影片
港铁北角站 B1 出口, 步行约3分钟
继续阅读
电话号码
59813224
营业时间
今日营业
11:30 - 21:30
星期一至日
11:30 - 21:30
公众假期
11:30 - 21:30
公众假期前夕
11:30 - 21:30
以上资料只供参考，请与餐厅确认详情
放工同丫妹做完gym, 饑餓感爆燈, 係附近兜咗個圈, 比我地發現咗呢間主打炸雞嘅韓國料理餐廳, 正好我們二人都熱愛食炸雞, 就吸引咗我地入去試試。餐廳乾淨企理, scan QR code落單, 全日免加一, 除了炸雞外, 還有一些主食, 例如韓國飯卷、炸醬麵、魚糕、年糕等等.... 所有炸雞仲要係無骨, 可以放心啖啖肉入口, 而且口味款式都幾特別, 第一次黎當然想試多d口味, 所以就揀咗個四拼炸雞set, 可以自選心水口味炸雞。 韓滋樂四拼炸雞: 每件炸雞切成剛好一口一件的size, 即叫即炸, 香脆不油, 肉質幾嫩, keep到些少肉汁, 配上不同調味, 更有驚喜!蜜糖粟米雪花炸雞: 味道香甜輕盈, 食落唔會覺得過份調味, 不過唔見有粟米芝士雪花炸雞: 鹹甜芝士雪花令炸雞更邪惡美味, 可能係芝士粉關係, 做到點到即止, 唔會好濟。乳酪洋蔥炸雞: 炸雞皮稍吸了幼滑奶酪嘅乳酪醬, 配上爽脆洋蔥, 很健康。咖哩皇炸雞: 咖哩香甜, 很惹味。炸醬麵:size好大碟, 炸醬足夠撈起成個麵, 麵條偏林, 食落好漿口濕滑, 味道鹹甜不會重口味, 夾集了肉碎、青瓜絲、盡索咗汁醬嘅洋蔥, 令口感有層次。烤牛捲飯: 食材比例比飯多, 卷得偏鬆散少少, 卷了牛肉、青瓜、紅同埋黃蘿蔔, 再加上芝麻, 層次好豐富又香口。弘大玫瑰炒年糕:玫瑰醬原來係韓式辣醬加忌廉, 個汁creamy, 忌廉味重, 不過就唔覺辣; 年糕口感煙韌, 仲配有韓式粉絲、香腸、煙肉、椰菜...水蜜桃梳打: 果香味濃, 清新香甜。 西梅汁: 微酸, 既解喝, 又可以幫助消滯
继续阅读
炸雞：雞塊大大件，輕盈版都有200gram，大約6件。炸粉厚度適中，配上唔同醬汁有唔同風味，其中點咗甜辣同黑蒜味。兩者各有特色。甜辣比較易入口，甜得黎唔會太辣。黑蒜較香口惹味。壽司：點咗蟹肉同豚肉壽司，蟹肉食落比較清新，豚肉經過醃製，非常入味。壽司飯粒鬆軟，經人手卷製，有空氣感，味道唔錯。泡菜煎餅：食落泡菜味香濃，煎餅亦唔會太油膩，幾香口。魚餅年糕： 食咗咁多重口味野，當然都試下清淡d既菜式啦，年糕煙煙韌韌，魚餅幾軟熟，果然唔錯。
继续阅读
今日趁住放工喺附近食個方便晚餐😋主打韓式食物味道不錯🇰🇷款式多價錢抵食CP值不錯❤️⭐️ 韓滋樂四拼炸雞 🍗可以一次過叫晒四款口味嘅炸雞🥰 個人比較喜歡香蒜醬油口味最濃郁🧄甜辣醬嘅味道好正宗🌶️ 另外乳酪洋蔥嘅味道就好Fresh🧅 芝士雪花嘅味道就較香口❄️⭐️ 炸醬麵 🍜炸醬麵濃郁帶肉醬香🥩整體口味好道地⭐️ 烤牛捲飯 🍱份量超級豐富🩷而且牛肉味濃食落唔會太大負擔😊⭐️ 泡菜煎餅 🫔口感煙煙韌韌又有泡菜嘅惹味🤪食落好開胃⭐️ 燒酒 🍶容易入口唔會太過濃烈🍻配上炸雞平衡返油膩感岩岩好
继续阅读
北角其實有好多小店，當中就有一間比較新嘅韓食叫Chicken Chiko，真係有啲驚喜！呢間小店主打炸雞，但每一口都令人回味無窮。首先，炸雞外層金黃酥脆，咬落去即刻感受到肉質嫩滑，多汁得嚟又唔覺得油膩。每隻雞翼同雞腿都炸得剛剛好，連骨頭都咬得出味。店內環境簡潔但溫馨，服務員笑容可掬，令整個用餐體驗更加舒服。最值得一提係佢哋嘅醬料選擇，多到你唔知道點揀先好。特別推薦佢哋嘅辣味醬，同炸雞嘅配搭絕對係絕配。雞肉之外，Chicken Chiko仲有一啲小食選擇，例如炸薯條同沙律。味道都唔錯，尤其係炸薯條，外脆內軟，食完仲想再添多一份。整體嚟講，Chicken Chiko提供一個輕鬆愉快嘅用餐環境，同時有美味嘅炸雞同出色嘅服務。無論係約朋友聚餐定自己一個人去，都係一個不錯嘅選擇。下次去北角，記得試吓！🍗😋
继续阅读
無意中發現咗間幾好食嘅韓國炸雞想同大家分享吓。間舖位於北角新都城隔離小巷kfc隔離，咁啱夜晚行過見到冇乜人唔使排隊，所以入咗去試吓（其實都有啲人喺度等緊外賣）。入面都算新新淨淨，幾闊落。嘢食方面裏面都唔係剩係得炸雞嘅，咁我哋就嗌咗兩款炸雞，一個辣年糕，一個紫菜包飯同埋泡菜煎餅。炸雞都有幾多款口味，我哋嗌咗推薦嘅洋蔥忌廉炸雞同埋火辣炸雞。兩款都好食，外皮脆但入面雞肉都幾鮮嫩，尤其係洋蔥忌廉炸雞，醬汁調得好好食，而火辣炸雞就幾辣下，唔食辣嘅人可能未必會食到。兩款都有配沙律菜，連埋炸雞一齊食啱啱好。同埋想讚嘅係佢除咗Regular size仲有得揀baby size，咁就可試多幾款口味。不過baby size其實都唔算細，都有6 /7 舊。年糕方面，嗌咗carbonara味辣年糕，個汁夠濃，忌廉味幾出，加埋少少辣味，唔錯。裏面仲配咗啲韓式粉絲，連埋汁食非常之好食。紫菜包飯份量超好足料，又大條勁抵食。最後泡菜燒餅就正正常常，覺得冇乜特別。嘢飲就嗌咗兩杯梳打，都係正正常常，不過都算幾大杯。總結下，覺得而家韓式小店味道同埋份量方面可以話係高於平均，但佢價錢方面真心唔貴，所以真係幾抵食。我自己就應該會再覆桌，試埋其他炸雞口味。
继续阅读
您可能会有兴趣的...