Castle Cafe (已結業)

今日難得老細有事，跟住有得放早，就緊係同同事去間環境唔錯又坐得耐嘅地方食下野喇，所以我地一放工就係公司附近周圍搵下有咩地方可以落腳，之後行左無幾耐，就見到呢間餐廳裝修比較靚，同事都好似幾有興趣，所以就決定試下呢間野，一入到去店員好貼心咁帶我地入坐，仲好耐心咁為我地餐廳嘅食物。德國黑椒蜜糖豬手平時都比較少係午餐食豬手，一黎比較麻煩，二黎怕整污污糟自己件衫。但餐廳呢個豬手配薯條真係好貼心，因為餐廳為令食客食豬手更加方便，餐廳為客人將豬手起肉配以少量再沙律和主食(飯，意粉或薯條)。單從份量來說，碟內裡的豬手份量唔少，認真夠晒抵食架。而且豬手入口唔會乾水之餘又夠熱，所以一啲都唔馬虎架。唯一有點美中不足的是薯條就可能因為不是即炸的，有點涼了，但入口時依然係脆身的。芝士燒牛肉牛角包配雜果薯仔沙律牛角包內裡非常香脆，雖然經其他處理但仍無失去本身嘅口感，另外餐廳真係用左足料嘅芝士去整呢個芝士燒牛肉牛角包，因為啲芝士真係多到漏左出黎架。另外牛肉入口唔會太薄，亦唔整得好粗糙。不過成個芝士燒牛肉牛角包每樣食材都配合得好好，芝士嘅香濃配上牛肉和香脆嘅牛角包真係非常香口。除此之外，見到芝士漏出黎個感覺都真係幾吸

2:30下午茶餐。。我同男友叫咗個菠蘿呑拿魚沙律飛碟餐&奶油豬炒蛋羅宋湯螺絲粉~~首先要講下。。個飛碟D菠蘿有D "叔"味！D螺絲又太淋。。應該—早整好晒！等餐時間。。重有好多食客投訴。。等得耐。。落錯單。。明明落意粉落飯！西多士變熱狗。。等唔係問题。。最衰連食都唔好食！

平時lunch時間行過見到好多人食, 裡面爆晒出面有人排隊. 今日可以提早食飯, 見唔駛等, 一於試人.南瓜忌兼湯 豐富南瓜蓉及忌廉香，味道不錯，如果有個面包可以點湯食就好了意粉有點硬，但忌廉汁味不夠且太水太稀，使意粉掛汁度低，變得意粉淡而無味 ，雞皮好咸雞肉無味而且肉鞋 凍檸檬茶味甜度都偏淡 埋單$42+2凍飲 如果有機會, 或者會試下食其他野, 但要排要等就的話就免了.

同事話之前經過呢間餐廳好多人係出面等，咁我地就諗住一試啦，一入去間餐廳既環境同裝修都幾好，我地被安排左坐梳化位，睇餐牌既時候都感覺良好，每個餐都大約$50有湯，主菜，餐飲個湯一黎就係惡夢既開始，話係蕃茄雜菜湯，但根本就係茄膏加水...飲左幾啖就放底，除左咸完全無其他味到最後竟然係會水同湯分層，好耐無見過咁既湯。。。之後主菜我叫左牛扒螺絲粉，螺絲粉係完全無味，你可以自行加佢提供傑到好似膏既黑椒汁，牛扒係熟到爭d切唔開，又咸又鞋。。。食左一半決定唔可以再咁對自己個胃正當我食完之後，我既同事仲未有野食，佢地叫海南雞飯，我地見住一盒盒既外賣放住海南雞，而我地台台都不停吹，但堂食都無無人理，最終等左45分鐘終於黎，但全部都係頭頭尾尾。。得幾舊骨，仲可怕過我個牛扒。。。我好小食完一間餐廳過左一日無相都堅持寫食評，就係希望唔好有下一個受害者

成日有機會經過呢間餐廳，今日終於有機會入黎試試。呢度既環境都唔錯，以淺藍色為主調，周圍都有掛畫襯托，幾休閒既感覺。我點左麥糖芥末燒焗牛柳粒飯，大約十分鐘就黎到喇。呢個飯個味道好奇怪　個汁無乜芥末味，得個甜字，再襯落個飯度，完全唔夾；D 牛柳應該腌得太耐，好重味。最後個飯只係食左一半，下次唔會再黎

小妹雖則未至於上山下海，但都叫做食過唔少嘢。而今次呢間嘢，真係要容許小編唔客氣地直接講呢間嘢係「中伏之最」！喺度真係要好好同大家分享下個日嘅經歷。小妹連同四位朋友食飯。到鋪頭門口，見到間鋪門面係有花過吓心思去整，窄身嘅門口再加三塊長身玻璃做窗口可以睇到入面啲人食嘢，真係有幾分歐陸嘅style。香港地呢啲嘢好吃香，唔怪得之可以大排長龍。入到去，頭頂有吊燈，牆身掛咗兩三幅畫，裝修同餐枱亦似模似樣，除咗話間鋪細咗啲難啲出入外，基本上都環境係真係冇嘢挑剔嘅。跟住望個menu，幾詳細，菜式有齊中英文名，去到呢個位，眾人仍然都係感覺良好嘅。好啦，戲肉嚟啦。大家期待已久嘅嘢食終於登場。先講個香脆雞翼泰式冬蔭功金邊粉，我哋係叫咗兩碗嘅，而竟然兩碗嘢個湯底係完全唔同味：一碗係又苦又酸，湯底杰得嚟但味道偏淡，而另一碗就唔知點解勁多辣椒油，搞到成碗嘢感覺油淋淋。而無論係邊碗都好，都冇冬蔭功應有嘅辣味，金邊粉亦浸到淋哂，一啲都冇咬口。仲有隻炸雞翼先係敗筆重點，炸雞翼上菜個陣竟然浸喺碗湯入面，食落口完全係皮肉分離，叫人點食落口？而隻雞翼叫俾吓面咬一啖，老實講唔知點勁醃先醃到咁鹹，鹹到條脷痺一痺，甘拜下風。跟住到