Caviar House & Prunier

营业中

休息中

今日2019年最後一日，同同事去咗呢間 Caviar House & Prunier，一於對自己好啲豪食一餐。叫咗個 Cappucino 同番茄雜錦海鮮稻庭烏冬，坐響吧枱仲可以有8折優惠，啲番茄湯好足料，絕對唔係馬虎之作。碗烏冬黎到嘅時候，隻蜆仲會郁郁吓，好新鮮，再配埋兩隻大虎蝦，真係冇得頂。

次次入到禁區都係去lounge, 但係食來食去都係嗰啲嘢，今次想試吓其他嘢，行過見到呢間餐廳當時仲猶豫緊入唔入到去食好，因為想睇下仲有冇其他選擇。點知返轉頭入去早餐時間就已經過咗啦，只可以單點其他嘢食。魚子醬加煙三文魚係我嘅至愛，煙三文魚實在太肥美同平時食開嘅三文魚真係唔可以混為一談，配上沙律真係好開胃，再加上一杯champagne, 未出發成個人都已經開心晒。佢哋金鐘太古廣場都有分店，好方便下次會試吓佢哋其他嘢食同魚子醬。

入到禁區，班機delay完又delay，就周圍行下。想飲咖啡但又唔想又飲Starbucks，偶爾間發現原來呢間Carviar House & Prunier除左賣貴價魚子醬同埋三文魚之外，都有賣親民既咖啡 ☕️一杯latte 同一杯macchiato。latte肯定用全脂奶沖，非常香滑。macchiato唔會太甜。兩杯咖啡，配上呢個難得既機場禁區view，靜靜地kill下time，都幾寫意。飲完之後，再食番塊配上既朱古力清清個口(有milk chocolate同dark chocolate揀架!)，delay都無咁嬲🤤

之前經過已經心思思想試，遇上今日班機delay，有時間坐低慢慢食嗌左幾種生蠔，都好好食推介推介仲有成四十字要打，open rice可唔可以唔好至少打八十個字哩個設定，終於夠字數可以post啦

年尾就讓自己放縱一下！咁大個女從來未食過魚子醬 今次去香港機場知道佢開左caviar house 故意預留時間品嚐😻海鮮拼盤非常豐盛 全部材料新鮮 大概有兩隻蠔 兩隻蜆 半邊龍蝦 一對鮮蝦 以及最得我心：拆晒肉嘅蟹蓋 真係啖啖肉 海鮮說不出淡淡的海水味 鮮美無比 配上的醬汁帶絲絲辣 好比一般cocktail sauce🤙🏻至於「主菜」魚子醬 佢就好似飽滿的蟹子 比一般蟹子大顆 未咬時以感受到那陣陣油香 咬破後更試到佢個種鮮味 咸甜甘鮮聚在一起😋😋一大享受 為我第一次食魚子醬留下美好的回憶海鮮冷盤配上香檳 成餐飯可以話完美 🥰最後再點陪咖啡作結！出發去旅行！