Chef's Stage Kitchen (愉景新城) (已結業)

有時候工作太辛苦都想吃一些扒類或者西餐等等，今天走進了一間性價比高的餐廳Chef’s Stage，喜歡吃肥仔Burger的我選了手打美國特級安格斯芝士漢堡配薯條$98（要再加一），全個套餐連飲品玫瑰花茶（凍不用加錢，可走冰），熱飲需要加$3，所以不喝凍飲的朋友可以選走冰。餐湯是甘筍湯，入口不會太濃稠漿口，沙律及牛角包也可以，唯獨牛角包較軟，個人喜歡吃較脆口的牛角包。主菜才是重點，手打安格斯牛肉勁厚切，比一般厚切的更厚，當然不可以以貌取人，心想會不會只是厚但很乾身，吃起來不負眾望，牛肉十分juicy有口感，又不會打牛肉時有碎軟骨夾在內，整個漢堡比時下很多舖頭份量還要多。薯條亦熟厚切及剛炸好的，上菜時仍有溫度，厚切薯條讓人感覺十分滿足。另外，漢堡旁啲酸瓜及酸沙律菜，讓顧客減低油膩感覺，十分貼心。整體而言份量適合兩位女生進食或是一位大食男生。小編吃完也飽到晚餐時段。

🚸愉景新城cafe 同事中意食cafe，所以最近經常去唔同cafe店試。呢間中午幾多人，有點名氣咁。🥚Egg Benedict：蛋黃有流心效果，出色既係荷蘭醬好味，配埋肉腿和鬆餅（豬柳蛋漢堡果種），味道剛好。🥣洋蔥🧅磨菇湯：lunch set 送餐湯、沙律🥗、牛角包🥐和飲品，都幾豐富！味道：🔅🔅🔅新鮮：🔅🔅🔅🔅衛生：🔅🔅🔅🔅分量：🔅🔅🔅速度：🔅🔅

今日夜晚叫咗一個鮮藍蟹肉及蘆筍燴意大利飯配鮮蝦頭膏。 佢嘅蟹肉非常之爽口，好配搭佢個汁嗰個味道係幾好食，間餐廳嘅裝修亦都好好，環境氣氛好好，服務員效率好高服務態度亦都好。

今日夜晚同朋友行開荃灣，比一間裝修幾靚幾有情調嘅西餐廳吸引左入去。服務員態度非常好，一入去就主動帶我哋埋位同幫我哋浸水。我地叫左5道菜🌟前菜鮮芒果及扒虎蝦肉沙律 $128蝦肉彈牙煎得好香口， 表皮微焦，調味適中，好配合個沙律。 沙律醬唔會過多啱啱好。減肥嘅女仔不妨可以嗌呢🤣廚師推介沙律- 紅菜頭香橙青蘋果黑醋沙律 $88 紅菜頭唔腥，有回甘嘅甜味。橙肉鮮甜多汁。唯一覺得可以改善嘅就係黑醋分開相俾我哋自己加，朋友覺得佢略酸。我就覺得ok嘅。餐包 香脆麵包條及香草多士 不得不讚下佢個醬汁，非常配合佢個香脆麵包條，識落有少少事食緊pizza味百力支嘅感覺，仲要係濃郁版。香草多士上枱做到keep住微溫。睇得出佢嘅細心位。廚師推介餐湯 南瓜湯 $58濃稠香滑，飲到淡淡嘅南瓜香，好配合依家咁凍嘅天氣。🌟主菜鮮藍蟹肉及蘆筍燴意大利飯配鮮蝦頭膏 $188非常好食，係我食過嘅risotto 頭三😍每淡都食到蟹肉絲，證明用料唔孤寒。蝦膏味突出，但係唔會苦話者腥。飯粒粒粒分明，又唔會話煮到太軟一pat嘢咁。炭燒美國天然極黑厚切豬胺扒 配鮮薯蓉 雜胡椒汁 $258豬胺燒得剛剛好，唔會過熟唔鞋。真係名副其實嘅厚

趁入荃灣做野，即時諗起晚飯食咩好？晚市沒有薯仔沙律，但普通雜菜沙律都好食，今晚首選我大愛墨魚汁大蝦帶子意粉同埋豬鞍扒，兩款我最愛的晚餐，其次龍蝦尾👍🏻👍🏻十個讚。👌🏻👌🏻

已經係第N次食呢一間Chef’s stage kitchen，一直覺得佢哋嘅水準同環境服務都比較不錯，荃灣愉景新城店都係保持住優雅嘅環境同一貫嘅水準🥰一坐低叫完嘢冇耐已經有麵包籃送到，今日有2款麵包，均配上一款香濃嘅cream sauces，鍾意食麵包嘅好似仲可以無限refill😎秘制美國炸雞翼 $88有5隻，微辣，炸得非常脆口意大利燒烤菇扁意粉配松露忌廉汁 $168極為濃郁嘅松露忌廉汁，完全掛晒喺每一條意粉上面，少邪惡🤤中意黑松露一定要叫炭燒美國天然極黑厚切豬鞍扒 $258今晚主角叫左豬鞍，且測有5cm厚切，grilled得幾靚，一切落去勁juicy，連埋少少脂肪食真係大滿足，仲要配即炸嘅厚切薯條🍟

