Chang Thai Restaurant & Bar (裝修中)

聽住柔和嘅泰國歌嘆泰菜😌呢間泰國餐廳我已經係第三次回訪，之前兩次嚟食都係同朋友慶祝生日😆，覺得食物都唔錯，今次我就同朋友兩個再嚟回味下💥冬陰墨魚餅 $98墨魚餅炸到好香脆，入面有泰色香料同墨魚粒粒，入口好彈牙，味道辣辣地幾惹味🌶🌶💥原條燒魷魚 $168原條魷魚大大隻,，熟度啱啱好，唔會燒得好乾，口感彈牙又爽口💥泰式炒蝦金邊粉 $128賣相幾靚😍面頭有三隻新鮮大蝦，用咗個蛋網包住金邊粉，份量都幾多，酸酸甜甜，好味😋

想食泰國菜又想有靚靚打卡位，今次俾佢個打卡秋千位吸引到，好sharp，影咗好多相，之後再慢慢嘆泰國菜。冬陰功墨魚餅四件$98口感彈牙，辣得過癮，係冬陰功嘅辣味，越食越辣，適合喜歡辣嘅朋友仔。泰式黑椒辣炒牛肉$148分量充足，炒得好香口，牛肉粒仲係多汁，推介。蝦醬肉碎炒飯$98充滿蝦醬味，有果仁、臘腸同青瓜等配菜，兩個人食啱啱好。總括而言唔錯，喜歡餐廳嘅氣氛同打卡位，食物款式選擇多，餐廳嘅職員仲好友善。

泰菜永遠吃不厭🤗今次去咗間位於銅鑼灣樓上泰國菜館Chang Thai Restaurant & Bar一出電梯右手邊已經有個打卡位📸餐廳空間感十足🤗有個好長好大酒吧🍾另一邊仲有可容纳8人VIP房添近窗邊仲有幾張高檯裝潢都幾型格🕺睇吓我地點咗乜🍽冬蔭功海鮮湯食泰菜必點冬蔭功🌶我覺得哩個味道酸辣得黎又夠香喎🤩仲有配料好足🍄有香茅 菇類同車厘茄🦐仲有鮮蝦又大隻又多🤩仲好新鮮彈牙冬蔭墨魚餅 店員送上枱已經聞到好香🤤一碟4大件🔥炸到金黄色夠哂惹味😋吃落裡面仲有墨魚粒口感彈牙🌶沾上泰式醬更加惹味泰式豬肉碎生菜包 同平時出面食好唔同擺盤有心思😍肉碎整成座山咁超大份😂喜歡肉碎都炒得算乾身🤭不過再辣啲就更加好🌶馬拉盞豬頸肉炒粉絲 份量真係好大碟🤩粉絲炒得好香夠哂鍋氣🔥唔會炒一嚿嚿分不開🐖個人口味🤪覺得豬頸肉可以再濃味啲就更加正😋不過吃開不太濃味客人就剛剛好餐廳去到七點幾已經有8成入座氣氛都幾熱鬧🤩食物都夠惹味🔥店員又好禮貌👍出開銅鑼灣一定再來光顧

“馬拉盞豬頸肉炒粉絲”($128)“冬蔭墨魚餅”($98)“泰式豬肉碎生菜包”($138)銅鑼灣The L. Square一向都好多餐廳今次就去咗喺7樓嘅泰式餐廳☺️雖然舖頭面積唔算大但裝飾得好靚💚門口位仲有張打卡吊椅😆呢道食物選擇幾多,價錢又實惠😚我地就叫咗1個主食同2個小食share😝食物好快就到齊哂😍首先主食係馬拉盞豬頸肉炒粉絲🐷大大碟嘅炒粉絲,入面超多豬頸肉🤤仲有三色椒,洋蔥,蘆筍等配料十分豐富整體味道鹹鹹香香咁好正😋冬蔭墨魚餅造型夠哂得意😝中間用支香茅穿住😆4大件墨魚餅炸到外層香脆入面食到唔少墨魚粒,口感彈牙☺️最後仲叫咗我好鍾意嘅豬肉碎生菜包😍啲豬肉碎炒到好香,而且比想像中辣🌶生菜新鮮爽口🥬而且份量夠哂多,3-4個人都夠食😛

