California Pizza Kitchen (已結業)

星期五中午原本打算試新餐廳，因為人多最後決定到這家主打美洲菜的連鎖餐廳。我們也是第一次坐外面，環境其實也挺舒服的，很適合一班人聊天。午餐有前菜、主食及餐飲，我選擇了廚師精選沙律及蒜香忌廉汁雞肉闊麵。沙律並沒有很好吃，但墨西哥玉米湯及青豆薏仁湯卻不是很對每個人的口味，因為這兩款湯都比較濃稠。闊麵配合忌廉汁的味道很容易入口，雞肉煮得略嫌有點過熟，想增加味道的話可以請服務員另放芝士碎及墨西哥辣椒醬。對喜歡喝可樂的朋友來說，這家餐廳是一個很好的選擇，因為餐飲的可樂是可以無限添飲，在炎炎夏日不妨享受一頓配有冰凍可樂的美洲菜，也是一件賞心樂事。

又到午飯時間，坐得舒服，食物質素穩定。供應的午餐系列到三点正，一於同Honey嘆返吓。午市套餐價錢合理，服務滿意，所以經常幫襯。飲品有得添飲，沙律或湯可選，略嫌湯咸了一些，意粉好味道。感到十分滿足

同朋友食pre birthday dinner, 因為朋友好鬼中意食pizza，但又唔想只係食pizza hut果d咁普通，所以就揀左呢間食，起碼d pizza 特別d。叫左呢個Milan薄餅，配料有意式肉腸，香炒磨姑同洋蔥，當中用左3種芝士烤。有蒙特利芝士，莫沙華那芝士同柏爾瑪芝士，所以食落都幾重芝士味，pizza面再加左少少香草。係呢間餐廳既著名及經典之選。叫左幾個香草野菌忌廉湯，呢個湯一碗可以分俾2個人，所以其實唔需要一人一碗，2人share一碗就ok，味道唔錯，好香野菌味，湯都幾濃厚，唔會似溝水。呢個係baby rip，個份量都好大份，我地7個個人每人可以分到2舊，同埋佢係新推介，menu上面都仲未有呢個菜色，肉身好軟一d都唔靭，尤其係個汁味道好特別，值得推介。蒜香忌廉汁闊面，口感好好，啲蝦好新鮮，啲面好彈牙，個汁好惹味，但可以試下其他款式。烤蝦凱薩沙律，佢地d蝦真係好彈感，沙律菜好新鮮。呢個都值得推介。

California Pizza Kitchen星期六日下午茶做到5:30。今日收早便來食個下午茶下午茶價錢吾貴，但款式較少，而且很少會換菜式如果有岩食既就抵食，吾岩食就平都無用番茄燴雞肉扁意粉扁意粉煙韌有咬口的醬料應該有加入芝士，酸甜茄味滲出濃濃芝香雞肉雖然細細舊 但份量都ok 值得再食～

相約一班摯友放工 開心Gathering是常識吧。 早前好友帶靚太到 California Pizza Kitchen 品嚐特色加洲菜。 早前好友帶靚太到 California Pizza Kitchen 黃埔全新概念店(CPK)品嚐特色加洲菜。 餐廳，不，應該用food court 去形容或許更貼切 地方極盡寬敞，空間感十足。 店舖裝潢雅致。 店內採取時尚的開放式廚房 與其他披薩店不同， 令食客能清楚可見 廚師的巧手烹調， 打破食客與廚師的隔膜， 更富有親切感。 頭盤，【牛油果蛋卷】 靚太有迷戀牛油果的僻好。 營養高，同時能滋養護膚。 外層鬆化香脆的雲吞皮， 比春卷皮層次感更豐富， 近似酥皮但更脆口。 內層包裹了雞肉，煙肉， 并以半融化的芝士融為一體。 配襯上秘製農村沙律醬及香草沙律醬， 一口咬下去，外香脆內鬆軟 令人不禁想食多幾件。 【烤鴨胸沙律】 鴨胸肉質嫩滑，完全不覺油膩。 田園雜菜配襯有 洋蔥絲、芹菜、青瓜、毛豆等配料。 靚太最愛它的秘製梅子汁， 酸酸甜甜的，開胃醒胃， 而且十分健康。 餐廳名叫Pizza Kitchen 當然一定要點皇牌Piz

