can‧teen

营业中

休息中

到樓上開會後，下來巳經是晚上七點半，許久沒幫趁過Can-teen，便光顧。這兒大抵是重新裝修過，門口放置數個花籃。是因為地面開設了新的連鎖食店群（大家樂、意粉屋、肯得基），而自我增值！？貪便宜，點了個湯麵餐（$24），選了「魚肉春卷冬菇肉碎湯米粉」配「熱檸檬茶」。那魚肉春卷係正常貨色，份量亦巨，唯那冬菇肉碎很油膩，把整碗米粉變得油油的，矚目驚心！大概會再來這兒吃，但絕對唔會再點這個油油的「冬菇肉碎」！

金鐘中環有好幾間canteen，每間的燒味頗有信心保證，幾乎好少失手。我例必食叉燒飯，因為叉燒甘香蜜味，就算是瘦叉，肉質依然鬆化，飯又夠硬身，粒粒爽口。同事一改以往要的燒鴨米，轉食日式叉燒寬兒麵，這就出事了。雖然賣相唔錯，但叉燒似腩肉，肥膏甚多，所謂的寬兒麵，不少日式拉麵，又不是烏冬或稻亭烏冬，不如說是上海麵，麵身是腍腍的。同事也認為下次食回燒味較安全。

過咗十一點落到去無早餐食,又很肚餓,見上面的牌有海南雞飯,於是問有無海南雞飯食,答話有,於是叫嚟食,點知............油飯好似未熟,有生米的感覺,食咗一半唔食.湯不熱,雞很油,雖然都有好幾舊肉,但是感覺很肥膩.下次都係唔好咁早食海南雞飯.

海富既大家樂同大快活執左,焗住食e間canteen食左1個月先發覺佢從來都唔轉餐牌，只有大約10零樣野輪住出，食物難食唔在講，連燒味都可以整得好差，你會發覺所有燒味都係凍內整。canteen個system又低能，如果你買兩份餐，你要分兩次餐，兩次俾錢！又試過有1日，堂食居然賣6樣野有5樣係雞！canteen既價錢比一般快餐廳貴30%但係食物質素同服務又比一般快餐廳低30%美心既管理真係好有問題！海富地下好快有新餐廳，以後都唔幫襯美心！

下午來到金鐘，本想吃麥記作午餐。但女友去廁所經過見到這裡，便放棄漢堡，走來嘗一嘗。這裡彷如東涌東匯城的收費方式，先取食物，再去付款。捧著車仔麵又要放下來，拿銀包付款實在十分的不方便。叫了一客車仔麵(油麵)，料有醬爆丸，豬皮和蘿蔔。油麵還尚算可以，湯料卻淡淡的，醬爆丸不醬爆，只是丸中有料而已，豬皮咬上口不是太爽身，蘿蔔也切得大少不一。凍奶茶算是比較好，沒有特別挑剔的地方。在金鐘可試到車仔麵是不錯的，但試一次已足夠了。

近日趕tender，忙到儍！到樓上見完客，立刻要趕返公司作視像會議。Cant-teen 的午餐盒（$35）係好方便的健康選擇。價錢略貴，但便利好味，便扯平了。每個午餐盒，包約一份半的「烤雞麥包三文治」、一個三色水果盤（西瓜、蜜瓜、哈蜜瓜）。講真果句，份量係好足夠，點都好過去食油膩的碟頭飯。絕對會再吃。

今天下午有事要到海富中心, 由於已過了午飯時間, 肚子已很餓, 往地鐵站途中看見這間canteen, 感覺也不錯, 於是便決定到這兒醫肚, 誰知卻下了一個極錯誤的決定!!!看回之前的comment, 有一些都幾好, 但似乎都是集中在燒味飯, 我不是order燒味飯, 那就作了一個極錯誤的決定了!!!!!!!!!!!我要的是海鮮喇沙之類, 原本是期望有喇沙的湯底, 誰知給我吃的, 卻只是一碗極之極之普通的湯河, 還要沒有味道, 淡到阿媽都唔認得!!! 什麼海鮮也只是得幾隻蝦, 數塊札肉, 嘩!!!!!!!! 有無搵笨d呀??? 收我40元, 卻只是俾這些質素的食物我吃!!!!!!!!!!!!! 吃完後, 真是怒火從心生, 花了我四十元, 但提供給我的, 卻只是十多元的貨色!!!!!!!! 真係整天也為花了四十元卻吃了一個不好吃的午飯而不開心!!!!!!!!!!!!!!!!!