銅鑼灣The L .Square有好多唔同類型嘅餐廳/cafe，今次就試咗呢間主打泰國菜嘅餐廳。.🥥 泰北椰汁雞湯 $138雞湯椰香味十足，口感香濃唔會水汪汪，有香茅青檸等泰式香料味道，酸酸地帶少少微辣，層次豐富亦好開胃。雞肉肉質軟腍，其他配料仲有雜菇、車厘茄等等，份量都幾足，最正係用爐heat住熱辣辣！ .🦪 泰式鐵板煎蠔餅 $128蠔餅非常酥脆香口，有蛋香味，口感似炸多過煎，夠鑊氣又唔會太油膩。蠔仔新鮮唔腥，蘸埋魚露同泰式辣醬更惹味。 .🐟 招牌泰式青芒魚 $228原條魚炸至金黃，魚肉外脆內軟，事先已經起好肉，一塊塊易夾起又唔多骨，食得好方便。魚面鋪滿青芒果絲、腰果及酸辣醬料，清爽開胃，滿滿泰式風味，怕辣嘅朋友都食到。.🧋泰式奶茶 $28正宗泰式奶茶味道，茶味濃郁比奶味重，甜度適中。.總括而言：餐廳地方唔算好大，但座位之間空間濶落，氣氛格調幾好。食物款式有傳統泰菜亦有fusion菜式，價錢合理質素亦唔錯，喺銅鑼灣想食泰菜有多個好選擇(＾ω＾).

🦐冬陰公海鮮炒飯🏔豬肉碎生菜包🍽小食拼盤🔸一間裝修靚又好企理嘅泰國餐廳，但啲嘢食又一啲都唔貴，例如我今餐都係$400鬆啲，又好食又多到食唔晒☺️小食拼盤幾有誠意，全部新鮮炸起又好食，蝦餅口感彈牙，春卷多餡料，仲有平時好少見嘅雞棗同泰北腸🤔款式多得嚟份量又足，必叫之選😋🔸到咗主菜，兩樣都有驚喜地出色。豬肉碎生菜包我以為係當一個小食，點知仲飽過個飯，啲豬肉堆到成座山咁，香口惹味❤️都算幾辣下好開胃，整體質素一流；而冬陰公海鮮炒飯都好有特色，有蝦，有魷魚，仲有青口，調味上微辣（無生菜包咁辣），恰到好處👍🏻整體而言三樣食物都好高水準，值得推介🤓

同同事放工去左銅鑼灣食飯～ 我地一行4人決定食下惹味嘅泰國菜～餐廳係優雅泰國裝修嘅餐廳，與藍白色色配埋小酒吧既吧台真心好正～ 坐得好舒適～ 我地叫左超級多嘢食～ 有生菜包肉，冬陰功湯，燒鱸魚，芒果糯米飯，滑蛋炒飯，泰式鳳爪沙律，泰式生蝦，仲叫咗幾個椰青汁～ 生菜包肉真係好好味～ 微辣碎肉咬落好香口～ 生菜好新鮮～ 好正！冬陰功湯好好味～ 辣度啱啱好～ 個湯入面仲好足料Tim!!滑蛋泰式炒飯真係好正～仲有埋臘腸一齊食，又幾特別，可以加埋花生落去增加咬口～ 燒鱸魚好得意，打開左外皮食入面既肉真心好滑～配埋調味料一齊食真係一流！泰式鳳爪沙律爽口彈牙～酸酸地好好食泰式生蝦真係好新鮮好正～ 芒果糯米飯驚喜地好靚～芒果係成個玫瑰花咁上～糯米飯好色彩繽紛，配埋白色既醬料好好味～椰青汁好新鮮好青甜～ 超級正～

位於銅鑼灣駱克道的「Chang Thai Restaurant & Bar」，係一間充滿濃厚泰國氣氛的餐廳🇹🇭餐牌上嘅選擇頗多元化，沙律、前菜、熱湯、飯麵及甜品樣樣都有齊冬陰功墨魚餅一客有四件，墨魚餅炸到金黃色的，裏面有唔少墨魚粒，真材實料，口感彈牙！加咗冬陰功醬料、辣椒及香料等等調味，味道濃郁，充滿泰國風味泰式黑椒辣炒牛肉以鐵板熱辣辣呈上，牛肉粒肉味香濃，加咗三色椒、洋蔥、黑椒等等一齊爆炒，肉粒份外甜美，色香味俱全蝦醬肉碎炒飯賣相一流👍🏻炒飯粒粒分明，乾身唔油膩，帶陣陣蝦醬香～用料充足，有豆角、洋蔥、臘腸、櫻花蝦、豬肉碎等等配料，味道同口感都好豐富