嗰日去Popocorn玩聖誕主題嘅活動，冇乜特別search過將軍澳有咩好野食，經過見到California Pizza Kitchen冇人(原來係啲人坐曬喺入面)就入左去喇~我地坐近窗邊，環境燈光微暗，其實都幾好feel，尤其見住隔離枱一對夫妻邊飲紅酒邊傾計，感覺輕鬆愉快😗。嗌左一個二人dinner set，上菜速度還好，最意想不到嘅係個前菜出乎意料地好食😛落單前睇菜名 --熱情果xx蛋卷，因為自己本身唔鐘意食熱情果，覺得一定唔好食🙈但係配埋沙律醬/千島醬，味道好rich👍🏿主菜反而一般，去到邊都食carbonara嘅我當然嗌左個carbonara la🤔不過賣相唔靚不特止，望落好乾，食落真係仲乾，煙肉好硬好難咬，最敗筆嘅位係竟然用青豆配carbonara👎🏿太差👎🏿👎🏿👎🏿另外一個主菜當然係pizza la(因為事隔個幾月，真係唔記得叫咩名喇)，點左厚pizza，但都比較薄身同乾，味道辣辣地幾得意，但因為太乾，最尾真係食唔落😕總括而言，一個字已經可以形容啲食物 -- 乾！好難入口，呢個價錢可以去幫襯其他西餐廳😵🤔

今日同家姐嘅幾個朋友嚟到將軍澳嘅POP CORN，正值晚飯時段，我哋就分頭逐間餐廳拎飛，邊間快就食邊間，結果就係登登登登，CALIFORNIA PIZZA。超肚餓嘅我哋叫咗黑松露湯，前菜就係墨西哥風味雞肉烤餅，而主食就叫咗秘製鮮蘑菇、辣肉腸、肉腸薄餅、生菜包同埋蒜香忌廉汁雞肉闊麵。個人而言，今餐我最鍾意個黑松露湯，松露味十足，而且blend得均勻香滑，一飲就知係自家製絕對對得起個價錢，對比起某d餐廳比七八十蚊但serve罐頭湯真係相當有誠意!墨西哥風味雞肉烤餅整體不錯，雞肉想辣，份量一份作為前菜的話唔多唔少剛剛好，如果個皮可以脆身小小就更加好。秘製鮮蘑菇、辣肉腸、肉腸薄餅，值得一提嘅係鋪喺pizza面嘅辣肉腸，辣得過癮，風味十足，不過唔食得辣嘅朋友就最好唔好叫啦。而最後嘅生菜包同蒜香忌廉汁雞肉闊麵都係一般。生菜包就真係普通嘅生菜包，雖然配上嘅醬汁幾特別，但都帶唔倒佢走出平庸。而蒜香忌廉汁雞肉闊麵，冇蒜味，忌廉汁亦冇乜，乾身到不得了。下次再有機會嚟都係會叫返湯類同薄餅類比較穩陣。

今晚於1757落 order 外賣4-5人餐, 落單時通知1900-1915送到, 到1917 還未到我打電話問, 男同事 check 完話已出車, 10分鐘內到, 等到1938未到我再打電話, 那男同事話找找司機睇下去到邊再打返比我, 當然等左10分鐘都冇打比我, 我又再打去, 今次我唔收線, 叫佢用另一個電話找司機, 最終1959才送到.落單至送到家足足用了2個鐘, 遲唔緊要, 但點解1917時仲要講大話, 話10分鐘到, 而事實跟本仍未出車, 好可惡的處理, 好失望的一次外賣經歷, 絕對不會有下一次!!!

California Kitchen Pizza係我間食堂，真係好鍾意食。好味，又大大碟。每次必食凱薩沙律，兩人都食全份，$120，酸酸哋，芝士片又match😋！大愛！今日試新產品-牛油果蛋卷，附兩款醬，白色奶油&粉橙色少辣千島，個人認為白色醬match啲，其實唔點醬都已經好好食，因為本身卷入面已經有醬，唯一不足係牛油果味唔出，可能本身入面嘅醬已經太搶，建議牛油果加多少少。再來雞肉菠菜麵，我天真哋以為係菠菜+麵，原來係菠菜做嘅綠色麵😂，不過都幾好食，摡埋青檸汁上面，好漏嘅cream麵即刻fresh晒，麵連紫洋蔥&紅黃椒一齊食，好有去咗泰國嘅feel。一如既往，無令我失望👍。

黎到將軍澳中心捉精靈捉攰了捉餓了，原本是想去食simply lxxx, 不過太多太多人排隊了，為了盡快食完盡快繼續我們此行的目的--捉更多的精靈，我們上了一層來到CPK食lunch。 來到餐廳，客人得廖廖幾枱。食飯時間竟然人不多？唔通唔好食？既然已入左黎，今日就黎試試啦！打開餐牌，選擇不算多，主要食意粉。想食risotto，不過無這個選擇。算啦，今餐就食意粉沙律啦~ 爽快的點了一個雞肉昆布菜脯幼意大利粉$106講明要走辣，點知上枱時看見整碟鋪滿紅紅的碎辣椒，雖然賣相好吸引，不過有朋友不能吃辣，只好要餐廳換過。再上枱時不是走辣，是走味了！好像滾水燙過意粉再加上燙過的菜和肉，完全沒味道。見廚房已經為我們這碟唔辣的煮過一次，就算了。墨西哥特色雞肉菠菜闊麵$112這碟好吃多了！起碼不會淡茂茂。味道濃郁雞肉算多吃起來頗有口感！吃多幾啖有少少油膩感不過還可接受。摩洛哥風味雞肉沙律(半份) 這碟大推介。雖說半份，份量卻不少！一上桌色彩繽紛十分吸引！材料十足，不會只有生菜，有大量的牛油果和南瓜，絕不寡口。材料新鮮豐富，我們一下子食光。yummy yummy! 雖然有一碟走辣的意粉味道不佳，不過侍應們的

