Cheeky Pasta (已結業)

Openrice第一篇食評 每日都食黃店 除咗旺角火之鳥之外最伏係呢間因為日日都喺灣仔返學朋友介紹去試吓呢間本身想食新景園但係佢未咁早開門（個咖喱豬扒飯真係無敵 $80幾係貴啲但係性價比太高）一講起忍唔住post喺度強烈推薦俾大家然後就嚟咗呢間Cheeky見佢晚市無set dinner都驚貴夾唔飽⋯⋯Around $60⋯⋯serve上嚟竟然係一碟六啖食得曬嘅意粉（周圍嘅蚊滋不斷想分一杯羹）見佢小店好似好有人情味咁，問佢「意粉有無可能可以多少少呀？」老闆好好笑容咁回答「加底$32蚊。」我心諗⋯⋯WTF？咁有無得加湯/小食填飽個肚呢？「一杯字母湯$28」（真係飲水機嗰啲紙杯size）「加薯條$44」⋯⋯我計吓條數$60+$28+$44=$132其實老老實實味道係家常standard無suprise而絕對係明碼實價 願者上鉤但係份量之少同埋加底價格之貴真係令我記一世食完之後我係要去怒督$20燒賣先飽到食一個性價比高嘅意粉晚餐其實灣仔區有好多選擇（雖然隔離波士頓餐廳無表過態）老闆三分鐘後收碟嘅時候（三分鐘食曬綽綽有餘）問我飽唔飽我好老實話俾佢聽 唔飽佢拎咗隻碟去洗 再無後話😂我諗多咗所以希望

上網見到有推介呢間鋪仔，本身又係呢邊附近返工所以特登來支持下。其實間野應該主要做外賣，鋪頭前面得四個細位仔，所以lunch時間最好都係叫外賣比較穩陣。講返食物質素，叫左個lunch set 香草茄醬雞扒意配湯$54,佢個湯係蕃茄雜菜湯飲落真係足料煲的，一定好過平時茶記or平價扒餐俾你個種羅宋湯。意粉既話個雞扒真係好食夠入味同無雪味，個意粉底就正常都食到係用原隻蕃茄整個醬汁。老實講$54蚊係灣仔區有呢種質素意粉真係好難搵，佢唔係個種驚為天人好好食既質素，但想係灣仔平平地食o的健康小小有質素既lunch ，呢間值得一試。同埋男老闆好有禮貌，食都食得開心點，抵讚。

忌廉煙肉野菌意粉 & 肉醬肥嘟嘟薯條@Cheeky PastaBacon Wild Mushroom Cream Sauce & Big Fat Chips with Meat Sauce @ Cheeky Pasta味道Taste：4/5意粉調味恰到好處，煙肉蘑菇都非常足料薯條新鮮炸起香脆無比，食落唔會太油，加埋重番茄味肉醬減輕罪惡感環境Location：3/5位於汕頭街，位置方便但店面得5個露天座位，略為擠迫但別有一番風味服務Service：5/5老闆超級nice，同隔離枱個好健談嘅小妹妹傾左好耐，上菜時會溫馨提示小心熱，好有人情味嘅小店價格Price：4/5 $104 - 灣仔地段黎講價錢唔貴，仲有呢個質素！整體Overall：4/5 – 今次選擇保險菜式無失望，下次試下啲特別口味先！

良心小店，老闆超友善，對食客有傾有講，又樂於幫助，有困難的食客，食到我好感動。意粉好味，有彈口，肉丸仲有肉汁，不錯。環保小店，不是膠杯，用不銹鋼餐具，有特色。一定再回來再食

Ordered spaghetti bolognese today and the owner forgot to give me the chicken fillet. Walked all the way to my office and gave me the order. Pasta portion is a little small but I will definitely go back again.Conveniently located in Wan Chai.

在網上看到有電台DJ推介所以一直bookmark起今日經過灣仔區便到此一嚐小店外形是一間鮮橙色的外牆鋪外有幾個坐位供客人使用有點像日本的屋台🤔但半露天的坐位 夏天時可能會較辛苦😅我們點了"肉丸意粉""忌廉煙肉野菌意粉"個人比較喜歡"忌廉煙肉野菌意粉"忌廉濃郁 不像茶餐廳的白汁加入煙肉相當惹味推薦天氣好的時候來午餐感覺相當寫意🎐

之前有報道話呢間會揀客人你serve😏然後我朋友就話不如去試吓呢間，佢想試好耐，心諗係個霸氣老闆🤔去到原來間野好細，要坐室外食野，不過個老闆都冇咩野嘅，都幾Nice。試咗佢嘅推介肉丸意粉，肉丸唔juicy,意粉普普通通。忌廉煙肉野菌意粉，我係覺得個意粉係一般。個忌廉汁唔夠出色，而且唔係好多汁。而且仲叫咗個BBQ燒烤醬雞翼拼薯條，個雞翼都幾惹味。整體來講呢間野冇驚喜，而且好普通。而且價錢相對較貴，因為我覺得意粉唔夠出色。

