Castle Cafe (已結業)

公司就係荔枝角喺附近，經常都見到呢一間藍色嘅小屋，裏面有好多特色嘅嘢食，以西式為主。我貪佢格局夠舒服，同可以坐得耐，又有大枱同Sofa，所以同同事食飯都會揀呢度。每日通常有午餐精選，去到下午茶時間就會減＄10，呢度嘅職員仲好誠實，會話俾我聽今日邊樣特別好食，邊樣唔好揀。因為今日星期五，我哋就叫咗個鰻魚大碗飯紅香煎豬扒配黑椒汁。佢哋嘅餸菜出名夠晒大份，我同同事都要分啲嚟食先食得晒！剩係見過鰻魚飯條鰻魚大過晒成碟飯，配上好香嘅鰻魚汁在喺面頭擺上紫菜條，旁邊仲有一些雜菜和紫薑做陪襯，夠晒風味！以咁嘅價格，同有咁嘅質素已經係贏晒成條街。仲有個香煎豬扒黑椒汁，真係即叫即煎即整，嚟到嘅時候熱辣辣，配埋白飯自己鍾意可以調校汁既多少，佢都比較厚身，而且好多汁，肉汁好豐富呢！另外我哋叫咗兩壺花果茶系列，我哋兩個都鍾意飲熱飲，平時佢哋有熱情果、荔枝、芒果同埋蜜桃。款款都好Fruity，清新撲鼻，味道不錯。

今早我們在公司叫的早餐：$21 的牛角包🥐碎蛋/吞拿魚早餐味道可以，但份量少的可憐，食左等於無食。$27 的 3.6鮮奶煙肉炒滑蛋，味道一般，煙肉基本找不到，蛋一點也不滑。

下午茶時段我叫左煙三文魚出前一丁。連出前一丁都可以煮得難食，係奇芭！味精湯可以無味，即食麵仲係硬。同埋我肯定佢唔係用出前一丁。D煙三文魚我唔多提喇。我當我無食過嘢啦。😩

Lunch經過試食一下，叫左個香茅豬頸肉炒金邊粉，餐湯係金寶蕃茄雜菜湯，豬頸肉又乾又硬又無味，金邊粉係橙色唔熱凍結到一餅餅，炒得唔暈又淨係得酸味，成件事錯晒。價錢唔算貴但咁既質素絕對唔值48蚊。

今朝早餐份煙三文魚碎蛋沙律麥包....只係食到生菜同蕃茄嘅味,因為主要果兩樣嘅都係"唔覺食左"....,果一片三文魚完全要考眼力先至搵到出黎...好薄好細片,得八達通一半多DDD,重要薄到透明咁滯,衰過7仔同OK!其實對上一次大約一個月前下午4點幾成5點嘅時間都叫過呢款三文治,三文魚又係超細塊,碎蛋都係得好少,重以為我太晏order,所以係咁上下,今次朝早再叫黎食,點知....原來佢係保持水準嘅!!

星期六下午路過見想食少少野，有D見裝修同座位Ok 而入座，點左個西蘭花焗薯配凱撒沙律，餐飲加$4要紅豆杯。先到的飲品見奶色，都心諗唔多好飲，點知真係成杯奶味凍飲，溝左D紅豆咁....只好期望有正常的食物就算，都差唔多等左15分鐘，見到的分量唔多都算，沙律的菜係雪櫃拎出來的，真係未試過去餐廳裡食冰凍的菜....等左咁耐的焗薯都唔係咁令人開胃，竟然原棵西蘭花鋪上薯仔加芝士入焗爐焗....芝士仲要少得可憐，間野質數仲衰過一般茶記，咁簡單的食物都可以做到咁差，唔識煮的仲學人打開門做Cafe?

十二點半、兩點後....減十蚊的小店出現啦🤗🤗同行既友人係素食主意🥒🥕🌽我又進入備戰中要食雞肉🐔🐔睇完餐牌後便可以進入....超好味，有水準，荔枝角新發現。芥味蜜糖醬內多款味道，甜而不漏。煎雞扒採用來少油，不熱氣...雞肉嫩滑😋😋。忌廉湯少鹽少油好清新....無醬既焗薯，不濕不乾的薯肉，配而芝士西蘭花....帶出薯仔原有味道，還有伴菜的日式沙拉，絕不馬虎。

下午去食泰式海南雞飯。個餐$50。個飯加湯再加杯熱奶茶好抵食。個飯金黃色。雞肉鮮嫩。附有泰式醬汁。個醬汁有薑蓉、甜酸汁及甜豉油。點雞肉送飯就好正。個飯帶點油。個白湯唔足料。但都算好飲。