來到已兩點幾, 特意等到3點入場食下午茶,Tea menu好抵食, 每份都係大約$60, 冇用餐時間限制,我地只係兩人但waiter居然安排一張家庭size的sofa位比我地,坐得好舒服, 又可以遠望窗景, 好relax…我地叫左兩份下午茶, 淨係睇賣相都好吸引, 一上菜已經聞到好香,煙燻火腿芝士脆餅個餅即焗好脆, 芝士味濃, 好好食,蕃茄雞肉偏意粉意粉軟硬度剛剛好, 好夠熱, 蕃茄醬酸酸甜甜, 好開胃,雞肉新鮮, 冇雪藏味,餐飲仲可以無限refill, 真係幾抵,整體來說都very good

一向喜歡來California Pizza Kitchen吃晚飯或下午茶，喜歡它的食物款式多且味道濃，喜歡它下午茶抵食。然而最近的食物質素似乎有點下降了。上次和今次吃的奶油蕃茄醬螺絲粉，螺絲粉都硬得不行，似乎只是稍微煮了一會就放上碟給客人了另外，提醒一下喜愛清淡的人，最好不要點沙律以外的食物，因為California的食物味道很重，我每次用餐後喉嚨總是乾乾的，得狠狠灌一大瓶水。（P.S.強烈推薦墨西哥烤餅）

7月1號回歸既關係 有三日假期緊係同屋企人有個飯局啦樓下有間餐廳次次都好多人排隊就襯住假期去試下啦...黎到等左30分鐘左右 終於有位喇前菜 我地點左 墨西哥薄脆 同 沙律本身個 墨西哥薄脆係冇味既 但係有醬點個醬辣辣地 點埋薄脆一齊食又幾野味喎而個沙律 有一啲 咸芝士碎 同 脆多士撈埋一齊食好有口感 好味道好喇！到主菜喇 我地點左 意大利雲吞闊條麵 同 薄餅闊條麵係好入味 加埋 意大利雲吞 可以值得一試而薄餅佢係即叫即整 材料好足 亦都好野味黎到不防叫一個試試另外一提 佢地既 凍檸茶 係可以任添既岩晒凍檸茶之友

好耐冇食CPK, 仲記得以前LCX的CPK,十分鍾意個海景和餐廳， 今日係TKO又去食下。三人order左三個lunch set, 有湯，餐茶和main, 正常價格，$58 至$70 一個set，分量for 女仔就啱啱好。Hawaiian BBQ Chicken pizza細size, 有燒雞，菠蘿好juicy，pizza餅又crispy, 加onion,好味！Spaghetti carbonara 好creamy, bacon又脆，個意粉係al denta, 加D青豆，正！好鍾意食下D齋意粉，呢個Tomato basil spaghettini就係啦！蕃茄汁感覺好fresh，配幼意大利粉就真正食到chef嘅功力！湯就揀左個Dakota smashed pea & barley soup, 好rich，I like 薏米蓉，好啱夏天！

今晚同屋企人一家大細黎食晚餐～好在一早訂好枱～雖然閒日，但我坐低無幾耐已經爆晒枱要等位眼見好多外國人黎，大約佔3-4份1，應該真係幾有外國味道先做到今次order左一個4人餐，再加多個湯同意粉～5大兩小都食到好滿足好飽<<Ps：餐包4杯汽水/檸檬茶都無限refill >>頭盤選擇左墨西哥粟米片，兩款醬都好味，但略嫌不夠，因為片多醬少餐冇湯，另叫的，今次選擇了野菌湯～入口完全唔覺有忌廉咁濟～因為好濃好濃既菌，感覺係一堆打溶左既菌喺口沙律揀左凱撒沙律，冇特別，但啲芝士好香，讚 蒜蓉白汁雞肉寬條麵～好香好creamy 既醬汁，share最好～否則好「漏」這是另加的意粉，墨西哥雞肉菠菜寬條麵～因為好好味，所以每次黎都會叫菠菜麵上有淡淡既青檸香～好開胃，會想追住食美式芝士蘑菇雲吞，我個人好like但屋企人覺得一般般～可能老人家唔太愛咁濃芝士味～ps: 一定要趁熱食～凍左會少少乾，同埋冇咁香芝士味最後..pizza 揀左夏威夷pizza～佢地用barbecue source～～襯埋落去好特別～絕對要試總結：價錢味道正比，服務亦不錯～朋友聚會/生日節日飯局都可以一試