敵之高卡路里，食完罪惡咁都幾重😭😭😭不過不妨可以試吓嘅～🤗推薦推薦推薦！

前兩晚，為咗慶祝好知己生日，去咗佢話想食既呢間餐廳食pizza，叫咗個套餐，整體味道都可以，只係個冷氣超大，令到啲嘢食都好快凍哂，人都起雞皮，所以食完都唔敢留底傾兩句，急急腳走人。

每次想食salad🥗或意粉🍝，都只會諗到去CPK,因為下午有set lunch or tea set,價錢唔貴但又有好質素，環境開揚及舒適。早幾日我就同家姐去左PopCorn CPK,當然好開心la,可以享受下午茶，亦都好耐無同家姐食野，親姊妹👭都要增進感情ga😆我地order左脆香雞肉沙律set🥗,carbonara set🍝其實份量都多ga,不過慢慢食慢慢食，食下食下就食哂lu,非常滿足🍽

週末出外用膳都比較難找位置因此決定避過早午餐時段 較晏的時候才出去想不到週末也有下午茶套餐而且款式還有不少選擇 價錢合理下午茶套餐包餐飲一杯連lemonade 都有試左杯熱情果味其中蕃茄醬燴雞肉扁意大利粉份量比平常少 不過味道配料沒有偷工減料蕃茄味濃縮 微酸 開胃雞肉略嫌有點鞋 不過健康另外 想吃點健康菜色便點了半份沙律 款式很多 而以下幾款是重點推薦半份摩洛哥風味雞肉沙律配料豐富 而且份量亦不少 絕對適合兩人分享當中棗和紅莓粒 口感特別 為沙律帶來點甜味可惜當天可能人手不足地下較為污糟 有意大利粉碎而且上菜時間都比較耐有點失望