每次嚟到荃灣，都唔知食咩好，因為真係太多選擇，同朋友最後商量，決定食西餐啦。依間餐廳喺愉景新城，地鐵行過去都唔洗10分鐘，都好方便。環境氣氛，食物質素都好好。服務都唔錯。我最鍾意食佢嘅餐前包點，同埋脆條。牛扒賣相亦相當靚仔，七成熟，岩岩好。性價比高！切開牛扒嘅時候，啲肉汁流出，好juicy，伴住牛扒嘅薯條係粗薯條，好有口感。跟餐點左接骨木玫瑰花茶，好香，可以中和返，消消滯。誠意推介，下次都會再黎！

荃灣依家越開越多漢堡包店，但係如果講整漢堡包整得最出色嘅反而係依一間西餐廳。依間餐廳位於愉景新城，我試過佢唔同款式嘅餐點但係我覺得做得最出色嘅就係依個漢堡包炭燒美國安格斯牛肉芝士漢堡配粗薯條 安格斯牛肉好厚身肉汁又夠多夠juicy，加埋新鮮嘅蕃茄同埋生菜，配搭真係天衣無縫。佢最出色係個麵包，唔會因為肉汁搞到個麵包淋哂，但又唔會好乾搞到好難先擺到入口牛有少少韌但係好有牛味，同埋份量真係好足夠好抵食，睇圖都見到個包切開都好夠份量！佢嘅粗薯條整得幾出色，香脆得黎唔會太油膩，食咗幾次水準都唔錯！總之漢堡包配粗薯條就係天衣無縫啦

同朋友要去荃灣宜家睇傢俬，順道過埋愉景新城果邊睇，睇到差唔多大家都一致想晚餐食西餐見到呢間Chefs stage kitchen 幾有格調，座位又闊落（平日6點半未算太多人，安排左坐張4人枱）一坐低店員就斟水，比餐牌簡單介紹下我地兩個女仔，就叫左一個小食拼盤，兩個主食，兩杯野飲精選小食拼盤（炸雞翼，烤豬仔脾，車打芝士青辣椒，煙三文魚多士，黑醋汁秋葵）$178第一次食芝士青辣椒呢款炸物，真係好特別，青辣椒唔辣夾埋車打芝士好夾，炸得脆卜卜 入面就軟軟芝士 口感豐富卡邦尼長通粉（$148）蛋味，芝味好濃郁，口感十分香滑炭燒美國天然極黑厚切豬鞍扒（$258）嘩！真係無諗過咁大塊又咁厚😮 炭燒得岩岩好，豬肉剛熟，咬落唔會痴牙 淡淡肉，點埋牛肝菌汁真係好好食，好夾😍野飲叫左偽鴛鴦，原味（即係朱古力底再加上咖啡冰磚）咁就唔會變淡 層次幾好，本身飲緊朱古力 慢慢變Mocha 食到捧住個肚走🤣🤣下次都係一人一個主食夠啦😍

行行下街，突然好想食牛扒，於是逼朋友search下附近有咩餐廳可以試吓～打開open rice 一睇就見呢間餐廳好多好評，好日唔出荃灣嘅我，既然嚟到無理由唔試吓。不愧為多好評嘅餐廳，排隊是常識吧，好彩唔算排咗好耐，入到去menu都唔使睇即刻同朋友每人order咗一份牛扒🤤 塊扒味道還好亦唔會話un，我反而欣賞佢個配菜係甜甜嘅南瓜蓉～食完塊扒再同朋友share多件Tiramisu， 個甜品先係今餐重點，好滑好好味，呢件甜品為成餐飯加分不少，食完好滿足☺️

有朋友食過元朗果間，覺得唔錯。所以去開荃灣，就揀呢間黎食啦！🙂富有外國特色嘅裝修，主要係以木為主，有西部牛仔嘅情懷。1. 巴馬火腿及蜜瓜配火箭菜 配黑醋汁 $158首先叫一個頭盤，賣相不暢。自己好怕ham好肥，食到好濟。呢度嘅ham，肥瘦剛好，配上黑醋，就更加開胃。另外，蜜瓜都好甜。2. 意大利烤菇扁意粉配黑松露忌廉汁 $168有黑松露香，烤菇菇味濃，creamy嘅忌廉汁，好掛汁，但又唔好太濃。3. 香草焗原條法國鱸魚 $278好鐘意食呢條魚魚煮得好滑，因為中間夾住檸檬，所以食落好清新仲有香草（應該係羅勒）提升左整體的味道。如果想濃味d，可以點醬汁。4.冰磚鴛鴦 $58特濃咖啡冰磚放係綿密嘅奶蓋上，下面就係奶茶。幾有創意5.Blueberry banana milky $58藍莓同香蕉味平衡得唔錯，仲見到有d藍莓碎。同埋唔係好甜。餐牌