點咗個海南雞飯。等咗幾分鐘就有得食。個雞飯好精緻。泰式海南雞飯個醬汁好齊。有薑蓉、豉汁及甜酸汁。個雞肉好鮮嫩。加上個飯造到金黃色。食落好開胃。個價錢好公道。間餐廳好細但好乾淨。

黎到見到castle cafe門面都唔錯，就入左黎食下。個餐牌都幾靚仔。睇晒成個餐牌都係覺得焗薯似最吸引。但係就發現自己傻仔左，叫左兩個沙律 碎蛋沙律再加雜果薯仔沙律講番個焗薯，其實薯同蛋沙律分開咁睇都幾好味，但一個冰凍一個熱辣辣，食落口有少少違和感，要慢慢食 雜果沙律有蘋果，薯仔，水蜜桃。呢個幾岩我心水，三扒兩撥就食晒。結果我食剩左半舊焗薯，太濟，怪自己叫得衰 杯檸茶不過不失，ok的。不過都唔覺得特別好食。同行朋友既海藍雞飯就有少少乾，如果黎可以食第樣~

日日lunch time 都係想take 個 break 姐!!! 見佢地既裝修同環境確實唔錯, 而且係淺藍色為主, 比人度假悠閒feel~~ 咁就試試la!!!佢地都係西餐為主, 有lunch set 同沙律焗薯餐果d, 都幾吸引ge~ 今次叫左個焗意粉,lunch set 係包餐湯同飲品around $50, 價錢就中規中矩la......焗意粉個賣相都ok ge, 但味道就淡左d, 而且比較乾, 如果多d汁就好la!!! 

lunch第一次過黎食野，叫左個carbonara 意粉同埋南瓜忌廉湯。個湯一般般，無乜味，但係都還好既。未至於飲唔晒。不過侍應送到過黎之前已經係個托盤度倒瀉晒，我呢碗就小事。但我朋友果碗就成個碗都污做晒了。如果可以小心啲就好，或者起碼比番幾張紙巾我地整番乾淨d野。個四重芝士carbonara就真係失望既，黎到其實只係普通焗白汁意粉，完全食唔出carbonara既cream或者奶味。佢仲要成個意粉都好乾，好少好少汁，要一路食一路飲野。見到餐牌有焗薯之類既餐，下次可以再黎試下，不過如果再係咁就算了

又到 lunch time, 要出去抖抖氣。見到街前有間小藍屋 好有格調咁 ，入去試下。 裝修都〇K。揀左特濃四式芝士焗煙肉通心粉 set lunch。個湯只有酸味個通心粉賣相都〇K 味道一般。$44 lunch 尚可，只係湯要好好改善。

面試完左，跟住左係見工嘅地方周圍行，本來諗住走，跟住突然見到呢間餐廳，見到水牌上面啲日本飛驒牛漢堡飯吸引左，所以就走左入去豪下。一入去可能因為我相對午飯時間早左小小，都唔洗點等都有位坐。 日本飛驒牛漢堡飯根據餐廳職員講呢個飯真係足料架，我有口福食喇，跟住一見個飯個心都覺得幾扺，大大塊日本飛驒牛漢堡再加多條司華力腸講緊都係50蚊，真係抵食，日本飛驒牛漢堡入口夠晒足料又重肉味，而且仲要俾足飯量。一個人食50蚊飯食到飽，真係都幾滿意，如果見工見成左絕對會再黎食下

我都係第1次食野差到要特登開account寫食評! 最初我見間cafe裝修幾舒服, menu 菜色同價錢ok 就幫襯下啦. 好喇坐低張臺未抹0既都算叫佢抹番. 落單時我order " 西班牙鴨胸法腸意粉" 同特飲 ( 問個阿姐是日特飲係乜, 佢er......完一輪問同事先知). 個雜菜湯黎左我先醒起個menu有得揀忌廉定雜菜湯woh....我問個waitor 可唔可以轉忌廉?因為頭先落單無叫我揀0既? 佢話因為忌廉湯賣晒所以無問你. (其實佢可以講聲話賣晒囉) 不過好少事都算.  個湯一飲似茄膏溝水, 又無乜雜菜. 到個檸檬水蜜桃特飲黎, 我直頭個心wa ! 一聲. 因為面0個塊檸檬邊係黑色一點點似發mo.  如果係面向底我當你睇唔到, 但係面成塊都可以比客, 佩服! 不過我都無投訴因為怕個意粉未黎會加料. 個意粉黎到勁呀! 得一塊細鴨胸, 其餘係廚師腸, 個汁係茄膏, 酸到盲都開眼, 又鹹到爆!!! 我勉強食左1/3頂唔順, 好想叫個廚師自己試下先! 到個waitor 收野, 我話塊檸檬0甘都比客? 佢話其實可以換過塊比你. 我話唔洗, 都飲完喇.  盛為$50! 呢間野真係終極差