CHI Tachinomi (7號碼頭)

营业中

休息中

跟友人於中環參加完音樂會，準備搭渡輪往尖沙咀方向，沿途於碼頭經過此店，被店面吸引，好奇心驅使下，點了一些食品跟友人分享。燒鰻魚飯，鰻魚夠厚身，油脂平均，食落香口夠滑，鰻魚汁唔會太甜，味道亦足。土手燒牛筋煮飯，外表看起來平平無奇反而有驚喜，牛筋入口香滑而且炆得夠軟，土手燒汁滲入熱辣辣的珍珠米白飯是人間美味。老闆推薦的雞肉串燒，手勢好無過火，雞肉保持鮮嫩而且食到有肉香。沒有像坊間某些為了掩蓋雪藏味落過重調味的做法，實屬難得。牛肉串燒 ，用了牛油和海鹽做平衡，入口唔油膩，一定要趁熱食。另外，點左兩杯Whiskey Highball，一杯用日本威士忌「響」調製，而另一杯用近期大熱嘅分子威士忌Lymph Whiskey調製，天氣凍凍地，飲返兩杯，即刻覺得好溫暖。若在匆忙生活中，想稍為慢慢停下腳步，享受片刻悠閒，這裏是不錯得選擇。

早兩日喺中環收工，諗住搭天星小輪過海返九龍，途經中環天星碼頭下邊見到一間新開嘅日式串燒店，令我諗起日本福岡嘅屋台，咁岩又有少少肚餓於是乎就坐低試吓，一試難忘，十級推薦！鋪頭細細但係食物選擇都唔少，同店員傾計佢哋主打串燒同埋飲酒細鰻魚飯，店員係我面前將一條鰻魚擺落燒烤架，係正宗鰻魚店嘅做法就係燒到外皮香脆先交俾客人，配上佢哋嘅鰻魚汁真係好好食，而且燒到外脆內嫩，配上白飯真係十級正食完飯唔夠喉嘅關係叫咗兩款佢哋主打嘅牛雞串燒，留意到佢哋都係即叫即燒，而且調味相對簡單，只係落鹽同胡椒，但係完全食到肉味，而且充滿肉汁唔會燒到太乾身，呢間小型屋台真係十分值得推介

打算搭船過海，知道碼頭開了一間立食日式串燒店，便來一試。點了燒飯團、燒雞皮、雞肉丸、燒菇等東西味道還好的，略嫌飯團未燒得外面焦脆，雞皮再燒久一點脆一點會敢好。吃罷串燒，再點了一客牛根煮，味道很好，用來送飯一流！店員還會跟你聊聊天，輕鬆的吃個飯。唯一不美滿的地方是，旁邊有一眾大媽擺檔唱歌，是晚唱的是小鳳姐名曲，有點吵耳，阻礙用餐心餐。店員對此也感無奈，或許日日都遇上技安演唱會，都習慣晒...如果下次搭船前有空的話，還會再吃牛根煮的。

之前男友因為PMQ嘅Whisky Live活動而認識CHI Tachinomi，因為果時覺得佢地嘅土手燒牛筋煮好好食，就開始同店員傾偈了解下啲食物係到會還是係有舖頭。詳談後知道之後會響中環碼頭開店，因為成日都會搭船嘅關係，所以就留意到佢幾時開張，再叫男友一齊黎食野chill下。我地今次食左牛根煮，鰻魚飯，雞皮同埋香菇。因為我未食過，我估唔牛筋係會切成條狀同粒狀架，食又幾得意，質感比較彈牙，牛味都濃。鰻魚飯好重本，估到小小一碗飯會有咁大塊鰻魚，燒得剛剛好，醬汁都好好味。串燒雞皮好脆好香口，不油膩，開頭會覺得等好耐，但原來要燒10分鐘先做到呢個效果，值得等。串燒香菇燒出來其實無燒過果種感覺，水感比較重，但好香。呢度有個跳字機計facebook like同ig like，當你like完約一分鐘，就會見到佢跳字，unlike都會減返條數，好有趣。