Castle Cafe

营业中

休息中

午市套餐：黑椒蒜香薯仔牛柳粒飯 $48安排坐4人卡位，沙發卡位坐得舒服。餐湯我選紅羅宋湯，微辣但不錯。主菜黑椒牛柳粒飯，平時不能吃辣的我，也全部吃清光！初初吃時會有點不適應感覺辣，但吃著吃著又能接受，牛柳爽嫩、薯仔軟糯，不禁一口接一口。餐飲+$12 三青汁，青蘋果、青瓜、西芹混合打成的果汁，沒有額外添加糖，感覺田園清新，而且大大增加了飽肚感！

最近厌倦了大xx和m記的早餐，一直想找一家供應西式早餐的餐廳，前一晚做好資料搜集后選了這家來試。藍色的門面在荔枝角工廈一帶非常顯眼，早上八點十五分，餐廳已坐了不少在附近上班的打工一族。還有3張空桌，於是我挑了最里面的4人桌的沙發坐下。每張桌子上都有一份早餐餐牌，價格從19元到30元不等，豐儉由人。我點了份最貴的美式早餐，五分鐘就送到桌上，效率頗高。雞扒👍🏻，因為肉質嫩滑，而且雞皮很薄。栗米👍🏻，粒粒清甜多汁。煎蛋也不錯，雖然賣相不好，但也是流心蛋。多士👍🏻是燕麥麵包，暖暖的，不硬不𠝹口，夾埋煎蛋仲正。咖啡👍🏻是即磨的，易入口，亦够香滑。30蚊的早餐非常划算。

難得有個空閒既”Ruby Tuesday”🤣黎美孚附近行下街食個Break Tea的最好不過☺️適逢朋友介紹呢間野食幾吸引而且氣氛幾好🤣還掂近近地一於再搭鐵黎荔枝角Tea下啦☺️座落於荔枝角密集工廠區既城堡小餐館🏰喺荔枝角站B1出口經長沙灣道行過黎亦十分方便😆全藍既門面 全白既內在環境☺️以及歐陸式牆壁上既大鐘🕰喺充滿著工廈與汗水既密集工廠區🏭配合城堡內充滿著希臘小藍屋感覺☺️🇬🇷何謂天淵之別🙈為呢個繁忙石屎工廈區🏭帶點歐陸抒閒既環境與寧靜☺️🏙另外以抵食Lunch Set西餐既賣點😆再造出高質抵食既西餐料理😋每日多款午餐亦吸引到唔少上班族午市黎幫襯😆而且賣相一流顯得用心製作☺️👨🏻‍🍳Lunch Set美式蒜香燒汁雜扒配薯角大大份只係56蚊的確夠哂抵食🤩以雞牛豬司華力腸既雜扒款式亦相當豐富🤤🥩扒類既肉質夠滑嫩Juicy之餘🤤配上濃郁既蒜香燒汁亦係Perfect Match😋薯角炸得夠透啖啖薯肉亦係小肥至愛☺️忌廉蘑菇湯餐湯濃郁夠哂Creamy之餘😋而啖啖蘑菇片亦係口感滿滿Der🤤🥣凍咖啡雖然奶味稍為重🙊但走左甜飲落亦有帶出濃郁咖啡香😋

今日原本放半日假，諗住去荔枝角搵阿妹食午餐。去到佢比個驚喜我，話忙到已經買定麵包做午餐。唯有一人午餐。閒逛見到前面有間小藍屋，望個餐牌，咦？午市套餐係2pm後平$10，下午又放假，咁就等夠2pm啦！地方企理乾淨，可能已經過2pm，所以剛有空位,既然午市套餐先有得平$10蚊 ,揀個西冷扒餐（$52）先跟薯菜，跟餐有餐湯及飲品。叫蘑菇湯，飲品叫鮮榨果汁（跟餐加$10）火龍果汁。個餐都幾快送到。牛扒生熟當然係餐廳預設，冇得order幾成熟，上到枱已經全熟，但唔韌，都好易切，最緊要夠熱，伴碟薯角夠熱又脆。火龍果汁夠凍，最怕飲暖果汁，啱啱好，唔算太甜，補充一下纖維。如果以正價食都抵食嘅，起碼比快餐店多一碗湯，飲品種類又多少少。再搵阿妹食午餐又多間選擇。