整個下午到位於樓上的客戶on-site 做野。下午五點鐘在這兒吃了個sandwich 餐，係鹹牛肉蛋三文治，配熱奶茶（$18）。味道唔錯，果係美心集團的出品。晚上八點三在這兒吃了份碟頭飯晚餐，係粟米魚柳飯，配熱奶茶（$33）。味道都幾好，但係當店員係你面前把那砵粟米魚柳放入微波爐翻熱，那一刻，總有點想法，有回家吃父母留給我的晚餐的感覺！服務幾好！食完‘拿拿淋’返上去繼續趕工至深夜一點半！

一條友搵食，突然想起金鐘Pacific Place既美食廣場有間幾好味的Burger。怎料美食廣場而關閉，失望而回。失望歸失望，也要找個地方醫肚。一條友，無理由食Pacific Place的貴價餐廳，於是轉去海富搵食。與其去大乜乜大物物，倒不如走上Can-teen食。要個切雞飯加杯可樂，$31，快餐店價。份量都唔少，好多件雞，幾有雞味，雞皮當然正。用薑蔥撈飯，幾滋味。舖面有幾條豆角，好淋，是有烚過的，不會像快餐店般的馬虎。雖然唔係話好好食，但平平地，坐得又舒服，點都好過去食快餐啦！

最後的添馬艦嘉年華，從前不會去的，今年也要來來感受氣氛，要在金鐘找點平價餐廳也不易，畢竟中學時代也是金鐘地膽。花旗銀行大廈箇間can‧teen素來都啎錯；海富這間也試過一、兩次，也沒有差池，所以今次揀了這裡。對上一次來已經數年前，因其不做晚市，只能點下午茶餐，要了一客餃子及雞絲炒河。炒河即叫即做，不過鹽沒有撈勻，點鹹點淡，一個很大的敗筆。餃子想不到$15也得三隻，也算了！完全不習慣蘸浙醋食，白醋也可、豉油也可，但紅醋就太過重酸味。臨打烊沒有甚麼可賣，選擇十分之少。

金鐘食飯真係幾貴.. 好在仲有can-teen..其實都唔算太平. $26個燒味飯...冇野飲.算係咁啦...搵位都唔算太難.

到樓上睇醫生前，到這兒吃早餐。週六早上九點三，約三成客，跟weekdays 相比，完全係另一番景象！一半客人係國內自由行，亦有數名外籍遊客，進行著有關前往ocean park 討論。點了客炒蛋早餐，盛惠$20。見員工努力地用電磁爐密密炒，等了約三數分鐘。早餐有：餐包（猶如飛機餐供應的袋裝），磨菇雞肉炒蛋（磨菇好大片幾厚仲幾滑、雞肉和蛋都好滑），兩個炸迷你薯餅（好香脆，但幾油膩）、熱鴛鴦（好味）份量唔少，味道唔差，價錢唔算貴，絕對有下次。另：點餐其間，國內同胞「搶、擠、迫、推、吵鬧不休」地落order，相當擾民！

一向對Can.teen印象都幾好...試過幾次d燒味飯幾好食. 而且, 呢間Can.teen外賣好快手, lunch買外賣慳好多時間~昨日, 叫了一個焗腸仔肉醬意粉. 一打開, 都無乜野...點知食黎食去, 都只係見到幾粒腸仔. 應該唔夠1/3條腸...最重要係, 個肉醬好酸, 一d都唔好食. 因為肚餓, 都食左一大半. 但係食完, 總覺得自己食左d唔好食0既野落肚~下次, 都係買返燒味飯穩陣d~

玩完海洋公園，乘公車回到這兒，便上來這兒吃個下午茶。傍晚五點三，八成滿，好旺場啊。我點了「鹹牛肉雞蛋三文治凍鴛鴦（$21）。鹹牛蛋煎得唔油膩，唔錯。凍鴛鴦少奶亦唔太甜。這兒凍飲加四蚊，唯偏細杯，所以算貴。女友點了「豬柳包」配豆漿（$17）。兩片豬柳夠軟滑，汁料是芥黃色，略帶酸甜，相當醒胃，包是軟身牛油法包，唔會「界」口。雖然做唔出地道的葡式豬扒包，索性創造Canteen 自己特色的豬柳包，相當有自知之名，抵讚！呢份茶餐，質素遠遠超超今早的大家樂早餐！有職員笑容滿臉的把食物送到你跟前，讚。

11-9-2005 1712去H-Tea-O Tea Salon 食個貴夾唔飽既午餐，點有心機上堂呢？趁大休時近近地黎呢度整番碗車仔麵，裡面有豬皮、貢丸及豆卜，份量係茶餐來講都已經唔少，加埋自取既辣椒油、辣椒醬，及凍咖啡，咁就真係飽曬！