銅鑼灣L.square真係好多嘢食今日去咗呢間食食泰國菜~一入去見到個吧檯，成個裝修都好型格~主菜就揀咗馬拉盞豬頸肉炒絲粉，因為天氣太熱，無乜胃口，所以就叫個炒粉絲，豬頸肉好香口， 口感肥瘦混雜，唔太油膩， 配合粉絲成個菜都唔會太濃味，好岩依家個天氣食😋次次去泰國餐廳都好鐘意食飛天通菜，鐘意佢地夠鑊氣，又辣辣地~啲菜吸曬啲汁真係好正~另外，叫咁個泰式風味單骨雞翼~炸到外層金黃色，炸而嫩滑，入面啲肉質仲好juicy~配酸辣醬滋味~飲品真係要飲龍眼冰，入面都幾多龍眼，而且甜到真係果甜，同朋友一人一杯~當然唔少得 芒果糯米飯~糯米飯上面放滿椰奶，軟糯帶嚼勁嘅糯米飯啖啖滿椰，而芒果甜甜酸酸咁，好夾~整體：餐廳都幾受歡迎，整間都坐滿，上菜好快，好岩同朋友嚟聚餐😝chang thai restaurant & bar🌟銅鑼灣駱克道459-461號The L .Square7樓

真係好耐冇去旅行啦🥲 為咗轉換下心情，竟然比我搵到間都幾有氣氛嘅泰國餐廳🥰 樓上鋪嚟但環境都幾舒服💕 放工同朋友聚會嚟呢度都唔錯🤩泰北椰汁雞湯撈一撈會發現入面都好多配料，有雞肉、蕃茄、菇及洋蔥等等✨ 椰汁嘅味道唔會太濃，加埋番茄酸酸地感覺好開胃好特別🤩雞肉份量都幾多👍🏻 估唔到呢個搭配都好正💕蝦醬肉碎炒飯搭配嘅配料都幾特別，除咗有泰式風味嘅肉鬆、青檸及腰果，仲有臘腸‼️蝦醬炒飯調味剛好，蝦醬好鮮甜好香🤩 辣椒膏炒青口甜椒嘅味道都幾出，仲充滿羅勒嘅香氣，調味唔會太辣，突顯出青口嘅鮮甜✨ 青口份量都幾多，仲爽口鮮甜💕 鍾意食青口就唔好錯過🤙

落大雨都要食好西㗎🥹🥹，去完sogo行街再搵嘢食，今次選擇嘅係泰式🇹🇭餐館，入到去唔似普通泰國餐廳，似係泰國風情嘅酒吧，環境好chill。要尋找泰式🇹🇭風味，梗係要試下泰式猪肉碎生菜包，估唔到咁大份，口感微辣，仲好香香茅味！由於太耐無食，我一個人ko晒呢碟😂蝦醬肉碎炒飯 炒飯粒粒分明，份量都幾多。入口滿滿的蝦醬味，擺盤靚，仲有埋臘腸，臘腸味道好香，同炒飯好夾。冬陰墨魚🦑餅4件第一次試冬陰功味嘅墨魚餅，形狀都好可愛，好似雞髀🍗咁🤣🤣🤣，插住墨魚餅嘅係香茅，所以食落去香茅味好出，食落彈牙又爽口，又有少少辣！超過癮🤣餐廳環境唔錯，坐得好舒服，下次約埋知己好友嚟飲酒就啱晒啦🤣@changthaihk #泰式料理 #銅鑼灣美食 #銅鑼灣泰菜 #sogohk #崇光百貨香港 #美食地圖