即使沒有堂食，都要一試。滿心歡喜，拿著袋外賣，找地方吃。找到個完美的地方，有冷氣、舒適的座位、乾淨的餐枱，急不及待打出外賣盒。原來這麼細盒。打開蓋，沒有期待的蕃茄醬。炒意粉上只有少許蕃茄蓉，少得可憐。意粉反光，炒得超油。肉丸咬開，又乾又嚡，不過味道還好。意粉的硬度控制得很好，幾有咬口，但一邊咀嚼，一邊覺得很油膩。用的是乾意粉，這味道並不陌生，茶餐廳出品。努力放慢吃，都只是吃了10分鐘，吃完肚子仍是空空如也。盒底全部都是油。超級失望。

在灣仔區想要找親民系食店, 要多走進不起眼的橫街. 像這間以鮮橙色為主調的小店, 店內位置全屬廚房範圍, 店外位置放了活動桌子種椅子招待堂食的客人. Lunch set 只需$54, 自選醬汁/配料/麵類+飲料或餐湯, 份量很足夠!♂▴ ▾ ▴ ▾ ▴ ▾ ▴忌廉雞排意大利麵 $54• 忌廉醬偏濃,質感較厚, 吃到最後有點膩• 雞排有濃濃的黑椒味▴ ▾ ▴蕃茄忌廉什錦海鮮意大利麵 $54• 海鮮包括: 小蝦, 蜆, 鮮魷魚• 意麵軟硬度適中, 份量很大• 醬汁沒有特色,既沒有忌廉的濃,也沒有蕃茄的酸, 也許是混合後中和了吧▴ ▾ ▴蕃茄雜菜湯(跟餐)• 自家製的蕃茄雜菜湯, 味道偏甜⓼#我在香港吃東西

拎左單張見幾得意諗住試下，但真係好失望。。雖然平，但個quality我俾$54 lunch set 都嫌多個餐湯佢聲稱係abc羅宋字母湯，但我一粒字母都搵唔倒，而且個湯好甜，飲完都幾頸渴下。。講返個意粉，一個字講哂，bland.Pesto cream 只係得大量 cream，非常滯而且要加想像力先會有香草嘅味道。。寡而無味。講完，諗住支持下小店但真係食唔落本身諗住寫個好嘅食評，嘗試為佢影左啲靚相，但都係得個樣🤦🏻‍♀️🤦🏻‍♀️🤦🏻‍♀️一句講哂，冇下次。

Really disappointed in the food. There was barely any sauce or seasoning on the pasta. Would not recommend going, just make your own pasta with cheap ingredients from the grocery store and you would have a better meal. 

這間 Cheeky Pasta 灣仔區內嘅一條小巻。門面小，主打外賣生意。堂食就只有眼前所見面對廚窗嘅四個座位。亦都因此堂食嘅客人都係衝衝來衝衝去。而呢度有多款意大利粉嘅選擇，價錢實惠，而且可以隨意配搭。今次嚟到主要係要嘗試一款經常比香港人誤當為 Carbonara 嘅忌廉煙肉野菌意粉。意粉送到係偏細份嘅一人份。意粉上就如其名滿佈煎香的煙肉塊、蘑菇。而特別要提到的絕對是老闆特意從意大利進口的意粉。面條非常香濃可口，再配上香濃嘅。$60 能吃到如此質素，實在難得。

同 Bae 行過見到幾得意，就坐底試下。坐响街邊，只有兩三個位，對著廚房，別有一番風味！佢哋個 menu 都幾有特色，有啲幾另類嘅選擇，不過我哋今晚就想保守啲，揀咗個自己都識整嘅 Pesto Mushroom Chicken Linguine 同雞翼薯條 share。整體都 ok，不過可能要迎合港式口味，麵就唔係 al dente，pesto sauce 好有 homemade feel，食得出真材實料，不過港女我就鍾意濃味啲，會更出色。雞翼香脆好味，薯條都幾，夠晒熱，食落唔覺油膩，攪到我想再食多幾隻！下次會想試埋佢哋個3款 Cheeky Special，Cream Pea Wasabi，Ring On Fire，Wham Bam Ginger Crème！

無意中發現既小店，意粉叫左香草野菌雞肉長通粉，同埋忌廉煙肉野菌意粉，意粉望似細細碟，但份量足，味道亦唔錯，忌廉汁比較好味，薯條好好食，炸得香脆，個名亦改得搞笑，叫肥嘟嘟薯條，美中不足係位置太少，好快就有人等位，要快食讓座。

真心推介！好味！有心煮野食！舊式料理但改左現代式料理！水牛雞亦，有美國級高級料理店水準！食店簡單又地道！要體會呢份人情味！試左就知架啦！價錢好合理！足料！老闆好好人！正！what a great local Westen foods! Yummy!! Really retro style of old Hong Kong foods! Lovely chefs lovely service! Support Hong Kong local foods! What a yum!!