去了南豐紗廠走了一圈晚上便到了愉景新城逛逛走到了Chef's Stage Kitchen的門口覺得環境還不錯，便決定一試餐廳內已有Halloween佈置，頗有氣氛◭黑松露牛肝菌蘑菇濃湯 $68 🅙🅙🅙🅙🅙/5濃郁的菇菌味，愛吃菌類的我很欣賞香滑可口，菇菌碎粒添加了口感但未必每個人都喜歡菇菌類濃湯而我朋友就沒有很喜歡了◭鮮芒果及扒虎蝦肉沙律 $128 🅙🅙🅙🅙🅙/5意外地有驚喜，芒果酸酸的但不是那種死酸的味道，是討人喜歡的那種酸酸甜甜的，很開胃虎蝦肉大大粒的，與芒果沙律很配◭炭燒日本豬腩 $258 🅙🅙🅙🅙/5選配了鮮薯蓉及燒汁pork belly肉質爽嫩，並不是只有肥肉薯蓉濃滑，薯味重，停不了口◭初榨純橄欖油蒜香白酒煮紐西蘭海鑽蜆扁意粉 $188 🅙🅙🅙🅙🅙/5意粉texture剛好，帶點微辣香口惹味，蜆肉粒頗大，鹹鹹香香的◭Blueberry banana $58 🅙🅙🅙🅙/5◭Iced Peach Tea $38 🅙🅙🅙🅙/5⚎⚎⚎Recommendation 🅙🅙🅙🅙🅙/5⚍⚍⚍

要喺荃灣覓食唔係難事，但要決定食咩反而更難😂 今次喺D. Park睇完戲，見到地下有一間望落幾唔錯嘅西餐廳，原來元朗同將軍澳都有分店！店內環境幾闊落，仲換咗少少萬聖節裝飾添。餐前有麵包、沙律同餐湯。比較欣賞嘅係佢個湯，好有菇味同埋幾creamy。💚 Linguine Vongole呢個意粉幾適合鐘意食香口又唔想咁油膩嘅朋友。紐西蘭鑽石蜆嘅份量都算幾多，而且扁意粉炒得幾適中，唔會太腍太硬，仲有少少辣味，配合蒜香好夾！💚 Blue Crab Meat Risotto in Shrimp Paste意大利飯亦都好有驚喜，藍蟹肉好鮮甜之餘，蝦頭膏令到成個飯鮮上加鮮，再配搭埋爽口嘅蘆筍，好有層次感。飲品方面叫咗Mocha同Earl Grey Latte，後者幾唔錯，伯爵茶味好足但唔搶，幾特別。味道: 🌕🌕🌕🌖🌑服務: 🌕🌕🌕🌕🌗環境: 🌕🌕🌕🌕🌑價錢: 🌕🌕🌕🌖🌑－－－－－－－－－－－－📍 Chef's Stage Kitchen荃灣青山公路荃灣段398號愉景新城1樓1056D&1058號舖－－－－－－－－－－－－

我覺得呢間野係大食朋友既福音,因為價錢經濟實惠。叫左兩個SET LUNCH真心飽。跟餐有南瓜湯、牛角包同沙律。食完已飽飽地。牛排餐既配菜係蘆筍,好岩我食呀,好欣賞牛排既油脂份佈,見到佢燒既紋就好有食欲,食完都冇令我失望呀。好味!而個PORK CHOP既份量都好大,真係厚厚既豬排,岩兩人互相SHARE,自製雜排餐。飲品朋友跟餐加錢轉凍既玫瑰花茶,而我就叫左杯橙沙冰。見到呢度連D水都好多薄荷葉,真係好清新呀!

雖然就打8號颱風，不過點都係要去食飯，於是揀咗一間附近嘅西餐廳。呢間餐廳本身都小有名氣，今次趁打風冇咁多人，一於去試吓。餐廳嘅裝修同佈置都好有氣氛，俾人嘅第一印象都唔錯。一入到餐廳，侍應已經好熱心咁幫我哋帶位，值得一讚。我哋叫咗兩份小食，首先嚟咗碟麵包，好香好好食。鵝肝多士係必食之選，特別係鵝肝，煎得啱啱好，配埋隔離嘅沙律就100分了。雞翼嘅調味都啱啱好，好耐冇食過咁夜魅嘅炸雞翼。份量都好充足，六隻雞翼兩個人食都好飽。終於嚟到主菜，我哋叫咗一碟黑松露意粉同牛扒。牛扒七成熟，肉質鮮嫩，配埋隔離嘅薯條，簡直係錦上添花。飲品我叫咗一杯mocha咖啡磚凍飲，成個飲品嘅設計好有心機，咖啡冰塊會慢慢溶，咖啡味會慢慢咁滲出嚟，真係別有一番心思。