要去荔枝角呢個多人嘅工廠區搵到好食又抵食餐廳，真係好難，如果想坐得舒服，再加少少裝飾嘅餐廳，價錢都要過$100 ，但竟然比我發現，公司對面嘅餐廳， CP值咁高！一點鐘時間剛剛好，餐廳門口已經有人等位，但係又好快有位，餐廳佈置非常之溫馨，淺藍色為主題門面，cafe嘅感覺，令你忘記陣間要返工！而且有特色嘅食物！我就揀咗個鰻魚飯，鰻魚嘅醬汁好足夠，唔會話好小氣嘅餐廳比好小醬汁你，鰻魚非常之肥美而且分量足夠，女士們怕肥唔想食咁多肉，鰻魚係一個好選擇！朋友叫咗個雞扒餐，啲扒煎得剛剛好，脆口嘅外皮配合嫩滑雞肉，真係估唔到咁正！其實佢仲有好多其他選擇，好似有健康嘅沙律、指定嘅套餐、三文治套餐， 絕對係沉悶工業區裏面的清泉！

今日工作原因經過荔枝角,見到呢一間藍色嘅小屋,呢邊有好多有特色嘅嘢食,另外我分外喜歡西餐。呢邊環境寬敞,坐得舒服。午餐精選非常簡潔,令人一目了然。1. 芝士忌廉雜菌三文魚意粉。首先三文魚我吃得出是挪威北歐的,比日本的三文魚成本價更高,而且沒有其他重金屬雜質, 肉味分外濃郁, 廚師煮得生熟度剛好。2. 南瓜忌廉湯。非常有南瓜味,其他一般西餐的不同。就是用心製造。3. 凍檸茶。他們沖得分外通透,令到我飲完非常醒神。綜合以上論點我非常喜愛這間餐廳。希望聖誕假期出過嚟食。😊滿意度: 9環境舒適度: 9食物喜愛程度: 9服務態度: 10

打工仔食個靚lunch好緊要，而我呢位全職 freelancer 對食飯都好有要求，話哂民以食為天嘛，醫好自己五臟廟先有力氣同腦汁去做野。近日差不多日日都要係荔枝角開會，每次都會經過青山道間Castle Cafe，餐廳門口設計好 fancy，糖果色粉藍大門，餐廳內設計簡潔，每日有不同套餐，價錢實惠。星期三我就食咗黑椒蒜香薯仔牛仔粒，餐湯係南瓜湯。我位partner就叫咗日式鰻魚粒炒飯，飲雜菜湯。送餐時間很快速，order完2，3分鐘內就會送上。味道算不錯，職員態度也ok，性價比都算高的。飲品方面，我哋兩個都好注重健康及養顏，我叫了最愛的香蕉汁，yeah ~間餐廳有我愛的生果，果然識貨。而我位partner就叫了奇異果汁，顏色雖然淺了一點，但奇異果味道都很重。

來到一間工業區的咖啡廳，外面裝潢充滿外國風格，最吸引我的是餐牌上的德國黑椒蜜糖豬手，馬上來外賣一客。套餐包湯或熱飲，我點了羅宋湯，入口有少許微辣，更加令人開胃。蜜糖豬手煮得非常入口，容易嘴嚼，配上黑椒汁，一口接一口，加上炸薯，這道菜式十分好吃。外賣價錢只是$48, 這個價錢與味道不成對比，就是很划算，值得推薦大家品嚐。

荔枝角俾我既感覺就係個工廠區~附近應該只有茶餐廳，粉面飯個d！但今日因爲要去附近拎野。。。先發現原來有間幾靚既cafe 望一望餐牌，價錢唔貴之餘但好多選擇意粉🍝，沙律🥗，飯，牛角包而d都有一一座低侍應就俾左碗餐湯我地。。紅蘿白薯仔粒！不過d湯就有小小酸我就唔太飲到但身邊友人就覺得唔錯！朋友仔叫左個意粉扒餐 份量好多完全夠飽好味喔海南雞飯，雞好滑咁岩佢地俾左雞翼位我好正可以點埋三款醬，我自己就最中意辣個個奇異果🥝飲品 好小舖頭有而d真係啖啖奇異果啊好飲

無驚無險又到一點.........又到放飯時間喇今天去到呢間位於荔枝角青山道的CASTLE CAFE食午飯，舖頭門口是粉藍色的，感覺好舒服。見到門口的午市套餐的餐牌最貴個餐都只是$60，又幾抵食。舖頭內的裝修以藍白色為主，再配上淺灰色磚牆，需然舖頭坐滿人客，但是也感覺好舒服。餐牌列出每日不同的午市套餐，也有其他平日套餐，任君選擇。我點了1號餐，澳洲烤嫩香草羊扒飯，配蘿宋湯及凍咖啡，盛惠$60。蘿宋湯都幾大碗，味道濃郁。羊扒飯的白飯份量剛剛好，口感適中，配上少少蔬菜又幾健康。羊扒好夠羊味，肉質幼嫩又好香口。點上香草汁更加好味凍咖啡大大杯，咖啡味夠奶夠滑。

