Cheeky Pasta (已結業)

上网见到有推介呢间铺仔，本身又系呢边附近返工所以特登来支持下。其实间野应该主要做外卖，铺头前面得四个细位仔，所以lunch时间最好都系叫外卖比较稳阵。讲返食物质素，叫左个lunch set 香草茄酱鸡扒意配汤$54,佢个汤系蕃茄杂菜汤饮落真系足料煲的，一定好过平时茶记or平价扒餐俾你个种罗宋汤。意粉既话个鸡扒真系好食够入味同无雪味，个意粉底就正常都食到系用原只蕃茄整个酱汁。老实讲$54蚊系湾仔区有呢种质素意粉真系好难揾，佢唔系个种惊为天人好好食既质素，但想系湾仔平平地食o的健康小小有质素既lunch ，呢间值得一试。同埋男老板好有礼貌，食都食得开心点，抵赞。