好耐無去泰國旅行，特別掛住嗰度嘅美食，約咗一個都幾食得辣嘅朋友一齊去品嚐下泰國美食泰式爆炸大頭蝦見個名咁得意，就叫一個嚟試吓，呢個喺泰國真係冇見過，好特別！大頭蝦用炸嘅方式處理，連蝦殼都炸到卜卜脆，入面既肉都入晒椒鹽味，食落幾香脆可口，配菜有腰果同沙律菜等，用材幾豐富冬陰功海鮮炒飯有蝦、魷魚、青口等數款海鮮，炒飯粒粒分明，充滿海鮮嘅鮮甜，加埋冬陰功，味道豐富惹味！泰式飛天通菜最後當然唔少得泰式通菜，鍾意辣嘅朋友真係唔可以錯過，用咗蝦醬同秘製既辣椒醬，好好食

[ #caloriefoodie銅鑼灣 ]• 𝙲𝚑𝚊𝚗𝚐 𝚃𝚑𝚊𝚒 𝚁𝚎𝚜𝚝𝚊𝚞𝚛𝚊𝚗𝚝 & 𝙱𝚊𝚛 •🐿-銅鑼灣樓上泰菜店 餐廳有用心佈置 座位舒適懷疑有店員係泰國人 個感覺好似haha 即刻好有feel有一個corner area可以俾8-10人聚餐 適合一班人聚下舊餐牌選擇尚多 諗得到必食嘅泰國菜都會有-🍋招牌泰式青芒魚 💰$228超足料 表層佈滿熟透嘅青芒、腰果、洋蔥同青蔥等配料味道酸酸甜甜 充滿泰式口味 而且越食越開胃餐廳已經幫手起肉 所以一塊塊食 食得好方便魚肉炸得剛剛好 表皮似炸魚皮 而內面魚肉依然嫩滑-🌶冬蔭公海鮮炒飯 💰$128比起冬蔭功湯 卡里更鐘意食冬蔭公炒飯感覺就似一碗酸辣冬蔭公濃縮係成碟炒飯入面所以相當惹味 加上鮮蝦、魷魚等海鮮 配搭好好 -🍰斑蘭千層糕 💰$58原本想試椰汁西米糕 可惜當日賣哂好香斑蘭味 而口感較軟糯QQ 一共有四舊-🥥泰國椰青 💰$48巨大size椰青 食泰國菜必點椰青!!椰汁清甜解辣 椰子肉都好滑好好食呢-📍 銅鑼灣駱克道459-461號The L .Square7樓-#caloriefoodie

收工就緊係要搵好野食！上次去L Square食越南野🇻🇳時發現有唔少餐廳選擇🍴，今次就揀咗幾有格調嘅Chang Thai Restaurant & Bar！🌟古法香茅鹽燒魚雖然燒魚要等得耐，唔即燒又點會覺得特別矜貴同好味呢！用粗鹽鋪滿魚身再烤熟，去皮後先好食魚呀🐟！肉質鮮嫩厚肉冇泥味，近魚肚位塞滿香茅、檸檬葉等香料，香氣撲鼻。👧🏻就獨食咗大半條魚勁開心🥳。🌟經典泰式海南雞(半隻)海南雞係👦🏻至愛，今次呢隻海南雞就冇令人失望！雖然煮得偏熟一點，雞脾唔算太嫩滑，但出奇地雞胸質感同雞脾差唔多！雞肉比一般海南雞腌得重口味少少🤏，就咁食/點埋秘製辣汁都好好食！🌟泰式豬頸肉炒飯豬頸肉🐷炒飯整體而言炒得夠鑊氣同夠份量，落咗啲豆角💚增加口感。豬頸肉份量適中，炒飯粒粒分明，係一個表現不錯嘅炒飯🍚。

喺附近玩完就搵到呢間泰國餐廳✨紅咖哩牛肋配白飯 $68都幾多材料 有牛肋 粟米仔 四季豆 咖哩唔辣都幾香👍 牛肋都幾多舊但有啲韌 都有牛味👍 ✨醉貓炒河 $58叫得炒河期望佢會係河粉但點知原來係金邊粉😂 不過食到有啲金邊粉好似未炒熟定點 硬硬地 不過都幾惹味 同埋好辣 🥵🥵 啲辣感係會長留口腔總括黎講呢個價錢呢個質素都唔錯嘅 仲要唔洗收加一👍 環境方面坐得好舒服 星期六去都唔算好多人 可以坐卡位 又可以慢慢食 味道❤️❤️❤️💔抵食❤️❤️❤️💔服務❤️❤️❤️環境❤️❤️❤️💔💰午餐人均～$70