今日同同事食lunch走過嚟呢一間餐廳叫做castle cafe .未到12點半已經人頭湧湧，接近滿座啦。我同朋友叫左美式燒汁雜扒飯，而我就叫左德國鹹豬手拼螺絲粉。等左唔夠3分鐘，先來一個羅宋湯同南瓜湯。南瓜湯做得好出色，南瓜蓉加上忌廉好配合，唔會有太油膩嘅感覺。主菜嚟啦～我同事果個份量非常大，有司華力腸、雞扒、牛扒。配上濃厚燒汁，非常滿足。牛扒同雞扒唔會煎太乾身，點汁剛好。而我果個德國鹹豬手拼螺絲粉，一定要讚。佢有好多唔同嘅選擇你可以配飯、薯角、意粉或者係螺絲粉。我就揀咗螺絲粉!亮點係鹹豬手，鹹豬手皮厚香脆，充滿骨膠原。肉質嫩滑又唔會鞋颯颯，肥瘦相間。雖然體積唔係好大，但係已經好飽肚。螺絲粉份量勁多,食完勁滿足。最後叫咗凍奶茶同埋凍檸茶，奶茶茶香味濃,唔錯啊！大家lunch有多一個選擇啦！喱間真係好滿足好飽肚。不妨同朋友尼試下!

今日朝早去左荔枝角見工，見完個肚有d餓就去食個lunch。因為我好少黎呢邊，都唔知食咩好，於是我就是但入左間叫Castle Cafe~一入去，見到幾乎爆場，睇黎都唔會差得去邊。我叫左秘製咖喱牛坑腩配薄餅同凍檸茶（$52）佢個薄餅夠香口脆身，沾埋咖喱汁就更惹味。牛坑腩煮得好腍好入味，但咬落一d都唔韌唔黏牙。雖然呢到唔係咖喱專門店，但質素居然出乎意料地好！如果今日見嗰份工請左我，我應該會周不時黎呢到食lunch~

今日 逼住出去荔枝角 俾野我妹跟手上班 當然唔會放過去呢頭揾lunch食la去到紗廠工廈附近 見到有間門口好似唔錯野食menu都幾吸引 ge cafe 入到去 已經人山人海因為咁啱lunch hour間cafe都好多人食 因為食完仲要返夜班唔可以食得太heavy所以我叫左碎旦沙律焗薯+凱撒沙律+一杯凍朱古力等左10 mins野食野飲到了嘩~~~~~好大個焗薯D碎旦都好多好多朱古力到了 首先飲左野先杯凍朱古力 味道有點淡如果濃d就 好 la咁就再試埋野食先當然由沙律食起la雖然好簡單 有 生菜 麵包粒 同 沙律汁但味道都唔錯 size都足夠 至於 主菜D碎蛋沙律 多到傾巢而出而色澤都好金黃 食到一半入面都仲有好多碎蛋而焗薯 size係XL我真係食唔晒 加上個焗薯好熱辣辣 而碎蛋就好凍凍哋一凍一熱 幾種感覺同時在口腔如果你係焗薯愛好者一定要食！！！

本身好鍾意食雞，有時去荔枝角見客，就一定會去CASTLE CAFE叫雞。佢個海南雞飯份量又足，雞又滑，擺出來又四正，你要明白，PRESENTATION IS EVERYTHING，有好多舖頭你柯打海雞飯咩？佢既雞都係貴妃雞來，最多比個油飯就算，完全無誠意。最重要的，係海南雞飯的雞一定唔可以用大肥雞，個D留來拜神啦，咁CASTLE CAFE就完全合格有餘，佢仲要唔貴。即係咁，佢個海南雞飯，你收我行我$198，我會即刻叫個老闆來問佢係咪飲大左，但佢收呢個價，我堅係好驚佢維唔到皮…

今天去荔枝角出差 做完正經野緊係搵好野食😎 行過見到Castle Cafe都算ok好坐 坐低叫左個豬手飯～ 豬手口感適中 唔太淋唔太硬 配埋餐湯同飲品 想係呢區食飯坐得舒服dd 呢間都唔錯～